|
ليش رحت مع الطريق هذا..؟.تعالي سوقي بدالي..^_^
بسم الله الرحمن الرحيم
..السلام عليكم ورحمة الله وبركاته صراحه انا حولت الموضوع لان عندي سؤال محيرن..؟؟ ليش الرجل مايبي احد يتكلم او يستفسر عند قيادته لسياره.؟؟ وخصوصا عندما يكون السؤؤال من مراءه..؟؟ لاني سألت اخوي امس ليش مريت من هذا الطريق..وهو موب الطريق اللي يودي للمكان اللي ابيه..؟ فرمل فرمله موووش ولا بد احس ان جبهتي صارت برج بريده:eek: وهومجرد استغراب فقط............ عصب علي...؟وقعد يلجلج... ..... تعالي سوقي بدالي ومادري ايش ...ووو مع اني سالته بهدوة موب بصوت عالي...:؟!! المهم المعذره على الاطاله ولكن يبقى السؤال ... هل انت يا اعضاء تعصبون من الاسئله ..؟ولماذا,..؟ وشكرا \ جنوني بريده,.... |
لاتلومينهم ترى الواحد يتخربط مايدري يركز مع هالزحمه ولا يسمع اللي يتكلم علييييييييه ..
وبعض الحريم الله يهديهن بس قررررق ماتسكت ابد من يوم تركب الا تنزل وهي بس تهرج .. |
:d شفيه عصب المشكله أنكِ تكلميه بكل هدآوه . تلقينكِ تقولين ليتني مآرحت ولآ تكلمت ، كآن سقتي بدآله وإذ1 مسكوكِ قولي قآل لي أخوي << على الريحه :d:d . فيه نآس أعرفهم كذ1 :d ، الله يعينهم ويعيننآ . . مشكوره . :f: |
انا اقولك .. يقولون فية رجل دخل على امراتة المطبخ و هي قاعدة تسوي بيض و هي تعرف تطبخ وبدا يشرف علية حطي و قطعي زين وكثرتي الملح واحركي زين وراة كذاا كثر القرق علية قالت انت وش تبي كل عمري ازينة ؟؟ قال هذا انتي لاقعدتي فوق راسي وانا اسوق ؟؟ اتمنى وصلت ؟؟ |
انا اذا ركبت مع أحد ثقه ماأقول شي:d بس اذا كان جذع توه ماسك السياره لاوالله أقول وخليه يقول الي يقوله;) لايهمك الرجل عموما مايأخذ بكلام الحرمة بس بالأخير يرجع له :d خليك مثلي أنا أخوي يسمين الولد :113::113:اذا بلش أو ضيع قال ياذكرى وين المكان:d لأني ماأحب الحرمة الي تركب وتأصل للمكان الي تبي وبس صراحه تقل دبشه عفوا:d |
اقتباس:
هذآ الكلام .. بصراحه الحريم يربشن .. وحنا نيرآآآآآن .. وانتن اذا سالكن حدا الرجال وراه هذا كذا .. وليش هذا غيرتيه .. تزعلن عطووووول .. وحده بوحده |
:rolleyes: وآلله حاله لاعلمناهم انه المكان مب هو قالوأ ليه ماتجين تسوقين بدالنا واذا سكتنا قالوا وراه ماقلتيلي ماتدرين وين الله حاطتس ؟ :confused: يرفعون الضغط هالرجال :( مايعرفلهم ابد الله يعطيك العافيه |
بالعكس انا ما عمري قلت لأخواني كذا اركب واسكت او اسولف سواليف غير الطريق وما الطريق
يعني سواليف توسع الصدر اكره الحرمة إذا كانت راكبة قدام وهي اللي تدبر مثلاً إذا جينا ندور ماقف نوقف فيه السيارة شف هااااااذا بصوت عالي طيب هو ابخص انقهرررر عليهن بس أسكت احتراماً شكراً جنوني |
اللهم اصلح الحال يارب
|
|
انا عن نفســــي ما احب احد يسسولف وبنفس الوقت ترى يتخربط اذا فيه زحمة او عنده مشوار واجله عشانك< ويمكن يفكر بموضوع صاير له وغلط بالطريق وانتي نبهتيه فحمق!!! توقعي اي احتمال |
ايه صح ليش كذا انا مره قلت لخوي هدي السرعه امن يسرع باقوى ماعنده ويشيل ايده عن الدركسون قال سوقي عاد انا دورن ماتلقون قلت خلاص امزح معك اسرع زياده والسؤؤال ليش وش يعصبكم بهالكلام؟؟؟ >>>تبي جواب منطقي |
اقتباس:
اظن عرفتي الجواب من هالرد |
لكم كل الشكــــــر
|
نحن دائماُ مانرسل رسائل سلبيه ((للشباب)) بكل أنواعها أنت ماعندك سالفه وأنت يلعب عليك وأنت.. ....إلخ حتى يمتاز غضبا ولكثرة هاذاه الرسائل (( القاتله )) أصبح بأعتقاده أن عندما يوجه أويسأل عن شيئ ما وخاصة إذا كان هاذا الشيئ هو من يقوم به يظن بأنه سائله لايثق به لأنه ماعنده سالفه وغبي و و وإلخ فيغضب ويزداد حنقا مما يجعله يوخر الأعمال ويعطل الأشغال أنتقاما لمن أنتقص من شخصه مجرد رأي |
ايه والله شبلاكم سذا .. لفتره قربيه اخوي مودين مشوار وحاس راسي بطريق مدري شيبي
مامداي اقوله وشو هالطريق الا قال تعالي سوقي ازين مالتس الا انزلتس بالمكان الي تبينه<<:i121:mad: الله يهدي الجميع يارب ..:041: |
ياأوخيتي لاعلمتيهم قالوا تعالي سوقي بدالنا واذا أسكتي وراحوا لمكان غير طلعت الجنيه ماتشوفيني رايح ولاعلمتين (مره أخوي بيودين للعثيم ومسك طريق النخيل أنا شكيت لكن قلت هو أدرى >>>أثره ناسي وين بيودين يوم وصلنا دوار النافوره أومير أتأكد قلت لاأبروح للعثيم وااااااااااااوك طول الرجعه للعثيم اذن وأقام وبغى يصلي ع الميت وصلنا العثيم وهو يعطين دروس بالحياه ترى لاتزوجتي وسويتي تسذا والله ان تنزلين من عينه ويقول وش هالدبشه وأنا ماغير الا سمّ سمّ >>>>فشلن الله يهديه والله يعيننا ويسخر لنا دمتي بسعاده أبديه |
آشوووا يعني مب بس أنا اللي يتلقف:) بس صدق يقهر اخوي يروح مع طريق ابد وانا مااصبر :bad ويمكن علشان اصغر من :rolleyes: همممن بسم الله علي ياكلن بالشماته:eek5 |
انا مثلك مااصبر انا عارفه انه يدور الطريق المختصر بس احياننا زحمه ويوجع الراس خاصه عندنا دايم الشوارع حفله وخاصه الدائري:i121
مره قلت له مهب منا وساكت وصار صح علي وغلط بالطريق قالي تصلحين لموزين :i125 :bad ابوي الله يحفظه لاركبنا معه يقول غمضن لاننا لاشفنا محل جديد قلنا نبي نشوفه :d |
كان اخذتي السيارة بداله هو الي قال لك .
الحمد لله والشكر الله لايحيج إلا لوجهه . |
موضوع قميل .. :d
لكن اعتقد على حسب المزاج يعني يمكن توه قايمن من النوم وماله خلق .. ويصير النفسيه مايحتاج وموب مستعد يتقبل اي كلمه ..وباله مشغول شوي اوو يكون جوعآن <<احذرو منه :d لان العقل متقفل اللحين بس الجنيه اللي تشتغل :d واي كلمه موب عاجبته راح يرد بكلمه ضدهآ تمآمآ ويمكن يكون طبع الشخص مايحب احد يتكلم يعني لغة الصمت السائده بهالسيآره وبعض هالحريم الله لايبلانا آكلتن محل رادو موب رادو لحاله وانا اللي يغثن الصدز مثلا رايح باهلي لعزيمه ولا استراحه ولاششي وهمن لابغينآ ناصل يقولون نسينآ شي بالبيت ..وااتسبديه يانا تجين حآله هههههههه لكن قدر االامكان امسك اعصابي لاني عارفن هالحريم ودوشتهن وخرابيطهن مالهن حل :d بعض الاسباب لردود الشباب ومني واقع تجربه |
آذآ صرت مع آخوي آركب وآنآ سآكته سوآليف وبس آمآ آتلقف لآ لآنه آدري وش يبي يجين عآآد دآآيم يقول لآيركب معي آلآ خوآطر تركب وهي سآكته آمآ خوآتي الثآنيآت يمووتن على شي آسمه لقآفه لف منآ ترآآك لفيت يسآآر وهو يمين....آلخ آمآ آذا صرت مع آبوي آخذ رآآحتي ولآ يقول شي مع آني قليل آتلقف .. |
اقتباس:
هههههه الجنيه هي اللي تشتغل < صآدق . |
ههههههههه هذا اخوي اذا قلت شي قال تعالي سوقي بدالي احسن والله يقهر ياليته على صح أحيانا الاشاره تصير صفرا من بعيد يعني ماراح يمتسنه والا غصب يبي يمتسنه ولا يسرع اقول لاتسرع شوي شوي وش عجلن عليه بس مااقول الا الله يهديه |
خخخخخخخخخ
الحمدلله مادبر شي بالطرق اركب وبس لين اوصل مع اي طريق احيانا مع السواق انا وامي وكلنا ماندبر عادد تقول امي والله لو يهج بنا ماااااااادرينا |
هههههههههههههههههههههه
صصصصرآحه موضوع يحآگي الوآقع ، ، بس صصدق آحد الاعضضاء بعض الححريم قرقااااات وحتى اللي ججالسسه تسوي بيض <~ اعجبتني |
والله بعض الحريم يرفعن الظغط
إذا رحت مع طريق رفعت حسه وقالت وراك رحت منا غلط :( وهي ماعنده سالفه وأمنا عاد الرجل ينحاس ويقول سوقي أزين :d |
صحيح كلامك باعتقادهم انه ليس من خصوصيات المرأه
لكن لماذا لانعطي المرأه وجه ونقدر معرفتها ببعض امور القياده؟ في مره من المرات ركبت مع احد اقاربي ليوصلني الى دار القرآن وكنت اعرف طريقها لها طريقان واحد مسكروالثاني يشتغل قلت له ترى الطريق هذا مسكر ومن هون بعيد روح مع الطريق الثاني اقرب ويجي يناظرني بطرف عين (( لا اجل بتدليني الطريق)) ويستهتر فيني المشكله هو ميدله بس يعرف باي حي اهم شي انكسح راح ولقى الطريق مسكر ورجع للطريق الثاني وهو بينفجر من الظغط :) ايه لاتنافخ وانت ماتدري :41 واعرفلكم قريبات لي يوم تزوجوا يدلون ازواجهم بالطريق وخصوصا بالسفر قووه يعرفون ماشاء الله ربي يوفقهم |
اعتقد تعتمد على النفسيه وقتها :i121
انا عندي الوالده الله يحفظها 6 سنين أوديها لأهلها ومن نفس الطريق وكل مره تقول هذا مب الطريق اللي نروح معه دايم << قبل ارد الحين اضحك بس ههههههههههه :d |
هههههههههههههه حلوه والله
|
عـآدي وفيهآ أحس إنـه عـآديـه
مـع خوآتي أنوآع السوآليف والفله بسسسسسسسسسسسسس مـع خـآلـتـي وعععع أعلي صوت المسجل شوووي عشآن تفهم<<< يعني إسكتي حتى كل ما ركبت أخطب لـك بنتي أخطب لـك بنتي (أقـول انا يجيب الله سيل و درجه الحرآره 60 مع شويت حررر:d) دآآري إنـه تحطيمه بس وش أبي ببنته نـآقـص انا ؟!!!؟ اللي زي تسذآ تبلش بـه و الحين لـه خمسة أشهر مـآ ركبت معي الله يعين على النشبات اللي زي ذي |
اقتباس:
هههههههههه صراحة انه منسم تعجبني تصرفاته رغم انه حمقاء :d |
آممم آتووقع ع حسسب آلرججل آللي يسسوق فيه آححد يعصب وفيه آححد عآتي عندهـ
آتمنى آلفككرهـ وصلت :) |
| الساعة الآن +4: 10:57 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.