|
أخي تغير كثيرا هل من حل ؟؟
السلام عليكم عندي أخوي عمره 16 سنة أصيب بعين على وسامتة وتغير كثيرا وضعفت ذاكرتة بعد ماكان يحفظ القران بسرعه وأصبح منعزل بعد ماكان يختلط مع الناس وعصبي جدا أصبح على النقيظ حتى شكله تغير واللي زاد الطين بله أنه أصبح يصرع في الفتره الاخيرة قدر الله وماشاء فعل وأصبح لايحب أن تقترب منه أمي والرقاة لم نجد أحد ثقة أو أنهم يطلبون المال بكثرة ماذا أفعل والله شكله يحزن وخصوصا بعد الصرع ومنظر أمي يقطع القلب وهو بلحقيقة صعب المرس لايرتاح للماء المرقي وكأنه يعرف أنه مقري به هل يوجد رقاة يرقون لساعه أو يتفهمون حالات المرضى بعضهم تجي بتشرح الحالة ماهو يمك أو يرد على الجوال ويسولف والأفضل القرأة المتوصلة ماهي كل شي رد على الجوال والمشكله بفلوس هل من حل ؟؟؟ |
يا عمري الله يعينكم .. أنتم آقروا عليه مو لازم راقي وتسذا , لا رحتي تجيبين له ماء إنفثي به مرتين وآدعي وفي نيتس الشفاء له .. الله يشفيه ويقر عين والدينتس بوه , والله ما آعرف أحد يجي للبيت , بس روحي للتويجري على ما آعتقد إسمه كذا بمسجده بالسوق الداخلي قرايته من قلب , ويجهد لتس.. والله يعين إميمتس ويصبره ويآجره .. |
ركزو عليه باية الكرسي والمعوذات
الله يجمع له بين الآجر والعافيه @ |
أختي تيجان فيه شيخ قرائته ممتازة جداً بإذن الله الشيخ العليط مسجده شرق سوق الخضار ببريدة سمعت قصة عجيبة جداً ... وكل شيء بيد الله لاكن فيه أسباب , ومن الأسباب التوكل الشديد على الله القصة رواها لي قريبي وروى القصة له أبو البنت هو من عايش القصة : يقول أن له بنت عمرها 14 سنة من أول ماولدت كانت كثيرة الضحك والتبسم فلما كان عمرها شهرين أصيبت بشلل وانعكفت يديها وطولها قصير يقول راوي القصة وهو أبوها ذهبت لكثير من المستشفيات في الداخل وفي الخارج طوال الأربعة عشر عاماً ولم أجد تحسن ثم ذُكر لي الشيخ العليط الذي شرق سوق الخضار ببريدة فذهبت إليه وأخبرت الشيخ القصة كاملة فوضعتها أمامه على الأرض ثم جلس الشيخ على ركبتيه وبدأ يقرأ عليها واستمر يقرأ ويقرأ , لفته (أنظر إذا أراد الله أن يرحم أويعاقب فلا راد له) ويقرأ حتى بدأت تتعدل يديها ثم بكى الشيخ وهو يقرأ حتى لفت هذا الموقف أنظار ما في المسجد وواصل الشيخ القراءة , يقول أبوها أقسم بالله أني خرجت من المسجد والبنت تمشي على قدميها وأنا ممسك يدها أنظر إلى قدرة الله إذا توكلنا عليه , القادر الله لاكن الشيخ سبب يقول أبوها لقريبي إن شئت ذهبت أنا وأنت إلى البنت واسألها وتخبرك وهي متحجبة آسف على الإطالة لاكن ذكرتها ليزيد التوكل على الله فالله لايعجزه شيء في الأرض ولافي السماء شاكراً لكم ومقدراً |
^^^ هذا ماكنت سأوصيك بالذهاب إليه إنه الشيخ الزاهد العابد ( محمد بن سليمان العليط ) حفظه الله |
فعلا العليط ممتاز
انا اعرف وحدة عالجت في اغلب المستشفيات الحكومية والاهلية ويقولون فيك وفيك وقرأ عليها العليط والله شهرين وهي حامل |
أختي علاج الصرع بأذن الله الصدقة واذا لكم اقارب محتاجين فا الاقربون اولى بالمعروف
ومب شرط المبلغ كبير اللي تقدرين عليه او طعام والرقيه ارقوه انتم وفيه كتيبات رقيه وربي يشفيه ويعافيه ويكفيه شر كل من به شر |
الله يشفيه ويعافيه...
ويصبر امتس ... |
فيه ابو ماجد المشيقح يقرا بالشقه على ماظن روحوله واشرحو وظعكم وهو يخصص لكم وقت يقرا عليه لحاله
وعليكم بالاستغفار والله بتشوفين نتائجه بسرعه واذا تعرفون اللي عاينه خذواثرمنه وانشاءالله مايشوف الا العافيه ويعجل بشفاءة ربي |
دعوااااااااتي له بالشفاء العاجل... أخواني وأخواتي لا تنسوا التحصينات الشرعية.... |
عندكم الرشيد اللي بالخبيبييه
والعليط ولاتنسون الصدقه |
يارب تشفيه وتخليه لعينن ترجيه والله يكون بعون امه.. |
الله يشفيه ويعافيه عاجل غير اجل
|
اقتباس:
لكن ياعزيزتي لابد تشخيص الحاله ترى فيه رقاة مباشرة يقولون مس وهذا خطأ إحدى قريباتي نفس حالة أخيك لكن أتتها الحاله بعد ولادتها وكثير قالوا مس ... لكن شخص حالتا احد الأطباء النفسيين والحالة إكتئاب وما شاء الله تبارك الله حالتا مستقرة الآن بحمد الله ولدي رقم طبيب نفسي يأتي للبيت أرسله لك ع الخاص إذا بغيتي الله يكتب له الشفاء العاجل |
السلام عليكم بلا هك ابو كندا غيور على أخواتي أليس الله بكاف عبده ام ديمي مسك الختام mystery %%تسواهن%% طموح مشرف قائد المجد حربي وعزتي فوق ضنك حربي عابر دربي جزاكم الله خيرا على دعواتكم ومساعدتكم نصيحة عليكم بالأذكار والله الناس مايعطون خير |
اقتباس:
اوكي أختي أرسليه متوكلين على الله وحده وبنشوف هذا الدكتور والراقي والله يكتب اللي فيه الخير |
شفى الله مريضكم .. وأقر به عين أمك توكلي ع الله ... واكثروا من الاستغفار لا حول ولا قوة الا بالله ولا منجى من الله .. |
قصص كثيرة قرأتها عن الصدقه جميله جدا
بل ومذهله بنتائجها العجيبه والأهم من هذا كله التعلق بالله عزوجل وانه بيده كل شيء |
الله يشافيه ويخليه لكم حبيبتي اذا تقدرون تروحون الرياض عطين خبر فيه راقي مجرب جدا ممتاز واذا اللي فيه مرض روحي بتلاحظون الفرق من اول مرهـ
|
.. من فضائل الاستغفار ..قال ابليس : اهلكت ابن ادم بالذنوب واهلكوني بالاستغفار ولا اله الا الله ..** ** **قال ابن تيميه رحمه الله : "والاستغفار أكبر الحسنات وبابه واسع .. فمن أحس بتقصير في قوله أو عمله أو حاله أو رزقه او تقلب قلبه .. فعليه بالتوحيد والاستغفار .. ففيهما الشفاء إذا كان بصدق وإخلاص..
|
يآعمري انتم الله يقر عيونكم بشفآئه وماتدرين يمكن ربي بيختبر مداء صبركم ودائماً ذكروه بأنه يؤجر على ذلك حفظك الله |
اســأل الله ان يــقر اعينكم بــشــفــائه عليكم بكثرة الأســتغــفــار بنية الشفاء وقرو عليه من المعوذات والقران وعليكم بالأحتســاب والصبر ابتلاء وامتحــان |
الله يشفيه يااااااااارب
|
عزيزتي تيجان شيكي ع الخاص الله يشفي مريضكم |
الله يشفى اخووووووك مما فيه .. انا اخووي كاااان تعباااااان فيه سحررر من خادمه رحنا فيه عند شيخ معروف اسمه رشيد العنزي بمدينة الخفجي يقراء ويعطي زيت وماء وعسل مقرئي فيه ويعلم وش في الشخص من اول جلسه اذا فيه شي يقول ارجع لي واذا مافيه شي يقول مافيك شي طبعا مواعيد فيه ايام نساء وايام رجال بالنسبه لخوي الحمد لله طاب يمكن من رابع جلسه...كانت حالته يشك في كل من حوله ويتوهم اشياء مو موجوده وكان يجيه ضيقه ولاينام زين....واي تفاصيل اخرى اذا حبيتي موجودين وشكرا
|
اقتباس:
|
حسبي الله على الناس ما خلو أحد إذا أعجبه أحد شيء لن يضره إذا قال ماشاء الله الله يشفيه ويعيد له ما فقد |
ياتسبدي
الله يشفيه ويخليه لكم ولكن انصحتس بالصدقه مافيه احسن من الصدقه وقومت الليل والله يستجيب دعاتس ياارب...... |
عليكم بالقراءه عليه (سوره البقره ) وربي قصص تشيب الرااس اذ سمعتيها
ويكفينا قول حبيبنا محمد صلى الله عليه وسلم ((اخذوها بركه وتركها حسره) والله يشفي مرضانا ومرضاكم يااارب |
هلا بااختي .. فيه شيخ ممتاز مره ساكن بالرياض ,, اسمه ( الشيخ محمد السلمان ) انصحك تروحين انتي واخوك عنده وتاخذين منه زيت ومويه وعلى مااظن هو مايقراء ,, والله يكون بعونك انتي واخوك يارب .. ,, |
الله يشفيه ويعافيه عاااااجل غيـــر اجل |
هل إبنكم يشاهد احلام غريبة في المنام
|
للرفع -----
|
| الساعة الآن +4: 01:21 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.