|
هذا ماحصل لي..وأريد رأيكم أحبتي
إخواني وأخواتي الأعضاء الكرام صباح..مساء الخير والجوري هذا ماحصل لي من أخ عزيز في الرياض تعرفت عليه قبل سنتين أو ثلاث وزرته وضيفني وكانت علاقتي فيه قويه ويملؤها الحب في الله والرابطة القوية.. وبعد شوال الماضي اتصلت عليه ولا يرد علي وكل ما مر أسبوعين ثلاثة أتصل ولا يرد.. وأفاجأ في شهر صفر الماضي بعد ما أرسلت له رسالة وينك ولماذا لا ترد علي.. يرسل لي هذه الرسالة التي أثرت بي بقوووه : ( لعلنا انتهينا على خير ولعل أجد لي صديق غيرك ونلتقي في الجنة إن شاء الله ) وصراحة تأثرت وطلبت منه أن يبين لي السبب ولكن لم يرد فشوفوا كيف كانت علاقتنا قويه ومحبه في الله وفجأه يرسل هذه الرسالة !!!! ووالله ما أذكر إني أخطيت عليه أو ضايقته بشي.. فالسؤال الآن : هل أراسله أو أتركه وأنساه ؟ أم ماذا ؟ يعني ودي تقولون وتتوقعون ليه كتب هذه الرسالة المفاجئة القوية ؟؟ أنتظر ردودكم وتعليقكم الله يحفظكم ووالله لولا محبتكم وأعتبركم مثل إخواني ما استشرتكم |
اذا متأكد ماحصل بينكم شى يضايقه لاتستغرب ترى فيه ناس نفسيات تلاقيه مزاجي وطفي ومن النوع اللي يحب انوو يجدد في العلاقات" ماعلينااالمطلوب منك ترسل تستفسر وتعتذر اذا بدر منك حاجه زعلته من دون قصدمنك تجاوب معك زين على زين تجاهلك الشكوى لله مالك الاتمسح رقمه "
|
وعليكم السلام ورحمة الله وبركاته أخي الكريم ( ابن عبدالعزيز) الصراحة الموقف جداً محير خاصة أنك تقول انك لم تغلط عليه أبداً وكانت علاقتكم قوية وكانت محبتكم في الله , ولكن قد يكون أن أحد العذال كان سبباً في تغيره, فقد ينقل إليه كلام لم تتفوه به أو نقل إليه كلامك وفسره بتفسير آخر وأساء الظنّ بك, كما حصل لإحدى قريباتي مع إحدى صديقاتها, عندما تغيرت عليها صديقتها, واكتشفت بعد ذلك أن أهل الخير (العذال) كثيرون.. مجرد توقع...لانه كما قلت حصل لقريبتي مثل هذا الموقف. (الحياة مدرسة) |
موضوع سبق وطرح نفس مضمونه من قبلك ..
http://www.buraydahcity.net/vb/showthread.php?t=245260 |
|
والله ما ادري بالضبط
لاكن يمكن يكون نقل له كلام عنك او انت تصرفت او تكلمت بكلام عند غيره ووصل الكلام يمكن يبي يختبرك ( اذا كان الرجل عاقل وصاحب جاهـ وعمل مالي قوي ) ويمكن ان الله ماكتب لكم التوفيق والاستمرار الله اعلم لاكن اذا امكن ان اي واحد يكلمه بالموضوع ويشوف وش السالفة موفق |
غاليتي ( خمائل متفائلة) الفرق بين الموضوعين واضح :rolleyes: ففي هذا الموضوع يقول ان صديقه تغير عليه وأرسله : اقتباس:
وهو يريد معرفة او توقع السبب وراء ذلك ,,ويستشير الأعضاء في ما سيفعله في هذا الموقف اقتباس:
أما في الموضوع السابق هو يستنكر عدم سؤال أصدقائه له , وانشغالهم عنه ... |
ابن عبد العزيز نفس قصتك حصلت مع زوجي
يوم صار بعدفتره تبين من احد الزوملاء انه يقول مادريت انه خضيري احسبه قبيلي |
اقتباس:
يسعد مساك .. يمكن إنه إنسان مصلحجي .. وخصلت حاجته او شخصيتك مختلفة عنه ماشاف فيك صورتك و أرسلك ها الرسالة ... شكلك إنسان حساس بزيادة أنت ماقصرت سألت وهو الي قابل وصالك بجفاء انت ماخسرت شيء هو الي خسسسرك .. تبي الصدق مايستاهل كل ها الاتهمام منك لدرجة إنه محيرك وتبي توقعاته .. ارجع اقولك انت ماخسرت شيء... وإعتبره كا شيء لم يكن.. عمومآ كل شيء وله نهاية وحط ها الشيء ببالك زين لعلة تخفف من صدماتك.. يمكن اكون ما افديتك با المطلوب .. تبقى وجة نظرر.. ربنا يعوضك بأحسن منه وتعيش سعيد دنيآ وآخره.. دمتم بخير.. : 12 |
الأع ـضَإء قآلٌوآ كلْ شيَ اتوَقعَ انّكَ مَآكآنَ اسلٌوبكَ جيَدَ >َ وَينَكَ ويَنَ ايَآمَكَ؟ لَوَ كآَنَ اسَلٌوَبكَ حَلوَ <َ رَآحَ يسَتجيَبَ علَيكَ واتَوَقعَ انَه مَآرَآحَ يخَليْكَ كذَآَ الصرآحهَ جدآ موقفَ لاَيحسَدَ ع ـليهُ تقَبلَنَيَ بلَطفَ..~| |
اخي اعجبتني هذه المقولة
رافق كل من اراد الخروج من حياتك الى الباب ودعه بابتسامة وتأكد انك اغلقت الباب جيدا |
انا رأيي
. . ارسل له رساله اسأله فيها عن السبب والح عليه يمكن يعلمك... |
اقتباس:
بالظبط بس غريبـــة وش هالفجاءه؟!! |
اسمع العلم وانا اخوك مايستاهل كتابتك الرسالة لهالاشكال واذا شفت نفسك وده فيه سولف عليه بهالبيتين اعتلي يانفس واعقل ياخفوق .وارقدي ياعين وارحل ياهوى بنصحك ياقلب لايطويك شوق روحته مع جيته عندي سوى من يحطك تحت لاتعليه فوق ومن يحطك فوق يبشر لانوى الكرامة مايوطيها امخلوق والنجم لاطاح قالوله هوى واذا في نفسك شيئ من رد الاعتبار وودك ترسل ارسل هالبيت شفت المقفي وربي ما أتبعه لو خطوتين وأصبعي وهواصبعي لامن غدرني أبقطعه ونصيحتي لك ترا محد يستاهل بهادنيا الا اهلك وقرايبك وخل هامتك فوووق وانا اخوك وهذا من حسن ذاتك وطيبتك ووفائك لخويك الي مايستاهل وجهة نظر |
إلتمس لأخيك 70 عذراً سبب أجبرة على ذلك ونحن لا نعلم |
ياخوي لاتتعب نفسك وتضايق حالك اتركه الدنيا دواره اكيد هو الخسران |
اقتباس:
اعتلي يانفس واعقل ياخفوق .وارقدي ياعين وارحل ياهوى بنصحك ياقلب لايطويك شوق روحته مع جيته عندي سوى من يحطك تحت لاتعليه فوق ومن يحطك فوق يبشر لانوى الكرامة مايوطيها امخلوق والنجم لاطاح قالوله هوى آآآحَييييهَ وَ الله ياهَي أبَياتَ صحَ لسَآنَكَ :$ شفت المقفي وربي ما أتبعه لو خطوتين وأصبعي وهواصبعي لامن غدرني أبقطعه << صحَ لسَآنَكَ :$ ونصيحتي لك ترا محد يستاهل بهادنيا الا اهلك وقرايبك وخل هامتك فوووق وانا اخوك وهذا من حسن ذاتك وطيبتك ووفائك لخويك الي مايستاهل وجهة نظر أفآآَ يآذآ العَلَمْ .. :eek5انَا مَآقولَ تَرجآَ هَالأنَسَآنَ لَكنَ خلكَ طيّوبَ وحبَوبَ ولاأ تشَيلَ بَقلبَك ذَرةَ حَقْدَ:rolleyes::42 بعدَينَ ياخَوي هَذآ صَاحْبٌهْ "صآحِبْ دِينَ " كيْفَ تَحصَل مَنْ إنسَآن مَطَوَعْ كَذآ < :( :41 قَرَيٍتً مَنْ أحَدَ الرَدَوْدَ بَيْتَ ضَيّقَ خّفوْقَيْ .. الواآحَدَ يجْعَلْ نفسهُ طَيّوَبَه لاَآيَشِيْلَ أبَدَ مَمَآ فَيْهَ سَوْءَ:d " مَنْ بَآعَنَآ بَالرَخَصْ بَعْنَآهْ لَو غَآلَي:oo" مَنَ الّيَ يَبِيْعًنَآ؟؟ مَمَنُوْعَ أحَدَ يَبِيْعَ إنْسَآآنَ:d:d لَو أصَبَحْنَآ بَرٌقِيّ مَنْ الأخْلآقَ الفَذّهْ لَمْ يَحْصَلَ لَنَآ الحَسَدْ ولاَ البَغْضَ وَلا الحَقْدَ ولا ع قٌولتْ كَاتب البَيْتَ مَنَ بَاعَنَآ .. حِنّآ جَسَسَدَ مَآنَقْدَرْ نَبِيِعَ مَنْهُ شَيْ مَآنَقدَرْ نَعِيِشَ :eek5:oo مَرٌوْرَيْ طَوْيَلَ;) بَسْ تَقَلبَنَيْ بَلَطْفَ:cool:: 12(f) |
شاااكر لكم تعليقكم كلمات وحلول مقنعة الله يجزاكم الجنة |
.
انا اتوقع انه انسان مزآآجي ويحب التجديد بالعلاقات الله يعيننا على هالاشكال اتركه وماعليك منه خل عندك شوية كرامه |
ههههههههه
من باعك بالرخص بعه ببلاش انا صار لي نفس الشي تعرفت على صديقة لي بالكليه وطوال الارع سنوات مع بعض على طول..وعلاقتنا ممتازة..,لما تخرجنا صارت ماترد علي وسالت عن رقمها غيرته وتفاجات انه نفس اليوم وحده مكلمتها بالرقم وارسلت انا فلانه ردي كذا مرة وماشفت اي رد..وراجعت نفسي مالسبب مع ان اخر مكالمه تكلمني اياها كنت اجهز وهي كمان.. وسحبت عليه السيفون وقلت ان اتصلت او بسلامته..وانقطعت العلاقه ..ولاوقفت عليه.. |
الحي ابداء من الميت
مادامه مصر على عدم اخبارك بالسبب فالرابح انت ؟؟ احمد بك ترى النزول من اول الدرجه احسن من اخره ووالله ان بعض الاصدقاء نقص عليك يعني بالله عليك كيف تجي بالعقل انت تجلس معه فتره وبالاخير يرسل رساله ان الصداقه انتهت ايش هذي الاخلاق لو هو كافر ما اقوله هذا الكلام يعني خلصت الاساليب عشان يطعها بوجهي اقول احمد ربك ترى انت الكسبان ومثل هذا خساره اضيع تفكيري فيه وانصحك لاتحقد عليه ولاشيء هي فتره حلووه قضيتها معه وخلصت وانتهت اعتبرها سفره لتركيا وتمشيت وجيت ههاااي |
ابو عبدالعزيز سؤال خاطم بس صريح هل انت ملتحي ؟ يعني مطوع ؟ يمكن انت غير ملتزم او غير ملتحي وهو نوى الالتزام وبعض هالشباب يحسبه اذا التزم يسحب على خوياه اللي قبل وماتدري الا بعد كم سنه تلقى هاوي بجفره يعني ينتكس انتكاسه عنيفه |
ترى فيه بعض الناس الله يذكرهم بالخير يحبون التجديد حتى بالأصحاب هـ^^ـه يعني ملولين ،، أعرف لك زميلة عندنآ كل أسبوع له صديقة وتسحب على صديقآته الأولينات أيما سحب هـ^^ـه مادري شيحسون فيه هالنوعية ،،! |
لعله كان سبب لأصحاب سوءٍ فرقوا بينك وبينه لا أخي لا تدعه راسلة من الحين والآخر رسائل يعمها التذكير .. رسائل أحاديث وحكم دون ذكر أوسؤالة ماجرى بينكما .. أجزم لك بذلك الفعل له بأنه سوف يعود ويرده لك ربي رداً جميلاً سبحانه إنه قادر على ذلك ولا تنسى نفسك من الدعاء والدعاء له أيضاً تذكر أنه كان صديقك يوماً ما ... وفقك المولى لما يحبه ويرضاه ... |
اقتباس:
ههههه ياحبي لك لا تكابرين وأنا أختك لو مثل ماتقولين ماوقفت عليه كان مو للحين مانسيتيه ولا نسيتي السالفة آسفه لتدخلي:p |
لا تحزن كما تخلى عنك بهذه السهوله انساه انت بسهوله فكلما اعطاك الله عمرا سترى عجبا من البشر |
لاحوول ولا قوة إلا بالله
يمكن أحد قايله عنك شيء أو الصداقة علشان مصلحة وانتهت والله الناااس عجبين حنا بزمن غريب مااقول إلا الله يعينك |
واسعد الله ايآمك ولليآليك ان اردت الأخذ بقولي فخير فً ان لم تأخذ به فً لك الحريه اذآً مدآم قلبك قد غطآه البيآض ولم تتذكر بأنك قد اخطأت عليه فً ادر بظهرك ولآ يهمك رحيله ستلقى الخير في غيره _ وصدقني خذهآ مني انآ مدآمك مآسويتله شي رآح يرجعلك وبيكون نآدم وقول مآقآلته بشروه صدقني لآتهتم وارفع نفسك عنه وبيني وبينك بعض النآس الحين على بآله النآس وآقفه حوآلينه يوم انه يستطفل بتعآمله لآيهمك وانآ اختك عآدي والحمدلله اتوقع زملآك كثآرين مآ وقفت عليه هو والله مآخلق النسيآن عبث _ شُكرآً لك بحجم السمآوآت ولن تفي _ |
آسفه لتعقيبي مره أخرى ولكن معلومه للي يقولون يمكن احد مفرق بينكم او يمكن سآمع عنك كلآم لو كآن يحبه بصدق ويغليه كآن مآيصدق اي كلآم يجيه _ ولآ لو كل شي نسمعه بنصدق كآن الله مستعآن مآلنآ صديقآت ولآ شي يً نآس الحب والمشآعر الصآدقه شي مستحيل احد يحس فيه الآ من مر بً الطريق نفسه _ صدق النسيآن شي صعب ويجي مرآتب ولكن حآلتك هذي تحتآج مفعول اللنسيآن بأقرب وقت امكن _ دمتم بخير |
ولكن معلومه للي يقولون يمكن احد مفرق بينكم او يمكن سآمع عنك كلآم
لو كآن يحبه بصدق ويغليه كآن مآيصدق اي كلآم يجيه _ يً نآس الحب والمشآعر الصآدقه شي مستحيل احد يحس فيه الآ من مر بً الطريق نفسه حبيبتي ... لقد مررنا بأعظم الصعاب الكثير من الناس لا أعلم مدى إحساسهم يسمعون آراء الكل ويصدقون كل .......... وهمهم الوحيد فراق الأصدقاء :eek5 فلذلك يجب أن نكون أقوياء عند هذه الأمور ألا نتضايق ولا ........ يجب أن نتخذ بأرائنا نحن بأن لا نتخلى عن بعضنا البعض مهما حدث لا تقولوا من ضعف الشخصية لا بل هذه الأخوه في الله الحق أثابك الله أخيتي بشروه إني أبرحل:f: ووفق المولى الجميع ... |
طيب لماذا لانفرض انه رأى ان علاقتكم بدأ يعتريها شيء من المصالح الدنيوية الزائلة وهو كما تقول يريدها فقط اخوة في الله لاينتزعها اي شي ( لايريدها ان تتطور الى علاقة دنيوية ) لانه ارسل في اخر رسالته انه يريدها علاقة اخوة في الله فقط لايريدها ان تتحول الى غير ذلك .. فكن على تواصل معه بين الفيئة والاخرى حتى لو بالرسائل ولو لم تتلقى منه اي رد فلك الاجر ولن يضيع تعبك فاحسن الظن مادام هناك مجال لإحسانه ايضا لاتشغل نفسك بامور ليست مهمه فهو إن أراد مصادقتك وكان رجلا خيرا فحياه الله وان اراد غير ذلك فعامل الناس بأخلاقك لا بأخلاقهم فواجبك تدعي له بالسر وان كان لايعلم عنك شيئا ..
|
*
محيّرٌ أمره حقّاً - أعانك الله - لكن من محتوى رسالته يتبيّن فيها سبباً آخر غير كلام الناس أـو محاولة للتفرقة أو على سبيل المثال موقف حصل بينكم ! انتهينا على خير - والموعد الجنّة ربّما كان له سببه الخاصّ وأنتَ تجهله , لكن اجعل قلبكَ مفتوحاً لغيرك دائماً ولا تتبع قول أغلبهم ( من باعنا نبيعه ) ! وفقكم الله |
التمس له مليون عذر ولاتنسي ان فيه ناس مصلحه يعني ما يشوف لعلاقتكم اي فاٌده أنا حصلي نفس الموقف وترسل كلام انت اللي فيك واللي فيك في يوم وليله ولما اسالهاعن السبب تقول أنا خلاص ماله داعي أنا نسيت وتعيد السالفه كذا مره ليما تركنا بعض وبعد سنه ونصف بس ترسل حلليني انتي اعز صديقاتي ومن هلكلام بس والله بعد مشكلته أثرت علي كثيييير صرت مااثق بصديقاتي والله ندمت أني نظرت خاطره وأغلي ما علي الانسان كرامته
وسامحوني علاطاله |
حبيبي....
الله لايجيب الزعل بين الاحباب..... لاكن بختصار لايمكن ان تحدد نفسيات وعقليات البشر ونصيحه لاتاكل هم منلا يبكيك ويغليك .وبين من كلامك عن الشخص انه ماعندك احدددددد ولو فيه واشي بينكم هذا بين رداه اكثر لان العاقل ماياخذ بداني الكلام .. وابريحك اكثر لو انت غلط وانت ماحسبت حسابك هذا الغلط يعتبر عليه لان الغالي لازم يكون بينه وبين غاليه تفاهم ولازم يسمع وش عندك قبل مايبعد عنك ...... لاكن لاتكلمه ولاحتى رسايل واعتقد انك سويت اللي مافيه امل اسويه ...... وهوماجا يناقشني باللي بباله( ماطاح من النجوم اخف للسماء ياقلبي) واااااااسف على الاطاله |
|
راجع نفسك !
قد تكون من النوع ( اللاصق ) ( الخانق ) ! |
اقتباس:
كلاااام جمييييل اؤيدك أخي المبارك واهم شيء احسن الظن وتفائل بالخير تجده |
علاقه سنتين او ثلاث غير كافيه انه يستمر معلك
انا اقول عطه الخامس وشف لك غيره ويمكن له حاجه عندك وخلصتها له وعطاك اشكل ويمكن انه نفسيه الله يشفيه |
| الساعة الآن +4: 10:35 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.