|
....قولوا وش رايكم وش أسوي ...
السلام عليكم ورحمة الله وبركاته
صباح الورد ماعندي مقدمات ..انا اليوم صحيت قبل الفجر بربع ساعه سمعت جوالي يدق خفت وأقول ياربي مين اللي متصل علي هالوقت وأروح للجوال وأنا خايفه أخاف أحد فيه شي وأشوف الجوال وأحصله رقم غريب تركته مارديت ثم أتصل مره ثانيه فتحت الخط وأسكت تخيلوا طلعت بنت قالت ألو على طول أنا قفلت وثم أتصلت ومارديت جيت أرسلت رساله قلت وش رأيك تقومين تصلين وتدعين لي وتركت جوالي ورحت أصلي المهم يوم جيت من شوي أبنام وأحصل 8 مكالمات 4مكالمات من نفس الرقم و4مكالمات من رقم غير و4 رسائل من نفس الرقم الرساله الأولى ..هاو أريو .. والثانيه أيش فيك مرتاعه ردي .. والثالثه ..إذا أنتي واثقه من نفسك ولاتبغين مشاكل ردي .. والرابعه ..انتي دقيتي على زوجي وأنا ماحخليك بحالك ياواطيه وبجيب أسمك وبحدد موقعك وأعرف كيف إتلك يابنت ... وربي قريتهن وخفت وش تخربط أنا بروحي خوافه وتجي وحده أخلاقه خايسه وتكذب علي تقول دقيتي على زوجي أنا أعرف رقمك بالأول عشان أعرف رقم زوجك وربي إني موراعيه خرابيط ومشاكل وش أ سوي من الأشكال رأيكم أتركه أخسره ولا وش أسوي ....... |
لاتخافين يااختي ذولاء ناس وراهم مشاكل انتي لاغناء عنها ,, اول شي اذا انتي واثقه من نفسك تروحين لزوجك اذا انتي متزوجه او اخوك الكبير .. وتعلمينه السالفه كلها وتخلينه يدق على الحرمه ويتفاهم معاها ,, او انتي اذا عندك الشجاعه ردي واعرفي السالفه منها ويمكن تكون غلطانه .. لاتخافين يااختي ماراح تسوي شي لك اهي اكيد يااهي غلطانه او وحده تبي تختبرك ..! |
خطوات ملك .. أسعدني مرورك أخوي كيف ماأخاف هذي تبلى علي وشكلها تبي مشاكل أنا بروحي مو رايقه حق أحد .... |
خخخ قوليله ماشفتي وجه بعلك قبل تبلين الناس صدزبعض الناس تدور القلهي امممم انا من رايي تخلين يالوالده ياآي رجال من عندكم يتفاهم معه ويشوف وش سالفته
|
أبدًا لآ تهتمي بهذه الأشكال
هي فقط متفرّغة و تريد الحديث بأي شكل من الأشكال > وربما هو بصوتها إن كنتِ قد إتصلتي او حتى أرسلتي فهذا لآ يعني ابدًا أنك أقدمتي على شيء فاحش و ممنوع الأمر كله (( فضاوة )) فلا تشغلي هاجسك بالتفكير ... فقط قولي حسبي الله ونعم الوكيل و إنسي الموضوع تمامًا حتى لو كررت الإتصال |
فسفوريه .. متصفحه ... ياحياتي مشكورات ع المرور إيه والله حسبي الله عليه راح النوم من عيني بسبته يارب أكفينياها بماشئت ... |
عااادي اذا انتي واثقه قولي ايه اباخذه منك واعلى ما بخيلك اركبيه بعدين خليه تموووت بغيضه لان ما معاه اثبات بمكالماتك يعني رسايل بجوال زوجها او مكالمات وفيه طريقه انا سراحه اسويه اذا اشغلن رقم افتح الخط واحط نشيد محاضره احيانا اعطيه ولدي الصغير ولاحظي قلت صغير بس يبرطم مايتكلم لان الكبير قد يعطي معلومات عنك وعن البيت وها لشيء يقهرهم لانه يصرف عليه بدون فائده وسويه مع هالغيوره اسحبي رصيده ومااله داعي تخبرين اهلك لانهم قد يشكوون ويمكن تتبلاك |
بجميع شركات الاتصالات تستطيعي ان تقدمي شكوى إزعاج على اي رقم يصلك
كل ما يكلفك هو الاتصال على الشركة - تحملي لانهم يطولون ما يردون - واعطيهم الرقم المزعج و تاريخ الاتصال و وقته واطلبي من موظف الاتصالات رقم العملية او رقم التبليغ وتاريخه، واسئلي الموظف لو ممكن تعرفي اسم صاحب الرقم - باعتقادي انه لن يعطيك المعلومه ولكن جربي بالسؤال بطريقة عابرة |
لك اخو ؟؟
اذا ايه قوليله السالفه وعطيه الرقم وهو يتفاهم معها صدقيني انا لو رقم يرسل هلا اخبارتس وشلونتس ...... الخ (وانا شاكه انه تعرفني) اعطي اخوي يتفاهم معها ساده عشان المره الثانيه تعقل وتحط اسمه : 12 |
اتوقع وحدة تعرفك
برائيي انك تتركينها |
ياحياتي انتِ وقسم مايحتاج كل هالروعهـ شوفي ياقلبي زي ماقلوا اللي قبلي اذا لك اخو وتحسين انهـ متفهم عادي قوليلهـ.. ولا انتِ بدورك اسحبي عليهـ لاتهمك وزي ماقالت ثلاثينيهـ مافي شي يثبت لامكالمات ولا رسايل وشوفي دعي عليهـ<~احووووك الا والله انا كل شي ولا الترويع والتخويف عوافي على البك |
قولي له ان ابوك لواء .. اقدر اوقف هيلوكبتر فوق بيتكم .. يعني اسهل من تسذا مهنآآش .. |
اقتباس:
هههههههههههههههه أحسن رد :d :41 |
اسهجيه ولا تردين عليه كانه ولد ويبي يلعب عليك
بس ابقولك اسهجيه |
الله يوفقكم يـــــــــــــــارب على المرور شكلي راح أخسره وأتركه ... |
اقتباس:
احسن حل يمكن يكون ذكر بصوت بنات يحاول يستدرجك لا تخافين ولا شي انتي ماسويتي شي غلط واذا طالت المسئلة غيري الشريحة اذا كانت غير مهمه واذا سائلك احد قولي الشريحة احترقت وبس الله يستر علينا وعليك |
ردي وشوفي وش سـآلفتـه ووش تخربـط .. وواضح انه لعـآبه والأفضـل تعلميـن زوجـك آو آخـوك .. |
الباب الى يجيك منه ريح سده وستريح اتركيه لاتردين عليها ابد الحقران يقطع المصران هذا احسن حل
|
|
يمكن ولد ومغير صوته ببرنامج تغير الصوت او صوته ناعم كانه بنت
حاولي ما تردين عليه لانه يمكن يقول هذا الوقت ووقت المكالمه الله يحميك منها يارب |
اذا تبين رايي اخسريه
الصراحه ضحكت يوم قالت ابحدد موقعك اولاة ردي عليه قولي ماقمتي ولا قعدتي عندي الله يكرهتس اهبي الله يشب تسبده |
عزيزتي جوانا (f) إذا شفتيها طوّلت السالفة ومتأكدة إنها بتسويلك مشكلة مع أهلك وتتبلاك |
اقتباس:
لين تحسبن غبيه ولا مهبوله وتمل |
يعطيكمـ العافيه يـــــــــارب مشكورين الحمدلله ماعاد أتصلت ولا أرسلت ..... |
يابعدي انتي هذي ياحبيبتي وحده تعرفتس وتهبل بتس
يعني تلعب عليتس سواء بنت خالتس ولاعمتس المهم اسهجيه دامتس واثقه انك ماسويتي شي |
اناراي نفس كلام خطوات ملك ولاترددي اخلي المسؤليه وان شاء الله
ما يجيك الا خير والله يستر عليك من الشياطين واعوانه والله يحفظك |
غريبه الناس
حتى وانت نايم تبالك العالم اقووول لاتردين اووو سوووي حجب للرقم :i121 |
يا بنت الحلآل اذا انتي ما سويتي شيء خليها
وحاولي هاليومين خصوصا اذا هي تزعجك حطي جوالك صامت وخبيه فترة وتمل آآآجل بتسسسرقين زوجها<هههههههههههههههههههههههههه ثآنكس |
اقتباس:
كفووووووووو هذي الشخصية(f) |
مادامك مااخطيتي اسهجيه لاتردين ولاتتصلين ويمكن شاب يقلد صوت بنت الله يحميك منه
|
|
لا تهمك والله ماوراها الا المشاكل طنشيها وقولي (ماضر السحاب نبح الكلاب) |
وش صار عليك معاها الله يحميك ويحفظك
|
يا اختي هذي من حثالة المجتمع اسفهيه هذي تبي تمشكل مع احد ما لقت خليك لا حياة لمن تنادي لانك ما سويتي شي ,,, تقبلي مروري ,,, |
اقول لا تكلمنها ولا ترسلين اسهجهاااااااا بس احتفظي برساله الي منها وخليها تثبة الاتصال الي منك او الرساله لانها غبيه هي الي سلمة يده لك وسلام
|
أحد الرسائل / هاو أريو ، ورسالة / وشفيك مرتاعه .. ورسالة / أنتي دقيتي على زوجي وانا ماحخليك !! أقول كيفك الحال وش الفضاوة هذي .. لاوبعد قبل الفجر ، لا لا عن جد كيف الحال !! المفروض ارسلتي رسالة وقلتي / بعذره زوجك يوم انه يكلم غيرك ، بلاه مالقى مره تستر عليه ماغير دقدقه ورسايل ماتستحين على نفسك أصلاً ماعندك حشيمة ولاستر ولاحتى أعتبار ، ولا المره العاقله ماتدقدق أنصاف الليالي ، عيب يامل العمى المفروض هالحين لامتن زوجك وساترتن على نفسك وعيالك مهب مهملته ولاتدرين بأي أرض متمدد هو مع خوياه ولا مع حدى قليلات الحياء مثلك + دعوة مسكته = وخليك مثل هذه المقولة "واثق الخطوة يمشي ملكاً " !! ملاحظة : أعتقد أنه شخص يعرفك وحاب يستهبل |
الله يهدي بنات المسلمين هذي فاضيه وبتتسلى
عطيها الخامس وطنشي |
اقتباس:
|
اقتباس:
ياحياتي أنتِ الحمدلله ماعاد أتصلت ولا أرسلت ..... |
أشكر كل من رد ع موضوعي جد والله أشكركم لاعدمتكم .. |
كلن يرى الناس بعين طبعه |
المفروض ما رديتي على جوال ما تعرفينه حتى لو دق 100 مره ، ولو هو أرسل رساله لا تردين . وإذا استمر الحال أكثر من ثلاثة أيام بإمكانكم إبلاغ الشركه بهذا الرقم المهم الرقم الغريب الغير معروف لا يرد عليه أبداً إذا يعرفك فسيرسل رساله يخبرك باسمه ، وغير ذلك لا تهتمي به أبداً ، ومن توكل على الله كفاه |
أخيتي الغالية جوانا أناسراحة قرأت مشكلتك وقرأت كثير من الردود والله يعطيهم العافية ماقصروا وهذي نخوة الإخوة والأخوات الي يوضعون على الجرح ويبرأ وأنا رأيي أنكِ ماأخطأتي مادام أنكِ ماشية على طريق رضاء الله ولاتشيلين أي هم لها ربما أنها بنت تعرفك وبتسوي لك مقلب أو واحد يبي يستدرجك بالبداية بصوت بنت وخوذيها قاعدة في الحياة أي رقم مجهول لاتردين عليه وراح بإذن الله ترتاحين ولاتخافين إلا من الله واللهُ بإذنه لايظلم الناس ولاكن الناس أنفسهم يظلمون وأنا قرأت لبعض الأعضاء أنه يقول إدعي عليها وأنا نصيحتي لك ولجميع المسلمين أن لا يتعودو على الدعاء على إخوانهم حتى لو أخطئوا لأن الله سبحانه وتعالى قال (فاعفوا واصفحوا ألاتحبون أن يغفر الله لكم) ومن منا لايحب أن يغفر الله له ! وآسف على الإطالة عليكم لاكن حبيت أشارككم الحلول لأني مستعد آقف مع أختي المسلمة ضد هؤلاء الذئاب لوكان على حساب نهاية حياتي شاكراً لكم ومقدراً |
اقتباس:
رد مشرف من مسلم عربي غيوووووووووور |
مو شرط بنت . . يا فيه عياال فراعين . . أصواتهم يزبطونها زي البنات . . أذكر أحد طلابي . . اعترف لي إنه سنتين ما شحن جواله . . كله من لعب على خلق الله . . كأنه بنت . . و سمى لي كذا شخص . . و فيه المتزوج بعد . . فيا فاضلة . . أولا . . تعلمي إنك ما تتصلين أنت بأي شكل من الأشكال . . الرقم اللي ما تعرفينه . . طنشيه . . لين يطيح اللي براسه . . مباشرة . . بلغي ولي أمرك من أب أو أخ . . في الحاااال . . ولا تؤجلي ذلك . . فيقع الشك في قلوبهم . . و ربي يحفظك . . |
اسهجه ولاتردين عليه |
اختي لا تردين على ارقام غريبه ابد
واذا تكرر رقم غريب عليك عطيه ابوك او اخوك يرد عليه والله يحفظك لعين ترجيك |
عيني لا تخافين واضح من أسلوبك إنك خواااااافه مررره والصحيح الذي لابد أن يكون هو عدم الخوف لأنه الأمر ما يحتاج الى الخوف أبداً ... عندك رقم البنت الحمدلله إذا كان بإسم فهذا شيئ يبشر بالخير لأنه بإمكانتس أنتس تجيبن راعي هالرقم ولكن يوم تقول البنت بالرسالة هالكلمة ذي ( وأعرف كيف إتلك يابنت ) هذا يدل على أنه ولد مهب بنت يعني هالكلمة ذي مستهلكة عند الأولاد أكثر ... أتلك = أجرك وأجيبك ... ربما يكون ولد مغير صوته وهذي تصير المهم الرقم عندك أرسليه لي بالخاص وأبشري بالخير مالك إلا اللي يرضيك لأخليه إن كانه ولد أو لأخليها إن كانها بنت ماتنام الليل ترى هالأشكال لعبتي ... والله أعلم وأحكم |
اقتباس:
ما تستحي انت تتغزل ؟ |
اقتباس:
ما تستحي وانت تتغزل فيها بأرق الكلام ؟ |
اقتباس:
|
مشكورين يعطيكمـ الف عافيه الحمدلله ماعاد أتصلت ولاأرسلت .. |
هه ارتحتي قالولك الحلول بس كودك صادقه باهالقصه
|
آلله يكفيتس شره يآبعدي آنتـي ..
والله يحفظتس من هالاشكال ..ويخليتس لعين ترجيتس .. |
اقتباس:
وأنا جالسه فوق راسك يوم إنك تقولي أرتحتي وبعدين ماطلبت منك حل وش مصلحتي إذا كذبت .. حبيبتي إذا أنت راعيه كذب لاتحسبين الناس مثلك ... |
طفي الجوال لمده ثلاث ايام وشوفي وش يصير ..؟
والاخ..خطوات ملك<<رد مناااسب جداآ |
يا اختي الامر بصيط شوفي زوجك او احد من اخوانك وتحسين انهم متفهمين وقولي لهم المشكله والاهم من هذا كله هل انتي واثقه من ان جوالك ما احد كلم منه يمكن في جمعة بنات او شي انا عندي احساس ان ما فيه شي وسعي صدرك
|
اقتباس:
اناماقلت شي خطا علشان تردين علي بمثل هالمرد لاني مصدومه من بعض الاعظاء هداهم الله لكن حقك علي حنا زي الجيران في هاالمنتدى كرريرهاالدعا وان شاءالله تنفرج 00(حسبي الله لااله الا هو عليه توكلت وهو رب العرش العظيم) |
مرحبا
اقول دائم افتحي الخط واسرفي علية ومن راح تمل خلية تقوووووووووووول اللي براسة الشقا على الجواااااااااال لا لا لا لا للخوف]] |
انا من رايي اختي اتركيهاا طنشيهاا وتمل يوووم يووومين توذيك بعدهاا تمل وتروووح او غيري الرقم اذا ماتبين كثرررر مشاكل وكلام انتي بغنى عنه ... لعلمك تصيرر كذاا كثيررر بس التطنيش احلى شي للي زي كذاا .. وشكراً |
يبدو انها أضغاث أحلام .. :) |
]ماعليك اسهجيه. ومن راح تمل واذا أزعجتك افتحي الخط وخليه يسرف عليه راح تحرم تكلم عليك : 12: 12
|
رأيي تسفهينها ولا تردين عليها
|
| الساعة الآن +4: 07:18 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.