|
زوجة الصيف القادم ..!
شباب كثر .. تمضي بهم الأيام وهم يعملون .. يجمعون المال .. يضعون الريال فوق الريال .. ويحرمون أنفسهم ما تشتهي .. فقط لكي يأمنوا مستقبلاً جميلاً مع من إمتلكن جلّ تفكيرهم .. و أحلامهم .. هذا يصحو باكراً و الناس لا تزال نائمة يسابق أشعة الشمس في إشراقتها .. يمنح بروحه الفتية أملاً للحياة بإذن خالقه .. لا يوقفه عن سعيه سوى لحظات قليلة تختلي فيها روحه مع الرزاق .. وذاك تشاهده و هو يبتسم و يشكر ربّه .. ربّي زدني من فضلك .. وبيده ريالات جمعهن حتى آخر ساعة من النهار .. يذهب بهن إلى بيته ليضعهن في مكان آمن .. حتى تأتي من يستطيع بهن منحها حياة آمنة مطمئنة .. آه .. من أحلام الشباب .. كم سلبت من أعينهم النوم و من قلوبهم إنتظام النبضات .. وهل كان حلم الشاب الفتي الصابر الواثق من توفيق ربّه له العازم على تحطيم الحواجز يوماً إلا مفتاحاً لما يصبوا إليه و أداة لإسعاد و إستقرار من يريدها ملكة لقلبه؟ آه وما أجملها من دقائق مع شريكة الحياة حينما تجمعها مع زوجها في بيت أُسّس بعرق جبينه .. لكن .. و ما أقسى ما بعد لكن .. حين يصطدم ذلك الشاب النادر بحواجز من صنع من كان ينتظرها زمناً طويلاً .. حين تأتي هي و تحطّم مجاذيفه .. حين تطلب ما لا يستطيع تقديمه .. حين تنعته بالفقر .. و تصفه بالبخيل .. وهو لا يملك سوى ما كان يظن بأنه سيكون كافياً لستر بيته ومن يسكن فيه حتى حين .. شباب كثر .. وقعوا ضحايا للديون .. و من بعدها رمتهم أطماع زوجاتهم في السجون .. تُرى لما يتعرّض ذلك الشاب الذي كانت تغار أشعة الشمس منه لمثل تلك المشاكل؟ تُرى هل سيستمر ذاك الشاب في دعاء خالقه بأن يزيده من فضله بعد أن كان شاكراً له؟ أم أنّه سينحرف و يبتعد عن كل ما كان سبباً في سعادته؟ أيام قليلة تفصلنا عن إجازة الصيف .. موسم الأعراس .. لذا .. أود نصح كل أخت عبر هذه المشاركة بأن تكون عوناً لزوجها لا عوناً لمصاعب الدنيا عليه .. أنصحها بأن ترضى بالقليل حتى يأتيها الكثير .. ولا تطلب المستحيل منه فتنقلب حياتهما إلى جحيم لا يطاق .. أنصحها بأن تكمل معه مشواراً بدأه .. لا أن تقطعه فتخسره و يخسر هو حياة أحبها من أجلها .. . . وفق الله الجميع لما يحب ويرضى .. |
درر
كلام جميل ياليت اغلب معاشر النساء تسمع وتعقل ماسمعة جزاك الله خير |
الأمر بيده . .
لا بيدها . . |
شكرا لك أخي بندر على طرحك هناك من يصنع من أمانيه سياجا يحبس داخلهانفسه ثم بعد فوات الأوان يكتشف غلطته فيندب حظه |
الله يعطيك العافية على هذا الكلام |
كلام في الصميم اسلوب لبق واسطر خُطت بماء الذهب تمكنت من طرح مايتجلجل في قلوب الشباب اللهم اجعل ماكتبته في ميزان حسناتك بندر كن بخير دائماً همسة يابنات حطن هالكلام على بالكن مدن لحافكن على قد رجلين ازواجكن تراكن مأجورات ولايغركن بعض المواضيع الي تحث على تأديب الزوج او ان الزوج لازم ((يحلب حلب))<<هالنظرية هي الي خلت الشباب يوصلون 40 ولا يتزوجون انا طبعا ماتزوجت ولاكن من واقع تحذير من اصدقائي الي 90%متزوجين يقولون انتبه تعرس والله ان تندم وتقضي راتبك الي انت بازن به هالحين قبل يطلع!!((طبعا انا ماخذت بكلامهم))لاكن ربي ماكتب للحين لاكن غيري بياخذ بالكلام وبيخاف طبعا لاأبخس البنات الي متربيات صح ويدارن ازواجهن الحمدلله الدنيا بخير وعندنا بنات مشالله يحطن على الجرح ويبرى |
أنصحها بأن ترضى بالقليل حتى يأتيها الكثير .. ولا تطلب المستحيل منه فتنقلب حياتهما إلى جحيم لا يطاق ..
أنصحها بأن تكمل معه مشواراً بدأه .. لا أن تقطعه فتخسره و يخسر هو حياة أحبها من أجلها كلام سليم . ألمرآه العاقلة تصبر .وتعين زوجها علي توفير وجمع المآل ولا تحتاج لي أحد وتصبر علي الحلوة والمرة عبد الله ألرقيعي إنا طبعا ماتزوجت ولأكن من واقع تحذير من أصدقائي إلي 90%متزوجين يقولون انتبه تعرس والله ان تندم وتقضي راتبك إلي أنت بالزن به الحين قبل يطلع لأتصدق كلام الصدقائك تراهم مبسوطين مناحيه الراتب حصله راتب شهري وريح نفسك ألمرآه قنوع الله يوفق لجميع |
ولا تنسى بعد غير المهر يجيك اجار البيت والاثاث
الي يقطع الظهر ويخليك تكره الزواج وانت ببداية المشوار الله يعين على هالدنيا بخير |
الله عليكم يعني الرجل مايعرف يقول له لا والمفروض مايقبل عللى الزواج الا وهو قادر ياخذ بنت الناس ويجوعه هههههههههههههههههههههههههههههههههههههههههههههههههه هههههههههههه الاخ عبد الله ماكل البنات طبعهن شين<<<<<<<<<<<<<<<<<<<<<<<<<<<<< ام ام |
كلآمك جميل وكلآم الأخت برنسيسة أيضآ فكلآهما مكمل .. ,, للأسف يوجد زوجآت يثقلن كآهل أزوآجهن بالديون , وراتبه يجيب الله اللبس تلبسه مرة وحدة بس عيب تلبسه مرتين , وعيب تلبس مو ماركة والله هي وورعآنه كذا ولا تحسب أي حساب لراتب الزوج بس تدرون البلآ منكم ,, ماتعرفون تقولون لا ؟؟ أنتم السبب كل ماقالت حريمكم شيء لبيتوآ لين صرتوآ خآتم بيدهآ! مرة قولوا لا .. مرة إيه ..مرة اسهجوهآ .. خصوصآ إذا كانت كماليات وليس ضروريات ! .. أعرف حرمة توصي حريم تقول اسحبن مخابي رجالكن سحب واشترن اللي تبن , عشان يصير مفلس , لو بغى يعرس عليتس وآثره دآج ما يلقى شيء يعرس به همن يهون !!< خوش نصيحة ! ,, الأخ عبدالله الرقيعي تزوج وييسره الله يمكن أصحابك ماوفقوا بحريم تعرف التدبير وخلك من البداية لاتعطيها الضوء الأخضر إعتذر بطريقة لبقة عن بعض طلباته وهيك .. موفقين ! |
وأنا أقرأ موضوعك ذهبت لمنحنى آخر .. وهو زواج الصيف عند الرجال !!
|
.. باب الزواج باب مخيف على جماله ، لأنه يحتاج إلى استعداد جيد ( أقول جيد ولا أقول كامل ) لأن الاستعداد الكامل و الظروف لا يُمكن أن تتهيأ إلا نادراً ، و هناك من يجعل من الزواج عقبات و مصاعب ، يُجبر الشاب على الإعراض عن هذه الفكرة أو بالأصح هذه السنة .. حتى إذا وصل المرء إلى سن معين أعرض عن الزواج جملة و تفصيلاً و لم يجد أي انجذاب إليه و لا رغبة فيه ، و انشغل من هنا و هناك في هذه الدنيا ..
ما أجمل أن يعيش الزوجان عونًا لبعضهما تكاتفًا و تآلفًا في حياتهم .. أسأل الله أن يوفق كل من يبغي الزواج و أن ييسر أموره و أن يبارك للمتزوجين و على رأسهم شخص حبوب جداً بيتزوج غداً :) |
الله يستر مانطيح لنا بوحدة ماذاقت عيشه .. طلباته اكثر من حركاته.. افضل شيء ان الرجل يحاول بقدر مايستطيع ان يعزل زوجته عن العالم الخارجي .. لان الحريم الله يهديهن اذا شافن ساره عنده حاجه .. ومنيره عنده الحاجه الثانيه .. وهيله عنده حاجه اخرى .. المسكينه البنت تعتقد كذا انه ناقصه .. والبنات الثانيات كاملات .. والعكس صحيح يمكن هي افضل منهن بواجد ... بس هي جمعت حاجاتهن لشخص واحد .. وهذي مشكله كبيرة .. |
خوفتنا الله يهديك مقبلين ان شاء الله ..!
الله يجزاك خير على هالكلمات الرائعة وفعلا مانشاهد من مصائب في الوقت الحالي هو بسبب غلاء المهور وما الى ذلك فالشاب اول يتزوج لعف نفسه عن الحرام ولكن الان مجرد التفكير يتراجع من المتطلبات عسى الله ان يوفقنا .. |
شف وانا اخوك الدنيا من تالي نيران والمهر والبيت والمصاريف يزدحن من جهه والعيال ووو الخ يزدحن من جهة لا ولو يبلاك ربي بزوجة ماشافت عليشة بعد كان تعاف الدنيا كلها وانا اخوك ((اشوى اني مااعرست)) :d |
الله يكون بعون الشباب
فعلا الحياة صارت من تالي صعبه لان لو لاحضنا اغلب الطلبات كماليات وليست ضروريه والتقليد والغيره بين الحريم اكبر مصيبه لازم تصير احسن من فلانه او مثله قليل اللي له شخصيه تميزه عن الباقيات وكأن الشكل هو اللي يضع للوحده قيمه بالمجتمع كله من الخوف من الانتقاد !!! اتكلم من واقع اشوفه التربيه والتوجيه من الاهل له دوور كبير اعرف شايب يقول لبناته اذا جن يعرسن لاتتوقعين ان زوجك راح يصير مثلي اصبري عليه وساعديه |
اقتباس:
اخت ام الوريدات والله ياختي اشوفهم كلن يشكي على الثاني وحشش ونشش بهالحريم والي يقول ياليت الزمن يرجع ولاتزوجت واللي يقول ورطتنا بهالمجلس الي انت شاري مرتي شافت مجلسكم وشبت علي واللي يقول لحقتن الاقصاد والديون من الاجارات وخذ ياتحذيرات وبعضهم احس منه الصدق واللي يشتكي من السفر ماقصرتي ياختي وشاكر لك على اهتمامك وانا والله ماناظرت لكلامهم لاكن غيري يقول ايه هين دور احد يعرس تبين اجي (اونون)مع هالمعرسين وانا على يقين تام ان الزواج سبب في توسع مصادر الرزق اذا كان الانسان يخاف ربه ونيته زينه بكل شيئ |
اقتباس:
يالسكرية الحمراء هذا الكلام الصحيح المفروض مايعرس الواحد الاهوقادر او على الاقل يطرق الابواب(يطقطق) بعض الناس يوهقونه يقولون اعرس ويسهل الله(وهو عاطل) وتلقاه لاكمل دراسة ولاتوظف ولافتح مشروع ويجي احد يوهقه يقول اعرس وترزق<<(ترزق صحيح مانختلف بس افعل السبب مهب تعرس وتقعد بالبيت وتقول ارزق) اجل ام ام<<<محمرهـ العين علي ومن يقول ان كل البنات طبعهن شين ينقطع لسانه الي يقول هالكلام لا فيه بعض البنات اطيب من الرجال وتوفر رجله لاخر درجة مثل ماقلت اول شي فيه بنات متربيات صح وواجد بمجتمعنا الحمدلله |
المرأة بعد الدخول عليها كالداخل على المستشفى احد يطيب وهم قلة قليلة و احد تزيد علته و مرضه كالأغلبية و ربما خطأ مشابه للاخطاء الطبية يميت كل تلك الاحلام الوردية خاص .. عبدالله الرقيعي .. الزواج مصير له نهايتين كلاهما مر لكن واحد منهم محفوف بريح من السعادة |
اقتباس:
دفادف وش يسوون بعضهم يبي الستر لان بعض الحريم تفضح به وتسوي مشاكل لارفض او صرفه(على ذمة الي قالي) يستحي يخاف تقول لاحد ترا بعض الحريم مابهن مخ اهم شي الي تبي يلبى بغض النظر عن اي ارهاق لكاهل الزوج والمرة الي تعرفين نموذج حس ومياشر لعزوف الشباب عن الزواج اما بالنسبة لي مثل ماقلت واقول انا الحمدلله كل شي متيسر امامي ولله الحمد والمنة ولايعوقني الا ان الله يامرني فقط فالزواج من سنن الحياة والانسان متزوج لامحالة ووجهة نظري الي ماتراجعت عنها ابدا ان الزواج سبب لتوسع رزق الانسان(بشرط ان يسعى ويطرق ويصدق وسيوفق ) ولا انظر لاصحابي ربما ان بعضهم (يزود) وبعضهم (يكذب) وبعضعم (ضعيف شخصية) وجهة نظري الحياة الزوجية (جدولة من البداية) مثلا تاخذ بنت معروفة ويبحث عنها بدقة ويسئل عن اخلاقه واخلاق امه واهله كما يقال في المثل الشعبي((اسئل عن امه قبل تضمه))<<هالمثل يجب ان يطبق لانه دقيييييق جدا وبعد ماتتزوج تتفقون على ان كلن يقدر ظروف الاخر في الحياة سواء ماديا او نفسيا وفي كل امور الحياة ووفق الله الجميع لما يحبه ويرضاهـ |
يقولون خذ بنت مدللـه ولا تاخذ ملطمه مادري وش هي اظنه كذا اشوف قرايبي الي اخذ بنت عز مرتاح معه لانه شايفه العيشه من قبل ماتاخذه والي اخذ بنت على قد حالهم تشوف عيونه طالعه وحالته حاله تبي سفرات وتبي احسن البس واحسن الاثاث واحسن البيوت لانه ماشافت هالشي وتبي اجـرب هذا الي شفته بعيني مو واحد ولا اثنين ياكثرهم الي كذا والله يوووفق الجميع |
اقتباس:
وأيضًا يجب على الشاب أن يبحث عن التكافؤ قبل الجمال لأنه بالغالب من الحالات التي ذكرتها هو يكون من مجتمع متوسط ويبحث عن مجتمع لن أقول ارقى ولكن أغنى ماديًا لأن الرقي بالأخلاق لآ بالمادة * إضافة بعض الشباب يبخل بـ الصرف على الزوجة ويعتبر مالديها مجرد مكملات لآ أكثر مع العلم تجده يصرف بدون إدراك على جلسات الشباب و الإستراحات و السفر بحجة تغيير الجو وأنه من ماله الترتيب و مواربة الأولويات أمر هام للحياة من كلا الطرفين وكما يقال " سدد وقارب " وفق الله الجميع لما يحب و يرضى |
اقتباس:
|
كلام في الصميم بورك فيك |
والله ؤب كل البنات كذا بعضهن يقدراً
ولااقول ان مافيه بنات يبن ويبن لافيه وفيه لكن وين الرجال اذا قالت له شيء ؤب لازم رفض بطريقه لبقه وبعض الحريم متليعات قدرت زوجه وجحده ماتبي تكلف عليه واخرته يروح يتزوج عليه عشان كذا تنبه بناته لايخطن مثل خطاه ونتج هاالفئه |
ذكرتني بمن طلبت من زوجها إحضار سلة شوكولاته لتهديها لقريبتها في المستشفى فاعتذر زوجها بأنه لايملك سوى قليل من المال بالكاد يكفيه لحين نزول الراتب أصرت عليه بأن لاتذهب الا وهي معها فيضطر المسكين ليتسلف من رفيقه من أجل ماذا!! سلة شوكولاته أسال الله أن يرزق شباب المسلمين الزوجات القنوعات اللاتي يرضين باليسير ولايطلبن المستحيل بوركت أخي بندر |
جزاك الله خير
والله يوفق الجميع |
اقتباس:
بقولكـ معلومــه منول فيه بنات يحطن ع الجرح يبرى الحيين لا:oo كل بنت وبه ششره يعني كلهن يحبن المصاريف ويحبن يشفطن الرجل شفط وكل مالهن يتذهنن:( نا أسسمع كثير ان فيه مدرساات رواتبهن 15ألف وزيااده قسم بالله أذا بغت تروح لسسوق تقول لرجــله بروح لسوق عطن قروش والمششكله رجله <<الهــدر>> يعطييه:i121 طيب المدرسسه ذي وش تحسس بوه وشوله النذله شفت ان الحريم يلهدن:i121 مادري وشوله تغبي قروشه تقل بيدفنن معه:S>>هذي وهي عنده تطلب من رجله وش عااد اللي ماعنده:i125 يعني كــلام زملائك صدز يحبوون مصلحتك وبس |
الأمر ليس بهذه السهولة يا أصحاب .. فالنفقة مأمورة على الرجل .. يعني واااااااااااااجب ينفق على زوجته لو هي مليونيره وهو بيّاع خضره.. اقتباس:
إذا هي بتلبس من فلوسها اجل وش بقى للرجل ما دفعه ؟؟ حلووه ذي تبينها تلبس من فلوسها .. اجل يصير (للذكر مثل حظ الأنثى) .. وأصلاً الرجال هو اللي ما يسمح لزوجته تدفع ولا هلله لنفسها وللبيت ولعيالها .. أعرف واحد متزوج دكتورة .. وهي اللي تنفق عليه .. ويروح يتشحذها ويتزوج .. وينساها .. وكل ما دج رجع .. ما لي غيرك يا أم فلان أبي هه وإلا هه .. وهي تعطيه .. طيب هدره .. لا والله .. بس كل ما تبيه منه لا يترك عياله .. تبي تكبر أبوهم قدامهم .. ما تبيهم يصيرون مثله .. أما رجل يعطي زوجته .. فهذا واجب ولم يقتصر على الكماليات دون الضروريات .. لذلك يجب على الشباب ألا يتزوجوا إلا وقد وفروا لزوجاتهم كل ما يحتجنه .. لباس جديد .. أو ماركة .. أو طلعات .. أو هدايا للصديقات .. وإلا فلا يتزوج .. وإلـــــــى متــــــــــــى .. القصــــــــــــــــــــــور من الرجــــــــــــل والبنت ( أصبري وساعديه ) ؟!:i121 كان الله في عون بناتنا .. فمثلهن والله لم أرى .. :) |
اقتباس:
لو راتبها 20000 اخذ منه لو 500 بس اهم شي انه يصرف علي |
اقتباس:
بأي شرع هالكلام ؟!! اللي نعرفة أن قدوتنا الرسول عليه الصلاة والسلام زوج امرأة من رجل ما يملك خاتم من حديد وزوجه بما معه من القرآن كل ماذكرت أمور لاتذكر ولا قيمة لها بجانب العشرة بالمعروف وحسن التعامل . |
تشتري صح بس بدون إسراف مثلاً جت مناسبه يروح معه للسوق تشتري اللي يعجبه وهو يدفع
غالي رخيص اهم شي انه معجبها والمناسبه وحده ماتشتري 3 فساتين تشري واحد والمرأة ماتبي يقال لها خوذي شي رخيص ولا دخل مزاجه ويقاس كذلك على اثاث البيت من فكر في مناقشتي فلينظر الى توقيعي |
رآآسي صدع من الردود هذا يقول كذا وذا كذا :rolleyes:وكلن قال رآآيه عاد جاء دوري :rolleyes: :d من رايي واللي أحس أنه أفضل شي : ) طموحه يعطيه صرافه وينزل له شهرياً مبلغ محدد < يتفقون عليه طبعاً وخلاص لا يعرفه ولا تعرفه من ناحية السوق وهو يصرف ع البيت والحاجات الثانيه والله يعينه وسوق ماله دخل به تتصرف بـ المصروف اللي نزله له وكثثر خير الجميع ( : ~اللهم أرزق الشباب زوجات صالحات وأجعلهن عوناً لهم على الطاعه~ |
| الساعة الآن +4: 05:21 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.