|
أبوي يقول نعم وش تبي !
بسم الله الرحمن الرحيم السلام عليكم / عندي موضوع وأبيكم تعطوني الحل بصراحه طفشت وتعبت وصرت كاره نفسي وجاني وسواس أن مافي أحد مهتم فيني وأن كلآ كارهني حتى أبوي أنا مشكلتي هي أني موظف في الشرقية و كل ما جيت أكلام أبوي عن طريق الجوال وبعد ما أسلام عليه و أطمئن على صحه يرد علي ويقول بخير نعم وش تبي يقولها بكل عصبيه أقول له يا أبوي ليه كل ما أكلامك نفسيتك مو زينه يرد علي يقول أنا ماني فاضيلك أنت تبي شيء ولا أخلاص علي :eek5 كل يوم على هذا الموال أحس يوم أكلمه كأني عدوه مو ولده أنا تعبت وكره الدنياء إذا أبوي مايتكلم معي بحب ليش أنا أعيش في الدنياء :eek5 |
عايش في الدنيا لغرض العبادة أولا قبل كل شيء ثانيًا .. بعدك عن والدك زرع بقلبه بعض الـ " شرهة " و الشوق لك ولكن شوق المتكبر ... و سنعبر عما إن كانت شخصيته إحدى إثنتين و الواجب عليك أن تأتي ولو لـ يومين لترى حال والدك ربما مايخفيه عنك أكثر من صوت عبر مكالمة جوال ويبدو لي أنه بحاجتك كثيرًا .. إما ماديًا أو معنويًا فـ نصيحتي لك أن تحاول الحضور في إجازة أخر الأسبوع و تشتري له هدية مفضلة لديه و تقبل عليه إقبال المولود على والدته .. بشوق لـ حنانه ضمه ضمة لهفان لرؤيته .. كي يحس بمدى إفتقادك له رزق الله رضاه ورضى والديك .. وبارك بك و بعملك |
كثير من الابآء بحكم البيئه الجافه اصبحوا يكابرون عند ابنائهم فيعتقد انها تضيع رجولته اذا عبّر عن حبه لابنه,, وانت لاتحكم عليه بالكلام فقط,,,احكم بالفعل اذا اتيت انظر كيف يستقبلك,,يسالك عن احوالك وشغلك ستشعر انه مهتم بك كثيراً,,, |
متصفحه>>> كلآآآآمك عين العقل |
. . . لربما أن والدك يسـارع في إجابتك رغبة في معرفة ماذا وراء الإتصال لإنه فرح بوظيفتك ويخشى أن تبدي له تذمرك من وضعك هناك أو أنك دائماً ماتلح عليه بطلب أن يبحث لك عن واسطة لنقلك وليس بإستطاعته ذلك ... ولذا تجده يفعل ذلك خشية ,, لا أكثر .. . . |
ياخوي مو بس أنت أحمد ربك فيه ناس أعرفهم توضف ولدهم صدق أن أبوه فرح
بس أبوه كم مره طرده من البيت ويرجع ألولد عشان أمه وخوه الثاني يكرهه وبوه عطاه السياره بعدين أخذه منه ويقوله كلام ماينقال بس عليك بصلات الليل والمحافظه على الصلوات وأن شألله بعدأذن الله راح تشوف أبوك وش يبي يصيرلك |
كلااام حفيد اعقيل ماشاااءالله :41
واستغفر ربك ليه اذا ابوي مايبيني خلاص وهذا ابووك مهمااا كان يمكن انت حساس وتفهم غلط واهم شي اهم شي تذكر العااافيه اللي انت عايش فيهااا واحمد ربكـ ليه كل هذااا |
يمكن فيه شي بالخاطر...
اذا رجعت اجلسوا انت وهو جلسه وديه وانشاء الله مافيه الا كل خير...... |
ابوك شكله مزاجي ويعصب على اشياء تافهة ؟
|
لا عااادي جداَ
بس انت حساس مره , وشكلك كل يوم تتصل عليه وغير كذا ماعندك جديد بس تسلم عليه , خذ الامور ببساطه ولاتتصل عليه كل يوم بكذا ينزعج منك . وهذا ابوك اذا ماتحملت ابوك وهو كذا اجل لاشيب واحتاجك شلون بتراعيه وتتحمله .. ................. |
احس ان ابوك فاقدك وماوده يسمع صوتك علشان مايضيق صدره
ولاوشو الواحد من غير الابو او الابو وشو من غير الولد |
عزيزي عابر .. قبل كل شيء ، هنيئا لك ! عندك والد ؟! تدري وش معنى أن يكون عندك أب !؟ إذا ودك تعرف أسئل يتيم ! أو أسئل واحد لم يتجاوز الرابعة من العمر وعاش 31 سنة و منظر الرحيل الأبدي يعانق خياله منذ نعومة أضفاره ! أسئله عندما يكون بأمس الحاجة لمن يستشيره أو ينكب بين يديه مستجيرا من حر الرمضاء و لهيب أشعة الشمس الحارقه !! يا عزيزي فضاضة القول ! أو غلاظته لا تعني أنه لا يسري بين جنبيه أعذب شرايين وعروق الحب الدفاقه ! لكنها حشرجة تواري من ورائها دموعا منسابه ،،! يريدك أن تكون ذاك الرجل الذي لم يوصله اليه مشوار الحياة الطويل ! أن تتحمل ! أن تقوى على مرارة الاشتياق ولوعة الفراق التي أجرت على شفتيه كلمة ( وش تبي ) و في أعماقه نائح ينوح ! ولهت عليك يا ( .... ) يا عابر :) همسات حنونه .. 1 ) لا تكثر الاتصال عليه و خصص يوم واحد في الاسبوع .. و أجتهد لمعرفة الوقت المناسب .. 2 ) هدية مهما كانت قيمتها وأبعث بها مع رسالة .. بكلمة واحده ... ( أبنك المحب .... ) .. :) 3 ) تلمس أحتياجات الأسرة و أسئل الأكبر سنا في البيت عن مشاكل العائلة خصوصا المادية .. 4 ) اذا بدأت المكالمة أشعره بحرارة اشتياقك له .. وحاول أن تسأله عن أحواله الشخصية دائما أو أهتماماته .. وأخيراً ... كلمة عبور الى قلبه يا عابر ... قلها ولا تخجل ، قلها وقلبك مليئ بمثلها .. قلها ودع الدموع تعبر عن حالك ياعابر..بعد أن يرحل بعيدا بعد عمر طويل ... قلها وأدع لي ................. أحبك يبه (f) |
أصبر ياخووي الله يخلي لك أبوك ترى الصبر مفتاح الفرج أنت أبووك يمكن أنه من حبه لك وشفقته عليك يخاف تطلب طلب مو قادر عليه ولا يبي يردك وانت بعيد عنه عشان كذاء يقول بس خلصنا وش تبي أعرف وحده من اقاربي ابوه ماسلم عليه سبع سنوات هي دوره بكل مكان عشان تسلم عليه وهو يطرده على لاشي سووته بس كلام مفترى عليها به والحمدالله بعد سنين كان يدعي له ويخصه بدعاء ويدق يسلم عليه ويقول يابنيتي حللين على الي سوويته |
كثير من الاباء خاصة كبار السن تكون معاملتهم جافة شوي مع ابنائهم او ما يعرفون يعبرون عن اهتمامهم الجدي فيهم ,, تأكد ان والدك يحرص عليك ويحبك اكثر من نفسه بس يمكن طبعه قاسي شوي كذا .. احمد ربك واكسب بره .. غيرك يتمنى تواجد الاب ولا هو محصله تحمل واترك عنك الحساسية هذي والزعل خاصة مع والديك .. حاول تتقرب منه بشكل عادي واذا قالك كذا رد عليه وحشتني واشتقت لك .. وفقك الله ,,,,, |
محمد الرشودي الله يسكن والديك الفردوس ويسعدك وين ماتروح استفدت من كلامك كثيييير الله لايحرمك الاجر
اخي عابر حاول ان يكون بينكم حوار لانه مفقود الايام معاناتك نفس اخوي بس اخوي مب بعيد وجاء يشكي لي وانه متضايق ووضحت له انه مافيه بينكم حوار واسلوب لازم الابن يبداء مو الاب والفعل قبل الكلام بدايتها بحبه ع الراس وابتسامه وسؤال عن الحال وبعدها تقول اللي بخاطرك ولااااازم يكون الوقت مناسب ويكون مرتاح ومبسوط وقته لاتنسون كلمه طيبه اوشكر اودعوه لهم وهم يسمعون لها اثر كبييير اشد مما تتوقعون الله يحفظه لك وكل الاباء والامهات الله يرزقنا برهم ويرزقنا واياهم الفردوس ياااااارب : 12 |
اخوي الرجال بمجتمعنا جافين وماتعودوا الكلام اللين .وتزوج علشان تحس بالابوه .
|
|
اقتباس:
ويمكن كذا ابوكـ طبعه جدي مو ياخذ ويعطي |
اقتباس:
لقد كتبتها لعابر ,ولا تدري كم استفاد منها غيره ...؟! جزاك الله خير الجزاء وبارك بقولك وعلمك ورزقك خير الدنيا والآخرة .. آمين .. أشكرك أخينا .. |
اقتباس:
كم انت رائع حينما تطرح الحل وكأنه أخ لك أو قريب قلمك دفاق بالخير .. فلآ تلجمه كن بخير |
اتفق مع رد اخوي محمد الرشودي
|
أصبر و أنا أخوك مهما كان في هذا أبوك |
اقتباس:
lمآآبعد هالرد رد..:41 بآرك الله فيك يآآمحمد الرشودي وجزاك الله خيرا... الإبوه ماتلقى اقوى واصدق من عاطفتها لو كانت ماتعبر الله يصلح حآآل الجميع,(f) |
. . شكراً لكم جميعا ،،، و أتمنى أن أكون عند حسن الظن دائما،،، بس ما شفنا رد عابر للحين :) عسى المانع يكون خير إن شاء الله ,,, لعل الحظ يسعفني أمر من هنا في المستقبل وأحصل عابر راد ويدعي لي ويقول طبقت وصيتك والحمدلله كل شيء تمام :) بالتوفيق يا عابر قبلي معك .. (f) أستودعتكم الله جميعا .. . . |
بيئتنا جاااااااافة هذا اول شييي.. واما محد يهتم فيك او... لا شيلها من راسك لو درى ابوك عن هالكلام والله
اني يصيح وهو رجل؟؟ ثانيا .. يمكن ابوك مششغووول وانت تدق طاقة كبدة زهقان حتى من نفسة .. وان كان مامعة احد يعينة فهذا اشد بعد.. ثالثا.. الاب علية مسسسسسسولييية ويحسون بالضغط؟؟؟ شكلك فاضي بالدمام كل ماعليك .. انك تدق بوقت مناسب و تحرص بالسواليف اللي توسع صدره هو وتضحكة ولا تضيق صدرة باخبار عنك تضيق صدرة و فررر حة خلة يفضفض عليك وشف شلون يفرح باتصالك.. اتمنى تردلنا وش صار عليك..جرب ماتندم وتحمل ابوك هذا ياما تحملك وانت صغير ... |
ربما انك فعلا ازعجته (:
مهما قال فهو ابيك اعانك الله على بره |
السلام عليكم
أولا... خذ بنصائح اخي المبارك محمد الرشودي ثانيا :...هذا ابوك بره لحبك له واجل الله واذا حدث جفاء بينك وبينه بره لاجل الله ثالثا : ...خذها مني ليس مهم ان يحبك من في الارض ولو كان أقرب قريب الأهم ان يحبك اهل السماء فإذا حبوك حبك أهل الارض |
ماعليه تراه أبوك ولو تلف الدنيا ماتلقى مثله في حبه لك مهما قسى عليك هو يخفي حنين وألم عشانك
|
اقتباس:
اقتباس:
كاملين وافيين ويناقشان القضية من جميع الجوانب .. لله دركم .. أخي عابر .. كن بالقرب من والدك فوالله لن تحس بقدره إلا بعدما تفقده .. ! أطال الله في عمره على عملٍ صالحٍ .. غفر الله لوالدينا وللمسلمين . |
اخي عابر القارااااات
ان الله اذا احب عبد ابتلاه حتى وان كان ابوك هذا اسلوبه فهو ابوك ويضل ابوك استغفر ربك ولا تقول انا ليش عايش في الدنيا انت عايش في الدنيا عشان ربي اختار لك كذا وربي ماخلقك عشان يعذبك قل الحمد لله وووواااااااسعى لرضى ابوك ولا تخلي اسلوبه يبعدك عن ابوك مهما ابتعد اقترب لانه ابووووووووك وبره واجب واصبر واحتسب الاجر في ذلك اسال الله العظيم ان يهديه .. |
بعض كبار السن يخجل انو يفصح عن مشاعره مش هروب منك او انك ماتستاهل لااعتبره خجل لان طبيعة حياتهم قبل كذا وبرايهم ان هالاسلوب هو الصح "انا عندي جدي الله يحفظه الوحيده اللي ينافخ عليه انا ويبيني زي الريموت بيده ولاشرهت وابعدت عنه الضعيف يبلش وتجيه جووله وكل شوي وايق بوجهي مع انه امس ناترن بي :)
|
| الساعة الآن +4: 04:30 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.