|
مصرف الراجحي بحي الساده
قسم بالله ياخوان اني ماكذبت علي احد
راجعت مره مصرف الراجحي فرع الساده ببريده وشفت الاستهتار الموظفين بالمراجعين والنفوس الشينه تاركين العملاء والي جالس يسولف مع زميله ويضحك والعميل جالس والي يكلم وقايم من الكرسي والي يلعب بالايفون والي مطنتش والي يكد والي نفسه شينه مدري وش شايفين انفسهم عليه لا ولادها ولامر اذا تكلمت مع احد منهم صار يطالعك في نص عين تقول هو من بيده كل شي قسم بالله ياخواني انفوسهم زفت مره وفيهم كبر علي العملاء ودي اعرف وين المسولين عنهم مايجيهم احد منهم نناشد اداره المصرف في حل المهزله الي بالفرع حق الساده 212 مايشوفون البنوك الثانيه واحترامهم للعميل وشلون اللاسلوب الي يقدمونه للعميل والتحدث معه في خلق وادب ماهم موظفي مصرف الراجحي والله مهزله العميل وشوفت النفس عندهم ولاستهتار وخصوص بعد الظهر تعال شف المهزله موظف طالع بريك ربع ساعه يجيب اولاده موظف في دوره المياه ( اكرمكم الله ) موظف يسولف مع زميله وتسمع الضحكات وانت في صاله لانتظار موظف يلعب بالايفون / والبلاك بيري ماسك الجوال ويكلم خويه وتارك العملاء والمدير نايم في مكتبه مايقدر يكلمهم يقول فيه مدير العمليات كلموه ومدير العمليات هوو ساس البلاء :i121:i121:i121:i121:i121 |
يا أخي الكريم لهذا الفرع مرجع وهي الإدارة الإقليمية التي بالخبيب أو اتصل على هاتفهم المجاني واطلب رقم هذه الإدارة ولعل الله أن يصلح الأحوال إذا كان ما نقلته صحيحا |
اخي / سامي
يعلم الله اني ماتبليت علي احد ولا اعرف اي واحد منهم ولا بيني وبينهم اي شي بس صراحه تعاملهم يقهر مع العملاء ومناديب الشركات اجلس وسمع من العملاء |
أخي الفآضل مين اللي حآدك عليهم ..! بنك البلاد أفضل وبمراحل في جميع الخدمآت ويعطونك احسآس أنك عميل مُرحب به حتى تظن أنك ضيف عندهم مهمآ بلغ رصيدك وليس اللطف في التعآمل محصوراً على عملاء التميز مثل حبيبنآ الراجحي ..
|
وأسوأ منهم فرع الريان
ما عمري جيت وصرفوا لي شيك بسمحة نفس لازم يدور أي شئ علشان يرد الشيك |
كم رصيدك
الراجحي حقيقه وصل حد التخمه أغلب عملائه تميز لذلك راح العميل صاحب الراتب فيهاااااا وعليه يتوجب عليك أذهب وانقل حسابك لي بنك أخر |
اقتباس:
وتعاملنا مع بنوك بريده عموم بس مثل الراحجي ماشفت |
اقتباس:
المشكله ماهووو بالرصيد المشكله بشوفه النفس عند موظفيه واغلبهم يكدون علي الواحد لين يعيفونك الي انت جاي من شانه |
خلاص اختر بنك ثاني لك العربي افضل لك
|
نعم هذا الفرع يوجد بة عدم التنظيم وغيرة .
والله ثم والله , أن مدير البنك قبل شهر أوشهرين يقول لي من خلال التحاور لية تعاملوني كـ بنقالي . قال أنت هنا مثلك مثل البنقالي . (هذا كلام المدير وهو يكد) السبب هو لدي شيك أريد أصرفة من أخي . وكلنا حسابنا عندهم . بل راتبي عندهم وخلال شهرين يغطي المبلغ . "يقول الشيك قديم ولم يوقع في أعلاة على حرر ببريدة " هذي المشكلة رغم مطابقة التوقيع كل شي صحيح. والله دقيت على أخوي وجاء بنفسة ويالله صرفوة . المشكلة أني مرتبط معهم في قرض حولي الثلاث مائة ريال . والا كان رحت لبنك أخر ولكن "" لاوين الذراع"" فكرت ادبر المبلغ وأخرج ولكن واجهت مشكلة المخالصة وتأخر على صاحبي الذي يديني المبلغ. البنك الراجحي يميزة عن غيرة أنة أفضل بنك من خلال الربا تعاملة يقولون شرعي . أما التميز والله أني أستحقة أما عن الراتب أو المبالغ التي تدخل ولكن متحركة البنك العقاري كلة مدخلة عندهم وأكتب شيك عن طريقهم . والراتب جيد جداً . ولكن التميز أشبة في التعجيز يقول لازم رصيدك يثبت ستة أشهور ست مائة الف ريال بعدة تحصل على تميز غيرة مستحيل . أو" دور لك واسطة لسان حالة يقول كذلك ولم يصرح . لكي لانظلم أحد" حسابي لديهم متحرك وراتب عالي والنهاية يقول مثلك مثل البنقالي . ""قهررررررر"" والله لو ماعندي قرض مكمل بيتي فية لا أخرج قبل الساعة ثلاث منهم . أخ أخ أخ عالم تكد والله والمراجعين أغلبهم هنود وفغاني ولا يهون البنقالي. ليس لدي مشكلة أذا أدارة الراجحي تحاورني أوتطلبني عن طريق الخاص. |
كثير من البنوك تتعامل مع العميل الصغير بهذا الأسلوب !!!
بالنسبة للبريك كل موظفي الدولة يروحون يجيبون أولادهم |
اخوي انا معك انا كلامك كله صحيح بس جربت تشتكي علي المدير لانه هو المسؤال الاول في الفرع ارجوا منك انك تدخل علي الرابط الموجود وراح تحصل رقم خدمة العملاء اتصل عليهم وقدم شكواك...
http://www.alrajhibank.com.sa/ar/bus...s/default.aspx من جد تراي الشكوي تأثر علي تقييم الفرع اتصل وان شالله راح تحصل الي تبيه... |
والله كلمك صح ميه بالميه
والله العظيم انه يطلع الضغط والسكر منهم والله العظيم انهم فاااااااااااااااااااااشلين بالمرة والله اغلب الاحيان اتاخر عن شغلي بسببهم يسوالف مع اصحابه ماكانه فيه اشخاص موجودين بس الحين الحمدلله على طول اروح فرع السالميه على طول يخلصوني |
انا من واقع خبره وبحكم عملي اشوف موظفين مصرف الراجحي اشبه مايكون بموظفين الدوله
بمعنى انه خدمه بشين نفس اما البنوك الاخرى 1-موظف يسلم عليك ويسألك اي خدمه ويعطيك رقم. 2- الصراف تفضل اخوي ممكن اقدر اخدمك . 3- ان كان خدمة عملاء يقوم من من الكرسي ويسلم عليك ولما تجلس يجلس. 4- لما يسوي لك الخدمه يقولك خدمه ثانيه الله يحييك كلنا في خدمتك. *ماتلقى هالتعامل في احسن فرع من فروع مصرف الراجحي والا بالصفوه الي هقونا عنده.. لكن حالياً اصوت للبنك الاهلي بالنسبه لحسن التعامل والي يقولي الراجحي متقدم بكل شي اقوله كلهم عندهم صرافات ومباشر نت وهاتف مصرفي ورسائل جوال وحولات وكل الخدمات... |
أشكرك اخي على كلامك وتعبيرك عن موظفي بنك الراجحي وكلامك صحيح والواحد منهم تقول يعطيك من جيبه ،،،، أنصحك يأخي العزيز غير تعاملك فيه بنوك بديله قسم بالله راح تشوف الراحه عند الموظفين وطريقة تعاملهم معك والراجحي موظف ناااااس مافيهم احترام للاخرين 0
|
اطلب تحويل حسابك الى بنك اخر يبي يطلب منك السبب اذكر سوء التعامل مع العميل وشف وشلون يؤدبون مجرب
|
اسمع بالسادة يقولون مررره انفسهم شينه وحتى قسم النساء
اما الموطأ مرررررره تعاملهم راااقي |
مرحبا باااالغالين حبيت اعلق على الموظوع بخصوص مصرف الراجحي
اذا تبغى الخبر الاكيد عن معامله المصرف اسأل مندوب المبيعات انا مندوب مبيعات لاحدى الشركات واتعامل مع البنوك ومنها مصرف الراجحي وكل فروع الراجحي اذا اتيتهم اشمئزو مني بسبب الشغل اللي معي ماعدا ثلاث فروع اتعامل معها باستمرار فرع الساده والسالميه والمعارض اما باقي بنوك المصرف يقولو ياخي فيه فرع خاص بالشركات والموسسات المره الثانيه روح لمهم طيب هذا شغلي انا وانت هذا شغلك تخلص لي معاملاتي وعلا فكره لولا العملاء ماكان حصلت انت وظيفتك في هذا البنك حبيت اقول لخوي جرب فروع الراجحي في بريده والله ماتلقى احلى من فرع السادة والمعارض والسالميه قسم بايات الله ان تغير فكرك انك تخلي الراجحي |
السلام عليكم
بنسبة لموضوع الاخ عن فرع السادة وما تم من الاخ من سوء معاملتة في فرع السادة افيدكم
انة لة راية ويجب ان يحترم وهذا راية بس لا تمس للفرع باي صفة وهذا الفرع بنسبة لي احسن فرع ومن ضمن الفروع المميزة عملانا وادئن من حيت ادارة الفرع الي اصغر موظف وهذا يدل علي حسن الاداء من قبل المسؤولين بالفرع وكما تم سب هذا الفرع الراقي انا من اشد المعجبين بالفرع من حيث التسامح مع العميل والوجة البشوش من دخول العملاء الي مخالصة معاملاتني وانا من العملاء القديمين بفرع السادة وهذا راي اوجة للجميع وخاصة الردود الي تسي فرع السادة 212 |
ياخو ى اتصل على الرقم المجانى 8001246666 ثم اشتك عليهم ويخصم من العلااوه السنويه والحافز السنىوى انا مجرب كم من مره لان الشكاوى يفرحون
|
افشل فرع لبنك الراجحي فرع السادة قبيييح موظفين ومدير يكلمك الموظف من طرف خشمه ولا يعرفون يشتغلون اخطاء فادحه يكلمك الموظف تقل بنك ابوه الله يرحم الحال بس .من وجهت نظري فرع الصناعه اوالسالميه فقط لاغير
|
يعين الله
|
صدقت وخاصه الراجحي الي بالريان في واحد دب داخل ابيض وربي كل ماجيه اقول بفتح حساب يقول تعال بكرى وعلى هالحال ومره جيت الا في واحد نحيف لابس غتره <<اتوقع بس هم الي موجودين المهم قالي رح طلع بريد واروح اطلع بريد يوم جيت يمكن الساعه 11 قال اللحين قروض سلاماات واجي بكرى واسنتر ومعي كل اغراضي يوم دخلت الا عند الدب ويقول لي معك بريد قال اي خخخخ واحشره ويطلع لي وهو الاخلاق مقفله معه مادري شايف نفسه على ايش لايحسب انه الراجحي بس خخخخ ولا ياحرام دخل شايب يسأل طنشه ويرد رد عليه بسيط اخرتها صرفه قال رح للمدير مادري تعال بكرى المهم صرفه... |
ياخوان انا اتعامل مع مصراف الراجحي فرع السادة منذو 13 سنة واعتقد انه من افضل الفرع
بمدينه بريدة تعامل مع العميل ويوجد نخبة ممتازه من الموظفين ولكن يوجد مشكله الان وهي تغير الكثير من موظفية ولكن بعتقادي انهم يحتاجون الى وقت لكي يتأقلموا علي بيئة العمل بالفرع .:d:d |
فعلا موظفي بنك الراجحي فيهم ناس تعبانه
وكأن له الفضل مو عارف ان لولا فلوس العميل كان منسدح عند امه يتكلم معك كانه يبي يعطيك من جيبه لو لا التحويل بي الحسابات كان كلام لو نسوي حمله عليه ونتفق على بنك عشان التعامل بالتحويل ونخليه لموظفيه |
فيه شخص سجل بعضويات جديده متعدده يمدح الفرع ا212قوله ترا الحركه قديمه ..:d |
الموضوع يحتاج من يصعده للإداره الإقليمية وإيجاد حلول لمعاملة الموظفين للعملاء
|
ياخي مصرف الراجحي زـــــين بس العملاء زفت زفت زفت زفت
|
في بنك الراجحي في السادة
نقاطي
أ \ انت والبنقالي قصده وتطبيق النظام البنكي العام وبعدين انت اللى استفزيتة ؟؟؟؟ ب\ انا احد عملاء البنتك سيء التعامل ومعك حق فادخال الاصابع كلها في الانف ديدن لكل الموظفين بدون استثاء ج\ الحل عدم السكوت سواء من الادارة الاقليمية او مقابلة صاحب البنك نفسة او الايميلات وحث العملاء للانضمام اليك والله انو حتى البنغالي صار يستهتر شوف جرب هذه التجربة روح لبقالة بغالي واطلب مثلا عصير اسمة (مرح) أو (عصير سعادة ) المهم يكون اسم غرييب وماهو موجود وشوف تعابير وجهه لانة ما كسب من وراك شيء وصدقني يبي تقول لك ما في بنكهة الطرد والسحت والسحل والنهر واياك تقولوا عطني سندوتش كبده ههههههههه:d |
كل هذا علشان العميل
طيب حركات العملاء الغير مبرره 1- يبي يخلص بسرعه وتلقاهم يجونك في وقت الدوام الرسمي يعني انت معطل المعاملات وجاي للبنك ليش 2- بعض العملاء يكون الشيك فيه غلط مثل انه نسي صاحب الشيك يكتب اسم المدينه ويبي المدير يمشيه معقوله تبي المدير يزور ويكتب التعديلات بالشيك المفروض بعد الكتابه يوقع على الاشياء المضافه . المفروض ما تراجع البنك الا عند استلام البطاقه والشيكات الباقي كله عن طريق النت او الصرافه بس مشكله ربعنا لازم يروح للبنك ويعطل اموره بالنسبه للموظفين معروفه عندهم دائماً عملاء فرع السادة وفرع الصفراء مشاكلهم كثيره وكثيرين الشكاوي اقل مشاكل من العملاء فرع الجرده لأن عملائه من كبار السن |
اقتباس:
معقوله يخليهم ينلعطون بالشمس لين يطلع الساعه 5 العصر أما عاد الي رايح لدورة المياه ههههههههذي لحاله يعني تبيه يسويها بشجر الزينه الي وراه بعدين تحلف وتقسم انك شفتهم يسون ويسون ويسون . كلهن بيوم واحد ذكرت سبع أشياء والموظفين أربعه وواحد رايح يجيب عياله صارو ثلاثه وواحد رايح لدورة المياه صارو اثنين معليش اخوي الإنتقاد مطلوب لكن مو بهالشكل قمة المبالغه |
يجب عدم التعميم يا اخوان ,,,
انا اتعامل مع فرعي فرع اسواق مكه ممتازين جدآ ومتعاونين . |
الى عنتر ابن
بسم الله الرحمن الرحيم
اولا انا من منسوبي هذا الصرح الشامخ ... واستغرب كلامك ومبرراتك السخيفة التي تنم عن شخص غريب الاطوار وكاذب في بعض الامورومبالغ بشكل كبير... ومن لايرحم الناس لايرحمه الله ... واحد راح يجيب عياله وواحد قايم لدورة المياه هههه والله العظيم انك شخص غير سوي وتكتب امور غير منطقية جدا يعني تبي واحد قاعد في مكانه 9 ساعات استحالة ... واتمنى انك في مكان الموظفين شخص يعمل منذ التاسعة صباحا حتى الخامسة مساء وتريد منه رتم واحد نحن بشر ونملك احسايس ومشاعر نتاثر بما يحدث ونجتهد في خدمة العميل اولا وعملاء غير الحسابات ... وفروع الراجحي ليست مثل البنوك الاخرى بعدد العملاء المراجعين بشكل يومي واتحدى احد يقول غير ذلك على كثرة الفروع وكل فرع فيه زحمة غير معقولة فالمقارنة غير فعالة من حيث التعامل فنحن بشر ولسنا اجهزة الكترونية ..ونتعامل مع عقليات مختلفة وهذه بحد ذاتها متعبة جداا لمن يتعامل مع مابين 150 الى 200 شخص بشكل يومي ومتكرر ....الله يقدرنا على العمل بما يرضي الله .. الخطأ موجود الموظفين ليسو سواسية والكل يجتهد حسب قدرته وامكانياته وانما نقدك مبالغ فيه جدااااااااااا وغير منطقي واستغرب عدم حذف الموضوع من قبل المشرفين لانه كلام فاضي ومن شخص غير سوي...احترم وجهت نظرك لكن باسلوب راقي وبكلام منطقي جدا... اعتذر عن الاطالة.... ومصرف الراجحي بموظفيه سيظل بالمرتبة الاولى بجميع الخدمات... نعتز بقيمنا ... |
كلام اخوي كله صح
الي تلقاه يكلام زميله ولا يبالي هل هناك اشخاص ولا لا والي يكلم بالجوال ويتاخر تقول ماسك اعمال الراجحي كامله والله العظيم ماعمري رحت هذا البنك الا وانا اتاخر عندهم اكثر من 40 دقيقة والله احيانا افكر اقول ليش ماجيب فراشي معي حتى يجي دوري والي ماهو مصدق يروح للبنك يوم الخميس الصباح الساعه 9 ومابيخرج الا الساعه 10:30 بعد ماتطلع ريحتك بين كل شخص وشخص اخر يقعدون 7 دقائق |
كبرت الموضوع و لا يستاهل تنفرد بعنوان .. أنا يقهرني الي يقارن موظف الراجحي بموظفي البنوك الأخرى بحكم زملائي من موظفي مصرف الرجحي .. أقولكم صراف مثلا ينفذ حوالي 100 عمليه باليوم .. و هي تعادل عمل فرع كامل للبنوك الأخرى مثل الفرنسي أو الأستثمار .. طبيعي راح تشين النفسيه .. و التعب و الأرهاق له دور في بعض الأحيان بخصوص التعامل لا نقسووا عليهم ... كثر الله خيرهم .. هذا الي اقووله .. |
اقتباس:
كلام سليم |
آسف ياخوان الكلام غير صحيح ان كثيرا اراجع هذا الفرع لكن ماشف الا كل خير
اما ردا على من قال بهم كبر فهذا قذف اما إنهم يتكلمون و يضحكون ياخي من حقهم .. الشئ الذي يستحق الذكر /// هو عندما تأخذ رقم يبدا التقييم من عند الاداره حتى يتم سحب الرقم ؟؟؟؟؟ اما من قال عن المدير انت مثل المبنقالي هذا صحيح من ناحيه التعامل مع صرف الشيك يقصد عندما يصرف الشيك مع مافيه من الملاحظات ينتهي من المستلم ..... المشكله قائمه على الشيك و التعميم بالسب صعب جدا |
اجل لو تشوف قسم النساءالي باالسوق قسم بالله زفت انواع المهزله والتعقيد انفسهن شينه ويعقدن العملاء
وتطلع لك الف عله عشان ماتمشيك والله حتى الحريم الكبار مايقدرونهن يخلونهن مع هاالدرج نازل راقي حسبي الله عليهن |
بقولك اخر تعليق لي اتحداك اذا جيت بعد الساعة 2.30 الظهر او اول العصر وجلست 3دقائق والسبب أنه لايوجد عملاء مشكلة بعض العملاء مايحب يجلس 5 دقائق ومن تكلم عن يوم الخميس طبيعي يكون زحمه لأنه مافيه الا فرع فقط ببريدة او فرعين (يكفي هم مقابله الجمهور )
|
:(:(:(:(:(:(:(:(:(:(:(:(:(
|
سلام . أنا اللي قالي المدير مثلك مثل البنقالي . خخخخخخخخخخخخخ. نحن نقول الحق والله شاهد ومحاسب كل شخص خط بيدة أوتفوة للاخرين . اليوم المدير هذا جنني وربي . تصدقون دخلت علية وهو يكلم ومن باب الادب أنتظرت على كرسي براء . تفاجأت في الرجل أمامي يدلق الابتسامة ويقول كيف أخدمك . أيوالله. خدمني بمعنى الكلمة وبتسامة وحافظ على خصوصية الارقام عند ما دخل شخص أخر والنهاية قام ودعني "وهو واقف" سبحان الله , ربما كان في موقفي الاول الرجل لدية ظروف قهرية وغيرة . نعم ننتقد ولكن لانهمش التعامل الجميل والاريحية مع الابتسامة هذا حقة علينا مثل ملنا حق في المداخلة السابقة . خدمة خمس نجوم والله اليوم . |
مااانقوول شي هااذي الحياات اهم شي الونااسة وحب الوطن:070:اذا قلت شي غلط ااااااسف
|
| الساعة الآن +4: 04:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.