|
يقولون نبي حفله نجاح
السلام عليكم ورحمه الله وبركاته
حبيت اقولكم عن مشكلتنا نحن كعائله (h) بسم الله نبدا وع بركه الله توكلنا اننا ودنا حنا وبزراننا نحط حفله نجاح مثل هالناس الي يحطون ماشالله تبارك الله والله كلن يهنيه (f) المهم انهم الحريم ياحول داجاتن هاجات ورجالهن بالعذابين يعطونهن دريهمات :oo والبزارين والجذعات هماهم يشوفون الناس الي حولهم وبازعتن انفسهم يبون كل ابو شي يحطونوه :i125 مثل بوفيه وطلبيات العاب ومادري وشن هذوليتس ومير ياحول كل مادوروا استراحه ولا شاليه ابوووك يالغلا :eek5 مايهرجون الا فوق الاربعميه ومير ياحول يالهداجات تطير بوهتهن:confused: والمطلووووووووب -- هل بوه احد يعرف شاليه رخيص وكويس وبوه مسبح ويكون اقل من الاربعميه ؟ --هل بوه احدن يعرف يسوي بوفيه ورخيص وكويس ؟ اغدينا انسكت بوه هالجذعات الي اوذننا :S >> ولاحد يقول اطبخو انتم لان الي لهم الطلعه والفرحه يقولن وش الي يفرقه عن غيره من الطلعاات :( حنااا ((( نبي حفلللللللللله:p نجاااااااااااح ))) وع ماقال حنا نبي نفرح هالبني والمبزره فاي شخص عنده خبر عن المطلوب يعلمن ولكم جزيل الشكر والعررررفاان ولاحد يقول وشوله عاد هالقرق التسثير :i121 انا ماقرقتوه الا عشان تشوفون قد الماساه الي هن يعانن منه :bad والسلام خير ختااام :f: |
للرفع
|
والله اني قريت الموضوع اكثر من مرة ابي استوعب وش كاتبه
انا بريداوية اباً عن جد ومافهمت اجل لو يقرأ موضوعك احد مهب من بريدة وشلون بيفهم ؟ اسمعي وانا اختك : هذي استراحة بالهدية به مسبح وحلوة به رسومات وخرابيط ومطبخ متكامل ورخيصة بس عساه تكون فاضية صاحب الاستراحة ابو عبد الله . وبالنسبة للبوفية والحركات الباقية عندي لك اقتراح : خليهم يتدافعون عشان تخف التكلفة وانتم قسموا حسب المبلغ اللي تحتاجون . انا احب انسق حفلات اذا تبين اساعدك وانسق لك الحفل كامل علمين بالتالي : 1- عدد الحريم المتزوجات . 2- عدد البنات المتخرجات وماتزوجن . 3- عدد طالبات الجامعة . 4- عدد طالبات الثانوي . 5- عدد طالبات المتوسط . 6- عدد طلاب الابتدائي .(بنات و عيال ) . 7- عدد اللي مايدرسون . 8- كم ميزانيتكم . 9- فيه احد الاجداد حي وبيحضر العزيمة ؟ |
مشكوره يالي رفعتي (f)
|
ام الشيخ هلابتس والله اجل كم مره تقرين الموضوع ولا فهمتي :bad
وهذا وانا اقالي معدلتن بهرجي ماجبت الكلمات المتخرماات خخخخ ومير اهم شي انتس فهمتي المطلووب :d اما عن موقع الاستراحه فعادي بالي هوبوه تصير الهديه ولاغيره اهم شي انه ببريده واما عن قولتس تحبين اتنسقين فاله جابتس ياحبي لتس والله مير انا بشوف الي انتي طلبتي همن اقولتس هماه لا تروحين (h) |
انسه باغه او كيسه
هلاااااااااااااااااااااااا وغلااااااااااااااااا فيه شاليه ب 300 ريال اسمه شاليه جوري بالشمال بشارع الراشديات حنا حطينابه حفل نجاحنا واستانسنا قوووووووووووووه حوشه ثيل كبير فرشنابه زوالي وحطينا الحفله به حجزنا تورتات فيها اسماء الاطفال الناجحين تشجيع لهم وبالنسبه للتورتات الارياف غالي بس لذيذ اما اكار شوكولانا سعره حلو يعني انا شريت من الارياف كيكه ب 150 ريال ولقيت نفسها بالحجم باأكار شوكولانا ب 60 ريال وخلي البنات يخملن من الابتوب اناشيد نجاح واغاني رقص وجيبوا سماعة ديجيه وشغلوها عندكم واحنا سوينا تمثليه عرس أوليين وحده لبسناها ثوب وبشت وشنب اقاله العريس ووحده لبسناها ثوب عرس امه القديم وسوينا لهم زفه اتجنن وبالنسبه للعشا سوينا شوي جبنا دجاج جاهز متبل من السعدون مقابل كودو اللي بالفايزيه وشويناه ومقبلات ومشروبات ماطلعنا من الشاليه الى الفجر.......... |
وترى بشاليهات الجوري فيه مسبح بس اطلبي من صاحب الشاليه ينظفه لكم قبل تجون
|
ام الشيخ سلمتس الله ..
الحريم اللي هن الروس الكبار عشر والبنات المتخرجات ولاتزوجن تسسذا خمس واللي بالجامعه اربع واللي بالثانوي ثلاث والمتوسطه الظاهر انه وحده والابتدائي الصراحه قشله بنات وعيال ماشاء الله خخ واللي مايدرسون قشيله مهب من كثرهم ميزانيتنا متوسطه والاجداد الله يغفر لهم وموتى المسلمين ماعندنا .. بالانتظآآآآآآر .. |
مهاا يامال العافيه الدافيه
الشاليه ذا يجي قسم واحد بس ؟؟ |
هههههههههههههههههههههههههههههههههههههه
قسسم انتس تحفه وقعيمه ياشيخه(h):d اسمعي استراحه رحنا له بالعكيرشه<االظاهر تسذا اسمه :113: وش حليله اشوف امي وعماتي يحبنّه شرحه على قولتهن ولا انا عاتي اهم شي استراحه منب اعرف الزين :113: خخخخخخخخ انتظري الخآص اخاف ايلاو ممنوع هينآ <تسان خليتي قرقتس كله بالخاص شوله الخمبدزه:( |
البي فيه شاليهات عند العزيزيه يمدحونها
اسمها رنا والمسائيه والعزيزيه ع ٢٢٠الى٣٠٠ رقم شاليهات المسائيه ارسله ع الخاص |
اصبري علي شوي
ان شاء الله يجيك الرد بكرا بس ابسألك الميزانية بحدود كم يعني متوسطة انا عندي المتوسطة من 500 الى 1000 |
اني آغـردز =(
سلطانة الخير ياحبيل قلوبكن تسيف انكن شرحتن صدري ومشكورات على اللي بالخاص وابشرن بدعواات بأقصى الليل تستاهلن انتن وكل من رد علي < يعني مانست ام الشيخ ومهاا خخخ |
اقتباس:
|
يابنت الحلال ماسوو الناس تبي تسون ؟؟؟؟؟؟؟؟؟؟؟؟
الواحد يمد رجليه على قد الحافه واذا قالوا بزارينكم نبي حفله قولي جيبو من ابوتكم درااااااااااهم |
اقتباس:
مبزرة هاليومين ياكلتس ويطلعتس عظامه :eek: ومشكلتنا هالابوات تسايدين بإطلاع الدراهم :oo وش تسوين تسذا :S |
اقتباس:
ابعذرهم الرجال والله ماصارت لدخلو المدرسة كل يوم حفلة بهالمدارس ولعطلو حفلة ..خلاص كل ابو يهدي عيالة اي شي زينا منووول وناسة مية ريال ننبسط علية ولاتنسين ان الاباء وراهم ميزانية رمضان والعيد .والحين كلشن غالي راعو ظروفهم ...وتفهمو للوضع وكل ام تفرح عيالة بيتة |
اقتباس:
|
اقتباس:
حنا اذا قلنا لهم تسذا قالوا وش فايدة النجاح ؟؟ وشوفوا الفلان والعلان وشوفوا حفلاتهم :eek5.. انا اللي ابيه تساعدونن بحفيله قدنا مانبي اسراف وبهرجه فقط لاغير :bad وهذا كل المغزى من الموضوع :d |
اذكر شاليه على قولتك نفس المواصفات نسيت أسمه :d بحاااااول آجيبه |
بنااات انا بسوي حفلة تخرج لاختى
ووعدنا وعدد الحضور 11 تقريبا >>شوووين بس اهم شي اونس اختي انا خلصت من الهدية كلفت علي حولي 300 بس ابغى تعطوني افكار وراح اسوية بالبيت الحفلة بسرررعه ردو علي لاني قررت ازينة الاحد ان شاء الله بللليز لاتطوولون وش ازززين ابغى افكار ووش احسن محل يزين تورتة انا قررت اروح لروز >>انتم وش رايكم انتظررررررررررركم |
انسه باااااااااااغه
شاليه الجوري قسمين رجال وحريم والرجال مانعذرهم بشي يصرفون علينا ويعيشوننا زينا زي غيرنا وبزاريننا مانبيهم اقل من غيرهم بشي خليهم لاأكبروا يتذكرون طفوله حلوه والرجل لاتخافين عليه أضغطي عليه بالزن قد ماتقدرين يعني ابلشيه بطلب الفلوس ان ماأخذتيها انتي رااااحت لغيرك وانتي من باب أولى يله بس عيشوا واستانسوا انتم وبزارينكم لايردكم شي واذا قضت الحفله انشبي بحلق رجلك عشان يسفركم سفره حلوه يا لابها يا لطااايف والله الله بمقاضي رمضان اذا جاء على خير والعيد اللحين السوق كله تخفيضات اشري منه بس المشكله بأغلبية الرجال السعوديين حفضهم الله ورعاهم لو قلتيله من اللحين ابتقضى للعيد قال لا مع انه اللحين تكلفة المشتريات مثلا تكلف الف ريال للشخص اما برمضان الاسعار تضرب فوق تصير التكلفه بالفين ريال الكرم من صفات العرب وملكنا عبدالله ياحبيله كريم لازم يصيرون الرجال قدوه له يازيني ويازين سواليفي يلللللللللللله بالتوفيق ياباغه |
حبيت موضوعك مرره ههههه
وما شاء الله الكل تفاعل فيه:41 انا بقولك عن أغراض الحفل ترى كلهن من أبو ريالين عاد أبو ريالين ماهب شيء والبوفيه فيه مطاأعم حلوه تشويه ورخيص مثل مشاوي هم مره حلو والباقي ما آدري عنه وحفلله قميله إن شاء الله (h:d) |
خلص وقت حفلات النجاح
وذا هم رافضين بطقاق هم وعيالهم مايلزم ترى الحفله ماتكلف الاستراحه ب300 التورته كلن يجيب معه تورتته اغراض الحفله خوذيهن من المستودعات بدرازن كل نوع درزنه على 20 و10 على حسب الغرض العشاء من الشام شامك صحن مشكل مشاوي 100 كبير عاد انتم خوذو الي يكفيكم وبسس اما اذ انتي تبينه عرس مو حفل فااكيد يبي لكم رجل يدبركم بوفيه اقل شي 1000 ريال واستعجلو لاتخلص العطله وانتم تفكرون هههه |
الشاليهات مثل ماقالوا اللي ورا مركز الدراجة , شاليهات العزيزية والمسائية جيدات ورخيصات ,
وفيه اللي ورا مطعم الخلوج جيدات بس مادري كم اسعارهن , وكلن يجيب شئ معه لايجي خالي , والعشاء بوفيه بس مب كل شئ تحطونه بالبوفيه حطوه الأشياء الرئيسيه وماراح يكلف إن شاء الله كثير , ,,, ويالله حفلة نجاح سعيدة |
ياحليلكم حنا فسقوا بزراننا يقولون مانبي حفلات نبي هدايا زينه وهذي اللي تقص الظهر
اجل بزر برابع تقول مابي الا آيباد واللي بالثانوي تقول ابي اسافر لدبي اشتري ملابس سنعه للعيد وللجامعه <<ايه هين الله يرحم ايامي لاحفله ولا هديه عشرة ريال واطير من الفرحه |
عن نفسسي انا واخواتي وبنات خلآتي حطينا الحلفة باستراحتنا الحبيبه
والاغراض من سليمان للتوفير قشيت ب200 ريال صحور وخرابيط لين ما مليت<وعلى حسابي تهي تهي بس الشكوى لله والكيكه من الارياف طبقتين ب 150 ريال وحطيت عليها بعض الاسامي والعشاء قلت لهم كلن يجيب من بيته الي جابت سنبوسه والي جابت ورق عنب والي جابت جريش والي جابت رز والي جابت سلطة والبنات جابو حلا عشاء يمكن 4 انواع واحنا طلبنا طلبية كبيرة من الخيام وضفناها عليهم والله يعينكم على هالشيبان الحمد لله ان الي عندنا اغلبهن موضفات والا كان ما شفنا لا حفلة ولا شيء دعواتكـ |
استراحة سواليف رخيصه وجميله
وعلى قد قروشكم بالشمال حول اليخت |
يامال العافيه على بنات ديرتنا والله انكن كفو وسنعات
وقسم انكن فرحتنن احس صارت سهله الحفله الحين بعد ماصرت مفكرته انواع الصعوبه الله يقبل مادعيت لكن .. اخذت من افكاركن وان شاء الله تتم هالحفله على خير ووناسه يـــــــــــآآآآرب :) اللي عنده اضافه وتحب تساعدنا تتفضل مشكوره لان يمديكم علي حفلتنا الاسبوع اللي يجي < :) |
ماشاء الله حنا ولاشئ الا وحده بسيطة
|
يالله عاد نزلي صور حفلتكم
|
ايه صادقه لاتنسين تصورين لنا
|
اقتباس:
انا عندى اضافه واتوقع انه تبي تكفي وتووفي وتخلي اقريشاتكم بمخابيكم وتفرح الكبار والصغار وهي انك تستاجرين من فواا بروجكتر ب200ريال وتحطين صور البزران واساميهم ودخلين عليه كم نشيده واشتري لهم هدايا من محلات الجمله )والاكل كلن تفنن وتجيب معه طبختين والكيك من محل روابي الي بالضاحي القطعه بريال وطعمه خيال كنه ايسكريم ما يبقى الا البارد عاد ميكلف شي 100ريال تكفي:وهذا رقم فوا0501509337)واذا تبين اساعدك على عرض البروجكترانا مستعده وهذا رقم استراحة المشمشيه ب250ريال0504884943لاتضيق بتس ونا اختس قومن تعاونو مذلو |
وووينك تو الناس اللحين انا بلشه بحفلة العيد ودي ارتبه قبل مانسافر وحجزت الاستراححه بقي الترتيبات الثانيه الله يعين القرقعان وغيرره ميررر ماعندكم افكار حلوووه فزعه تكفوووووون ترى تكفى تهززز البنوتات القصيميات
|
اما على الحفله
روحي لم الارياف فيه تورتات ارخص وحددده باربه ميه اما الشالهات فيه نصف القمر جدا جميل اما على البوفيه فسري مذارعتس وزيني انتي وخواتس كل وحد طبختين بيكون بوفيه جدا رائع هذا رايي وشكررررررررررا |
اقتباس:
وقسسم اني اخذ من افكاركن عساكن ماتشوفن الشر .. |
اقتباس:
تسلمين يابعدي :41 |
اقتباس:
ايه يجيب الله مطر خخخخخ اذا صارت تواجه ابشرن ابنزل صور :d |
هآه صارت حفلتكم والا للحين شوفي انسة باغه ترا البوفيه مايلزم تاخذونه من مطعم تقاسموا كل بيت يسوي طبخه واللي يسوي سلطه واللي سمبوسه واللي مقبلات وشوفي وشلون ربي يبارك فيه ويطلع أحلى بوفيه والكيكه حنا اخذنا من الارياف طبقتين ب 400 تكفي تقريبا 60 شخص وماشاءلله كفت للصغارين والكبارين بعد .. وروحي لأبو ريالين خوذي منهم قراشيع حفل بالونات واللي يفقعن وصحون وملاعق بلاستك وهالخرابيط وشغلوا لكم استريوا اناشيد نجاح وتخررررج وسووا للصغارين مسيرة وحطوا فقرات بالحفل مثل عرس الأولين وإلا عرس مصري وتصير أطلق حفله .. وبالنسبه للاستراحه ماعندي علم لان الاستراحه اللي أخذنا بحول ال 600 لاننا كثارين ماشاءلله .. وشوفي هاذي حفلتنا وترا البوفيه كلن جاب له طبخه وطلع ماشاءلله تبارك الله يهبببببببل http://www.buraydahcity.net/vb/showthread.php?t=270950 وان شاءلله تتم حفلتكم وتنبسطون ي رب .. وترا ننتظر الصور .. |
حبيبتهم وه ياحبيل اقليبتس
مير ابشرتس هالليله الحفله ان شالله:d وماشالله حفلتكم ابداااع الله يديم عليكم الفرحه وعاد ترقبوو الصور >>> اغديهن مايفشلن مير :p |
..
خخلو حفلتكم للعيد جمعو الفائض من فلوس تجهيزات العيد وسوو حقله معايده ونجاح احسسسن شي بالدنيا ههههههههههههههههههههه |
شوفي اختي تبين وجهة نظري أنتي تقولين الحفلة للأطفال علشان يستانسو أن لقيو أستراحة فالأحسن أنه ما يكون فيها مسبح وبالنسبة للبوفيه وشوله التكلفه يلي ما لها داعي كل عيلة تزيين صنف حلى وصنف من الاكلات وتطلع لكم احلى وأطيب بوفيه وأن حابيين تغيرو جو روحو ل ملاهي عنيزه منها تقهو وتحلو والاولاد يلعبو ويستانسو عوض ما تدفع الفلوس لأجار الاستراحه ما تستاهل خلوها للألعاد احب عليهن وتغيرون جو وتشوفو الناس
|
متشكرين اوووي
خلصت حفلتنا بحمدلله ع الرابط :) http://www.buraydahcity.net/vb/showthread.php?t=271458 |
| الساعة الآن +4: 08:17 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.