|
المتسولون المتسللون
السلام عليكم احبتي
نعم وعزة الملك الجليل انها لأساءة لنا ولنساءنا من اولئك العمال الوافدون سيما البنجالي منهم متى ماكان باي مكان عائلة الا والئك النفر يتسابقون اليهم من يحظى بالدريهمات اولآ وقبل الفوز بهن الترزز -المقزز- مرة كنت وزوجتي خارجين وكانت سيارتي مفتوحة وبالطبع سبقتني هي لاغلق الابواب اول ماركبت شدتني دهشة زوجتي "مابك عسى ماخلاف" قالت ان هالعامل ذاك لحقني حتى كاد يركب معي _شف الخسة_ ودائمآ تتكرر هالمشاهد لنا ولغيرنا اتعلمون من المتسبب لهكذا حالة انهن نساءنا فاهن من يرحمنه_زعمن_ ويتعللن بالصدقة والرفق بهم اذا ارادت احداكن رحمتة فاهنالك عدة طرق احداهن والولهن واهمهن زوجك اعطيه المقسوم ليعطيه اياه فاارجو من الاخوه والاخوات اخذ الحيطة والحذر ثانيآ _ولا يقل اهمية من سابقة_ البلدية لابد ان تحد من هذه الظاهرة القاهرة باي عمل كان حتى لو تصل بعض الاجرآت للترحيل النهائي حرس القدوس جل جلاله مجتمعاتنا من كل كايد وحاقد وحاسد ومن كل مايغضبه انه سميع روؤف مجيب تحاتي ودعواتي |
عفواً مافهمت شي:rolleyes::rolleyes:
|
اقصد عمال النظافة الي يحومون حول البيوت اقالهم ينظفون
وهم ماهمهم الا الدراهم ياصاحبي |
لاتحقرن من المعروف شيئا طريقتي بباقي الفطور نجعل المتبقي من الصامولي والفطور على شكل سندوتشات واما نضع معاها عصير او كاسات ماء بارد وتوزيع على اول بنقالي اشوفه سوا بالحي او عند الاشارة او في الطريق . واحتسب الاجر من الله |
:confused::confused:
ممكن توضيح |
لاشك اخي _اخو دريحم_ اننا نحتسب الاجر ونبحث عنه في مضانة
ونفرح والله باعطائهم قليلآ كان او كثيرآ وننوع كذلك والمنة منه سبحانه ولكنهم استغلوا طيبنا واستغفلوا نساءنا ونحن لم ولن نبث ونشوش على اهلنا عدم الصدقة لهم ولغيرهم ولكنه تنبيه قد ينفع النبيه _شرواكم واذا وددت انت ايها الكريم وجميع الاحبة الاطلاع عن اولئك المستغلون ولنا مستغفلون فانظرهم حول الجلسات العائلية كيف يستمكنون حتى يتمكنون فاني والله لااريد منكم الا الحذر منهم وكفى |
مالك ياغلام .. واما السائل فلا تنهر .. عطه ولاخله يولي اكلتك امك يافتى
|
اقتباس:
|
قسم بالله عامل نظافة عندنا شايب شيفة لاشفتة تخنقن العبرهــ وهو يكد بالاجواء المغبره وحرارة الشمس !!
بصراحة عماله النظااافة هم يستحقون من يتصدق عليهم....لانهم الداجين ولا البقية اغنى منا ماشاء الله تلقاو يكد بكذا شغلة وبسوووق التمر ويشرون مزارع’’’وغيرة الله يرزقهم لكن عمال (النظااااااافة) بين قووووسين |
حنا اللي خربناهم الحين شفهم ميكنسون الا عند الاشارات حتى الناس تعطيهم وباقي الشارع وسخ:42
|
مالي قومي ياناس وش بهم !!!!!!!
لا ذرة ريب عندي ولله الحمد بلا حد بأن الراحمون يرحمون ونعم :( فأما السائل فلا تنهر ) وقد يدفع عنك بلاء او ماشابهه بهذا العمل الخير النبيل ولكن ياقومنا _أوموا بائه_ على قولت اهل النيل اقولكم هالعمال انواع الاحتكاك والترزز المقزز المنرفز لكل غيور نبي نعطيهم الله لا يعوق بشر بس بطرقتنا حنا مهب هم الي يفرضون علينا طريقتهم ويكأنهم يقولون بلسان حالهم : معطيننا معطيننا ترانا غيبنا اسلوبكم غيب وخذ ياترزز حتى النيل من الهدف افهمتوا : #ا ذآ بردوا هالصيف بكاسن من الفمتوا # دمتم بعافية |
اقتباس:
|
والله يتسولون بسبب شركات النظافة النصابة يجيبونهم بعقود 1000 ريال راتب ولما يوصل هنا يعطونهم 200 ريال راتب وآكل وشارب منها وتلقاه ببنغلادش بايع أرضه وبيته وواحد من عياله بعد على شان يجي السعودية ، يوصل هنا ينصدم بالواقع واثره كان ببلاده أحسن ولا يحصل حل إما ترضى بالراتب أو ترحيل فيضطر إلى الأخذ من الناس ، يعني هو انلعب عليه ياحول وتلقى حالته حالة وبعضهم شايب وعنده عيال هناك وبنات ويبغى يزوجهم ويبغى يصرف عليهم وميتين جوع ... المفروض أنك تحث الناس على الصدقة عليهم بدل ما تنتقدهم .
|
مابـاآلكم ؟! الحديث هنا عن مايحدث من المتسوليـن بقصد التحرشاات بالنساء.
وفعلـآ أنا لآحظت أن عيونهم على الي جوا السيارات أكثر من ع الأرض الي ينضفها! وإذا رواتبهم 300 أو 200 ريـأإل عندنا ماتسوى ششي بس بالنسبـه لهم وبعملتهم تسوى الكثير.. وجهة نظر’ مودتي’ |
والله يالاملاء عندك دردبيس معليش
|
اقتباس:
باااارك فيك الله فيك هذا الكلام (وفي كل ذي كبد رطبة أجرا) |
ايها الكرام
اشكركم على جميل مداخلاتكم ولكن بعضكم نحى بالمقصد واتى باشياء هي عندي ولله الحمد من المسلمات مثل الصدقة لهم والرأفة بهم بل ومعاملتهم كأخوة لنا لاسيما المسلمين منهم اعيد وأزيد للتأكيد : اعطوهم ماتريدون ولكن بحذر وان حصل ان من يعطيهم هم الرجال فقط لكان أولى وأتم للعقبى والله ارحم واعلم بحالهم منا دمتم بعافية |
صدقت !
يكنس عند الباب ويبداء يطقق بالمكنسه الباب علشان أسمعي ياجارة(الشغاله) وإلا الصدقة نويدها ولكن بعيده عن المنازل |
السراحه احيانان ارحمهم وافتح الشباك واناديه واعطيه اريال خمسه __الي القاو بالبوك
|
صدقت ولا تنسى أنهم يجلسون ويتعلثون عند الإشارات وتلقاه يناظرك مته تفتح الدريشه حتى تعطيه فلوس .. أحيانن تلقاه على مسافة كيلو يسلم عليك وأنت في السياره ..
على العموم حصل مره من المرات لي ولاحظت على أحد المتسولين في مسجد بجده وإعند إنتهاء الصلاة قام هذا المتسول وتكلم طبعاً يدعي أنه محتاج وعليه ديون ومطلوب منه أجار لبيته وهو فقير .. وكان شاب ليس كبير بالسن ويدعي وهو واقف بحركه بقصد أن يوحي للناس أنه معوق لكن يوم حددت النظر إليه حيث لاحظت أنه يلبس ملابس جداً جديدة ونظيفه وبالذات أسفل الثوب ، وأيضاً مسبل تماماً وإعاقته التي يدعي بها في المسجد على مشيته بأن رجلاه متعكفتان طبعاً وهو يمشي بالمسجد ثوبه يسحب مره يعني بقوه .. الحقيقه دخلني الشك لأن أسفل الثوب نظيف مره ولا يوجد عليه أثار أوصاخ من سحب الثوب في الإسفلت أو بالممرات <<< وأنا خارج من المسجد قلت له فيه جمعيات خيرية تتبنا أجار بيتك وتدرس حالك والحاجه التي تحتاجها حتى من أرزاق وملابس وأثاث وأيضاً فيه ضمان إجتماعي .. قال لي ما يعطوننا شي قلت زين عطيته المقسوم ما ودي أظلم الرجال .. عاد يوم رحت للسيارة قلت إلا ما أشوف صدقه من كذبه جلست في السيارة وأنا مطفي النور:d وأنتظره حتى خرج وهو آخر من خرج من المسجد وهو يمشي بنفس مشته لكن لاحظت إختلاف كبير في مشيته قلت : أتأكد أكثر عاد دخل خلف المسجد يوم إلتفت خلفه يبي يشوف فيه أحد يتبعه ولا لا ..الخ القصه حيث تأكدت تماماً أنه كذوب .. وللإحاطة التسول في المساجد ممنوع ..فا المفروظ من الناس إذا بغى يتصدق على أحد حتى لو بريال أو خمه ريالات فيه حسابات في البنوك لجمعيات خيرية تعطيها من يستحقها بعد ما تدرس حالته ولديهم تنظيم في هذا الشأن .. شكراً لك .. |
اقتباس:
والا قلولي اولاه وشلون تستأمن من هلي اتناديه هذا ماتخاف يجي ثانية وثالثة ورابعة الين يحفظ من يجي ومن يروح ومن يدخل البيت ومتى يلقاه فاضي انا مااحب اضخم االموضوع بس عاد ماودي بهاالتعامل حق اوخيتي مع العامل لابغيتي تعطينه هو ولا غيره الف طريقة وطريقة بس مهوب مثل طريقة الاخت الحذر الحذر : تدرون ياناس وشلون البيوت تقمز والا تدرون وراه هالعمال عند ابيوتنا تترزز السبب سذاجة تعامل بعضنا مع العمال والأخت الكريمة يثبت هذة النظرية (_وافتح الشباك واناديه_) دمتم بحفظ الله ولطفه |
| الساعة الآن +4: 01:08 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.