|
هل اسم البنت عيب..!!؟؟
السلام عليكم ورحمة الله وبركاته صباح \ مساء الخير موضوعي واضح من طرح العنوان وهو ليش ذكر اسم البنت عيب عند الرجال؟؟؟؟ انا من خلال وجهة نظري ماحس انه فيه شي وبعدين قدوتنا محمد عليه الصلاة والسلام ذكر اسماء ازواجه وبناته بصراحه شي محير مالقيت له تفسير |
آكيد مووش عيب وبنفس الوقت لاجحدوهـ مااحس فيها اهانه لانهم ماجحدوه فشلين من شخصي الكريم >> ترفع بروحه عطية الله , البعض تقاله زود حميه مدري غيرهـ وبالنسبه لي انا احسه متساويه وهمن عاد لاقالو اسمي فرقت يعني ؟..
|
تتمزج العادات بالعبادات فتحدث فرقا وتنتج فكرا
هذا من وجه عام اما من وجه خاص بي فاقول ان الاسماء اعلام على اشياء فمتى ما سميت بالاسم السهل المنطقي لا يوجد عيب في ذكره واسماء النساء كمثال فلا امانع ان اقول وبأعلى صوتي ان امي مزنة مثلاً من هنا ارى ان البعض من باب المراه كلها عورة قد ادرج الاسم في المضمون !!! موضوع حساس لدى الاغلبية شكرا لكِ |
لا يضيق صدرك حبيبتي بعض الرجال ربما تكون غيره على محارمه وبعضهم يقول عندنا بعض الشباب ملاقيف ويمون بزياده وياخذ الجوال
والأغلبيه غيره من قبل مخالطتي لبعض محارمي وشكرا لك |
وعليكم السلام ورحمة الله وبركاته
لا موعيب واللي يقول عيب جااااهل وجهة نظرك صحيحة وقوي روح الثقة عندك ولاتهتمي لأحد |
من قال انه عيب احنا نقول انه عيب يوم انا صغار بس والا هو موعيب
|
من زود الغيرة على محارمنا الله يسمتس |
اقتباس:
المسأله ان بعض الرجال يعيب على اللي يذكر اسم امه او اخته مشكوره على المرور(f) وطرح وجهه النظر |
انا اتوقع غيره على محارمه يعني مايبي احد يعرف اسماء اهله
وماادري ليش محرم يقول اسم امه عند اي احد مثل واحد بصراحة مت من الضحك قبل امس كنت في مستشفى التخصصي وبالتحديد عند الاستقبال فكان هناك شاب جايب امه وقال الشخص اللي موجود في الاستقبال ايش اسم امك قال ام خالد رفض يعلم بااسم امه غررررريبه |
هذاااك أوّل بس اللحين لا أشوف اخواااني عادي عندهم وحتى هم يقولون أصدقائنا عادي يقولون أسماء محارمهم يعني احس تثقفوا وفهموا ..
شكرا لكِ أختى على طرح موضوعك يمكن في فئة مااازالت متمسكة بهالشيء ولكن هم قلة .. |
الي يقول مو عيب يا الله كل واحد يسدح اسم امه وزوجته وخته ؟؟؟؟؟؟
بسرعه |
- ذذذ ’,ـآلعيب أنكم تمششونْ ع عاداتْ مأله أي صله بالدينْ لـآهنتي أختي" . |
ما اذكر من هالموضوع <<الا حلقة طاش ماطاش ولد منيرة بس انا اسمع به العادة بس ما نفذت ع ارض الواقع الحمد لله من يوم اعرف نفسي وانا اشوف ان الرجال ع حد سواء يذكرون اسم البنت بكل فخر واعتزاز وهذه العاده مندثره بس شكلكم طرحتوها لاحياءها,,, |
|
إيقالهم من الغيره مايبون احد يعرف اسماء خواتهم ... |
لا مو عيب
|
ماهو عيب هذا شرف لنااحاديث الرسول كلها نقلت بسم عائشه بس من زود الغيره مايحب يذكر اسامي محارمه عند الغريب ورد البيلسان |
هي مو قصه عيييب بس فيه ناااس جحلط اذا عرف مثلا اسم امك ولا اختك تلقاه يايروح يشوف وش تدرس ولا وش نسبته ولا كيف اخلاقه ولا يسال اهله عنهاا مدري وش دخله يعني يبي يخطب مثلا ؟؟
شي يقهر فيه ناس عندنا عايشه ما تعطى وجه ولا يقال له كلمه يعني طيب واذا عرفت اسم امي ولا اختي وش تبي تستفيد منه ياخي عادي اعلمك بس لا تقعد تبحث وتحربش وراا الاسم انا نص اخوياي يعرفون اسم امي وخواتي ياخي عادي بس ما قعدوو يحربشون ورااه يعني يبحثون ,,, تقبلوو مروري :f::f: |
|
أنا بنظري لا أرى عيب ولا يهمني حتى و إن عرف العالم أسمي أو أسم أختي أو أمي فالاسم هوية و الهوية من مبادئ كرامة الإنسان و لا بد أن نفخر بهذه الهوية و بهذا الاسم، |
المراءة كلها عوره الا اسمها ..
ومن غيرة شبابنا مايرضون احد يعرف اسم اخته اوامه وهذا الحمد لله فضل من الله .. يارب لاتذهب غيرتنا .. |
لا مــــــــــو عيــــــــــــــــــــــــــــــــب
لاكن قليلآ من الناس من يبالغ في ذلك ويعتقد بانها عيب نحن البدو نفتخر بهذا الشي ونردد دائمآ ان اخو فلانة (اسم الاخت ) فالملوك والقادة العرب دائمآ يرددون انا اخو فلانة ال سعود اخوان نورة ال الصباح اخوان مريم .................. الخ لا يعيبنا ولا ينقص من كرامتنآ وشرفنا وعزنا العيب الافعال الردية موضوع رائع دمتم بخير |
موضوع مكرر
|
السلام عليكم ورحمة الله وبركاته
وعليكم السلام صباح \ مساء الخير صباح النور موضوعي واضح من طرح العنوان وهو ليش ذكر اسم البنت عيب عند الرجال؟؟؟؟ شعبنا طبيعتهم يدورون الزله بالهرجة علسان يعيرونهم به ويكون لقب دائم للانسان فكيف اذا ذكر اسم انثى للناس وش يكون مصيره ؟؟؟؟ انا من خلال وجهة نظري ماحس انه فيه شي هي مافيها شي بين الاقارب المقربين لاكن في اماكن عامة مثل المنتديات والمجالس والمكاتب العمل احس انه ماله داعي تذكر اسم انثى ينسب لك وبعدين قدوتنا محمد عليه الصلاة والسلام ذكر اسماء ازواجه وبناته الرسول صلى الله علية وسلم هو قدوة الخلق وزوجاته هم امهاتنا وبناته هم خواتنا وبيت النبوة مفتوح للكل بصراحه شي محير مالقيت له تفسير التفسير هو ( الخوف من المعيارة ) مثل مسلسل طاش |
ابني في المرحلة المتوسطة ويتحرج من معرفة زملائه اسمي او اسم اخواته
مع اني احاول ابين ان الامر طبيعي لكن تعلم من زملائه انه عيب |
لا مهب عيب ...و أنا عن نفسي ما أتحرج في ذكر أسم أمي و أخواتي في أي موقف .. إذا استدعى الكلام ذلك ، و أعتقد أن البعض لا يحبذ بسبب عادة تلقاها .. شكراً ,, |
لا موعيب واللي يقول عيب غبي هذا من الجهل وانا اخوس .. وربي قمه في الجهل الله يخلف علينا بس .. ع فكرة النقطة هذي موجودة بشكل كبير بس ببريدة من بد بلدان العالم حتى محافظات القصيم عادي عندهم .. لكن كل هالبلاوي من جراء التشدد والجهل الي مر علينا وع شيباننا ..! |
لكن كل هالبلاوي من جراء التشدد والجهل الي مر علينا وع شيباننا ..![/size][/color][/center][/QUOTE]
هلا باخوي شلونك عساك طيب شدعووه وانا اخوك صارت بلاوي لا ان شاء الله الامر سهل فيه ناس عادي وفيه ناس تعيبه وكلن على حسب هواه والله يهديك شيباننا تاج روسنا فديت راسك ياخوي واذا ماصار لنا اول ترا مالنا تالي |
مآفيه عيب.. ابد
|
يمكن هذاك أول .. الحين اشوف ان الشغله عاديه خاصه عند الناس الفاهمه .. بالنسبه لي مااتحرج من الشغله هذي بالمره ..
|
عيب من ناحية العرف فقط
|
اقتباس:
************ ولافيه ذرره من قولت عيب ابد مافيها شي اخوي يدرس والطلاب يقولون استااذ ترانا نعرف اسماء خواتك ودك نقولهن(بيفشلونه)>قال اخوي قلهن كلللهن والله موب فشيله بالعكس فخخر لان الرسول قال اسماء زوجاته وبنات وامه ..الخ وفشلو الطلاب وانطمو:d:d |
لا والله مو عيب وش فيها اذا قاال ؟؟؟
واللي مايقول اسم بنته او زوجته بسبب الغيره فأولى انك تغار عليها من ناحية الحجاب والحياء وتغار على دينها 00 الرسول صلى الله عليه وسلم كان يقول اسم عائشه امام اصحابه وهو افضل البشريه |
اختي مو عيب اسم الام اولاخت او الزوجه بس عندناااا خاااصه القصيم
انه عيب عند بعض الرجال موكلم عيب بس عشان ميعيره عند اخوياه مثلن اشوف الي حولي كذااا وقدوتنا محمد عليه الصلاه والسلام كان يقول اسماء زوجاته تقبلي مروري |
ليست عيب ‘ بل هي عادة من عاداتنا .. أظنها عادة جميلة جداً .. |
,,
يآرب لك الحَمد , لو كآن عيب مآتفوّه المصطفى باسم أحد زوجاته أو بناته ~ بل حتّى محبّته كانت ظآهره ,, لكن أنا شخصيّاً ما أفضّل ذكر اسمي عند الرّجال . لكن الوآلد ربي يحفظه ويخليه , جداً عآدي ,, أحياناً يكلمني بالجوال : أيه يآآفلآنه .. روحي وتعالي ..وسوي الصرآحة أفشل شوي المجلس مليآن رجال ,, وهو عموماً لا هو بعيب ولا هو بحرآم ~ |
عادي ذكر الاسم ..ولايوجد هناك حرج في أن يذكر والدي أو إخوتي اسمي أمام الآخرين.. لكن يتحرج البعض ذكره أمام زملائه..:confused: وليكن ما يكون لن أحمل هماً لذلك!!! ،، |
نهائي ماهو عيب اخوي هو واصدقائة يقولون لبعض من باب المزح ولد فلانة وعادي حتى يقول فلان اسأل اختك فلانة عن الحاجه هذي ويسأل اخوي عادي
شوفي الي كذا شخص عقلة صغير في الحياة حاجات اهم من أني أرفض أو أزعل علشان اسم وحنا من القبائل الي يفتخرون بأسم الاخت مثل انا اخو فلانة |
اختي المسأله ليست مسئلة عيب يعني احس ماتستدعي الحاجه لذكر الاسم.. لندع الاسم ع جنب..المشكلة اذا جاءة اتصال وهو في مجلس ما..يرد هلا ابو فهد :113: |
اضم صوتي لسموو احساسي
|
وانا بعد مااشوف فيه اي عيب انو ينذكر اسم البنت عند ارجل
:confused: |
انا اتوقع اذا كانت البنت صغيرة فممكن ذكر اسمها لكن لاحظو الكلام وللللللكن اذا كانت البنت متزوجة صعبة الواحد يرضى حرمته تنقال بكل لسان وانا اتوقع انه عيب تخيل ان فيه رجال واجد جالسين فجاء واحد لشخص ما مثلا فقاله تبيك حرمتك ابتسام انواع الاحراج , اشوف انه شينه مررررررررررررررره مع احترامي للاعضاء الباقين |
اقتباس:
رد مقنع ، تشكرات . |
بلعكس مو عيب
بس عاداتنا خلته عيييب اخوي حاط اسمي بجواله عزوز عشان اذا اخذه احد من اخوياه مايشوف اسمي وش عاد تبينه يقول اسمي عند اخوياه |
احس ان هذا بس عند اهل القصيم والى الباقي عادي
|
| الساعة الآن +4: 08:15 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.