|
شيء مخجل بان تشاهد إمرأة واقفة امام خياط نسائي
قبل ادخل الموضوع اتمنى من الادارة اتساع صدرها لما سيتم طرحة لانه بصراحة يمس شريحة كبيرة من المجتمع وهو واقعنا لايمكن ان نخفية فان اغلب المشاكل مثل الجروح لابد ان نتجرأ ونفتحها كي يتم تنظيفها فبقائها سيزيد من الالام .... ، ، ، ما اعرف كيف ابداء ومن وين ابداء الامر اصبح لايستحمل فان مثل هذه الانظمة فيها تهكم على خصوصيات المرأة فتخيل امرأة واقفة امام المحل الرأس داخل المحل وباقي المفاتن ظاهره للعيان واللي يزيد الطين بله بعض الاجانب في الغالب هم من يقفون بجوار المحلات وتجده يتمقل كل من تريد الوقوف ايضا هناك امرا اشد شناعه !! ربما اصاب المراة اغماء بسبب رائحة ابو هنود وهي تشرح له الموديل ومثل هذا الشرح يريد بذل جهد لانه مهم في الخياطة ايضا هناك امر اشد مراره لو ان صدر المرأة وبدون قصد ظهر جزء منه هل تتوقعون ان ابو هنود سيخبر المرأة بان تخفيه لوجه الله ..... انا اشك بذلك على العموم اشياء واشياء لا اريد الاسترسال بها الاهم يجب ان تعيد النظر وزارة البلديات في مثل هذه الانظمة التي اصبحت مضحكة ،، |
يابن الحلال مايصيب اللي تقوله الا المرة الطويله
اما صدر؟؟؟ لو يبي يطلع الصدر طلع وهي تشري من اي محل او بالسوق |
كتب الله أجرك على غيرتك على بنات المسلمين ... والموضوع بالعكس جميل ولا يُضحك ... |
آكيد يصير معه زوجه والا ابنها جزيت خيررررررررررر وبورك فيك |
لا بعد
تلقون الرجل بالسيارة والمراة عند الخياااااط عجب!! |
مشكور حبيبي على طرحك الهام
بس احس الظاهره مهيب مثل أول لان الحريم من اول مهنا إلا الخياطين أما اللحين فيوجد الجاهز وقليل اللي يفصل لكن تبقى انه يوجد مشكله ولابد للمرأة أن تلبس ملابس ساتره وضافيه حفظ الله اعراض المسلمات |
لا نقول للخطأ انه خطأ إلا اذا كنا نعرف الصواب الصحيح موضوعك جداً مهم و حساس لكن برأيك ماهو الحل والفعل الصواب في هذه المسخرة ؟ |
الواجب على النساء بهذه الأماكن الإعتدال بالوقوف مهما لزم الأمر وعن ذهابها للخياطين سؤال " لو كنت تملك محل خياطه نسائية كـ أقل تقدير كم هي أجرة الثوب الواحد !" مع العلم أن هذا المشروع قائم وبكثرة في القصيم خااصة ويختلف السعر بإختلاف " الخياط " من ذكر لأنثى .. لهذا تجد المحلات تزدحم دون النظر لـ شكل المرأة من الداخل أو الخارج |
جزاك الله خيرا موضوع مهم جدا وكثيرا ما نرى هذا الموقف وأسالوا مراكز الهيئات لتعلموا حجم المشكلة !!!!!! |
موضوع جميل يحكي واقع ملموس .
أليس من المفترض أن المرأة تجلس في السيارة ويكون معها ولي أمرها أو ابنها ومن ثم يكون هو حلقة التواصل بينهما .؟؟ أليست هذه الطريقة أحفظ لنا ولهم .؟ ولكن كما قال حبيبنا من الجماعة .. ماهو الحل برأيك وبرأي الأعضاء الأفاضل .؟؟ شكراً لك . |
طيب والحل ؟؟؟؟
معي فستان ابضوقه ورايحه لخياط لابسه عبايه ومغطيه عيوني نزلت وشرحت للخياط وركبت فيها شي ؟؟؟؟ دامه متستره مافيه شي . وبعض الاهل مايبون المشاغل النسائيه والصدر وشلون يطلع والنقاب يغطي الى البطن !!!! |
جزآك آلله خير وآلله يكثر من آمثآلك .. مثل مآقآل آخوي آبو ربى يجب آن يكون مع المرآءه محرم يكون حلقة وصل بينهم آنآ آنزل للخيآط بس مآعمري وجهت له آللي آبي مبآشره يكون آبوي ولآخوي معي وآقوله آلمطلوب وهو يوصله آمآالحين يمكن نجدآلعكس تلقى الرجل بآلسيآره والمراءه هي آللي وآقفه وش يسمى هّ الشي؟؟ تبلد آو قله غيره؟! |
عآآدي لابسه عبايتي ومحتشمه آجل آعطيه آبوي وآلآ آخوي وآقول حط وسو والله آن يرجع لي كله سحآبآت ومخآبي بعض آلآحيآن آدخل عنده بوسط آلمحل بس مع محرمي طبعآ لآنه آلفتحه صغيره مآ آقدر آشرح له>>من آلحمآس وآللي يقول يصير ولي آلآمر وآسطه بيني وبين آلخيآط يرووح آلوقت وآنآ ضوق وسع حط لآتحط آنزل وآختصر آلوقت.. |
اقتباس:
الحين هم مصغرين الفتحه عشان الوحده ماتدخل راسه و بعض الناس يدخل المحل بكبره اللهم حولينا ولا علينا |
*
الححين قليل منهو يروح للخيآط , المشاغل قايمة بالواجب آعرف وحدة زوجهآ متشدد من ناحية الرجال وكذا حتى رافض فكرة السسواق يجي للبيت ويشيل عياله ض1 الموهيم هي تروح للخيآط , ومعهآ زوجهآ والخيآط هو اللي يقوسه ,يعني يحط متر ع جسسمة :( تخخيل يعني يقوس صدره بطنه شسسمه كل ششي :( ورجله هالدبششة ساكت :( ^ حبيت انقل لكوم السالفه عششان الخياط ض1 |
الخياط أبو هنود ااااااارحم من المشاغل النسائية وبلاويها.............!!!!!!
|
الخياط لاشافن سكر
من كثرهواشي عليه |
اقتباس:
الحمدالله والشكر ودي افهم كيف ظاهره وراه ماعليه عباة هي...؟ ,, اذا كانت العباة واسعه ماراح يظهر شي الا اذا كانت ضيقه مره اكيد تبي تفتن,, استغرب منكم مثل ماتدخل المحل مع محرمها وعادي فيها شي تدخل مع محرمها للخياط اويختلف عندكم......؟ ويكون بعلمكم المشاغل بهن بلاوي اشنع من الخياطين,, |
اقتباس:
شكل الرجال اللي رادين هِنا فيه شي ملاحظينه على الحريم اللي ياقفن عند الخياط ولا بينوا بكلامهم |
مشگـــور على اآاهتمامگ وغيرتگ على بنات المسلمين
وياليتـ الحريم وخصوصاً البنات منهم مايتساهلون بمثل هالـأشياء فالمسألة آگبر مما يتوقعن ومستغرب من الأخوات ليش مأخذين الموضوع بأستهزاء ؟!!! وهم ع غلـــط ويجاهرون... وحبيت انبة ع شيئ انوه مو بس عند الخياطين عند الـأسواق عموماً وخاصه أسوآق الذهـــب تجيـــگ الوحدة متحمسة تناظر بهالطقوم والله انگ تشوفهن تقول ورآه تصلي هنا تقل راكعات الله لـآيبلـانا بس |
الحل سهل وبسيط تدخل المرأه هي ومحرمها داخل المحل (الخياط) وتشرح له التفاصيل وبجانبها محرمها وبهذا تسلم من كل التبعات والمشاكل |
طيب وهي معاها المحرم مشكلة عندكم ..؟ أنا ماعمري شرحت له مع الفتحة أدخل بالمحل ومعي أبوي وابوي هو اللي يلزم أروح وأدخل .. هل هنا مشكلة ^^^؟؟ والا المشكلة بس إذا هي بلحالة وتشرح له مع الفتحة ..؟ |
..
>> أحس فيه شيء أكبر من هذا...!! :confused: وين المخجل إذا واقفه ومعها محرمها..!! :confused: جزأإأك الله خير.. |
اللي يقول اين الحلول
اعتقد ان وزارة البلديات ليست بعاجزه عن فرض انظمة تحفظ ماء الوجه وتحفظ كرامة المرأة لو ااعطي المشروع مكتب متخصص لدراسة هذه الحالة لوجد الف حل وحل اما اانا نستسلم ونشوف الخطأ والغريب بعض ردود البنات كانها تجهل ماهو الجزء الظاهر من جسم المرأة اثناء وقوفها امام نافذة المحل العالم تطور ويجب ان تتطور الانظمة النساء الان لسن مثل اول انا اشاهد نساء يتسوقن في بعض المحلات في ساعة متأخرة من الليل قد تصل الساعة 2 ومع ذلك تشاهدها لاتعبه بشيء حتى وقوفها امام محل الخياطة اصبح امر مألوف وهنا ليست المشكلة فان المشكلة تكمن بمن لايزال مصر على هذا النظام فتحت المحل وليسمح لي الاعضاء ان اشبه النافذه كان المرأة نعامة تدخل راسها وتنسى جسمها لايفترسها من يفترسها دمتم بود |
المخجل ان يرضى الرجال على محارمهم ان يحادثن الاجانب نصف ساعة او لساعة لكي يشرحن له! وهو ينتظرها في السيارة او يوصلها للخياط ويذهب !! شكرا لك - ونصيحة لك ولغيرك غض البصر عن مفاتن النساء |
اقتباس:
اخي الغالي هل يكتفي المجتمع بالنصح ويبقى مكتوف اليدين امام انظمة باتت لاتصلح البته يجب ان نؤمن ان الناس ليست على قلب واحد حتى نكتفي في غض البصر !!! |
هالحمدلله والشكر يآ رب !!
وين المخجل بالامر ؟ أبد والله أمر جداً ععععآدي أجل اذا صارت المره رايحه للخياط وبتقضي حاجته صار شي مُخجل ! والله المُخجل التفكير الضيّق والمتحجّر ! الى متى تكبرون يا عالم بتفكيركم وترتقون بمواضيعكم ! |
^^^
ما احد قال ان تصرف المرأة مخجل احنا نتكلم عن الانظمة االلي ماحفظت حقوق المرأة اتمنى وصلت الفكره |
عندما قرأت الموضوع تذكرت لغز اخوي مره يقول ماهو الشيء الذي جسمه بالخارج وراسه بالداخل؟! يتبادر الى ذهني القنفذ عندما يخاف لكن يتبين لي الجواب انه المرة عند الخياط ههههه بصراحة ماكد رحت للخياط واتوقع ان الحريم من قوي الحماس تدخل راسها عبر النافذة بعدين تظهر بذلك الشكل الغير لائق احسن حل انها تشرح الي تبي لزوجها او اخوها او انها تروح معه وتدخل للخياط... شكراً لك.. |
يااارب ان الفتحه صغيرررررررررررررررررررره :rolleyes: |
اقول واللة انك فاضي شكلك انت اللي واقف تتفرج يعني خلصت المشاكل اللي تهم المجتمع عامة والحريم خاصة وماباقي الا وقفت الحرمة عند الخياط
|
^^^
اذا ماعندك مشاركة استني يمكن تستفيدي من ردود الاعضاء |
نعم صحيح غالبا اشوف كذا حريم اللهم عافيهم ولاتبلانا المفروض يكون معه محرم ينزل معه ويكون واسطه بينهم موب يصير قاعد بالسياره وهي تاخذ وتعطي مع الخياط |
موضوع بالصميم..
أشكرك اخوي على غيرتك.. لكن وشو الحل؟! انا الصراحه اوقف عند النافذه واقول لاخوي يقوله وش يسوي..:d |
الاهم في الموضوع انها وصلت الفكره لان البعض غافل او يتغافل وبالتاكيد ان كل عضو او عضوه شاركو في الردود بعدة دوافع اما بتغطية جوانب مهمه او بالتذكير وهو الاهم وراح يكون لدى الاعضاء انطباع اخر عن الموضوع وراح يتعاملون مع الموقف بجد وخاصه النساء انا متاكد بان اهتمامهن راح يزيد اكثر وعلى الاقل بان الفكره وصلت ومن يتوقع بان الموضوع تم طرحة للعبث فهذا انسان بعيد عن الاجواء ان ربما لايهتم بحجم المشكلة ...... وسياتي اليوم الذي يفكر ويعيد النظر الشكر للجميع على ايداء الاراء وليعذرني كل عضو / هــ ان صدر مني اي كلمات ربما البعض يتوقع انها بدافع الاحتكاك بين الجنسين رغم ان هذه الاساليب لم تعد مجديه كون الاعضاء يعيشون في عالم افتراضي يحكمهم المنطق اكثر منه الامنيات لانه مهما حاول الانسان ان يعبر عن مشاعرة ويريد ان يتعرف عليها الاعضاء فلن تصل بالشكل الصحيح لان اختفائنا بالاسم المستعار اشبه مايكون اختفاء عن الظهور وهذا مايتعارض مع من يريد اظهار مشاعرة للاخرين اشكركم مره اخرى |
معليش بس احس الموضوع مو مهم ..
طول عمرهم الحريم يروحو للخياطين و ما صار شي و الحين المحلات مليانه ملابس ما صار احد يروح للخياطين الا قليل و اغلبهم عشان تعديل حاجه ما تاخذ 5 دقايق و بعدين اللي يقول اشرح لاخوي و لا ابوي و هو يوصل المعلومه يعني الحين كل الرجال صدرهم وسيع للشرح انا لو بقول لأبوي راح يقولي واحد من اثنين يا تشرحي بنفسك اللي تبيه و لا مو لازم ... صحيح في حريم يتحمسو شويه لكن هي لحظه عفويه و غير مقصوده ليش كبرتو الموضوع احسنو النيه .. و على كل سالفه قلتو لازم محرم يعني لازم محرم عشان فتحه صغيره !؟؟؟ المحترمه ما تحتاج محرم حتى لو كانت مفصخه |
والله المخجل تفكيركم ومواضيعكم ياالشهبان ياعيال بريده
|
وووووووووووووووواااااااااااااااوووووووووووووو
الله يعينكم على انفسكم وصلت الى انكم تقولون لازم الهيئة تدخل يا حووووووووول ابي افهم لو يطق عود بأبرة قالوا الهيئة والهيئة ماعنده اهم من قضاياكم وخرابيطكم قال دريشة خياط قال اقترح انت يا اخوي على كل الخياطين يسكرون |
.
اخوي انت موسوس زياده شوي تعوذ من ابليس وابعد عنك هالافكار |
اقتباس:
المشكله ألحين هاللي يستنجدون فيهم معقول مآشآفوا القضآيآ اللي جت فوق رؤوس الهيئه بس ع طول يطلعون منهآ بـ فيتآمين و - مثل الشعره بالعجين،، .الله المستعآن ، وعلى الله التوكل. |
اقتباس:
والله ياليت يآخذون بكلامك .. أنآ بصرآحه أحيآنآ من الحمآٍس يدخل نصي .. بس آتذكر أرجع على البلكه :d |
الفتحه ذي مسويه لي عقده نفسيه صغيره اللهم ياكافي..مالومهن لا دخلت نصه افضل شي الوحده يصير معه محرم زوجه ابوه اخوه وتدخل للمحل ...لاتكلم مع ابوهنود تكلم مع اللي معه طبعا اذا صار المطلوب يبي له شرح وقرق واجد اما ذا صار سهل ارسليه مع احد وخلاص .. اللحين يجي احد يرد يقول ليش تدخل وتقعد بالسياره ..انا اقول المحلات طيب بالسوق نفس الشي ههههه به رجل يبيع محل ...ثانيا ماتدخل الا صار شي ضروري ومحتاج شرح ,,ماله داعي يرجع فستانه مخيوط نصه بس؟؟؟؟؟ |
ابوي لاقلت ضوق منا وطول منا >>>قال اركبي مايحب كثره الحتسي:d فعلا الدريشه ضويقه لويوسعونه كان أفضل >>>>>مايقدرن يدخلن يديني مع رأسي ضيق المكان:p مع العلم ولله الحمد اني متستره |
اقتباس:
يااخي انت عنونة موضوعك ب شيء مخجل ثم تنكر الان! والله الشئ المخجل بأن يكتب أمثالكم في هالمنتدى |
اقتباس:
اقتباس:
وانا قلت شيء مخجل اقصد ان المجتمع لايتحرك لتعديل الانظمة لعلك لم تقرأي الموضوع بتمعن ..... ماعندي كلام اكثر من هيك |
تروح مع محرمها ,, بس كلامك فيه مبالغه شووويات وبهارات >>
اوما الصدر >> البلاء بالحرمه نفسها مو بالخياط هي ماتسترت ,, او دخل راسه كله والله مو شرط تقلل حمسها وتوزن نفسها وتجيب محرم معها احسن وتفهمه من الباب احسن لها واستر,,وهذا حل , وشكرا لك |
صدق لحكمة حجاب المرأة
أما بالنسبة للخياط والله أروح له وأوقف بدون لاأدخل رأسي وأشرح الموديل وأتوكل .. لكن مادام إن ذا موضوع وأغلبية الذكور مأيدين فأتمنى ينظر بهالأمر وما أقترحه هو توسيع نافذة الخياط |
للمعلومية هناك فرق بين الخجل والحياء ..
|
اقتباس:
والمخجل ردك الجميل على الموضوع هه يابنت بريدة.. |
اقتباس:
والمخجل ايضآ أن يرد بأمثالك في هذا المنتدى.. نعم بأمثالك.. وإحترمآ للمنتدى وأعضائه الكرام رجاء إحترمي نفسك..يا د|هنا .. |
حوااااااااااا. وتصرفاتها كلها سلبيه الا مارحم الله
ربك يعين |
كما يقال.. إصنع خيرآ ولا تنتظر جزاء من أحد.. ولله أعلم بنوايك.. تحياتي لك.. أخي دفا و بارك لله فيك.. |
اقتباس:
حقآ ماتقولين..؟! أعطيني دليلآ من الكتاب أو السنة ..! كما تزعمين.. بمقولتك الكاذبة.. |
ياروح روحي فديت قلبك أجيب لك دليل ان اغلبية النساء ناقصات عقل ودين من تصرفاتهم السلبيه :/:/
وعَنْ أَبِي سَعِيدٍ الْخُدْرِيِّ قَالَ : خَرَجَ رَسُولُ اللَّهِ صَلَّى اللَّه عَلَيْهِ وَسَلَّمَ فِي أَضْحَى أَوْ فِطْرٍ إِلَى الْمُصَلَّى فَمَرَّ عَلَى النِّسَاءِ فَقَالَ : ( يَا مَعْشَرَ النِّسَاءِ تَصَدَّقْنَ فَإِنِّي أُرِيتُكُنَّ أَكْثَرَ أَهْلِ النَّارِ ) فَقُلْنَ : وَبِمَ يَا رَسُولَ اللَّهِ ؟ قَالَ: ( تُكْثِرْنَ اللَّعْنَ وَتَكْفُرْنَ الْعَشِير مَا رَأَيْتُ مِنْ نَاقِصَاتِ عَقْلٍ وَدِينٍ أَذْهَبَ لِلُبِّ الرَّجُلِ الْحَازِمِ مِنْ إِحْدَاكُنَّ((( وياعيوني انتي.؛.؛. الضاهرأني قلت الا مارحم الله فمالك داعي تردي واشوفك مشاءالله ماقصرتي كل رد تقتبسي وتردي توك متعلمه فن النقاش بس شكلك مااجتزتيه :/:/ الضاهر ولا أنا مخطئه ويسعد صباحك بعد قلبي ،؛،؛،؛، |
اختي
[QUOTE=Hadeel.m;2991304] هع اجل مو لا زم محرم علشان فتحة صغيرة !!!:bad اية المحرم بكل شي بس الناس تهاونوا لو بالسوق ماحرم ماسمعتي هالبلاوي اللي تطلع:( احترمي الدين ترى الكلام بهالامور مالة داعي انتي بس كذا تهرجين وتلحتين من الكلام ولا تدرين :oo تاخذين اثم وحدة ضعيف دينة وتقعدين بة :((h) |
الشكر للجميع
|
أي واقع ملموس أنت وإياه ؟؟ إلا بس ودكم تجيبون طاري الحريم بمواضيعكم .. ياقدم طاري الخياطين وياكثر مامريت عليهم ولاشفت إللي تشوفونه , مير الظاهر إنكم تدققون باللي واقفات لعل وعسى تشوفون شيء وتنزلون لأجله موضوع . أكبروا أكبروا ياجماعة ترانا ملينا من تكرار هالأسطوانة اللي تحوم الكبد , بالله مافيه أفكار جديدة تطرح تهكماً على المرأة ؟ من عام 15 والكلام نفسه ماتغير , الحريم والخياطين واللي تدخل رأسه بالمحل وماأدري وشو . خرط فاضي تسمونه زعماً غيرة . .. |
اقتباس:
وشلون من عام 15 يعني انتي عمرك 40 مثلا عادي نتعلم منكم ooo1 ومسئلة ان مواضيعنا تحوم الكبد فانا ما ابي اعيد الاسطوانه اللي تقول اذا ما اعجبك الموضوع لاتشارك بالعكس انا يعجبني شي واحد في ردودك فيه اثااره بغض النظر عن اي اعتبارات اخر حتى وان كانت بسبب كبر عمرك فاللعمر له وقار احترام وتقدير حتى وان اخطأ في حقك انكسار الاماني يعني انتي لازم تتميلحي بردودك هل يعقل ان جسم المرأة لايثير الرجل وتخيلي احنا في عام 1432 والانطمة مكانك سر يعني المرأة المسكينه مجبوره تدخل رأسها عشان تشرح للبنقالي ابو هنود وكانها نعااااااامه تغطي راسها والجسم مفضوح للي يسوى واللي مايسوى واذا انتي بسلامتك تتحشمي وتعرفي مواطن الخلل اثناء " الانحناء " للدخول مع الفتحه فغيرك من الناس غاقل وياغافل لك الله مايعرف وبكذا احنا كتبنا الموضوع ليستفيد منه جميع الاطراف 1-المشرع 2- والمستهلك 3- والمشاغب امثالكــــ يـــــ " انكسار الاماني " لاتتاثري من تعقيبي ولايطول غيابك عن المنتدى فلردود كاريزما تجيب المغص المزمن وهذه مايحتاج لها شرح ooo1 |
لا عاد مهب لها الدرجه
|
مع أحترامي لصاحب الموضوع ولجميع الردود ..فأن كنتم ترون أن هذا الموضوع مهم للغاية وخطير ، فأنتم وللأسف أنتهت مواضيعكم واصبحتوا تدققون عند أتفه الأسباب ،
منذ زمن بعيد وهاهو نظام الخياطة ولم نرى مارأيتموه أنتم ، بل وجودها على الشارع وأمام هذا الشباك وبمرأى الناس ، أفضل من مايحدث حالياً داخل غرف المشاغل .. ولنفرض ولو أنني لا أرى أن هنالك عيب ولكن لنفترض 1% أن وقوفها بهذه الطريقة سلبي ، فليس هنالك حل سواء حاجز خشبي بقيمة 300 ريال مع جهتين ولكن هل يتم إرضائكم ؟ .. لا أعتقد ، بل ستزداد شكوكم وسيصبح من وقوفها بهذا الشكل إلى تساؤلات لهذا الخياط لماذا عمل هذا الحاجز فرمبا أن هنالك نية ؟؟ ربما الشيء الوحيد الذي أكتشفته من خلال هذا الموضوع هو نظرة البعض إلى النساء وللاسف بهذا الشكل فإن كنتم تبحثون عن ردود تفيد هذا الموضوع فأرجوا أن أشارككم بهذه الآية : ( قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ ) |
^^ :41:41 |
الموضوع اشبع النقاش وكلن حر في مايريد
اشكر جميع الاراء دون استثناء والاختلاف شيء اكيد انه يفيد الاهم لايوصل للخلاف واعتذر انا شخصيا اذا قد اسئت الفهم او قسينا في الرد |
جزاك الله خيرا
على غيرتك |
كفيتو ووفيتو ..بس لان الشيء بالشيء يذكر تذكرت محل بالعثيم مول يفصل عبايات تدخلين لابو يمن ثم وعبر طاولة صغيرة تفصلكم تشرحين له المقاسات والتغييرات وفيع حريم تقيس العباية فوق عبايتها والبائع ينظر من تحت عشان يضبط المقاس ..السؤال مالفرق وليه ماحطو لابو يمن دريشة صغينونه !!!!!!!!!!!!!!!!!!!!!!!!!!!!!!!!!!!!!!!!
|
:41:41:41:41
اقتباس:
|
والله فعلاً ومخجل
وأني ارى دائماً مثلا هذه التصرفات كثيييييير المشكله اني اشوف زوجها أو اخوها جالس في السيارة ولا حياه لمن تناااادي الحل وبرأأي : ليش مايكون بدال الرجل خياطه إمرأه تكون عربية أو أجنبية ومو لازم مشغل عادي يكون غرفه واحده ومغلقه صدقون راح تكوون فيه راح للجميع وفرص استثمارية جميله |
اقتباس:
أنا أشكرك على أمرين ياعزيزتي.. (h) الشكر الاول خاص فيك.. لنقلك للحديث الشريف وأما الشكر الثاني لك ولـ سيد الحلآ لنكم عطيتوني نبذه كبيره كبيره على ناقصات العقل فوووق فووق ماتتصورين... توي متعلمة فن النقاش أحسن من الجاهلة كليآ بفن النقاش... عفوآ .. إتركي المتعلمين يحكمون علي ياختي في لله.. وبنهاية اقولك ربي يسعدك.. (h) : 12 >> إكتفي بهذي الردود لهذا الموضوع.. |
الخياطين موجودين موجودين مانقدر تقول الغوهن والبلديه مانقصه الا قوانين الخياطين!!!
يعني المشكله قايمه قايمه الحل!!! انك تقصر عينك شوي |
اقتباس:
|
عزيزي غيرررتك فيها من التشدد الشى الكثير__ولا من بينتبه لمره عند خيااااط__
اخي لاتهتم لهذه الاشياء الدقيقه فقد نبهت غيرك من الشباب دمت بود |
انك تقصر عينك شوي[/quote]
|
اقتباس:
مثلك ناس ماينفع معاهم الا مثل هيك رد من شان يسكتو ماودي والله احطك في بالي محترمتك للحين أبغى اكون معك ع العسل ياعسل انتي. تحياتي لحضرة جنابك روح الروح : 12 |
حتى دريشة الخيآط مآسلمت منكم..؟
بكرآ تحطون موضوع ان مآنبي الحريم يروحن البقآأإله.. أنت وش عليك منهن..؟ تلقآك أنت اللي تنآظر..! وبعدين أنت وش اللي حآرق رزك.؟ لآ تخلي أهلك يروحون للخيآط ووش عليك من حريم النآس.؟ ولآ شكلك مليت من منآظرهن وسسدحت ذآ الموضوع..! قسسسسسسسسسسسسسسسسسسسسسسسسسسم بالله مآأإشششششفت رجآل معقيد كثر أهل بريده.. ويلمونن يقلون ورآه مآتخذين من رجآل بريده...عشششآن أنتحرررررررررررررررررررررررررررررررررررررررررررررر ررررررررررررررررررررررررررررر مششكور يآ ..{ دفآ } .. |
طيب ياخي البنت بمكه بالحرم تسجد وتركع قدام العالم هل نقول لا تسجدين قدام العالم عشانك تفتنين بعض الناس... ياخي لا تناظر تبي تقول ألي مافيه خير هو اللي بيناظر صح ..؟! ألي مافيه خير لو تحط ساتر ابعدهـ وجلس يناظر |
[color="magenta"] والله ان موضوعكـ بمحلـــه بس مايتوهق الا الطويله بزياده اهي الي بتاكلها
ماعلينا الي يقول عطي اخوكـ عسى مـــــــاشر قسم بالله يرجع مخرب الوضع الحين فساتين السهرات مشاغل نسائيه اوما تضويق عند الخياط واخوي ياينزل يابالسياره وش بيصير دامني محترمه نفسي عـــاد اخوي اقول قوله يسوي كذا ويحط كذا يقوووول ياربييييه اقول قومي معي مالي خلق اشرررح ههههه المفروض التعامل مع مشاغل نسائيه اذا فيها شرح طويل وكذا اوما تضويق وتقصير مايبيلها شرح [/color] |
والله من القوانين الغبية بهالبلد هي وقفت على هذي
خلها على الله يعلقون عاداتهم الغبية بالدين انواع التشوية لدين من جميع الجهات ولا ديننا مافية مثلة على وجة الأرض |
اقتباس:
تدرين عآد أنتي بيجيتس بريدوآي محفورن به جذور جذور أجدآده :113: وآنآ اختس ترى مب كل الرجال تسذآ بس خوذي وخلي من هالموآضيع :d |
وهل وقفت مشاكلنا وهمومنا على نافذة الخياط ؟! أنظر بشأن من تبرجت بعيدا عن نافذة الخياط |
يحليل بعض الردود
انا صراحه ماتوقعت مستوى الثقافة لهذه الدرجه وانا اقول وشلون الاجانب لاعبين بالبلد اثاري عندنا نااااااااااااااس ماتفكر >>>>>>>>>>> اقول ولا بلاااااااااااااااااااااااااااش واللي تقول ما ابي اتزوج من بريده اقول لو توفقتي وتزوجتي من اهل بريده فالسعاده طختك طخ هههههههه على العموم اشكركم من اعماق قلبي والمنتدى مليان مواضيع لا احد يحطم كلن يكتب اللي بخاطره شكرا مره اخرى |
حقيقة استغربت من ردود البنات ..>>واللي يظهر انهن صغار بالسن.. وقد لايعرفن معنى الفتنة ... وقد صدق صاحب الموضوع شي مخجل بحق الوقوف عند نافذة الخياط للأسف... ليس تشدد ولا فراغ لاجله يثار الموضوع بل هذه هي الحقيقة ... والحل .. ان تكون نافذة الخياط كبييييييرة ..ونازلة بحيث تقف المرأة مستقيمة ,,, دون انحناء.. او يفتح باب الخياط كاملا وتقف المرأة مع محرمها أمام طاولة الخياط مثله مثل المحلات الاخرى.. >>اسفت حقيقة على بعض الردود التي لا تعي ماتقول... |
لاحد ياخذ من شباب بريده تفكيرهم متحجر ومعقدين حيل
خوذي لك جداوي ا وشرقاوي وعيشي حياتك |
لو ان صدر المرأة وبدون قصد ظهر جزء منه هل تتوقعون ان ابو هنود
سيخبر المرأة بان تخفيه لوجه الله ..... انا اشك بذلك جزاك الله خير -----------بس لاتخل بنوايا لان هذا التهام خطير - |
اقتباس:
راح الفستان بخبر كاان.. ماراح يظبط الا بالوصف الدقيق وبالنسبه لستر الحمدالله وش دخل الصدر والخرابيط.. الشرح باليدين.فقط ومن عند الدريشه الصغيره... وش المطلووب الحين |
اقتباس:
|
احسن شي يكون مع زوجه او محرمه ..
وبعدين تدخل ايدينه تشرح وتستر والحمدلله .. وشوله التنطع في الدين |
اقتباس:
صدقتي والله ........... شكرا لصاحب الموضوع ...ومن هم على شاكلته ,,,, |
اقتباس:
لكن هنا ومن الأخ صالح قياس خاطيء .. فرق بين المكانين .. ومن يستقصد الصلاة بالحرم خلف النساء ويطالع هذا عنده مشكلة بدينه أكبر من النظر .. المهم : قضية الخياطين للأسف من قديم الزمان وهي قضية غبية في فكرتها وتصميمها .. والأغرب لم أرى محل واحد قد جعل النافذه مقاس خمسين في خمسين وداخله نصف متر ليكون جسد المرأة داخل شوي عن الترزز في الشارع .. وكم أتألم حين تعود الذاكرة لمنظر خطف عيوني قبل خمسة عشر عام في شارع المشاغل وقت الإختبارات وقد خرنا لنتعشى تمام الثانية عشر لأجد فتاة كاشفة وجهها في حديث خلوي مع أشهر خياط هناك والناس نائمين غافلين والسائق ينتظرها لتهرب فور توقفنا عندها!!! وتجي من تقول وش فيها فتحة الشر ؟؟؟؟ المشاغل أستر ورغم مايقال عن فسادها إلا أنها على الأقل لن تكون كحديث إمرأة لرجل والفتنة محدودة أما مع الخياطين فهم الكاسبين دوما لحديث من يصبوا الرجال لحديثها .. وماخفي أعظم من وسائل الترجي والتميلح في بعض من ضعف قلبها أو حرمت والله المستعان . لكاتب الموضوع : بارك الله فيك .. لا تتألم من بعض الردود فعندي يقين لايخالطه شك أنه من لهفة مراهقة لا تتنبأ بما يحيط بها ولولا رجاحة العقول ماكان للرجل قوامة . كونوا بخير. |
اقتباس:
مع احترامي الكبير لشخصك الكريم إلا إن القياس لا يعتبر خاطئ إلا إذ كان هناك دليل يتصادم مع المقيس ففي هذي الحالة المقيس والمقيس عليه والحكم واحد فلماذا يبطل ...!!! اما كـ تحليل فـ النظر بكل الحالتين تعتبر مشكلة بالدين ... اليس كذلك .؟! وذلك يجب حرمان النساء من السجود بالحرم أيضاً ...!!! لكن ألا تعتقد لو كانت هناك حملات توعية لـ ضعيف الإيمان اللي يناظر لكان افضل ... |
اقتباس:
الحرم له خصوصية صعبة جدا .. لايمكن أن يسيطر عليه فالمشعر واحد والمكان محدد .. ولا أظن عاقلاً يجد مكانا في الحرم بمعزل عن النساء ويتركه ليصلي مقابل نساء سيما أن الصلاة من أحكامها النظر بموضع السجود ..!! أما محل الخياطة يبقى قرار لايكلف حبر قلم ليستقيم وضعه وهذا الذي لم نجده من الذين يملكون القرار .. كن بخير. |
اقتباس:
ومع هذا نجد من يتصرف تصرف أحمق ولك أن تبحث في قوقل عن " التحرش بالنساء بالحرم " والأمر ليس مقتصراً فقط بالنظر فـ المشكلة الحقيقية هي بضعف الوازع الديني والأخلاقي ويجب معالجتها بـ التوعية والإرشاد فـ انا تعمدت ضرب مثال بالمسجد الحرام وتعمدت أيضاً ذكر التصرفات السيئة لكي يتضح للجميع إن وضع النساء عادي لكن المشكلة الحقيقة في اللي يناظر . . . تحياتي لك (f) |
ياليت الشباب يغضون النظر
|
يارب ألهم عقول ذكور قومي -وإناثهم- نظافة ونزاهة وطهراً ،
بعيدا عن توافه الأمور والنزوات والشهوات .. |
اخي دفا صراحة انت بالغت كثير بكلامك واعطيت الموضوع اكبر من حجمه
وكأن المرأة جاية من كوكب ثاني علشان الكل يستغربها ويجلس يطالع فيها |
وصلت للخياط الله واكبر مشكله تصدق اوووشي مخجل على قولتك
|
ويــــــــــن المخجل بالموضوع .............
انتي اللي خلتي صدر المرأة يطللع ولاكييف يطلع وهي لابسه العباايه وتحت العبايه لابسه لبسه يعني صار مخجل بالخيااط ولا بالسوق وغيره مب مخجل هاااه اللي تبي الشر تجبيه لبيته ياعمري ياااالمرة المرأة سوت كذا وسوت كذا مااعندكم غيره |
| الساعة الآن +4: 05:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.