|
حمولتي..حمولتي...وش سويت لكم؟؟؟
:""""<بـــســـــــــم الـــــــــلــــــــــه الرحـــــــــــمـــــــــــــن الـــــــــــرحــــــــــيـــــ,,,,,,,,ـــم>""""""
في مجتمعنا نرى علاقة الحمولة بحرمة ولدهم علاقة مختلفةعن علاقة ببعض أو علاقتهم بالاخرين من الاقارب مثل الخوال والاعمام ودائما اتساءل لماذا مشاكل الحمولة مع مرت ولدهم كثيرة ؟ ودائما زوجات الابناء يشكين من الحمولة وخصوصا اذا كانت ساكنهةمعهم في نفس البيت !تقول الاخت نورة :(طالما حلمت ببيت مستقل يجمعني مع زوجي فأنا اعيش مع اهل زوجي الام والاب والابناء واعاني كثيرا في حياتي فانا محط الانظار من الجميع دائما وتصرفاتي تحت المجهر فان نزلت وانا قد لبست وتزينت فالعيون ترقبني حتى مشترياتي الجميع لازم يشوفها والويل الويل ان خرجت مع زوجي لوحدي فهاذا شي محرم في شرعهم ....!! اما اخواته المتزوجات يخرجون مع ازواجهم ويتمشون ويروحن للمنتزهات ويسافرون للرحلات..... وانا في نظر أم زوجي كل هذا ممنوع وان رحنا او خرجنا لازم يصطحبنا مرافق اما احد البنات او امه الحنون واقول ربي يفرجها......) اما الاخت هدى فتقول : (كنت اعيش في بيت مستقل ولكن توفي والد زوجي فاضطر زوجي ان يسكن عند امه ورحلنا واصبحنا نعيش مع ام زوجي ولكن تغير كل شيئ في حياتي وصرت اذا قمت الصبح لقيت ام زوجي زعلانه ليش انام الصبح تبغاني اقوم الساعة سبع واجلس قدامها وتدخل خشمها بكل شيء بحياتي......!! ليش اروح لاهلي كل اسبوع؟ليش اشتري ملابس جديدة ؟ وليش.......وليش.......وليش........ وانا احاول اراضيها واحترمها واقبل راسها كل يوم لكن مافيه فايده اعيش حياتي نكد بنكد وزوجي يقول تحملي هذي امي ..........) اتسائل لماذا لا تقع عيون اهل الزوج الا على سلبيات زوجة الولد..... لماذا لاتقع على ايجابياتها ليش هالنظره لحرمة الولد ....دائما اهل الزوج ينظرون لحرمة الولد: هي: اللي ماتعرف تربي اولادها . هي : اللي تنشر اسرارهم. هي:اللي تكرههم وتخفي دائما امور عنهم. هي:اللي ماتعرف تدبر بيتها ولا تعرف شيء . اذكر وحدة من صديقاتي كانت دائما تشكي من اهل زوجها وحمولتها تقول:اذا رحت لاهلي يومين لمناسبة قلبوا راس زوجي علي !!ارجع الاقيه مليان علي واحيانا يتفقون مايكلموني ومايردون السلام علي وكل شغل البيت علي انا مجبرة استقبل الضيوف واصب القهوة لهم وهم يجلسون كانهم ضيوف....!! ويبدون يعلقون علي قدام ضيوفهم وكاني عدوه لهم !! بالعكس انا متحملة اذاهم ومتحملة العيشة وسطهم ولا اخذ راحتي ولا لي أي خصوصية !!لا البس على راحتي ..ولااتكلم مع زوجي على راحتي... حتى المشي مامشي على راحتي....!! طبعا التعميم صعب في هذا الموضوع اكيد فيه حريم عيال علاقتهم جيده لكن بعض حريم العيال احيانا تدخل على حمولتها وكانها تبي تاخذ زوجها لها فقط وتنسى ان له ام واخوات واهل وتريده لها وحدها فقط ماتبيه ينظرلامه ولا يخدم امه ولا يودي خواته حتى ولا يجلس معهم ...!! وبعض حريم العيال تبي حمولتها يخدمونها ...! تبي دائما تكون عندهم كانها ضيفة يرحبون فيها...!! ويضحكون في وجهها ويقدمون لها الضيافة...!! بعض الحريم العيال تعامل اهل زوجها كانهم اعداء ..! تفسر نظراتهم وحركاتهم واقوالهم كلها ضدها ......!! لا....وبعضهم تبي زوجها يخدم اهلها ويشيل اهلها وامها واخواتهالكل مكان ويلبي كل متطلباتهم ..! وبعضهن جافة جدا مع اهل زوجها ولا تقول لهم كلمة حلوة ولا دعوة صادقه ولا هدية بسيطة..!! وبعضهم دائما رافعة نفسها عنهم لاتشاركهم افراحهم ولا ترحم مريضهم ولا تواسي ضعيفهم .....! اخيرا....... اقول السعيدة من راقبت الله تعالى في تعاملها مع الناس جميعا فتعطى كل ذي حق حقه من ام او زوج او ام زوج او اخت زوج فكما تدين تدان.... |
هههههههههههههههههههههههههههاي للحين هالحموله ماعقلتَ شوفي يالغاليه اللي تحس أن حمولته بهم هالأطبآع الشينه خليه تكب كل قشه عليهم والله لو طلعت للسوق أني لادخل عليهم وأوريهم وأشري لهم بعد وأن صلحت شئ زين أذوقهم يعني أكسبهم وقسم أن يصيرون خاتم بأصبعتس الحين موضة 2011 ماتشوفين مرة الولد والخاله تتحكم بطلعته معه عندنا وحده له سنه معرسه تخيلي من أقـآربي قوه وماشفته إلا مره ذذ > مدري وش هالحركات الجديده الله يرزقنا وكل حبيبه وعلنياته حمولتن طيبه (h) |
مافي شيء إسمه حمولة مافي شيء إسمه زوجة ولد , فيه شيء إسمه مجتمع كامل , الحمولة أهلي وأهلك وأهالي كل الأعضاء بالمنتدى , ومرة الولد أنتِ وفلانة وعلانة وفلنتانة , أكثر من مرة نسمع شتائم تطال الحمولة أو تطال زوجة الإبن , ثم تجي كل وحدة تمدح أهله أنهم حمولة طيبة ويعاملون حريم عيالهم مثل بناتهم ، وعلى هالمنوال كل بنت تمدح نفسه كزوجة ولد رائعة وتمدح أهله كحمولة رائعة وتسب حريم أخوانه وحمولته بأنهم ناس ( وعيّن ) ومن يدري يمكن بنت حمولته ( المسبوبة ) تشاركه بنفس الموضوع وتمدح أهله ونفسه هه , السؤال المطروح / مين هالزوجات السيئات ؟؟ مين هالحمايل السيئين ؟؟ وينهم لاقدر الله ! ممكن أشوفهم على أرض الواقع ! لأن النت كل اللي فيه يقولون أنهم أطلق ناس بالكورة الأرضية , والله أعلم بهم هه .. |
*ومضة.. اعتبري حمولتك(فرع لأهلك).. وربي بترتاحين.. لأنك خلاص بديتي حياة جديدة بدخولك معهم ولا زم تتكيفين مع هالحياة مثل بدايتك للحياة لما أمك ولدتك. وشييييلي من راسك إنك مرة ولد ولازم يصير لك هيبة ومدري ايش من هالخرط الفاضي.. تمنياتي للجميع بأطيب الحمايل |
تــقــبــلــيـ مروريــ |
الله يعين هالبنيات
انا سمعت قصص غريبةمن الطرفين سواء من اهل الزوج او الزوجة |
الله يعظم اجر هالمتزوجااات ..
|
لاتعليق
|
عامليهم كااهلك ويعملونك كابنتهم""""""""""""""""
تقبلي مــــــــــــــــــروري |
مير بوه موضه جديده طايحين به بعض الحمايل مرت الولد يصك عليه ولاتختلط بالناااس الا بالمناسبات الرسميه مدري وش القصه هم يخافون تخرب > شغاله على غفله " وهنتس تحاتسين وحده مايرغبونه والاتسد تهاوشو معه مبطي " طبعا هذولا الترللي والافيه اجاويد ونعم مانقول بهم شى ..
|
مشكلة بعض البنات..قبل ماتدخل مع حمولتها..يكون لديها إنطباع مسبق عن الحمولة بإنهم راح يتحكّمون فيك..ويراقبونك.. وأن أم الزوج تغار منك..فتبدأ تتعامل معهم على أساس هالفكرة المسبقة عنهم(وتصير بينهم حرب داحس والغبراء :d).. حتى لو كانت العائلة مغايرة لما سبق وتبنته تجاههم.. أدخلي معهم عادي..وعاملي الكل بما يرضي الله.. ..إحترمي وقدّري..وراح ينعكس هذا على إسلوب تعاملهم معك.. فالرسول(صلى الله عليه وسلم يقول) : "إن خياركم أحاسنكم أخلاقا".. |
الناس اشكال والوان
منهم منهو نحاس ومنهم منهو الماس |
المشكله ليست في زوجة الابن وليست في الحموله..
المشكله في الزوج.. حين يبر بأهله ويعطيهم حقوقهم .وزوجته حقوقها..بشكل متوازن.. اعتقد الامور ستصبح اكثر مرونه.. |
موضوع جميل سلمت يداك
|
لان طبعك غير عن طبعهم
|
مشكلة اجتماعيه كبيرة : حريم فاضيات .. مايدرن وش يسون .. مالهن الا القرق والهمق الفاضي .. والله العظيم انهن مايدرن وش يسون باعمارهن .. يعني فاضيات ولايدرن وش الشي اللي يملىء وقتهن غير فلانه سوت وفلانه حطت .. بصراحه مرة الولد ترحم .. يعني خوات الولد بالنسبه لمرة اخوهن لوبي صهيوني قوي .. يجتمعن عليه بكل شيء ويفصفصنه فصفصه .. لبسه مايعجبهن دايم .. طريقة اكله ماتعجبهن .. ذوقه مايجوز لهن .. لبس عياله يعتبرنه شين .. دايم يرددن انه مااهتمت باخوهن .. لا بلبسه ولاباكله الله يعين بس .. |
ههههههه ذكرت نفسي اول زواجي كنت حاطه براسي اي حموله يعادون مرت الولد ومن هالكلام طلع الواقع غييير
ماني أكبر همهم ولاشي بس كل شي حسب ظن مرت الولد بحمولته ان حاسبت لكل تصرف صارت حياته نكد وان احسنت الظن عاشت حياته |
استغرب عزيزتي من موضوعك
من الذي يلقي التهم على (الحموله) اليست زوجة ابن,, اليس لأخيها زوجه تعتبرهم (حمولتها)؟ أيعقل ان نتهم انفسنا؟ هل تعودنا على أمور نكثر بها النقاش وعلقناها بأذهاننا وماهي الا افكار ومفاهيم سارت معنا وليست الا نسج خيال ؟ متى يحين الوقت ان نبصر الى مانفكر به ونتحكم بألافكار العالقه بأذهاننا الغير واعين بها سيطرت علينا ولم نصنفها لا للصدق ولا للكذب ولا صنفناها لعادات قبيحة ورثناها من السابقين ونعيش عليها وللأسف هي من تعود بنا للوراء مع تقدم المجتمعات الواعيه.. |
اذا صرتي زينه مع الحموله بيصيرون احلى من العسل بس اذا صرتي ملسونه وقشرآ لازم يولعون العين الحمراء عليك..
وكل الطرفين به حقه يعني بعض الخالات الله يهديهن وين بتروحون من وين جيتوآ وشوله تشريله من الغالي .. وبعضهن .. وشلون تصبر عليه طق عليه الثانيه عشان تستادب.... أما مرة الولد(بعضهن)..ابطلع ببيتن لحالي >>طيب ما به الا الخال والخاله وش بيضرك لاخدمتيهم عديهم امك وابوك.. اعرف وحده..ساكنه عند اهل رجله والخاله مهنا احليله وبس تمدح مرة هالولد ومرة الولد تسميه العجوز>>وين التقدير والاحترام.. وبزرانه 24 ساعه عند الخاله وهي كبيره بالسن.. والمفروض ان مرة الولد تقول لرجله اذا صرت عند خالتي نصير انا واياك سطحيين لانه بعض الخالات تنهبل اذا شافت ولده مع مرته او بمعنى (تغاار).. |
اقتباس:
عفوا اختي بس هاللي تسمينهم ترللي من عذرهم لانه فعلآ تخرب المره اذا جلست عند ناسن ما يخافون الله اعرف وحده راحت لناس ما يرغبونهم اهل رجله وبعد ما رجعت منهم انقلبت على خالته ورجله .. من المفترض انه مرة الولد تصير مع عماتهم والناااس المقربين مرره..مووب تروح تسوي علآقه مع بنات عمه وبنات خالته..!! |
شوي شوي ذاك قبل في حموله يعترف فيها لاكن الان للاسف مرة الولد هي اللي تمشي الحموله على كيفها وهذا الغالب للااسف لان المره هي اللي تمشي الرجل على كيفها الله يخلف ذاك منول الحموله تسمع كلمتها والعمه لها رنه والخاله هي اللي ادبر كل شي لا اللحين الله المستعان الحموله هم اللي يخافون من مرة الولد ويضربون لها الف حساب يخافون تزعل وتلقون الحموله مدللين مرة الولد ومرة الولد معطيه الحموله الخامس ماتراهم شي للااسف....! |
|
اقتباس:
|
أفكر اقعد بيتناولا اموت ولا اتزوج عشان ما انصدم بواقع المتزوجات وحمايلهن .,.
اعوذبالله وش هالتفكير السلبي نصيحة لاتصدقين كل ماتسمعين ترى بعض الناس الله يهديهم ينفخون بالاشياء ويكبرونها لاوبشرك ان مافيه حمايل في هذا الزمن كل بلش بحياته لاوالله ياخيتي تزوجي وعيشي حياتك بسسسس لاتنسين تعزميننا |
أف يهالحموله الوحده لا أعرست كل همه الحموله .. يآخيتي عآآمليهم بسلوب يهبل وخليتس مرتن عآآديه حشآآمه ولسآآآن ينقط عسل بس واللي يرحم والديتس لا تكثرين من التليوق اللي يجيب المرض .. ولا تحتسين من وراهم .. وهذولا الحموله اللي هالحريم متعباتن روسهن عشآآنهم .. |
البنت نفســه هي اللي بيده تكسبهم بآآآ أسلوب ذرااابه لسااان حشيمه,,, اذا شافوا من هالأشيآآآآء مااتووقع رده فعلهم شينه,, والخاله مهما كان بتصير غيوره على ولده انتم تخيلوا تربي وتكبر 25 سنه وبعده تاااخذه بنت الناااس اكيد بتحس بفقد ولده وانتم بعدين بتصيرون مكان الخالات,, |
اقتباس:
صدقتي وازيدك الحموله مايبون بس كلام يبون قول وفعل بعضهن للااسف تمدح الحموله ومن وراء تعالي شوفي السب...:eek5 المشكله الحموله تلقينهم حاشمينها....؟ |
الحموله خمسة طن:113: |
هذذذآآك منول الحموووله لهم كلمه الحين ي الله التوبـه مرة ولدهم ماااتجـي لهم الا مره ب الاسبوعيـن او بششششهـر واحسسـن بعد كل مااابعد زآآد الغلآ <مجرب هع ^_<
امآ اذا صار كل يوم بحلق الخاله شيء طبيعي بتصير مششآكل |
الحموله مابه عيب لكن العيب بالرجل نفسه ماله شخصيه قدام اهله والا الرجال اللي مايسمح لأي مخلوق اياكان يتدخل بحياته واموره الخاصه حتى لو كانت امه او ابوه اعمال البيت مقسمه على الجميع وزوجتي مو خدامه عند امي ان كان لي خوات فالمساعده مطلوبه وان كان العكس ماعندي خوات فمالنا الا الصبر والجنه تحت اقدام الامهات وزوجتي اذا ماتخدم امي بداله زوجه لكن امي منين نجيب بداله ......؟
|
صرااحه موضوع حلو....صح فيه بعض الحمايل الله يهديهم.. وفيه حمايل قمه مع حريم عيالهم يحبونهن اكثرر من بناتهم... لكن اقول الحموله الوحده لهم حريم عيال كثاار ..فمن واقع تجربتي على حسب مرة الولد فيه اللي صدق تحبينه اكثر من خواتس..وفيه اللي تغث ولاشفتيه جاك تكتك ههههه...وهم حموله وحده لكل مرة ولد تعامل على حسب ماتعامل.. ومثل كل وحده له حموله,, هي ايضااا من الحموله عند مرة اخوه... العلاقه عكسيه ههه ..واللي تقول طايحين يغبون حريم عيالهم ومايجن صحيح ترى فيه ناس تحب تخرب على الحموله اذا شافو مرة الولد علاقته بحمولته قويه..وما أتكلم عبث هذا الشي حاصلي انا...واخيرااا الكل منا يزين نيته ولا يدقق مره على كل شي ولايكون فيه رسميات بزياده تسبب بفجوات كبيره...والله يصلح الأحوال
|
:
اقتباس:
|
اقتباس:
اذا الافضل تُعامل زوجة الابن حمولتها مثلما يريدون ..وتبتعد عن ما يسبب لهم حساسية ,فأهلها لهم تصورات وطلبات في زوجة ابنهم وحمولتها سيكون لهم تفكير مختلف والعوايل عندنا تختلف ,,ومن الخطأ ان نعمم لكل الحمايل برنامج تعاملي واحد..والموضوع جميل ومهم اجتماعياً والحمدالله ان المجتمع اهتم بهذا الموضوع وأخذت بعض النساء حقوقهن في هذا الزمان ولكن للأسف ان النقد موجود من كلا الطرفين ..والمؤسف انه يكون في الظهر <غيبه> ونتمنى ان نتطور وننشغل بهمومنا عن غيرنا ...ورضا الناس غاية لاتدرك. تذكرن يابنات ان تعاملن اهل ازواجكم وفق ثقافاتهم ورغباتهم لتكون النتيجة جيدة لان التعامل ولو كان اروع مايكون مع من لايريده ولايحترمه ولايتفهمه سيكون مردوده عكسي:oo..ودمتن بود(f) |
كلن يراجع نفسة ويصحح اخطائة
|
لابد من القول والقال بالحموله ولكن تذكري اخوانك وزوجاتهم مع اهلك وماذا تريدين من زوجة اخيك ان تفعله لاأمك وبهذا تقدرين مسايرة الحموله لصالحك
|
الناس تختلف مع ان الاغلبيه اقصد الحموله يتدخلون وهم سبب المشاكل طبعا من الغيره واعتقادهم ان بنت الناس اخذت ابنهم
بس الحين الناس تفهمو وماتلقين اهل الا ويفرضون على ابنهم بيت مستقل دراء للمشاكل والحمدلله اللي رزقني بحموله زي الفل نعمه من ربي |
| الساعة الآن +4: 09:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.