|
جهاز الآيفون هل هو حاجة أم ( دع دعة ! ....)
["]صباح | مساء
الخـــــــــــــير جميعــــــاً : أخوتي في هذا المنتدى العــامر لكل زمن موضته ولبسه وأجهزته كان الناس قديماً إذا أحبوا أن يظهروا للأخرين أن أمورهم المادية مرتاحة لبس ساعة قيمتهــا ثلاثة إلى عشرة الآف ..وربما طوقت المرأة جسمهـا بالذهب الذي كانوا يسمونه ( رش رش ) , لإظهار النعمة عند البعض وتغطية شعور بالنقص عند بعض وربما تقليد وربما بداعي لسنا بأقل من غيرنا .. أمــــا الأن فربما كثير من الناس يحكم على حالتك المادية من خلال نظرة واحدة على جهازك الجوال !!. لذا نرى أن كثير من الناس يسارع خلف آخر تقنية من تقنيات أجهزة الإتصال المحمولة (الجوالات ) . ونحن الآن في سنة جهاز ( الآيفون ) . . جهاز يصل سعره إلى ثلاثة الآف ريال علماً أنه في الدول الغربية في نصف هذا السعر !!. إلا أن هذا الجهــاز وجد رواج شديداَ وخاصة من قبل الشباب والنساء على وجه التحديد .. نعم هناك من يهتم بالتقنية ويستفيد ويكثر من إستعمالهــا .. وهناك من هو فقط يشتري آخر الموجود . وهناك من يتظاهر بالغناء وأنه ميسور الحال . ومن فقط للتقليد ..الخ . أنا من وجهة نظري أنه تقليد ومحاولة جذب الإنتباه هي أكثر ما عليه الناس .. فما رأيكم أنتم ..[/font] |
أنا اشوف ان صرف مبلغ قدره 3 الاف ريال على جوال اسرااف بشكل كبير
انا عن نفسي اشتريت جوال Ipod وسعره 1200 ريال نفس جوال الآيفون بالضبط ومن نفس الشركة الفرق انه لا يوجد به شريحة و هذي الطريقة يستخدمه الاقتصاديين امثالي : احم احم |
: : والله ياخيي مثل ماقلت دعدعه << جايزتن له اقتباس:
|
قلته انت دعدعه يعنني شوفوني تراى عندي الايفون هذاللي اشوفه اغلب ناس كذا
|
دعدعة لا أقل ولا أكثر ولي يبي التقتية الألكترونية موجودة بأجهزة الحاسب الألي.
|
:eek:احلفووو عاد
والله انا شاريته وربي مافكرت بالناس شاريته عشان نفسي وبس : 12 |
انا يقهرني ثلاث اشياء. .
الداجين ههههههههه ! يعني وش عليكم تقدر تشري وتدعدع . .؟! انا كان بيدي فلوس الايفون .. لكن يوم شفت نظرتكم غيرت مرادي واشتريت جلكسي اس .. واي واحد يهايط بالايفون ادس بوجهه الجلكسي اقوله هالمزيون ازين منه ! شوف لما تجي تناظر العالم الحين كلها تقنيه وكلها اجهزة انترنت (هواتف ذكيه ).. ! |
لاحاجه ولادعدعه .. لاهيكٍ ولاهيج |
انا ودي ادعدع بس عجزت تسمح نفسي ادفع 3000 ريال على جوال
بس ودي بجهاز جديد وحسي ابشتري جالكسي 2 اغديه نزل كوده زين وتصاله زين هذا اهم شي عنديابي شي تقنيه جديده ومجالاته واسعه من ناحيه تقنيه |
كلاً ينظر لخدمة التكنولوجيا بعين طبعه تم التصويت |
الأغلبيه ( دعدعه ) ,. |
انا شايف انها دعدعه على الفاضي لأنه قليل اللي
يستفيدون من التقنيه |
ياشاري الدون بالدون تحسبك غابن وانت مغبون
|
أغلب مستخدمي هواتف الجوال لا يستخدموا إلا 10% من تطبيقات الجوال وإذا سوا نفسه عارف يستخدم 25% من استخدامات الجوال ولو ركزت على الاستخدامات لتجدها اتصالات و رسائل لا اكثر وإذا تطور يستخدم التنبيه للمواعيد او الآلة الحاسبه ويجهل العمل على باقي التطبيقات
نادراً ما تجد من يستفيد من معظم تطبيقات الاجهزة من وجهة نظري انك يا صاحب الموضوع لديك بلاك بيري |
وش دخل الدعدعة ياخي ؟
أنا من ناحيتي واللي أشوفهم أن إستخدام التقنية أهم شي بالجهاز يكفي أني أكلم أقاربي بكندا ببلاش وأجلس معهم بالساعات وصوت وصورة اللهم لك الحمد والشكر بس أنا ودي أعرف شي واحد عند أهل بريدة مايدخلونه بالدعدعة وكلام المبزره |
حب التقليد والدع دعة
لأاني أشوف ناس على قد حالهم ومشاء الله البنات رازين الأيفوان يعني دع دعة لاأقل ولاأكثر |
اححم أحـم <<انــآ اشووفه مهب دعدعه بسس الواحد يحب التغيير والصرآآحه ششكله تووحفه <:037: |
لتجريب شيئ جـديـد << هذآ تصويتي. (والإستفآده منه طبعاً) اقتباس:
صآدقه وش عليه أقلد النآس كل شخص له شخصيته المستقله... وبعد مميزآته حلوه. ~ ..الله يعطيك العآفيه.. |
تم التصويت
يعجبن اذا شفت واحد مشتريه وعارف يستخدمه ويستفيد منه المشكلة اللي يشتريه ويبلشبه ويبلش خلق الله معه حتى برامج ما يعرف يحمل بالله ليش شاريه |
دعدعــــه وحركات الـــ يعني أني معي آيفون
أهل العقول براحه والا (ماعلى الدنــيا عتب) |
أهلاً بالجميع .. أنا أتفق معك عزيزي في الواقع الحاصل لكنني أيضاً لا أتفق معك بكيفية تحليلك للموضوع .. الواقع يقول أن أغلب مستخدمي الآيفون لا يعرفون أدنى مقومات إستخدامه ، كـ كيفية ترقية نظامه مثلاً أو كيفية كسر حمايته .. فلا متعة فيه إلا بكسر أطواق الإحتكار المحيطة به .. ومع ذلك تجد كثير من الأجهزه لاتزال كما يسمى بلا جلبريك ( كسر الحماية ) ! لكن مع هذا يجب أن لانركن الموضوع لأسباب واهيه لإراحة عقولنا من عناء الجدل ، فيبقى أن الجهاز بغض انظر عن محتواه .. يحمل شكل واجرافيكس رائع كافي لإقتنائه .. بإضافة أنك لو تعمقت قليلاً لوجدت أن الجهاز يتمتع بعدد تطبيقات خياليه ؛ آخر إحصائية لتطبيقات الـ Appstore تعدت الـ 250 الف تطبيق ، فنقطة تفوق هذا الجهاز كامنة بـ تطبيقاته .. والتطبيقات هي الجهاز ببساطة ؛ وحتى الآن لايوجد مثيل لهذا الجهاز بهذه الناحية ، والحقيقة تقول أني إقتنيت جميع إصدارات الآيفون والأيباد .. وسألهث خلف منتجات أبل إن استمرت بهذا التطور .. ، كل أو أغلب الأشياء من حولنا لانستخدمها ولا بمعدل 25% .. حتى التلفون الثابت داخل البيت فيه إمكانيات لا نعرفها .. وكذلك الوضع ينطبق على من يشتري سياره فارهه ولم يستخدم ولا لمرة واحدة النفجيشن أو خاصية تكييف المقاعد ! وإنّما إكتفى بجمال مظهرها الخارجي وغفل عن مضمونها الداخلي ؛ فجمال المظهر الخارجي سبب كافي عند بعض الناس .. فهذا الموضوع لايقتصر على الجوال .. إنّما هو راجع لأسسنا الداخلية التي نقيّم بها جميع الأشياء من حولنا .. |
لا يفوتك بس الايفون
ومايلزم جديد ب3000 اشتر جديد المستعمل ينزل من قيمته واجد |
دعدعه وفسق
والشركات لاقيننا بالعكس استفادتي منه دمررررت عيوني منتصه بالظلمى وقاعده اقرا موضوعك منه ابعلمكم اني يعني اني مدعدعه |
حقيقة أتعجب للبعض
ولو أنها ( دعدعة ) كما تفضلتم .. دعوا الخلق للخالق ولا تحكموا بمجرد أن الجهاز خالف أذواقكم أو معدل الميزانية لديكم هو تقنية حديثة كما تفضل به الأخ إبراهيم وشيء رائع أن تتابع التقنية بما تعرف و تتعلم و تثقف نفسك للأفضل أيـًا كان غرض الشراء لآ يلزمنا تتبع الناس بما تملكه فكل ( عقله براسه ويعرف خلاصه ) اقتباس:
وعن قيمته بإمكانهم إقتنائه من الخارج ولكن بعد إنتظار يطول لـ 3 أشهر تقريبًا أو الحصول عليه بقيمة الـ 3300 في حال حب الإمتلاك السريع |
اجل صدق لاقالوا ينكتون سعودي معة جوال
للان حنا كذا تقل توا الجوال طالع معليش جوال حلو زين بس ماله داعي ملاحق اخر موديل ومادري ايش؟؟ والله يالتجاار ماتلقاة معهم دايم اللي كذا حافين منتفين لاترفع راسك عشان رقبتك لا تنكسر ...وشكرا |
اكيد الشباب والبنات يشترونه للإستفاده من خدماته !
بعض الحريم الكبار والرجال ماله بالنت والطقطقه ببرامج الجوال معه ايفون يتصل ويرسل بسسس.. حق الرزه !حسافه والله... عن نفسي ارتاح للكشاف...(h)(f):p اذا اتقيم الشخص من جواله تفكيرك تعبان.. |
ارى بإن الأمر عادي لإنه يغني عن اللابتوب لمحبي التصفح.وفيه برامج جميلة... |
هههههههههههههههههه دعدعة قصمان شيء طبيعي |
عندما تريد منا رأي أخي الكريم سوف نطالبك بأن توضح لنا فوائد وسلبيات هذا الجهاز غير السعر حتى نحكم بحق |
والله دعدعه معظم اللي أعرفهم اذا جاء بالمجلس قبل مايجلس يطلعه ويحطه قدامه من شان كل اللي بالمجلس يشوفونه سخافه والله ,,, |
اللي يذكر لك غير الدعدعة والتقليد الأعمى والكشخة فيه أسباباً تراه يكذب . إلا إذا كان شخص تعرف عنه إهتمامه المُسبق بالتقتنية , إجل مايعرفون وش عليه الحاسب الآلي ورايحين يشترون آي فون وبلاك وماأدري وشو بحجة التقنية !! < قوية ذي هه ! لابأس يشترون اللي يبون بس يقولون والله بنكشخ فيه مش يكذبون ويقولون فيه تقنية رهيبة هه ! عن نفسي لايمكن أشتريهن ولكن للأسف يوصلوني كهدايا والآخرين يظنون إني مشتريتهن . .. |
اقتباس:
كلام كبير ... أستاذ إبراهيم ولا يهونون بقية الأخوان . بالنسبة لطريقة تحليل الموضوع فلا تلمني لأن الكثير هنا لا يقرأ بعمق . فالكتابة تكون على حسب المتلقي .. بالنسبة للتطبيقات الجهاز أعرف أن للجهــاز له تطبيقات تقنية رائعة ليست فقط للمتعة بل للتوفير والإتصال المجاني بين الأحبة حتى لو بعدة المســافاة .. ولذا أنا نصيت بالتصويت على كلمة الغالبية .. أعرف أن هناك من يستفيد لكن هل هم الغــالبية .. هنا السؤال الذي لو كانت عندي إجابته لما طرحت السؤال على الأخوة القراء .. بالنسبة لقولك إننا لا نستخدم من التقنية إلا 25% فإني وتأكيد لكلامك أعرف رجل خمسيني أشترى سيــارة الحوت bmwووالله لا يعرف حتى تقديم الدركسون ...!!! شاكر لك أستاذ إبراهيم هذا التعقيب الجميل .. |
لا دعدعه ولا هم يحزنون
انا جبته لاني من زمان ابي شيئ جديد وبرامج مفيدة حتى نستفيد اكثر من هالجهاز الي طول الوقت ننقله |
كلن يمد رجوله على قد لحافه ... لا صرت داج يا بعدي خلك من الكشاف (( ابو لمبه )) و طقته ... و لا صرت منغنغ عليك بـ الآي فون 4 و الجالكسي و طقته ... . |
كل شخص حر بذاته اذا عنده فلوس ليه مايبسط عمرة وتذكر ان الفلوس ما راح تندفن معك بالقبر ف خلوا الناس تعيش بحاله
|
نتــــــــائج التصويت : الأكثرية هنــا على أن جهــاز الآيفون عند الأكثيرة مجرد تقليــــــد بنسبة 31% بالمئة .. ثم يأتي بعدها بكونه وجاهة إجتماعية . وهذه النتائج بالتفصيل . إحـــتيـــاج للتقنية الحديثة . 33 26.61% لتجريب شيئ جــــديـــد . 27 21.77% وجــــاهة إجتماعية . 36 29.03% مجرد تقليد . 39 31.45% تصويت متعدد الخيارات. المصوتون124. |
| الساعة الآن +4: 02:08 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.