خل وجباتك منظمه يعني فطور غداء عشاء
وبينهن Snack تصير عباره عن شابورة بر وشاهي ,حبة فاكهه, حليب ,نسكافيه , 3 حبات تمر وقهوه وكهذا عشان تستمر عمليه حرق الكالوري عندك
وجبة العشاء تصير الساعه7 او 8 وعقبه لا تاكل شيء الا اذا بتشرب مويه او شاي اخضر
الخبز خل الابيض واستعمل البر او النخاله
حط دليت على كل انواع الزيوت والزبد وخل استخدامك لزيت الزيتون ومايتعدى اكثر من 4 ملاعق باليوم لان الملعقه الكبيره من زيت الزيتون به 120 كالوري وعليك الحساب
كل شيء يصير low fat من حليب او لبن او زبادي او جبن او لبنه
الدجاج واللحم مرتين او ثلاث مرات بالاسبوع مب كل يوم
خل اغلب اكلك مسلوق او مشوي او محمر بالفرن
خله قاعده عندك الرز 8 ملاعق بالغداء واذا معكرونه نفس الحكايه 8 ملاعق
وجبة الغداء لازم تحتوي على سلطه ونشويات من رز او معكرونه او خبز وخضار مسلوقه او مشويه بالفرن
ابداء اول شيء بالسلطه وكثر منه همن ابداء بالرز او المعكرونه وغيره
امضغ الاكل زين ولا تاكل وانت مستعجل
امش ساعه بالمضمار مشي سريع بخطوات متباعده وكل فتره زد الوقت لحد ماتوصل لساعتين باليوم وانت تمشي خل بيدك قاروره ماء صحه ..
واشرب باليوم 8 اكواب ماء او اكثر
واول ماتقوم من النوم اشرب كاسين ماء عالريق وعقبه بربع ساعه افطر
ولا تقيس وزنك كل شوي خله كل ثلاث او أربع اسابيع لان باول النظام راح تنزل كثير والاسبوع اللي بعده ماراح تنزل واجد همن بتتحطم وتخرب معنوياتك
لمن تطلع لعزيمه او جمعه لاتقول لناس اسوي دايت ماابي اكل لان هنا بيبلشون بك وتبداء التحطيمات :ياابن الحلال كل وخل عنك الرجيم ,كل وانبسط بحياتك ,هذاك مابك الا العافيه وش تبي بالرجيم وهالخرابيط ,ترا هالرجيمات مامن وراهن الا الامراض ومن هالحكي لذلك انت اسكت وكل من الماجود ولا تكثر يعني حاول انك تخلي عندك توازن شوي

وحط ببالك انك انت تسوي هالشيء عشان صحتك بالمقام الاول ..
ولاتحط ببالك إنك أنت محروووم ومنتب تاكل مثل الناس لااا عادي خذ الامر ببساطه مجرد انك
سويت تعديل لنظامك الغذائي يعني ماحرمت نفسك من شيء ..

اذا تميت 15 يوم خذ لك Open Day كل اللي تبي بس لا تجيب العيد بقووه همن يجيك عسر هضم ..


امش على هالخطوات خلال ثلاث او اربع شهور وشف جسمك وش بيصير..


اتمنى إني أفدتك ولو بشيء بسيط واعتذر عالإطاله ..

وحط هالمقوله ببالك
((الإنسان يأكل ليعيش وليس يعيش ليأكل ))