|
ابي استشارتكم يااهل المعرفه
السلام عليكم ورحمه الله وبركاااااااااته اهلين اخواني/ اخواتي كيفكم ان شاءالله مرتاحين ومبسوطين انا ابي مشورتكم ومن استشار ماخاب وابي تردون علي وتتفاعلون معي وتكونون صاقين وجادين معي مالي الا الله ثم انتم وقلت بستشيرهم وان شاءالله مهب مخيبين ضني بهم انا عندي مبلغ من المال قدره ثمانين الف ريال وابي استثمره بشي كويس ويكون دخلوه زين ومشروع ناجح وكسب حلال وطيب وش تشرون علي فيه وش استثمره فيه طبعا انا ابي استثمره في القصيم وش تنصحونن فيه انتظر ردودكم وفزعتكم لي ياعلي ماانحرم منكم ولا من ارائكم |
اممممممممم ... ثمانين الف ريال .. اشتري لك قطعة ارض .. بعد سنه تصير قيمته 150الف ريال... على ضمانتي .. استخيري قبل .. والله الموفق .. |
اوووووووووف 10 مشاهدين ولا رد الا واحد
عموما مهستر الله يجزاك الجنه وين الارض احصله بهل قيمه ابي مشروع زي استراحه ولا محل يعني مشروع ويصير لي دخل سنوي عرفت كيف |
من رأيي انا ..انك تفتحين مطبخ نسائي..وبأيدي سعوديه.. اتوقع لها مستقبل باهر.. سويت لك بحث بقوقل .. للمشاريع النسائيه.. اقتباس:
اقتباس:
اقتباس:
اقتباس:
اقتباس:
|
استقدمي كم شغالة و أجريهم . . أحدهم اقترح هالاقتراح مرة . .
أو اشتري أرض شماال بعيد و اصبري عليها سنة كذا تكسبك . . أهم شيء انحاشي عن الأسهم . . أو اشتري لك كم كيلو ذهب . . الذهب بازديااااد . . و الله يرزقك الرزق الحلال يارب . . |
. . والله ياأختي الفاضلة أنا أحد العشـرة الذين قرأوا موضوعكِ , ولإن المستشار مؤتمن ومن تكلم في غير فنه أتى بالعجائب آثرت الصمت . وإن كنت أرى أن الناس اليوم ( حول بطونهم ) يعني أي شئ يوكل أشوف سوقه ماشي . . |
استاجري شقه بمكه واجريها وبتكسبين فيها كثير
بعدين تشرين شقه كامله تأجرينها وهكذا الى ان تستاجرين عماره كامله واخيرا تشرين عماره وتأجرينها شوفي الارباح وش بتصير ترى هذي عن تجربه وربي يكتب لك الخير وين ماكان ويرزقك |
كراميل ..
الآن في هذا الوقت الصورة مشوشة جداً في الدخول للاستثمارات .. اسعار متذبذة ومتفاوتة وغير مستقرة تجعل نسبة الخسارة اكبر من نسبة الربح .. لذلك أعتقد إنه من الأفضل إنك تصبرين شوي الين تهداء الأمور وتتبين .. وحالياً أمسكي فلوسك بقطعة أرض .. هذا رأيي والله يوفقك .. |
اقتباس:
يابنت الحلال .. انتي مرأة .. يعني لو بقولك على مشروع صعب عليك يبغى متابعه دقيقه .. فالاسهل لك انك تشترين لك قطعة ارض بشمال بريده .. المشروع مضموووووون .. انا قد شريت قبل سنتين ونص ارض بالشمال ب45000ريال .. واللحين قيمته فوق 120الف ريال والله .. طيب شوفي .. اذا جزمتي على انك تشترين قطعة ارض علمين ترى انا اخوي عنده مكتب عقار وعنده خبره طويله .. انصحك استخيري اذا جزمتي .. |
انا مع مهستر اشتري ارض شمال طبعا بعيدة ومكسبها مضمون ان شاء الله
|
صحيح مايمسك الفلوس الا الارض
اشتري ارض وبتفيدك ان شاء الله ربي يوفق خيتو |
. . الثمانين ألف ريال لايمكن أن تجدي فيها أرض إلا يمكن بالدبتس ( شرق بريدة) وللمعلومية الدبتس (يويدز على أمريكا من بعده ) يعني تشوف أم أوباما وهي تذوق العاقود. لكن بإمكانكِ أن تشتركي مع أكثر من واحدة لشـراء أرض على أن تتفقن على آلية البيع يعني مهب تجي وحدة بعد شهر تقول ماكسـبنا .. . . . |
يسلموا كلياتكم ويعطيكم الف عافيه على الاراء الجيده
بصراحه اعجبتن فكره استاجر شقه بمكه بس كيف ومن وين ياليت توضحين لي اكثر اختي ومهستر يسلمك ربي بس ممكن ترسل رقم محل اخوك ولا اسمه على الخاص علشان اشوف عندهم شي يناسبني يمكن املك لي بيت لاني بااجار |
اقتباس:
ويستاجر لك انا اللي اعرفه قريب لي راح هناك واستثمر امواله بهالطريقه والاآن ساكن بمكه وماشاء الله ماعليه اهم شيء ادعي ربك يوفقك للخير وين ماكان موفقه حبيبتي |
اختي كراميل : انا الرسائل الخاصه عندي خربانه .. ماتشتغل ابد ... مقفوله .. انتي اجزمي هالحين .. همن عاد اتواصل انا مع الادارة عشان يرسلون لك رقم جوال اخوي .. بس تكفين لاتكلمينه انتي ..اغاديه اخوك والا ابوك... معليش لان حريم واجد يكلمنه ويرسلن له ( يبلنه) وزوجته متحسسه من هالموضوع وكل يوم مشاكل .. الله يصلح بينهم .. |
اوك مهستر ماقصرت ويسلموا على تفاعلكم معي وانتظر مزيدكم
وش رايكم بلمغسله ملابس كيف دخله كويس |
شاركيني في مشروع ناجح بإذن الله ومن خبرة أكثر من 10 سنوات :41
والارباح لن تقل عن 6000 ريال بإذن الله مبدئياً وقد تصل مستقبلاً إلا أكثر من 20000 ريال أدري مافيه امل بس هذا تلميح للشباب اللي وده يشاركني : 12 .. ندخل لطلبك اولاً .. ممكن تفتحي مغسلتين ملابس وتكون في موقع ممتاز ويفضل تكون قريبة من شقق العزاب والعمالة .. وأجري الممغسلة على العامل بمبلغ شهري ( حسب الموقع ) لاكن أقل شيء 2000 ريال بدون أن تتحملي أي مصاريف ( يعني لا إيجار ولا إقامات ولا يحزنون ) ثانياً .. الذهب بما إن مبلغك جيد ( ماشاء الله ) الذهب إن كان اطقم ممكن تأجريها على هالحريم أو ذهب واتركيه إلى أن يرتفع أكثر ( اليوم قريت وصلت الاونصة إلى 1512 دولار وبالريال 5747 ) والخبراء يقولون إحتمال يصل إلى 2500 دولار وإحتمال 5000 دولار :41 وهنا رابط سعر الذهب ( والله يعين اللي مقبلين على زواج :eek5 ) http://www.tqyeem.com/ ثالثاً .. شوفي شعلات الحريم والاطفال واللي ماشي , وبعدها اتفقي مع الشركات والمؤسسات المتخصصة في الصين ويجيبونها لك بأرخص الاسعار ( ومايحتاج كل المبلغ ممكن 20000 ريال مبدئياً ) اررررررررخص .. تجيبينها بـ نصف ريال وتبيعيها بـ 10 ريال <<< كمثال وبإمكانك البحث عن طريق الإنترنت رابعاً وخامساً وسادساً ... ياكثر المشاريع لكن اهم شيء في كل مشروع النية ثم النية ثم النية والصدقة ثم الصدقة ثم الصدقة .. وراح تشوفي التوفيق من الله سبحانه دعواتنا لك بأن تكوني من سيدات الأعمال وتنافسين لبنى العليان |
شكرا صمت النار وكل من اشار علي بس احس الذهب صعبه لوشريت ذهب لبسته
|
فيه نقطة مهمة
هناك فرق في الإستثمار هل يكون إستثمار طويل المدى , أو بدخل شهري أو سنوي أو أو أو |
تنبيه لا أكثر ..
ajmn اقتباس:
فهذه إمرأة أؤتمنت عليها . وهي الآن في عداد محارمك وليس لك الحق في تأجيرها . أضف إلى ذلك أنه ممنوع من قبل الدولة . |
اقتباس:
لكن ممكن عشان النظام :d برغم أنه مسموح لمكاتب الإستقدام : 12 ماشاء الله يكسبون ذهب :41 |
ابي مشروع طويل المدى ان شاءالله ويكون دخل سنوي ولا شهري ولا ان بغاء يومي عادي هع
بس ابي استثمره قبل لاالعب فيه بخلقان وسفر واكل ودي اصير غنيه والغني الله سبحانه تكفون ساعدوني بخطوات الاقدام |
أقصد بالذهب . .
الخام . . اللي مو للبس . . وممكن تتركينه بالبنك . . |
والله يا وخيتي يعني قطعت الارض نبي نقوووول مانتب لاقيتن قطعتن رخيصه بها لوقت ....
وان لقيتي تبي تلقين صغيره ولا تسوى وبالجنووووب والناس مايبووون بالجنوب يبون بالشمااااال ... ثاني شي : الاستراحه انتي مثل ما تقولين ابي شي ناجح وكسبه طيب وحلال والاستراحه ماتدرين من يبي يستاجره منتس يمكن شبابن بهم او مابهم ...... بس شوووووري عليتس // المغيسله ثم المغيسله ثم المغيسله >>:d:d:d:41:41 هي اللي كسبه حلال وان شاء الله مربحه والله يوفقنا وياتس ويرزقتس من واسع ابواااابه >> قولي امين بس قبل كل شي ياوخيتي صلي لتس ركعتين استخاره ..... والله يدبر الصالح به ....... تحيااااااااااااااتي // مثل امس ها الحزة |
اذا تقدرين على فتح اي محل تجاري افتحي اي محل لو بقالة او مطعم لانه له دخل ممتاز وتشوفين ماشاء الله تبارك الله المحلات ماشي سوقهن
واذا مالك خلق تتابعين الشغل وتصالين العمال ^^ احسها صعبة عليك الا اذا كان لك وكيل يتابع شغلك افتحي مشغل نسائي تشوفين الرزق ان شاء الله وتكوني انت مديرة عليه في البداية علشان يمشي صح ويوقف على رجلينه ولا اوصيك بتخفيض الاسعار علشان يتخابرونك البنات اول كانت المشاغل بس ايام المناسبات الحين صارت اسبوعيه الله يرزق المسلمين من واسع فضله واذا مالك بالاشياء هاذي كلها اشتري سبايك ذهب الذهب كلماله واغلى او اشتري ارض راح تلاقي بثمانين الف قبل اسبوعين فيه ارض بخمسين وقبل يومين سعرها بستين شوفي كيف ارتفعت الاسعار او ادخلي بشراكه مع احد واشتروا ارض بالرياض سنة سنتين وطاير سعرها فوق |
مغسله ملابس لاتجربينها..اشوف مغسله حولنا ماقعدت كم شهر وسكرت..
|
ارض احسن شي لك ولو تشريه الحين لان يقولون يبي يغلن هماو بدن يطلعن الاسماء البنوك :d
يعني عقب 4او7شهور تبي تزود وانت شاور احد يعرف حتى ماتوهق هههههههههههههههههههههههه |
أنا مع أخوي مهستر بكلامه |
إذا لك بالبيع عن طريق النت وإلا أستثمري بأرض حتى يرتفع سعرها ووقتها تنفتح لك الفرص
|
شوفي وانا اخوك العمال شيبوا براسي وانا رجال مرة اكفخ ومره اكفخ
اما انتن يالحريم وش تبن تسون مع لكاعت العمال طيعي شوري والله مافيه تجارة من 100 الف اوجاي الا دعست خشمي به الا ماندر لاكن عجزت استفيد تبي متابعه مستمره وانا والله عجزت اتابع لاني مشغول بشي ثاني اما الاخوان والاخوات الي اذكروا المغسلة والمطاعم والشقق تراه خسرانه من هالحين لان العمال نصابين ما يوفون بالاتفاق واقروشك ماتطلعينهن الا بطلعت الروح ومع الاعذار والحجج حتى الطماط غلي والصابون غلي وخوذي من الحجج الواهيه اما الذهب غالي ولو شريتي الجرام 170 تبي تبيعين 160 وش الفايده لان الكميات الي تبي تشرين بالـ80 الف ماتجي ولا نصف كيلوا ويمكن يسرق وعاد رقعيه ما فيه الا الاراضي مهب لازم ببريدة دوريلك بعنيزة ولا بالبكيرية ولا بعض الاحياء حتى الاحياء الفاشلة مايهم تبي تكسبين باذن الله لو بعد حين توكلي على الله لاكن انتبهي اذا بغيتي تشرين ارض موقع الارض .... مساحة الارض ...... لايسير به انشطار وزواياء تاثر ... اتجاه الارض الافضل الشرقية والجنوبية انخفاض وارتفاع الموقع مهب ابشعيب اتمنى لكي وللمسلمين التوفيق دمتم بخير |
والله المغسله نفسي به من زمان واحس انه تمرض ولو تموت بس وين المواقع لكويسه وكيف طريقه معاملته
والارض زينه كان انا اعمر لي بيت بس القى بثمانين ارض بحي زين ببريده |
مآمثل الآرض ومثل مآسبقون به آخوآنــي موب لآزم تكون ببريده بس بعد كم سنه بتزود الآرض وبتبيعينه بمكسب .. |
الذهب ولا غير الذهب
|
طبعاً الأخوان والأخوات مآقصروا بإستشآراتهم لكن بآلنسبة لي انصحك بآلعقآر هذا أولاً ولصعوبة الحصول عليه بهذا المبلغ وإذا عندك هواية بأدوات التجميل ومآيخصه انصحك بمشغل نسآئي فهو منآسب لميزانيتك ويسهل عليك متآبعته والاهتمآم به ...
بآلتوفيق |
| الساعة الآن +4: 03:19 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.