|
راح ترخص الأراضي عن قريب ...
في قرار من المنتظر صدوره عن قريب والذي يخص الأراضي البيضاء والتي كثيراً ما نشاهد عليها لا فته للبيع ... سوف تندج تحت مسمى الأموال التي يجب عليها الزكاة وهذا قرار صائب من الحكومة الرشيدة والذي يحد من غلاء الأراضي وعدم أستثمارها فيما ينفع وينمى المنطقه التي تحتويها وسوف يبلغ أيراد الدوله من تلك الأرضي بعد التطبيق (( 60 مليار )) ريال سعودي |
اصبروا لهم شوي ، فيه مكتب كل يوم يرسل رساله أو رسالتين كلها عروض للبيع أراضي بأسعار عاليه جداً ، قال أيش قال الموقع ممتاز ، والظاهر انهم متحرين للنكسه الله يحفظ ابو متعب ويطول بعمره ويجعله ذخراً للإسلام والمسلمين |
اقتباس:
لا وزيدك من الشعر بيت في سلطانه الشرقي خلف وكالة الجزيرة لسيارات حصلت أرض أعجبتني مساحة 600 قلت أبي أسئل عن سعر المتر قال المتر بــ 800 ؟؟؟؟ قلت عسى ما شر الحين الموقع قريب من وكالة سيارات وهذا سعر المتر قال هذا سعر المتر هنا قلت شدعوا والله لو الأرض قبال الحرم |
للاسف ياليت يكون كلامك صحيح
لكن ماننظر اليه العقار عموماا في ازديآد الله يسستر بس |
اقتباس:
سترى ما يسرك بإذن الله وخل كلامي على بالك |
اقتباس:
أنتظر وسوف تشاهد ما يسرك وللمعلومية أغلب أصحاب العقار متخوفين من هذا القرار |
اقتباس:
الزكاة خير وبركة ونماء للمال . |
اقتباس:
وهذي راح تكون أول خطوات الخير .... ولكن هناك بعض تجار العقار وخاصة الأراضي الكبيرة التي تقدر بالملايين مثلاً أرض قيمتها 50.000.000 وزكاتها 100.000 كمثال صاحب الأرض من الصعب أخراج هذا المبلغ على لأرض البيضاء من باب البخل والتهرب من حق الزكاة الواجبه على لأرض |
انشاء الله
|
يا رجل لا تمني نفسك بالاحلام الكاذبه لأنه ما راح يطبق على التجار الكبار لأننا في مجتمع تشتغل الواسطه بشكل كبييير ولن يكون لجنه لا تخاف إلا الله ويكون تعاملهم حازم ليش لأنك في السعوديه يالحبيب
تحياتي لك |
واذا طبق القرار هل ستنخف الاراضي ام ستزود
تجار العقار من ادهى واذكى التجار يجيك تاجر عقار مالك اراضي كثيره والناس بامس الحاجه الى هذه الاراضي فاذا احتاجت الناس الى الاراضي خطط احدى الاراضي وبدا يبي بسعر غالي فاذا طبق القرار عادي عنده ما راح ينقص منه شي 2.5% مهب شي عند مبالغ الربح والله اعلم ان 2.5 % راح تكون على ظهور من يشتري الارض يعني مثلا الاراضي زكاة الاراضي 10000 راح يزود كم من ريال على المتر عشان يعوض عن الزكاة وهو الرابح بامرين انه اداء الزكاة وربح المال فلن ترخص الاراضي بهالامور البسيطه ابدا بعدين كيف ترخص هل سيخسر التاجر الكثير لكي لا يؤدي الزكاة يعني اذا قلتي تبي ترخص ما راح ترخص الا القليل جدا جدا جدا يعني مثلا ارض متره ب 500 راح يخلي الارضب 490 فلن يبي ب 470 لانه اذا باع ب 470 راح يخسر 6% بينما لو يصبر سنه سنتين ويودي الزكاة بسنتين 5% وراح تكون الناس محتاجه جدا فيرفع السعر فيخليه 600 بدل 500 |
يارب الله يسمع منك ياليت والله كان تنحل كثير من المشاكل وهبس استغفرالله يغثونك ها التجار يشري ويخزن ويالله
ولا يبيع الا بسعر غاااالي يارب يصير صدق |
احسن خل العقار يرخص - اجل سعر المتر السكني وصل الف - خير ان شاء الله والله لو حنا باليابان
|
اقتباس:
اليابان هع قل والله لو حنا بجنب الحرم هع الغى اراضي بالعالم الاراضي التي بالقرب من الحرم المكي اذكره انه قد يصل المتر هناك الى ملايين |
للأسف الجشع مغطي على مكاتب العقار ولا اعتقد انها بتنزل بنسبه كبيره
والله يستر من اللي جاي |
اقتباس:
مثلهم مثل المحلات التجارية والذهب وأي شي يتعلق بالزكاة ننتظر ونشوف |
يجيب الله مطر..
|
اخي الغالي منين ترخص الاراضي والدوله فرضت على صاحب الارضي الكبيره
تخطيط وزفلته واناره وصرف صحي بكم يطلع عليه المتر اول من50 الى 80 وبعد وضع الخدمات يطلع المتر من 120 الى 150 وهو يبي مكسب والضحيه المواطن |
مشكور
|
لاتفرح بالقرارت هذه كله على ظهرك التاجر يبي يزود حق الزكاه على المشتري
ويدار مادخلك شر |
بعد مايؤخذ منه الزكاة .. يرفع سعر الارض عشان يبي يرجع اللي دفعه .. ماتعرف للتجار وانا اخوك :) |
اي ترخص لي شهر وانا من مكتب بمكتب
ادور فيلا سكنيه للبيع او ارض الفلل من مليون وطالع والاراضي من اربع مئة الف طبعن في الاحياء الجديده الي يخبرلي فله من ثمان مئة الف وتحت يدلني عليها وجزاكم الله خيررررر |
حتى لو طبق نظام الزكاة على الأراضي البيضاء أكيد راح يدفعها المشتري ( مدروسة يارجل )
|
ياعم معليش لاتزعل اذا قلت ماتفكر طيب طبقوووا القرار انت تعرف الاراضي البيضاء ليس فيها استثمار يعني منين يطلع الزكاة ياخوي بالعكس هذا القرار اقدر احلف انه بيرفع السعر لقيمة للزكاة وقل ماقاله صدقني القرارات التي تصدر تساعد على رفع سعر العقار من رفع القرض الى خمسمية الى زيادة الراتبين الى منع بناء ادوار اكثر من 3 اداوار الا في الواسطة وفيه مبنى على طريق الدائري الداخلي عند محطة البصير(الميقات)البصيرية بنى 5 ادوار وقفوه له كم شهر واقف مايقدر يسوي شي اسعار الاراضي بارتفاع لاسباب كثيررررررررررررة اولها هذاااا القرار
|
نعم راح ترخص باذن الله اذا جاء مشروع الفلل السكنيه اللي تتبناه الدولـه ومن المفروض ان الدوله تشري ارض خام بشمال بريده وتوصل له الخدمات وتبيع على المواطنين باسعار مناسبه ماتتعدى 100000 وكذلك الحال بجنوب بريده وتفتح المجال اراضي ودعم من ا لصندوق العقاري وبعده قابلني ان صارت اسعار العقار زي الآن وباذن الله يبي يهوووي العقار ببير ماله قااع |
انشاء الله
|
السـراحه الله يسمع منك
آجـل آروح هلأيـام عند وراء الحداري قسم بـالل الكلاب الله يكرمك تتوحش بذاك يقول على 400 المتر ولا 5000 متر وين حنـا بوهـ وآلا جبـارهـ اللي يقـاله رخيصه على 200 180 الرخيص ويـن عند الكلاب تطلع عليك الارض بـ مليونين الله يسم منك ومشكور على الخبريه |
برجاء خير إن شاء الله .. شكراً يا غالي ...
|
يا جماعة الخير .... الزكاة راح تحد من رفع سعر الأراضي لأن صاحب الأرض مضطر يبيع الأرض حتى لا يحول عليها الحول ويسدد الزكاة على أرض جالسة والي راح يكون الربح فيها من قيمة الزكاة كل سنه تخيل أنت عندك أرض الزكاة عليها 50 ألف وهي قيمتها مليون ونص والربح فيها 150 ألف يعني خلال ثلاث سنوات ما أنباعت راح يكون الربح راح على الزكاة واذا طالت المده راح يكون خسران فيها وراح يضطر يبيع الأرض وأنا أتكلم عن الأراضي الشاسعة فما بالك في الــ 600 متر ونت نازل بأذن الله راح يكون فيه هبوط حتى لو كان بسيط من أسعار الأراضي ونقول أن شاء الله |
ياليت يكون كلامك صحيح |
كيف ترخص الاراضي والطلب ااكثر من المعروض وبعدين اللى يبي ينطبق عليها الزكاة الارض الخام والبلوكات اما القطع المترامية فهي املاك شخصية ولا ينطبق عليها القرار ولك تملك الى سبع قطع هذي ما عليها زكاه .طييعا اذا زادت القطع يفرغ مثلهم باسم زوجته واولاده والتحايل كثير اكيد يبي يلقون ثغره يتلاشون منها الزكاة. المصيبة ان الديره مثل بريده مقبله على طفرة ارتفاع جديده بحكم القادمون الجدد اكثر من 10 الف اسرة تابعة للحرس وهذا يبي يزيد من الاسعار وهجرة اهل الشمال للقصيم المتزايدة رفعة الاجارات .., والمشكلة تكمن بالامانه واللى الان لا تعطي ترخيص مخططات بالشمال يقولون بالخطة 1434ه تهذيب الشمال ودخوله النطاق يقصدون مخطط اليحي والنور والصقري المستحوذ على غالبية الجهه الشمالية.. الله يسهل للمسلمين ويعجل بالفرج ويرخص الاسعار.. |
الله يبشركم بالخيررر
ويسعدكم ويسركم يااااريت والله هذا يصير الله يخلي لنا أبو متعب |
اقتباس:
هذي مصيبة (( لحالها يبغى لها ميزانية )) ناهيك عن زيادة الأمور التي لا يحمد عقباها والله هالخبر يضيق الصدر |
اقتباس:
أقولك اشتريها بهذا السعر وإذا خسرت أنا أعوض الخسارة لأن العكيرشة أو خلف قصر العزيزية طريق الشاحنات باعو المتر قبل تقريبا اسبوعين ب 750 ريالا للمتر وبعدين القرار سوف يطبق على القطع الصغيرة أما التجار فسوف يجدون طريقة للتحايل على هذا لقرار فإذا عندك أرض لا تنهار وتبيع بخسارة وريح نفسك |
| الساعة الآن +4: 12:57 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.