|
تيسير المهور على الراغبين فى الزواج
السلام ورحمة الله وبركاتة نود التحدث ببساطة وشفافية عن موضوع الزواج والمهور والتيسير على الشباب والقضاء على العنوسة التى كثرة فى هذة الازمنة لدى الفتيات وماهو والسبب الحقيقى والحلول المناسبة من وجة نظركم لهذة المشكلة التى يجب على الجميع التفاعل معها وطرح النقاش الهادف بين الاعضاء المنتدى
|
يااخي..العنوسه بنظري حاليا ماانتشرت الا لعدة امور.. زمان كانوا قبل عقدين او ثلاث..كانوا مايهمهم..الا اخلاق الرجل ورجولته..وحالة ماديه لابأس بها.. بغض النظر معه زوجه او زوجتين.. الان..لو تقول لبنت عمرها 30 و35 ..تزوجي معدد قالت: بسم الله علي..مايدخل علي.. صاروا البنات يتشرطون..لين يفوتها القطار.. اعتقد هذا السبب الاول ..وهو الذي جعل زمان مافيه عوانس مقارنه بزماننا.. بالمقابل..انا اجد الرجل هو السبب في تشوية التعدد.. اما تلاقيه يتزوج تأديب لزوجته..والا متعه مؤقته..حتى اهل الزوج مايعترفون بالزوجه الثانيه.. رأفه بحال الاولى..حتى ماتزعل عليهم..وبكذا صارت الثانيه محكوم عليها بالنبذ والوحده.. السبب الثاني للعنوسه..اعتقد البطاله..وارتفاع مستوى المعيشه.. اما لو هي واقفه على المهر..سهله وبسيطه كلها 40 الف.. وكثير من اهل الخير ..يساعدونك.. لكن وين السكن..وين مصدر الدخل..وين النفقه.. بكره يجي عيال ومسئولية ..العناية بهم.. همسه لكل شاب..يتذرع بغلاء المهر..انت كاذب كاذب كاذب ورب الكعبه.. ليس المهر المعضله الحقيقيه.. |
موضوع يضيق الصدر ويحتاج تثقيف للجنسين عن خطورة تطوره في مجتمعاتنا |
اقتباس:
طيب فيه بعض الشباب مايرضى انه ياخذ من احد ولا ريال |
اعتقد مشكلة الشباب مو المهـــــر المشكله اهيا مابعـــد المهــــر ونكانه على المهر الله يسلم القروض فاتحه بيبانهـــ فهمتــو شـــي تحيـــاتـــي صاحبة الأمتيــــاز |
88888 :41 :41 :41 |
مـــانبي تخفيض للمـــهور .. خـــل البـــنات يقعدن بحلوق اهلهن .. الآباء على كيفهم الدين ماشاء الله .. صارو يتشرطون ويتطلبون ... ومنول لو يجيهم مهبول عطوه بنتهم .. والله العظيم ان هذا الحاصل .. بس سبحان الله النعمه خلتهم يطغون .. وبنات هالوقت يتشرطن بعد .. لو تقوله شي قالت بسم الله علي >> وش انتي ؟؟ المفروض تقولين لاهلك : انا ماابي مهرر .. اذا جاء رجل مايحتاج نعقده بالشروط .. المفروض المهر مايتعدى 20000 ريال .. الشباب هاللحين مب لاقي فوس عشان يكشت .. والله المستعان |
بما اني متزوج و طاوي هالصفحة و لله الحمد ابشارك بتعليق ضد الطرفين وخاصة من الردود المهور لم تصبح هي المشكلة كما يدعي البعض حتى لو كانت فعلا مرتفعه و فوق الخمسين الف و السبب وهو مثل من ضمن الامثلة وهو انك تجد طفلاً يمتلك سيارة قيمتها اكثر من 60 الف و تجده غير محافظ عليها و كأنها وصلت اليه عن طريق هدية او عطية غير مقدر لتلك الالاف التي صرفت لأجلها واذا جاء موضوع الزواج جلس يشتكي من غلاء المهور ولو وصلت الى الـ30 الف المثل الاخر ضد البنات مشكلتها ان من يملئ عينها قد انعدم فتأثرهن ببعض قد اوجد عدم القبول بمن ترضون دينه و خلقه و المشكلة اما من ناحية الأُمنية بأحلام اليقضة و المنام او من ناحية التردد و الخوف من المستقل بأوهام بنتها من خلال اسلوب معيشتها بالحياة او من خلال تلك القصص التي تسمع لي تعليق اخير على بعض الردود . بعد اذن صاحب الموضوع اقتباس:
اقتباس:
اذكر قبل فترة سمعت رجل يقول اليوم عندي الفرحة فرحتين تخرج ابني من المتوسطة و انتهائي من سداد اقساط زواجي من امه اليوم البنت ترد الشاب و الحجه .. هذا من اولها قرض ما ابيه |
اقتباس:
ولو أتينا للواقع و المنطق معظم الشباب لا يكون لديه دخل إلى عند حصوله على الوظيفه ومتى ما تمكن من الحصول على الوظيفه فإنه يحتاج على الأقل من 10 أشهر فأعلى ليبداء استعداداته للزواج كثيراً ولله الحمد يقوم الأهل بمساعدة الراغب في الزواج ولكن هناك من لا يحب أن يكون عالة على أهله وإذا كانت الفتاة ترغب أن تكون عاله على من يصعب عليه توفير الراحه لهم فهذا أمر خاص تحب العيش عليه لتعايره بها وقت ما تشاء اقتباس:
واتسائل هل الزواج عليه ان يوفر الراحه للطرفين ؟ أم انه يريح طرف على آخر بمعنى أن الزوجه تطلب المال من زوجها عن طريق القروض وهي بدورها لا ترحم زوجها بالطلبات رغبة في حصولها على كل متطلباتها ولا تراعي الظروف. في الختام اقول بأن هذه حالات للأسف اصبحت عامه لكثرتها وانا لا أعمم على الجميع ولكن لكثرتها ذكرت ما لدي |
المشكلة ليست بالمهر أو البيت ..
المشكله لو كان دخلك 3000 ريال وجاك بزر كل إسبوع يطول ويبي ملابس جدد :( > أجزم يبي يجي هدر يقول وش انت يالملابس .. بس انا اقصد مصاريف البيت والعيال الواحد مايقواهن ~ |
الحل ياخي ببساطه ومع وجود ولاة أمر للبنات لا يستحقون الولايه طماعين جشعين لا ينظرون لمصلحة ابنتهم ومصلحة المجتمع بأكمله يصدر أمر بتحديد المهور وبأن لا تتجاوز الثلاثين ألف ،، |
ياناس المهر مو مشكله المشكله مافيه ارجال ولايهون بعض الشباب الشاب يركب سياره قيمته 60 يقدر يحصله الحين فيه كثير من المساعدات من الاهل والزوجه اذاكانت مدرسه ماتبخل بس يتقدم ويسر الله الامر |
اليوم البنت ترد الشاب و الحجه .. هذا من اولها قرض ما ابيه
هذا رد احد الاعضاء^^^انا اقول ماخبرت الرجل لي خطب قال ترى مهر البنت ساحب قرض ولا خبرت اهل البنت يسالون الرجل من وين جايب المهر |
اقتباس:
يعني اتخيل هالموقف الخاطب .. يمد المهر للأب .. هذا مهركم و تراني مقترضه << يعني صراحتن ضحكت ان الاخت فهمت على الشكل الكتابي :) |
اقتباس:
اشوا الحمد لله ان الله انعم عليهم وماصاروا يعطون بناتهم واحد مهبول لايكون انت مهبول وتتمنى تلاقي احد يعطيك؟ مب لاقي فلوس عشان يكشت؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!! !!!! خييييييييييير يعني تبي الشباب يعطون حريمهم 20 الف ويجمعون الباقي عشان يكشتون خخخخخخخخ يعني ليتك قايل مايلقون فلوس يستاجرون او يصرفون على البيت ههههههههه الاخ ماهمه غير الكشته :d:d:d احسن يابنات تقعدون عند اهاليكم الجميلين الطيبين اللي بيدللونكم بدل ماتتزوجون واحد مو لاقي يكشت:d:d:d سمعوا نصيحة مهستر :41 |
اقتباس:
لو تزوج وانت راتبك 2000 وكل سنة يجيك بزر صدقني ماراح تبلش لأن كل بزر يجي رزقه معه |
عندي |آستعدآد اتنزل عن آلمهر لو يصير آلف بس عندي ششرط بس جبلي رآس ذيب <<~~~~ تبي تعلك |
المهر ماااايتعدى50 ألف وتقولون سوو تخفيضااااات يعني لازم نسوي تخفيضات 50%
اللحين حنا في أزمة إرتفااااااااااااااااااااااع في الأسعاااااااااار في كل شي في الطعام في الملابس في المسكن في كل شي بالحياااة .. 50ألـــف وياااااااااااااااالله تكفي ... |
شكرا للمشاركات الرائعة وتفاعلكم مع الموضوع
|
مع أحترامي :
كل ماقرأت عنوان يكون تيسير المهور تيسير المهور !!!! حطين يديهم ع خدودهم وبين فترة وفترة يسرو المهور .!!! الحين أنتم تقدمتم للناس وشفتم طلباتهم ولا بس مع الخيل ياشقراء .. |
لالالالا المشكله برجل لان اول كانواا مايعرفون شكل البنت كيف ماغير امه واخته عندة
الحين القنوات صارت تعرض بنات اشكال والاوان وجميع الجنسيات كذالك نص بنات الرياض مايتغطوون والغربيه المحمول والجوال ملياان صور بنات ومع هذا كله يقول ليش اتزوج الاكل من المطعم الملابس اغسلهن عند الغسال يقول وشوله وجع راس ومصاريف زايده خلن اريح روحي ولهذا السبب كثرة العنوسه و يحطوون العذر بلوضائف او باالمهور هذا كله خرط وهلس منول يتزوجون ماعندهم وضايف ماغيرالولد بلمزرعه يشتغل مع ابوه ليش ماقالو ننتظر وظيفه لذالك كثرة العنوسه لهذاا السبب |
| الساعة الآن +4: 06:54 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.