|
مليت ودي أعرس لكن فيه سؤالين
السلام عليكم جميعا ورحمته وبركاته مساؤكم / صباحكم رضى وسعادة .. باختصار أنا رجال ودي أعرس بس به حصاة كبيرة واقفة بطريقي ألا وهي : إني من طلعتي ماعمري سافرت إلا نادر جدا جدا مثلا / مكه لي تقريبا فوق عشر سنين ماطبيته ، الرياض كل سنتين أروح مرة بس ويوم وأنا راجع وبقية مناطق المملكة ماعمري شفتهن ، هذا طبع بي إني ما أحب أسافر، عيشتي بالقصيم بس يعني لو بسافر ما أدل شي أبدا طبعا ..!! السؤال ؟؟ س / هل فيه بنت تقبل واحد ما يسافر به بعد الزواج ؟ س/ هل يعتبر السفر شي لازم بعد الزواج ؟ لأني ودي أعرس لكن منحرج من سالفة السفر لأني ما أدل شي أبدا .. فيه مشكله لو أعرست وتمشينا بالقصيم بدون سفريات ؟؟ أنتظر ردودكم بفارغ الصبر |
اكييد البنت تبي سفر لشهر العسل مثله مثل غيره
وفيه بنات مايحبون السفر بس اعتقد ناادر اغلب البنات يحبوون السفرات والطلعات وتبي تماشي قريباته وصديقاته لو بالبدايه قالت مااحب السفر بترووح تشوف وش شافوا صديقاته بالمدينه الفلانه والدوله الفلانيه وبإمكانك بعدين تعود على السفر ولازم بعديين انك تسافر من شان عيالك يبون سفر وترفيه واما مشكلة انك ماتدل سهله تابع اللوحات وتدل ماتبي شيء ومع كثره السفرات بتصير تدل ماخلق الانسان متعلم |
طيب انا عندي لك حل
ليش ماتسافر الحين وتتمشى قبل ماتتزوج وتصير تدل لو مدينه وحدة.. |
تزوج ياخوي الله يوفقك .. انت مافي بنت راح ترفضك .. ياخوي سليمان السفر بعد الزواج ضروري ضروري ضروري .. لانه يزيل جميع الحواجز فيما بينهم .. ويقرب العلاقه اكثر فاكثر .. وتستطيع من خلاله التعرف على اشياء كثيرة بالمراة .. يمكن تحتاج شهور عشان تكتشفه بدون سفر.. ياخوي سليمان السفر مايبي دلوله الله يرضى عليك .. انت اذا رحت لاي ديره اول حاجه تسويه تبحث عن فندق فخم .. والفندق هذا اكيد بيكون في موقع استراتيجي .. واذا سكنت بالفندق وريحت .. انزل بوقت مناسب وتمش انت والبنت بالاسواق .. وراح تستاااااانس قوووووه .. بالتوفيق اخوي .. |
اقتباس:
هذي لاهي حصاه كبيره ولا شي كثير من الشباب اللي مثلك وشرواك مالهم بالسفريات وتزوجو وتسهلت امورهم واذا على شهر العسل الحين المكاتب السياحيه توفر لك كل شي اعقلها و توكل بس : :41 واذا تبين اخاويك بشهل العسل كمرشد سياحي تراي جاهز انا و عزبتي :d |
:116:اللــهـ يوفقـــــكـ يااخوي بس خذ في بالك ان البنات مو زي اول تطووورو يبون برىا المملكه بعد والله يعيدنك عاد
|
الله يسهل دربك ويوفقك .. والجميع ان شاء الله
والفال لي :bad |
يعني عدم حب الزوج للسفر صار سبب يرد من أجله ؟؟ فيه أشياء أهم وأهم وأهم بكثيييييييييير , للأسف إذا النظرة للزواج أصبحت بهذه البساطة , .. |
أحسن شي تساافر بالطيااارة واذا وصلت الليموزين يكفي ويوفي..
وفي موااقع بالنت (أفضل من المكاتب)تفيدك بالسيااحه ودون بدفتر الفنادق والاسواق والأمااكن الترفيهية بس قبل اختاار المدينة اللي بتسافر لها |
نالا << ما أقول إلا الله يعين .. شكرا لك
عطشانه دم << بصراحه حل يعتبر معقول جدا .. شكرا لك وناسه << بيض الله وجهك ماقصرت .. وفقك الله GaLi aLaThMaN << شرواك الطيب .. أخاف إنك مرشد سياحي لمناطق الخبوب .. شكرا لك شمس الوداع << هذي والله المشكله ليتك مارديتي .. وفقك الله |
اقتباس:
|
س / هل فيه بنت تقبل واحد ما يسافر به بعد الزواج ؟ احس شي اساسي يعني لازم السفر كتغيير ... س/ هل يعتبر السفر شي لازم بعد الزواج ؟ نعم نعم نعم |
س / هل فيه بنت تقبل واحد ما يسافر به بعد الزواج ؟ ماأتوقع فيه ولكن ذلك ليس حاجز يمنعك عن اكمال نصف دينك س/ هل يعتبر السفر شي لازم بعد الزواج ؟ مو معقوله مافيه سفر أبد أهم شئ الأخلاق لو تاصل عنيزه وترجع الله يسعدك ويوفقك ويرزقك الزوجه الصالحه دمت بخير |
فيه بنات يعرسن عشان يسافرن شهر عسل :d.. يعني السفر ضروري جدن جدن .. |
الله يجزاك خيـــــر موب رادهـ مره ثانيه :106:
|
الله يوفقك
والحصاة هذي صغيره مهب تسسبيره |
أذ بتسسسآفر برا رآح يكون فيه مرشد سياحي من نفس الفندق اما دآخل السعوديه ماحس انك تبي تضيع ولا اقولك احسن شي اكشت به |
ياخي تزوج والتمشيه عادي خلها تتمشى بالبيت.... أو صح بالبيت ما أدل..
أو خذلك وحده ماعمرها طلعت من البيت وخذ بها فره ع الدايري ومر من عند العثيم والنخيل بلازا وقل ترى حنا بأبها.. |
احس ان علوم الرجاجيل تنزل تدريجي مع كل نزول موديل جديد من الاوادم وهذا شيء استنتجته من ردود الادميات الي قبلي كان هم الزواج اول اكمال دين وطلب الستر اول اذا كان الرجال يسافر داخلي يتم رفضه الحين تغيرت الدنيا صار السفر شرط البنت الاساسي لا وبعد يحصلك خصومات اذا صار عندك خبره بالسفر اقول ... الله يعينك على هالحصاة |
:
اقتباس:
:eek::eek::eek::eek: :confused::confused: |
.. ربي يوفقك ياخوي .. .. توكل على الله الزواج مو اساسه السفر .. .. بعدين اللي يسال مايضيع ابد والوحات ماليه البلد امش وخلها على ربك .. .. يمكن ربي يرزقك بزوجه تعرف الاماكن .. .. انا زوجي ربي يحفظه ماله بسفر ومن النوع اللي ينسى .. وكنت انا دليله في شهر العسل والحمد لله لاني قبل كنت اسافر وحفظت كل شي الطريق والمحلات .. .. |
مو حصاة ولا يحزنون, ترا كلمة "لا, مافيه سفره" سهلة جدا. اظن اختفت "لا" مايقولها الزوج لـ زوجته. لك تحياتي |
جعل ما تصير حصآتي إلآ ذي .. :113:
اعرس وقل له السفر قطعة من العذآب :113: |
يأخي اذا بتفكر هالتفكير ""مااراح تتزوج ........
حصاته كبيرة ولاحصاة صغيرة ....... قلها بعد الملكة ترانا محنا بمسافرين ..بشهر العسل ...بيصير ببريدة على انه أحسن السفر ...تصير متفرغ لهاوتعرفها بسهولة .......... يأخي رح قبل لمكة والطايف ....ودر ولف كل شوارعها زين >>>>ولاتخلي هذا محط تفكيرك ............أهم شي العشرة الحسنه .......................تقبل مروري |
راح اقولك..تجـــــــــــــــــــــــــربه حيه... اخوي تزوج مايعرف يعتب غير بريده.. اول مره سافر مع زوجته راح مع صديقه..طبعا كل واحد بشقه..بس اذا ابغوا يتمشون يطلعون سوى.وبامكانك.. تسويها ..تروح مع صديق لك.. ..المره الثانيه سافر مع اخوي الثاني .. والان صار سياح بكل ديره مشاءالله..يعني صار خبير.. اخوي الثاني اول ماراح..بدأ بالرياض..وشوي شوي تعود.. الخلاصـــــــــــــــــه.. اخوي لاتشيل هم.. ولاتكبرها تكبر.. بامكانك تسافر للرياض الحين قبل الزواج..ثم على الدمام..يعني تسوي عملية اكتشاف مسبق.. وحبذا يكون معك احد دليل ومجرب .. الشئ الاهـــم..ابشرك بشاره تهبل..الحين فيه قارمن حتى بوسط الديره.. يعني مثلا تروح للرياض..الدمام..او اي منطقه..تكتب بالقارمن ..الشاليه والسوق التي تبغى ويعطيك الاحداثيات.. او تستخدم خريطه..مثل الخواجااااات هههه وعلى فكره السفر..تجربه رائعه..خصوصا للعرايس..منشان يتعرفون على بعض اكثر..ويجبرهم طول الطريق والسفر على السوالف .. |
اذا كنت ماترغب السفر ( شي نفسي ) ( مالك خلق تسافر )
ما اقول الا الله يختار لك الخيرة الطيبة وعسى المانع خير وتبي توفق باذن الله .. ================================================== ==== واذا كان عندك رهبت من السفر وتخاف ========= تزوج واذا سافرتوا انت وزوجتك خذ اخوك الكبير يجسركم واذا كنت انت ( اخوك الكبير ) خذ ولي امرك . ( وذا كنت انت ولي امرك خذ احد اكبر منك ) ================================================== ========== البنات يبن رجل يسعدهن ويونسهن ويمشيبهن لاتردد اجزم بلا حجر بلا رخام والسفر زين ................ توكل على الله وربك يفرجها.... |
[center]يوسف * لاتخاف لاحقه البنت على هالكلمه اعوذ بالله منكم والمين ! [/center]
يارب مااطيح بواحد من هالنمونه سليمان * اذا بتسافر بربوع بلادي سافر قبل الزواج ع شان تاخذ فكره>> افضل حل والسفر برا مش لازم بايام الزواج اتركه بعدين الايام طويله ..... |
أتوقع ما بكـ هو فوبيا السفر (: بعض الرجال يخاف من السفر إذا أصطحب معه إمرأه يحس أن السفر مسؤليه أكثر من هي نزهه ترفيهيه السفر,, شي ضروري من ضروريات الزواج وليس أساسي لكن عندما تقول لها أول الزواج لن نسافر سوف تسكت الزوجه ولكنها ستهزبك طول عمركـ لأنكـ لم تسافر بها شهر العسل وأنا اظمن لكـ أن نظرتكـ ستتغيرعن السفر بعدماتعود من شهر العسل |
[QUOTE=هنـادي;2782384] [center]يوسف * لاتخاف لاحقه البنت على هالكلمه اعوذ بالله منكم والمين ! [/center]
يارب مااطيح بواحد من هالنمونه ـــــــــــــــــــــــــــــ آمين يا رب العالمين. |
Gnon : آآمين جزاك الله خير انكسار الاماني : ممكن لو أروح أخطب وأقول ترى شهر العسل بالديره يتم الرفض !! أليس ذالك عائقا ؟؟ بنت السفير : شكرا لك كلاسيكي بريدة : شكرا لك مافيه شي اسمه محال : وفقك الله نبرة شجن : إيه هذا الكلام اللي يشرح الصدر .. حفظك الله شمس الوداع : آآسف بريق الألماس : والله ياليت ماتصير تسبيره بالنسبة لي .. شكرا لك ياليت : والله ياليت البنات يرضيهن كشته ولا سفريات .. وفقك الله فتى سلطان : أشم ريحة شماته .. لكن يالله مشكور من الجماعة : آآآمين يارب وعساه ماتطيح بطريقك .. وفقك ربي يعجبني تفكيري : شماته بلون آخر .. عموما شكرا لك انكسار الظل : وهنا إجابة تشرح الصدر أيضا .. حفظك الله يوسف السراي : والله ماظنيت تكون سهله أخاف أجرب وأتوهق لماح : شكل حصيانك كثار مير الله يجيب عجاج يقشعهن عنك .. وبعدين العذاب منول مهوب الحين سياره ومكيف يعني مالك عذر.. وفقك الله أطوي جروحي بضحكتي : جوابك عين الصواب .. بارك الله فيك خمائل مختاله : ما شاء الله إجابه شافيه ماخليتي شي .. جزاك الله خير حربي عابر دربي : ماقصرت وبيض الله وجهك هنادي : ماقصرتي شكرا لك عزتي في عفتي : هذي والله المشكله .. وفقك الله |
اقول ماتبي اختي ؟
نفس مشكلك تكره تبعد عن بريده حده أذا طلعت من بريده يومين بالكثير قايلتن له شكلك بتاخذين واحد مايطب الديره ويلف جميع دول العالم |
السَلآم عليكم الحمدالله غيرنـآ يتمنى الصحه والعافيه (h) ولو كان تفكير كل البنات السفر صدقني رآح نسجل أكبر عدد للعنوسه بالعكس كثير من البنات اللي أعرف شهر العسل بغرفه بالسلمان :d وماشَـآء الله عـآيشـآت أحلى عشيه الله يتمم عليهم (h) حتى منهم بنت عمي أخذه أكبر ولد تـآجر ببريـده وماعمره تعدت القصيم !! توكَل على ربك وبالعكس أذآ خبرت أهل الزوجه أنه مافي سفر مو شهر عسل لآن السفر مايرتبط بشهر العسل ., مَـآتوقع بيرفضون ـ كل التوفيق ,‘ |
إذا كانت تحبك ماراح تطالبك بسفر وأنت أشرحلها أنك ماتحب السفر وأكيد أهي بتقدر ظروفك أهم الشيء بزواج الاحترام والتفاهم
|
أنت قول لهـآ الصرآحه .. بس والله السفر حلو ..
أتوقع لو تروحون بالطيآرة ومثل مـآقآلوآ الليموزين يكفي ويوفي وعلى فكرة [ السفر جوآ المملكه قديييييمه ] هههههههههه يبغون برآ .. يعني الله يعينك من قلب |
يازينك :d أجل العائق عندك السفر؟
لكن الله يوفقك ياخيي وترى مهب شرط أساسي إنك تصير خبير، ومهب شرط إنك تسافر. يعني سدد وقارب، حاول إنك تسافر لكن مهب بكثرة مثل بعض ناس. أعرف أحدهم حتى الأسبوع يسافر فيه، ويسافر سنوياً قرابة ست إلى ثمان سفرات. وفلوسه كله خلصت بالسفر، والمسكين للحين ما تزوج وتعدى الثلاثين. والسفر لاعب فيه لعب، ولا ودي أحط بذمتي شيء :). |
اوووف ما في احد بالدنيا يدل كل شي
كلنا نهبع واحسن شي انك تعرف تستخدم الانترنت كل شخص قبل يسافر يسوي له جدول مثلا بتروح لماليزيا تدخل موقع المسافرون العرب قسم ماليزيا وتسجل الاماكن اللي انت تهتم انك تروح لها مثلا اول ثلاث ايام في على شاطئ هادي بعدها تطلع لمدينه مثل العاصمه تنوع بالمطاعم اماكن تمشيه كالمعارض الحيوانات البحريه وحديقه سفاري وبرنامج تسوق تختار وش المجمعات اللي عجبتك بالنت ورح لها والا مكاتب السفر يسوون عروض سياحيه للمعاريس برنامج 15 يوم حاجزين لك كلللل شي من الى انت توكل على الله ولا تردك الاشياء الثانويه |
من جهة اخرى ترى بعض الاحيان البنت تجزمك
خصوصا لما تكون قد راحت وايا اهلها ومهب منطق انك لما تروح تخطب تتكلم بشهر العسل ما يحكى بهالامور الا بعد الملكه وتكون بالاتفاق بين الرجال والمره وديه وانا متأكد ان البنت راح تتفهم وتبحث لك عن حل يرضيها ويرضيك |
هــــذا عائق >>> :oo
أجل غيرك وش يعوقهم !!!! |
الله يرزقك الي تسرك لكن ماأحس انه عائق لأنك راح تتغير بعد زواجك كثييير مثلك كانوا بيتوتيين بشكل يوم أعرسوا ماتمر سنه الا لهم سفر برى المملكة , ومافيه ديره ما سيروا عليها ,,أما من ناحية ما أدل !!!صعبه شوي لا تقولها ما أدل !!ليش برى المملكة تلقى بنفس الفنادق اذا طلبت مرشد سياحي ,,وداخل السعودية تلقى الوحات الي على الشوارع ماتقصر ,, لكن أنتم يأهل بريدة متقوقعيين داخل بريدة والله لوا تجربون العيشه برى القصيم كان ماترجعون لها ,, ويأخي شف السواويق ما يمر أسبوع الا حافظين المنطقة كامله وهم ماقد جوها ..بس أبشرك راح يتغيركثيير من مبادئك بعد الزواج ...الله يوفقك
|
شوف محد طلع من بطن امه متعلم..
وبعدين الله يجعله اكبر مصايبك خيوو.. شوف انت حدد منطقه وحده لانك منت راعي سفر مثلن الشرقيه مرره حلووه واسائل اصدقائك واقاربك عنها وايش الاماكن الزينه وموقعه ,وسجلها عندك ,,المولات اهم شي ههه ..,..والحمدلله.. مو عيب كثير مسوينها .. الله يوفقــــك تحياتي ودعانيهـ.. |
شامخة بذاتي : والله مهيب شينه :p وعلى ماقالوا [ وافق شن طبقة ] !! شكرا لك .. جناح حلم : والله يوم شفت ردك إستانست ،، أثر به ناس مثلي :d رعاك الله .. مابوه نك : وأنا وش يدرين إنه تحبن والا لا ؟ ،، وفقك الله E7sas morhaf : الله يعين الجميع .. شكرا لك الصباخ : ياحبيلك يالصباخ والله يوفقنا وإياك (f) ، إي والله العايق عندي السفر ، والا ولله الحمد مغنين الله ،، وبعدين قل لرفيدزك يشري له أرض يمسكن دريهماته لا يضيعن بالسفر :d .. وفقك الله فارس : ردك الأول يبي له نفس طويل ، خلنا الحين بالسعوديه والسفر برى يجي له وقت إذا الله أراد ، أما ردك الثاني يعني لا بأس معقول .. أسعدك الله a m2aa : نروح ونرجع للشماته .. بارك الله فيك البيان : آآآآمين واياك وكل مسلم ، حل منطقي .. أسعدك الله ودعانيه : تقريبا هذا إلى الآن هو الحل المناسب .. رعاك الله |
أجل هاذا حصاه عندك ليتها عند اخواني بعد هاذي الحصاه !!! ولاغيرها !!!
الامر سهل وهين جداا أخي مو لازم تمر المناطق كلها ومو لازم خارج المملكه 00 بس اعرف طريق مكه والطائف أو أبها رح هنااك واستانس انت وأهلك وبعدين اللوحات اتوقع تكفي للدليل ياكم مره سافرنا واحنا الدليل لنا لوحات البلديه |
أول شي توكل على الله وابحث لك عن بنت محافظة ومن عائلة محافظة والباقي سهل |
الفقيرة إلى الله : المشكلة الحين يضحكون عليك الناس لا قلت شهر العسل بالسعوديه ،، صار شهر العسل برى السعودية موضة وتفاخر بين الزوجات ،، وأنا ماودي أظلم البنت وأخليه شماته للناس وأنا السبب !! وفقك الله
أبو رائد : أنا ماقلت شي تبي تسهل الأمور إن شاء الله ،، لكن ماتسلم من الناس يقولون أعرس ولا سافر هو وزوجته لأني أعرف واحد تزوج وحده تقرب لي وراح للطايف وضاع ويومين وهو راجع وإلى الحين لا جلسوا الحريم يقولون فلانه راحت هي وزوجه للطايف وضاعوا ورجعوا .. وفقك الله ورعاك |
الله يزوجك أخ سليمان بنت الحلال اللي تسعدك وتهنيك وتقدر ظروفك عن قريب
|
اعرس وتوكل على الله والله يوفقك
|
خخخخخخخخخخ
هذا مو عذر والله ابد |
الرجل بأخلاقه ودينه والباقي يهون |
حتى انا مادل مثلك :113::061:
بس معليك بنات الايام اهم شي توديها اهلها سوق ( كل الحركه داخلي) :d وترا به بنات والله يدلن يارب تطيح بوحده منهن . الا ماتخبرلي وحده تتتزوجن بدون مهر . :d |
شف ياأخوي سافر برا تدري ليش ؟؟؟ لأنه شي طبيعي ماتدل لأنه مب ديرتك وأي واحد يروح برا ترا مايدل يمشي ويسأل أتمنى لك التوفيق .... |
اللـه يوفقك أخوي .. بالنسبة لسوألك الأول : على حسب شخصية البنت فيه بنات يحبون السفر وفيه بنات العكس .. سوألك الثاني :اتوقع انه شئ لازم كتغيير وترفيه فـ مكة و المدينة فيها الخير والبركة وأنا رأيي مثل رأي عطاشنة الدم : تسافر وتتمشى قبل الزواج بالتوفيق ..:)
|
احسك من صدق وصديق.. وأنت قاعد تحاول تطمر هالحصاة ومانت قادر لكن يابعدهم.. فيه وانا اخوك اشياء كثيرة اهم من السفر واهم شي انك تختار ناس مثلك وشرواك.. يعني انت ماتحب السفر.. فيه بنات بعد مايحبن السفر وبتسذا يصير مافيه حد أحسن من حد .. ثمن ان السفر وش يبي..؟ اكيد تعرف تمسك الدركسون .. وتدوس بنزين.. وتخلي السيارة تمشي.. واذا بغيت تحول تفتح الباب.. يعني السالفة لو لقيت بنت حلال وذفة وذربة وراعية سواليف وتبي تتحضن لك الزمزمية وماغير تصب لك وتقهويك فاكيد تبي تمشي وانت ماتحس واذا على الدلولة.. فالقارمن يقوم بالمهمة.. وتقدر تركبه بالجوال ببلاش اذا كان جوالك من الجيل الثالث او تشري قارمن نوفي بسعر 400 ريال ويوديك ياشيخ لو تبي دريشة غرفة بيت جيران عمارة بجزر الواق واق وترى اهم شي الاخلاق وانت راعي صلاة وعلوم سنعة والا ....؟؟ |
مابوه نك : جزاك الله خيرا على هذه الدعوات المباركة ولك بالمثل إن شاء الله .. البقاء لله : إن شاء الله تروح العقدة من السفر وأعرس .. أحسن الله إليك كتكوته : عاد قدر الله إنه يصير هذا عذري .. شكرا لك سامي بريدة : كلامك لا غبار عليه ولكن ياليت قومي يعلمون .. أثابك الله وسدد خطاك Sultan1 : اللهم آآمين .. خابرن لك وحده عمره خمسين ما أبطى ميت رجله الله يغفر له كانك تبيه بدون مهر عطن خبر :d .. شكرا لك الوردة الحساسة : الحين خليناعلى ماقالوا بربوع بلادي وممدينا على برى إن شاء الله .. وفقك الله سويتز : اللهم آمين وإياك وكل مسلم ، وإن شاء الله أطيح لي بوحده ما تعدى الخبوب :d .. رعاك الله مدير دبرة : شرواك الطيب أخوي الغالي ، لا تخاف أول من يدخل المسجد أنا [ اللهم لا رياء ] (f) .. شكرا لك ووفقك الله |
الله يسهل امرك امييييييييين
|
يارجال انت اذا اعرست واخذته مب لازم تسافر . وش راح تسوي يعني اذا ماسافرت تقبل ولا ماتقبل
|
س / هل فيه بنت تقبل واحد ما يسافر به بعد الزواج ؟فيــــــــــــــــــــــــــــــــــه ملياااااااااااااااااااااااااااااااااااان
س/ هل يعتبر السفر شي لازم بعد الزواج ؟مااااااادري.. |
ولد الربوة : أشكرك على هذه الدعوات الصادقة ولك بالمثل إن شاء الله توست : ماراح يصير شي أبدا ، لكن تصير شماته للعالم ، يقولون أعرس وتمشى هو وزوجته بالديرة .. بوركت أخي الغالي |
اقتباس:
هذا اللي حنا شايلين همه ، يعني الدعوه فيه ومليان بعد :eek5 بعدين وشلون ماتدرين ؟؟ بناء على إجابتك الأولى : إذن يعتبر السفر واجب وأخشى إنه مايكون فرض عند البنات .. شكرا لك |
هاه إقتنعت أم لسه من خلل إجابات الأعضاء .. |
اهم شيئ أصلاح النيه وسترى النتيجة بإذن الله
|
انا عن نفسي ماعرف احد اعرس وسافر لماليزيا ؟؟
اللي اعرفه ان سافروا يروحون لم مكة ولا الطايف ولا جدة ولا الشرقية ولا ابها ما يتعدون هالمناطق !! اما ماليزيا !!! |
انت الحين تزوج وبعدين يحلها الف حلاال ~~~> من سئل ماضاع . |
ايوه احسس ان السفر ضرووووري قوووه
ومافيه ولابنت ترضى انه ماتسافر |
السلمي ياخلفهم أنت كسرت خاطري :oo شسمه إذا كنت تبي رقمي على الخاص مافيه مشكلة أسافر أنا وأنت نأخذ عمره وندور الغربية والجنوبية وإذا كنت تبي الشرقية مافيه مشكلة تكون بروفة لك ونعلمك أشياء ثانية بعد :113: بس أنت حدد زواجك بالصيف و إلا بالشتاء :d ترى الموضوع سهل جدا لاتشيل هم حتى لو تسأل الاستقبال حق الشقق دلك على أماكن حلوة : 12 أسأل الله لك التوفيق واليسر |
اخوي أعقلها وتوكل.. فيه بنات مايحبون السفر,اماا شهر العسل اكيد كل بنت وده تساافر حاله حال اي بنت انت الحين تزوج وبعد الزواج يحلها الف حلالل, والله يوفقك ويوفقن معك وكل المسلمين واما على السؤالين س / هل فيه بنت تقبل واحد ما يسافر به بعد الزواج ؟ ايه فيه ليش لا س/ هل يعتبر السفر شي لازم بعد الزواج ؟ لا مو بلازم مافي احسن من التمشاات داخل القصيم تحيااتي.. خواااطر مكسووره |
بدلها : والله وأنا أخوك ماش طلع أكثر الردود يقولون لازم تسافر ،، هذي والله النشبة :eek5 ...... a m2aa : كلامك صحيح مابه شك .. الله يغفر ذنبك قل آآمين ...... خلفان : هذي الموضة الحين إنك تسافر برى [ هذا اللي باطن تسبدي ومخلين للحين ما أعرس ] .. بوركت أخي الحبيب ...... حربي وعزتي فوق ضنك : ودي بس عجزت .. شكرا لك ...... ξــزتــےِ مَالهَـآ כــد : ليتك ما رديتي [ ضاق صدره ] :bad ...... المدلهم : ياحبيل المدلهم يا ناس (h) يابعدي أنت إرسل رقمك ماعندي مشكلة والله لو تبي نروح لقندهار [ شكله بلش بي :d ] بعدين الأشياء الثانية محلول أمرها :p الحين خلن أجزم همن لاحقين على تحديد الزواج إن بغيت أحطه بليلة العيد .. آآآمين .. بارك الله فيك وأسعدك أينما كنت .. ...... خواطر مكسوره : طيب وش يدرين إن هالبنت ماتحب السفر ؟؟ يعني لازم أقول لأهلي إسألوها تحب السفر والا لا ؟ ماش أحس إنها صعبة شوي .. والتمشي بالقصيم ماهنا أحسن منه لكن من أحتسي عليه :bad آآآمين ،، والله يوفقتس بالرجل الصالح اللي يعينتس على طاعة الله سبحانه .. رعاك الله |
أقول الله يرحم حالك لو عشرين يوم ما سافرت كان ينفجر صدري ..
سافر يا حبيبي وشف الديار وتعلم .. الماء وهو الماء إذا ركد في مكان واحد تغيرت رائحته وفسد . والنهر الجاري الكل يشتهي الشرب منه . وأما مسألة الزوجة فأكيد تضايق أنا أعرف شخص تزوج ولا فهم زوجته ولا فهمت له إلا بعد أكثر من عام بسبب عدم السفر , لأن السفر الله يسلمك يسفر عن الأخلاق ويبينهـا . |
عاد مااردى منه:oo
|
ياخوي رح للشرقيه الان انت وزملائك ومن بعده رح لمكه
وبعدين تدل وبعدين ترضى لخواتك يجي واحد مثلك ضروري اقل شيء الشرقيه هي اللي مناسبه اصلآ لو تجرب البحر انت وزوجتككان تنهبل انت وبريدك الفاشله ذي وش به عاد بع الغرابيل والتفحيط اللي مالقوا له حل غير جو شف الدنيل وشلون قايله |
أترك هرج الحريم ...!!!
الحريم لو ودهن كان يقضن طول اعمارهن بسفريات وأسواااااااااااااااااااااااااااق شف يا أخوي أنا مثلك أعرست والرياض رحت لمه مرة واحده فقط وإلى هالحين ما أدل بمكة هههههههههههه الموهيم ترى به بنات مثلك ماعمرهن طلعن أبد وودهن بأي مدينة لو توديهن للبكيرية يعتبر إنجاز خخخخخخخ واللي ما تدل به السفرة الأولى تدله مرتن ثانية بس خلك شجاع وقل لزوجتك إلى ضعت وأنت مبتسسم ( تصدقين ضعت ) وتتصير ضحكة ونكته .... |
أخي أسأل الله أن ييسر أمرك
السفر يعتبر الان ضروري لك انت قبل زوجتك لتغيير الروتين وكسر الحواجز لكنه ليس عقبة كثير بنات جالسات بالبيوت يتمنن ظل رجال لكن دور لك على بنت حمولة تكون متفهمه أنا وربي اعرف وحدة من قريباتي اهلها ما يجلسون كل فترة يسافرون هي بنفسها عارفة الطرق تزوجت واحد مثلك وشرواك كاعمره طلع من الديرة لكنه انسان خلوق ومحترم المجتمع اللي حولها يضغط عليها ليه ماتسافرين؟؟؟ وهي متفهمه لوضع زوجها تقول جزمته على السفر وقمت ادله على الطرق داخل المدن مثل مكة والمدينة والرياض والحين عايشين احلى عيشة ماشاء الله وترى الامر سهل خذ لك جولة سياحية |
ياعزيزي مسأله السفر هي اللي مأخره زواجك هاذي والله قووويه . ياحبيبي المسأله سهله جدا يااخي ماافيه احد يدل صح بكل الديار والاماكن لكن فيه لوحات وهاذي تكفي واذا ضيعت اسئل يااخي مافيها شي ياما وياما سئلنا عشرين الف مره الدعوه يعني ماهيب بكل هالصعوبه ماادري انا اشوفها شي عادي جدا جدا واذا ضعت ليش ترجع ديرتك يااخي تلف لك مره مرتين تمسك شارع رئيسي وتستأجر فيه وقضينا .. لكن اللي اتوقعه ان المشكله ماهي في انك ماتدل لا المشكله مسأله انك تسافر هاذي غير موجوده عندك ؟ صح |
وبسسسسسسسسسسسسسسسسسسسسسسسسس عادي نص العالم ما يروحون ولا يجون لا يضيق صدرك ترى والله عادي وبعدين هماك تدل الرياض ومكه سافر مع زوجتك لمهم وتنحل القضيه والله يوفقك بالزوجه الصالحه
|
السامي البريداوي : مرحبا أخوي العزيز والله يا أنت مكبر السالفه !! أنت تقول : [ سافر يا حبيبي وشف الديار وتعلم .. الماء وهو الماء إذا ركد في مكان واحد تغيرت رائحته وفسد والنهر الجاري الكل يشتهي الشرب منه .] :eek: بالله وش علاقة المثل بالسفر ؟ يعني اللي فهمته إني لو ما أسافر أبدشر وأفسد ولا أحد باغين وإذا سافرت الكل وده يصير صديقي :d طيب لو ناصل الغاط ونرجع يمدينا نفهم بعض :rolleyes: ... بالتوفيق أخي العزيز ...... قوتشي : الله يالدنيا صار اللي مايسافر ردي .. رعاك الله ...... منصور الكره : إقتباس [ وبعدين ترضى لخواتك يجي واحد مثلك ] وش دعوى حسيت إني مجرم وتاجر مخدرات :eek5 ...... خالد المحمد : يازين الردود اللي مثل تسذا يوسعن الصدر .. جزيت خيرا ...... مؤمنة : اللهم آآمين ولك بالمثل .. شرواك الطيب أختي المباركة كلام جميل جدا .. سدد الله خطاك ...... الفريدي 9 : أهلا أخي العزيز (f) تراك طحت بي بآخر ردك .. إستر على ماواجهت :d غفر الله لك ...... bto be or no‘t to e : آآآمين جزيتي خيرا يا زين هالردود بس اللي توسع الصدر [ اللهم زد وبارك ] .. حفظك الله |
تذكرت قصة واحد اعرفه..
كان مايدل كلش.. يقول كل مارحت لشقه انام بها يوم واحد ثمن ادور واتمشى..بنفس الديره << ابها واللي حولها ثم اذا جان النوم باليوم الثاني.. دورت شقه ثانيه..يقول كل القصه عشان مااضيع واتفشل من المعزبه.. |
خلفان : هذي الموضة الحين إنك تسافر برى [ هذا اللي باطن تسبدي ومخلين للحين ما أعرس ] .. بوركت أخي الحبيب
شلون بتعيش وانت على الموضة !! لا تسمع كلام الحريم واجد لا يلعبن بمخك بلا موضة بلا هك |
انت توكل على الله وتزوج والامور كله تسهل والسفر بعد العرس سافر بطياره لمكه وجده واسكن فنادق فخمه
وراح لشياء حلوه والحمدلله هذي نعمه |
به اختراع قديم بس يمكن ماسمعت به .. اسمه قارمن .. يخليك تدل المريخ لو تبي ..
عندي ان السفر مهب مشكلة يابعدي اجزم أنت وماعليك .. موفق خلفهم والله إني أويت لك حسيت انك على نياتك أجل ماااتدل .. أنت إعرس وإن شاء الله كلن بيدل دربه ,, |
[QUOTE=sssــlــيـoـآآآنــ;2788514][CENTER]السامي البريداوي : مرحبا أخوي العزيز والله يا أنت مكبر السالفه !!
أنت تقول : [ سافر يا حبيبي وشف الديار وتعلم .. الماء وهو الماء إذا ركد في مكان واحد تغيرت رائحته وفسد والنهر الجاري الكل يشتهي الشرب منه .] :eek: ما ألومك مافهمتن لأنك ما تسافر ههه .< أمزح . بس عندي مثال وأنت أحكم ولا هو ترى قياس عليك حاشا .. مجلس فيه شخصين يسولفون : والمجلس هذا في قرية صغيرة واحد من هؤلاء الأثنين ماسبق أنه طلع من هذه القرية بتاتاً . الآخر دائما يسافر يطلع يشاهد تحصل له مواقف ودروس وعبر .. أي الأثنين تسمع لكلامه وتنصت له وتستفيد منه وتسأله وتأخذ بكلامه .. وش رايك أنت ؟.. وللإمام الشافعي أبيات لشهيرة في فوائد السفر، حيث قال: تغرب عن الأوطان في طلب العلا اوسافر ففي الأسفار خمس فوائد تفريج هـم واكتسـاب معيشـة وعلـم وآداب وصحبـة ماجـد فإن قيل في الأسفار ذل وغربـة وقطع فياف وارتكـاب الشدائـد فموت الفتى خير له من حياتـه بهـوان بيـن واشٍ وحـاسـد |
ياأخي هذه ليست حصاة بل ريــشـــه >> لكن الشيطان مكبرها و مثقلها عليك !! أهــم شـــيء بـحــيــاتـكـ ... التوكل على الله قال تعالى ( ومن يتوكل على الله فهو حسبه) قال الشيخ ابن السعدي: «{وَمَنْ يَتَوَكَّلْ عَلَى اللَّهِ} أي: في أمر دينه ودنياه، بأن يعتمد على الله في جلب ما ينفعه ودفع ما يضره، ويثق به في تسهيل ذلك {فَهُوَ حَسْبُهُ} أي: كافيه الأمر الذي توكل عليه به، وإذا كان الأمر في كفالة الغني القوي العزيز الرحيم، فهو أقرب إلى العبد من كل شيء، وعَنْ عَبْد اللَّه بْن مَسْعُود قَالَ: قَالَ رَسُول اللَّه [: » مَنْ نَزَلَت بِهِ فاقة - أي حَاجَة شديدة فَأَنْزَلَهَا بِالنَّاسِ - أي عرضها عليهم وطلب منهم إزالتها - لم تسد فاقته، وَمَنْ أَنْزَلَهَا بِاَللَّهِ - أي اعتمد على ربه - فيوشك الله أي يسرع له بِرِزْقٍ عَاجِل أَوْ بِمَوْتٍ آجِلٍ » أخرجه أبو داود والترمذي. ثانيآ / ارض والداك فببرهما التــوفـيـق في كل شيء !! فإن فاتك برهما فبرهما وإن كانوا متوفين فادعوا لهما وتصدق عنهما .. ثالثآ / التوبة من الذنوب و كثرة الإســتــغــفـــار ,, قال تعالى ( إن الله يحب التوابين ) (ويحب المتطهرين ) و أكيد إذا أحبك الله سوف يسهل جميع أمورك .. قال الرسول ( من لزم الإستغفار جعل الله له من كل هم فرجأ و من كل ضيق مخرجآ و رزقه من حيث لايحتسب ) تأمل حديث الرسول و اقرأه عشرين مررره ,, وفقك الله وجميع أبناءالمسلمين |
هناك خرائط لكل مدن المملكه مجموعه في كتاب او كل منطقه على لها خريطه مستقله
تحصلها عند المكتبات راح تفيدك وماتحتاج تسأل احد |
س / هل فيه بنت تقبل واحد ما يسافر به بعد الزواج ؟
نادر تحصل البنت اللي ماتسافر س/ هل يعتبر السفر شي لازم بعد الزواج ؟ من رأيي افضل , عشان البنت تتعود تبعد عن اهلها وتبعد عن اللجة اللي تكون بعد الزواج من الاقارب رأيي صراحة انك تبحث في النت في هيئة السياحة عن الاماكن السياحية , واشتر قارمن ( مافيه امل تضيع ولا تقول ماادل هو يقولك لف يمين ولف يسار ) والله يوفقك |
المشكله أكبر من مسألة سفر .. كان الله في عونك على كيد نساء هذا الزمان |
اقتباس:
ولاحقين على الاهم الرجال جالس يجمع معلومات هل وهل وهل |
| الساعة الآن +4: 09:25 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.