|
يا ناس ترى السفر مو فرض ولا واجب فاقضبوا أرضكم أحسن لكم .
مساء الخير
ما ان تجي العطلة إلا وكل عائله مركبين قشهم خير ان شاء الله وين النيه ؟ والله ناوين نسافر لمكه او للجنوب او للدمام او غيرها من المدن او يمكن خارج السعوديه بعد طبعا هذ ا طبع كثير من العوايل سواء كانت فقيره او غنيه يحسبون السفر فرض بكل اجازه :confused: يا ناس خففوا على ابوكم او وليكم ترى السفر مكلف مره بس همكم وخاصه هالحريم ترفيه انفسهن فيا ناس ترى السفر مو فرض ولا واجب فاقضبوا أرضكم أحسن لكم . |
والله انك صااااااااااااااااااااااادق 00واخطار وغرابيل تبي صبر |
والله معاهن حق هالحريم
كل السنة محقورة بالبيت عاد خلاص ضروري أغير جو أستانس ترى كلها شهرين وينعاد الروتين والشغل والتعب وبعدين يفترض برجل أن هو من يصر على أمه وخواتة يطلعهم يكفي جلستنا بالبيت ماعندنا غير السوق والسوق هالحين وبعض أماكن الترفية تجيب الهم من لبس البنات ومغازل الشباب لذلك السفر شي ضروري جدا |
سنه كامله بالبيت عاد ياكافي ماأردى منه هالسفرة الله يخليهم لنا وكل مسلم ,,,,,,,,,,
|
اخوي لو سمحت شدخلك؟
احسك قاعد برا البيت وتطالع الرايح والجاي خلاص بعد كل ناس متفاهمين واللي بيسافر اكيد متفق مع هله ومضبط اموره ... شلقفك انت؟ يعني رجاء مو اذا شفت واحد شايل شنط سفر تروح تركض وتقول له خير وين النيه شكرا على الموضوع بس صراحه لازم تخفف من لقافتك شوي |
(فأقضبو ارضكم احسن لكم )
الا ماتبي اجيب لك عصا علشان تضربن |
العوائل اللي يسافرون اهون بكثير من الشباب اللي يسافرون خارج المملكة الله يهاديهم
|
وش تبي اولالاة ؟؟؟؟؟؟؟ حدك الا السفرررر..
وش دعوى والله لو حنا نسافر ببعارين ..؟؟ عاد كان الواحد على قد حالة شي ثاني والله... بعدين ترى الواحد يقدر يعود اهلة على الاقتصاد موب لازم كل شي ان شاء الله يقول لااااااااااااا |
صحيح السفر مو فرض لكن إذا يقدر الله يقويه
وإذا كان رب الأسره مايقدر مب سارق علشان سفره |
ومين الي قايل انه فرض ... بس بعض الاهالي يحبون يرفهون عن أنفسهم وعيالهم .. وأنا من ضمنهم احب أن الوالد يرفه عنا ... |
اول شي اكييد نبي نساافر يااخي كم لنناا محجووريين سنة لااازم الواحد يررووح يغيير جوو شووي الى متى تخيلت نفسي قااعدة سننة ماطللععععت من بريدة كاان انههبل عععععاد صح فيية تكاالييف بس اهم شي الونااسة وحب الوووطن
|
شكلك مطفر هالسنه هذي وماانت مسافر خلاص الله يرزقك وعقبال السنة الجااااااااااااية:d:d: 12: 12 |
عافاك الله أخي
شكرا لجهدك.... |
السفر صحيح انه ليس ضروره او حاجة ملحة ،، لكن ينبغي للاب او الاخ الاكبر ان يكافئ اهل بيته بعد عناء سنه كامله من التعب والمثابرة للوصول الى النجاح ،، وكل رب أسره اعلم بما يناسب ابناءه فمنهم من يفضل السفر ومنهم من يفضل التنزة اليومي ،، لذا ارى أن الترفيه مطلوب وبكثرة خلال الإجازة حتى يعيد الفرد تهيئة نفسسه والعودة بعد الاجازه بنفس جديده، متشوقة للعلم ،، دمت بخير |
الله يساعد الي يبي يسافر ويرجعه لاهله سالماً غانماً هل السفر عيب ؟؟؟؟ |
اااااااااااااااااف
حتى بلسفر تحشرون انفسكم طوال السنه محبوسين وانتم كل يوم سهره بستراحه هذا الي ناقص تحرمونا من السفرررررررررر |
سم .. ماعليك .. ابشر وانا اخوك .. ~> يركض يروح يقول لـ ابوه .. |
~ الااااااااا السفر يامدحت شوقي حق بريده التغيير مطلوب والسفر من اساسيات العطله اجل وش فايدة العطله عطله بدون سفر ماتسمى عطله ~~> بدت اتخربط يوم جاء طاري القعده *** |
اقتباس:
~ امين الله يساعدنا وياك ماودك اتخاويننا لاحبيبتي مو عيب سافرو تستصحو ~ |
خلاص ميخالف مانسافر بس بشرط :: انك ماتروح تسافر مع خوياااك وتخلي اهلك
على الاقل اذا مومسافرين يطلعونن من البيت نتنزه شوي والله اخوي جلس مره بـ البيت العصر مره يروح لصاله ومره للغرفه مره للحوش مره لثلاجه بس يدوووور فاااضي حلف بعده مايقعد يقول يااعمري انتم دايم كذا |
يعني ننطق بالبيت لاسفر ولاشي
حنا ماصدقنا خبر تجي الاجازه علشان نسافر واكيد اللي موب قادر موب رايح |
اقتباس:
اقول :" تراه اهل بريده كلهم يبون يسافرون:01: ,,, واولهم احنا ... :027::027::027::027::016::016::110::110: الله يتمم علينا وعليكم يارب تروحين وترجعين بالسلامه |
والله انصح كل واحد يبي يسافر يضف المهم اللي البيته لان الشباب داجين وطفرانين وبطاله
والدين وسط ولا رقيب عليهم حرام في حرام نطله بعدين سفره للخارج كثيره انتبااااااااااااااااه:eek: |
اجل نقبض ارضن ايه هين
|
اقتباس:
لن اتحدث عن فوائد السفر فوائد السفر كثيره ولن ازيد بالكلام لأن الفكر لديك يحتاج الشي الكثير لذا انصحك بالدقه وانتقاء كلمات افضل عند الطرح مستقبلاً كي نستفيد ويكون الحوار عالي دمت بروح الأخوه وحب الراااحه للجميع |
في ناس يسافرون في الدراسة هذا يقال له الكلام الذي قلتيه ... و ... في ناس مايسافرون في الدراسة هذا لا يقال له الكلام الي قلتيه .............................................هل فيه أحد مقتنع بكلامي...........................
آآآسف يا مدحت شوقي عنيزة إن كنت أزعجتك بـ كلامي عذرا ... هذا رأيي والسلام عليكم ورحمة الله وبركاته |
الحمد لله اكثر الناس معطيهم الله
ومنهم من يستطيع يسافر بالمملكه ومنهم خارج المملكه فما المانع وبعدين وشلوله يقعدون يرحون ينفهون عن انفسهم وش يقعدهم بهالحر هنا بعدين وش هالنصيحه او اللي مادري وش تسميه ذي وش دخلك بالناس انت اللحين |
أقتباس : بهاجر مالي مقاعيد سبحان الله حاطين دوبهم دوب الحريم . هالحريم اللي تقول عنهن يطلبن الترفيه . ما تدري انهن هن اللي شايلتك شيل بالبيت طول السنه من كل النواحي انت وغيرك . ولما يجن يطلبن حق الترفيه وحق التنزه وتغيير الجو تعكر عليهن اعط غيرك كما يعطيك . ولن تشتغل شغلهن او تجلس جلستهن بالبيت ما قلت هالكلام ؟ صحيح كلآمك .. * شفيك على النآس عليك التكآليف مثلاً . . ع العموم مشكور . |
ههههههه وش اللقافه ..!!
وش عليك فوق راسك وترا اغلب العوائل ماشاء الله عليهم يحبون يرفهون على عيالهم مب بس حاجرينهم بالبيت:eek5 والرسول صلى الله عليه وسلم يقول سافروا تصحوا .. وشكلك اول واحد بيسافر انت وتخرب على الخلق |
ومازال الؤؤوم والتذمر
السفر تغير عن الروتين ?زم الواحد يروح رحله استجمام تنفيسا عن الطفش الله يهديكم بس حتى بالسفر مانين |
قصدي ?زم مأادري ليش علق يسوي تعديل
|
هههههههههههههههههه حلوه اقضبو ارضكم ياخي الواحد مايصدق تجي الاجازه الا بيهاابد لكل مكان ترفيه عن النفس ..
جوزيت خيييييييييير.. |
االمفروض الرجل او الابو هو من نفسه مسوي مفاجأه لعياله ما يدرون االا والتذاكر جااهزه
|
انا ماادري وش يبون يسوون اللي متعودين يروحون لسوريا ـ شباب أو عوايل ـ, تورطو فيها :). اكيد هالسنه, يبون يخسرون واجد, مافيه سوريا :d. لك تحياتي |
اقتباس:
او انت من اللي يدلسون علشان يصدقون يا وضاعة !:eek: |
كَلن حُـر بنفسسَه يٌ أخ :( |
| الساعة الآن +4: 03:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.