|
نصائحكم: بناء منزل او الزواج ؟؟
السلام عليكم نصائحكم لشخص يريد الزواج ويملك المبلغ لتكاليف الزواج لكن لايملك منزل. هل بهذا المبلغ الذي لايكفي لتغطية بناء منزل البناء ثم يفكر بالزواج؟ وبناء المنزل سوف يرهقه بالديون ولن ينتهي دون سنتين او اكثر يعني بإختصار يبني بيت والا يستأجر ويتزوج ؟ مع العلم عمره 27 سنه انتظر ارئكم لصاحبي |
هذي فيها سؤال :confused:. اكيد يستأجر بيت ويتزوج. لك تحياتي |
والله احسن يعمر بيت ويأثث على شوي شوي
لان العصفور يسوي عشه يعني حنا اذكى من العصفور . |
عوافي على مشاركتكم لكن لو نفكر في بناء البيت بياخذ وقت وجهد ومال وهو مايملك الا القليل وايضا الزواج فلوسه متوفره لكن بيذبحه الاجار ولا راح يقدر يبني بيت |
يشتري بيت على قده يعني مايصير غالي كثير وشراء البيت مو غالي مثل انه يبني من الصفر
بعدين يجمع مهر ويتزوج |
يابن عمي
الزواج في كل الاحيان اولى والبيت يفرجه ربك ناس كثيرة تزوجت منهم الي بناء بعد سنين بسيطة ومنهم من تجاوز عمره الاربعين وتوه يبني ومنهم تجاوز الخمسين وما بناء اذا لقيت العصفورة هان العش لو تسكن ابدريشة بس امسك العصفورة قبل ماتطير وقل لصاحبك ايتوكل على الله وربك يفرجها موفق دمتم بخير |
وجه السؤال له.. ماهي الاولويه اللازمه المستعجله لديك...؟؟!! الزواج ..ام ..بناء البيت..؟؟؟! اذا كان الزواج فليتوكل على الله..فقد قال رسول الله(حق على الله اعانة الناكح يريد العفاف ).. فالزواج بركه وفتح للاعزب..فقد وقفت على قصة شخص.. كان فقير بكل ماتعنيه الكلمه من فقر..يعني لايملك من الدنيا.. الا مسجد يؤذن فيه وبيت من المسجد فقط.. وسبحان الله ..يوم عقد الزواج..فرج الله عليه بوظيفة حكوميه.. مع ان شهادته ثانويه.. وله سنين يدور مالقى.. صدق مع الله في نيته..فأتاه الفرج من حيت لايحتسب.. فلربما تزوج صديقك..واتاه بركة بالمال تعينه على اتمام امنياته الاثنين..معااا.. فليصدق مع الله,,سيجد العون.. وفقك الله واياه وكل مسلم |
اناا اقوول يستأجر ويتزوج احسن شي
لآن كل اغلب الناااس عايشين في بيوت اجار والله يوفق الجميع ......... |
عوافي على ارائكم وسوف انقلها له والله يكتب ماكانت الخيره فيه |
الزواخ اول وبعدين ابد بالعمارلان العمار ياخذ وقت موفق |
طبعاً حسب الأوليات بالنسبة له ..
لكن من واقع تجربة لو عمر بيت أول كان أفضل ثم يتزوج مباشرة .. فالبيت حينها يكون جديد والأثاث كذلك فلا يبقى سوى المهر الذي يأخذه من بنك التسليف .. |
اكيد يتزوج ويستأجر......لان ربي يبارك بكل شي اذا تزوج...الله يسهل امره والمسلمين....
|
لـا يبني بيت ولـا يحزنـون
يتزوج ويستأجر ومع الزوجة بيجي الرزق~~ |
رأيي سكن ثم زواج لأجل ان لا يكون هناك تواجد ثقلين في آن واحد فتكاليف العمار اخف و اهون من تكاليف ما بعد الزواج لكن الاهم ان لا يجتمعا |
لو يصبر سنه ويجمع اللي يقدر عليه وبعد هالسنه يتزوج ويستآجر بيت ويآخذ سلف ويبني شقه صغيره على قده.. |
والله ياجماعة انا نصحته بالزواج اولا ومبررات رائي : الزواج بما انه فلوسه متوفره يتوكل على الله ويتزوج ومساوئ بناء البيت بياخذ الفليسات اللي مجمعهن ولا راح يكمل وبيدخل بديون ماله حد واذا جاء الزواج فتح فمه العمار اخذ كل شي عنده . ارائكم جميلة جدا وفقتم |
تشتري ارض رخيصه ب50 الف وتعمر دور صغير ب100الف
وتزوج ومحلاها نومه بيت الملك ولا ياكلك الاجار وبعدين اذا تزوجت وماعندك ملك ماتقدر تلحق من مصاريف البيت والاجار الغالي تلقاها شقه كانها مخفق حمام من صغره ب20 الف حنا عمرنا استراحه مكونه من غرفتين وصاله ومجلس ومطبخ ودورتين مياه كلفت 60الف نبي نقول انت تبي اكبر اشوي تكلف عليك 100الف وبعدين اذا جمعت الي يسوى تعمر الي بالك بس مايضيق صدرك اذا طالت الايام وماجمعت لانك الان بملك |
الزواج إستقرار وراحة نفس غالباً _ بس أهم شيء التوفيق |
قال الرسول صلى الله عليه وسلم <من استطاع منكم البائه فاليتزوج>
انا اقول ااحسن يتزوج ويسكن اجار بعد عمره كبير لان البيت الملك يبي اللحين رجال عندهم عيال ساكنين اجار |
يستأجر بيت ويتزوج
ويرزقه الله |
قل لصاحبك ان يستخير قبل كل شي ..
ثم ان الزواج يفتح الرزق .. بإذن الله .. |
رائيي الشخصي العمار بعدين اذا ملك البيت يصبر سنة سنتين ويتزوج كذا بيرتاح نفسياً وراح يفتك من الأجارات والكتمة والله يوفق الجميع *** |
اقتباس:
أحسنت قولاً أخي الكريم :41 أوافقه الرأي |
اشكر الحميع على ابداء الرائ والنصحية
وتقريبا اتفق على رأي محدد بعد مشاهدة الردود المتباينة |
بسم الله الرحمن الرحيم
يحصن نفسه ثم البيت وربي يوفقه . |
الزواج أولآ علشان يفرح أميمته وأبيه أذا كانو أحياء
والعمار قطعة من نار قله يستانس بحياته قبل الأقساط والديانه \\\\الله يوفقه |
| الساعة الآن +4: 02:04 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.