|
في بيتكم شغاله ولا تستاجرون بالشهر ولا اليومي ولا ما عندكم ؟
مساء الخير
حتى لا نقول من فراغ ان وجود الشغاله بالبيت صار من الضروري ويمكن يصير من ضمن شروط عقد الزواج بعد فلا تستغربون ابد حبيت اشوف من عنده شغاله ومنه اللي يستاجر بالشهر عند الحاجه ؟ ومنه اللي يستاجر باليومي ؟ ومنه اللي ما عنده ولا يستاجر ولا عمرها طبت بيته خير شر فانا بصراحه افرح مره لما اشوف اغلب بيوتنا مستغنيه عن الشغاله تدرون ليش لاني احس ان بنات ذاك البيت تربن تربيه صح الدعوى مهب على الكنس او الطبخ او غيره لكن احس ان فيه تعاون بالبيت ممكن يكون هالتعاون مغصوبات عليه بس اكيد له الاثر الايجابي بينهن والله يحفظ الجميع / الرجاء مناقشه الموضوع بهدوء وعدم الخروج عنه |
عندنا شغاله بس مسافره لها شهرين والثانيه بالطريق بس لسى ماوصلت ....والي عنده ايجار يعلمني يسوي معروف
وبعدين يابو وش دخل التربيه بالسالفه ..؟ الموضوع بسيط فيه بيوت مستحيل تستغني عن الشغاله ولها اسبابها ...ماله علاقه ان عدم وجود شغاله في بيت فلان من الناس يعني انه يجود في ذالك البيت [ بنت ذربه او سنعه او قرما ] ترى الموضوع بسيط مثلا عايله ماعندهم بنات او بناتهم متزوجات والام عجيز ..طبيعي يكون وجود الشغاله ضروري وش دخل السنع والذرابه والبطيخ بالسالفه |
ماعندنا شغاله
الله يرزقنا بالوحده القرما |
.
عندنا شغاله من قبل لاادخل المدرسه بعدين من جد وش دخل التربيه بالشغاله:confused: يعني الناس ظروفهم تختلف عن بعض والبيوت ومساحتها تختلف يعني مثلا انا بنت وحيده من بين عيال معقوله انا وامي نكرف والعيال مريحين اعمارهم لانه البريستيج السعودي لايسمح للرجل بشغل البيت |
حنا الحمدلله ماتجينا الشغالة الا إذا صرنا مضغوووطين مرة أو بأوقات النفاس وبس |
تم التصويت بـ نعم >>> نسناجر بالشهر
حنا شوي بمكه غير عن باقي المناطق عندنا نسبة كبيرة من الأفريقيات والي شغلها محدود بالتنظيف وفترة الصباح وتمشي ع حسب الشغل يكون راتبها الشهري يبتدء من 300 الى 800 ريال بالشهر >> باللنسبه لعلاقة الشغاله بتربية بنات البيت اممممممم ما اتفق معك والسبب أن فيه بيوت وفلل ماشاء الله كبيره جدآ وتبي لها كتيبة عمال لتنظيفها فصعبة ع بنات البيت يقومون فيها ع اتم وجه مهما كانو اسنع السنعات ^ _ ^ ماشوف وجود الشغاله من عدمها مقياس دقيق لسنع البنات >> إضافه الى انه ياما سمعنا عن سنعات انتكسو بعد الزواج وصارو رفلاات ياترى من السبب ؟! شكرآ ع الطرح .. |
امم
حنا والله عنندنا من سنين بس ضروري للضروف مرض احد افراد العائله |
أكتفي بالتصويت |
وش سآلفة موآضيعك كلهن عن الشغآلآت ..:( إيه نعم عندنــآ من زمان ..> |
ماقد طبت بيتنا ونشاء الله ماتطبه....
|
تــم التصويت
|
ماعندنا ولانبي لان ضرره أكثر من نفعه ..
|
ماذكر جتنا شغاله بنوب بنوب :d:d الا وقت النفاس تجى شهر واحد بس وماتلمس الطبخ بس للتنضيف
والبيت بدون خدامه احس انه رااحه :41:41 صح انه تعب الترتيب والطبخ بس مع تعاون اهل البيت بناتهم وعيالهم >>>>>>>>>مو بس البنات حتى انتم :(:(:( والله راح تكون الخدامات ماله داعى بالبيوت بس انتم تعاونوا بالشغل وشوفو ا يعنى مو لازم تغسل صحون لا رتب غرفك اغسل الحوش اكوى ثوبك هذا الشغل مناسب لك :d:d:d ااذا ماصار عندك دوام فاجى العائله بطبق من صنع يديك>>>>احس بيجبون اهلك شغالتين من الحوسه اللى راح تصير من ورى الطبخه :d:d والبنات عااد :p:p الله على اوقاتنا كلها فراغات نكرف با لقدور ونصف بــــــــــــيالات وبالخلاقين الله يعيننا يابنات من الغساله للكوايه رايحات جايــــــــــات اصبرن ترى كلها ايام ومقفيات بكرى تذكرينهاوتقولين يازينهامن ذكريات :cool::cool::cool: |
تعب جسدي ولاتعب نفسي بسبب الخدامات |
الحمد لله مستغنين عنه
اذكر جننا2 كنت صغيره لاننا كنا اكثرين ومراح تقوانا امي كلنا والحين كبرنا ومقسمين الشغل وان شألله ماراح تطب بيتنا |
شغاااااااااااااااله اكره ماشوف:( موبس انا كل اهل البيت إلا احد اخواني عجاز:d وشغل لللبيت الحمد لله مقسمينه كل واحد .يدبرعمره حتى الملابس بس بعض الأحيان الملابس ماتقسم الوالدة الله يطو ل عمرها ع طاعته |
ولله الحمد ماعمره دخلت بيتنا |
آكرره مآآشوف آلشغآلآت مآورآهن آلآ البلآ وآلله آني آقول نكررف ليل نهآر ولآ تجينآ المصآيب منهن حنآ الشغآلآت عندنآ من قبل مآ آجي بس من كبرت بديت آخليه مآتلمس لي شي آبدد ملآبسي وغرفتي وغرفة آمي آنآ آسويهن وآنظفهن وآستآنس آذآ رآحت هو صحيح نتعب جسديآ لكن آلرآحه آلنفسيه آآهم.. |
اشوف بيت خالي ما شاء الله عياله كثار ويا حبي لهم واحد يكنس واحد يمسح واحد يسبع وامهم عليه الطبخ ولا عمر الشغاله طبت بيتهم .. عاد الحين اعرسوا الله يوفقهم وشغالاتهم هن اللي ينظفن .. |
أممم يوم كنت صغيره وهي عندنا
لحد ماكبرنا ثم أستغنينا عنهن وألحين أحيانا نستأجر الشهر ب3000 الاف وأقاربي كل واحد عنده شغالتين قريبتي عنده شغاله وأستأجرت ثانيه من شان رمضان بـ 5000 الاف .. |
تم التصويت ب غيرذلك...
حنا ما نستاجر الا وقت العزايم علشان تخفف عنا شوي من بلاوي هالمطبخ ,,,الله يعين والاغيركذا الله يغنينا عنهن بالعافيه,,,, الف شكر موضوع جميل |
والله أني قايله اشك اني ببريدة استغفر الله ماودي اقول والله من النفاق البعض وليس الكل ooo1 كلكم ماعندكم شغالات !! يمكن احد صدق ماعنده وانت ياصاحب الموضوع شكلك بتخطب من بنات المنتدى :d وه ياانتم حتى الناس براحتهم ماسلموا ياخي انت كأنك بطريقة ثانيه تسب الناس اللي عندهم شغاله " تخرب سمعه "ooo1 يعني ممكن احد ضعيف يصدق |
من يوم اطلع على الدنيا ماعمر صااااااااااار عندنا شغااااااااااالة
والله اني احيانا نتيجة الكرف اقول يازينة ياليتة يصير عندنا امن لاشفت اضراارهن اقول الله يغنينا عنهن |
و الله طول عمرنا الشغاله في البيت و ما تغيب عند اهلي
بس قاطعناها من 3 سنين لكثرة مشاكلهم بس لما تزوجت طلبتها على طول و ان شاء الله توصل بالسلامه |
تم
ما عندنا ابد ولا قد طبت بيتنا |
ماعندنا شغاله وحنى عايله كبيره قولو مشالله
لانا مقسمين شغل بينا لو كل بيت قسم شغل بينه ماحتاجو شغاله وهي فعلا على التربيه تربية الاسره على الفرد انه يعتمد على نفسه ويخدم نفسه بنفسه او يصير مدلع يبي احد يخدم واضن مافي احد يكذب يقول ماعندنا شغاله عشان المدح يالفاهمه وشكرا |
شكله الاخ متاثر بسالفه شغاله صاريتن له سالفه انوا بيقدم على شغاله خذلك سيرلنكا احسن من اندونسيا يمدحون تراى
|
غريبه ردود الاكثريه ماعندهم !!! وهاللي نشوفهن بكل ساس وشن لاتقولون ايجار
كل اللي اعرفهم سواء اقارب صديقات جيران عندهم ومستحيل يعيشون بدونهن ؟! |
كان عندي شغاله بس الحمد لله الحين لا يوجد ولا عاد يدخلن بيتي بأذن الله لأنهم شر وضررن أكثر من نفعا خلو البنات والحريم يتحركن شوي صرنا مثل الدبب يالله نمشي من الشحوم لا ومن زين شغل الشغلات يالله ينظفو الواجهة فقط الله يكفيكن ويكفينا شرهم ويلي يقهر لا دخلتي عليهم تلقيهن صلاة وقران تقولي وش هذا ما شالله أزين مننا ويزينو النون وما يعملون الله يستر على امة محمد
|
والله ماعندنـا شغااله وبيتنا هــاذا كبره حوشه بس يكفي ثلاث فلل
والحمدلله خوااتي متاعونات ويقضن شغل البيت |
دااااااااايم مواضيعك سخيفه....
|
اخ مدحت جميع خيارات التصويت شاملة لكل الحالات لأوضاع الاسر الخيار الاخير ( غير ذلك ) ماذا يعني ؟ هل بقي خيارات اخرى حتى نقول غير ذلك ؟ و المشكلة فيه احد مصوت :confused: |
اقتباس:
لو تاملت الموضوع زين كان عرفت وش دخل التربيه :confused: شكلك صاقط بالعلوم :d امزح معك قصدي ان البيت اللي ما فيه شغاله تلقى بناتهم متعاونات مع بعض اليس التعاون تربيه <<< شفت وشلون |
اقتباس:
وكل من يحتاجه مهب بس انتم :d |
اقتباس:
ممكن تراجعين رد رقم 23 علشان تعرفين السبب اي والله انك صادقه هالعيال تسدح وتبطح واوامر بعد ما بقي الا هي وانت كرف وكده اردى من الشغاله الله يعينكن على الموستنج السعودي بس :d |
اقتباس:
:41:41:41 من رايي اذا كان عدد افراد العائلة قليل ماله داعي الشغالة بس اذا كان البيت كبير .. والداخل عليهم كثير فاظن انه يحتاج الى شغاله |
شكلك بتجيب شغاله لهلك وتبي تسالنا<<<
آأإيون عندنا ولآ 2 بعد |
الموضوع بالنسبه لي يحتاج نقاش عن نقاط كثيرة .. ولا أعلم أن كان فيه أحد راح يستفيد من كلامي من الأعضاء خصوصاً الشابات ..
بس أكتفي بالقول أنه ليتها وقفت على شغالة وحده في البيت .. الحين بعض الناس طاحو في مشكله أعظم .. ألا وهي وجود اكثر من شغالة في البيت تصل إلى ثلاث شغالات .. وثبت لي هذا من خلال إشتراكي في التعداد العام السكاني للمنطقة .. وجد بعض البيوت في شمال بريدة عندهم أكثر من شغالة .. << بس بيوت معدوده لكن أتوقع أنه مع الوقت راح يزيد العدد .. خصوصاً أنه في الرياض منتشر هذا الشيء .. وعلى فكره في الرياض الحريم ما عندها إستعداد تطبخ وهي ماهي مرتبطه بعمل يعني تنام في البيات .. وكل أكلهم من المطاعم .. إذا جاء وقت خروج الموظفين الظهر شف الموظفين سراوات على المطاعم .. |
| الساعة الآن +4: 11:49 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.