|
من العصا والعرجد إلى الانفتاح وضياع الهيبة .. الكاتب ( الحميدي ولد رقية ).
تمر الأيام وتنقضي السنون , ونحن من عجيب إلى أعجب ..حالنا حال غريبة ! كيف وماذا ومتى وأين ؟!
الحميدي ولد رقية ( بلهجة العوام ) يقول : والله الدنيا عجيبة . قصدي الناس الي ببريدة وغيره من المدن ! سبحان الله ! منول الأبو مايرد على عياله إلا بعين حمراء وعرجد رطبة ( يعني أي كلمة خطأ علطول صبخ ولحط ) أغلب الناس كذا تعاملهم وحياتهم مع عيالهم .. تخيلو الأبو براهيم يسحب دحيم والعبدي والحميدي والصلحي على وجيههم وهم نايمين لمنهم عيوا يقومون لصلاة الفجر ..وأمهم موضي تروح للساقي تجيب بالطاسة ماء وتصبه على وجيههم تساعد زوجه . لا وبعد لمنهم ماصلوا بالمسجد قام الامام يعد والي ماحضر يرطبونه رطب وياخذون شماغه . يعني شيء مايصدق . لا وأزيدكم ..تشوفون موضي هذي معزرتن ببناته فطيمة وحصة ومنيرة تخليهن يجيبن من مزرعة جدهن ماء على روسهن كل فجر وظهر حتى يغسلن ثيابهن ويسقن البقرة العرجاء ..همن لاجابن عشرة ردود قالت لهن: روحن مع أختي حشن حشيش لبقرتنا وبقرتهم . يعني كرف . الأبوابراهيم لاصلى الفجر قام وراح يروس , وقبل يروس يجر دحيم والعبدي والحميدي والصلحي يخليهم يلبنون وينقلون حجر حتى يبنون ويلطسون بيتهم عقب المطر ,,ولامنهم قضوا قال : يالله روحو احفروا القليب الجديد .. يعني مافيه أبو وأم يصلبونهم صلب طلعوهم رجال. عاد تعالوا نفرك القناة .. ماجد وريم مايقومون إلا الساعة ست وربع ..والشغالة عاشة الاندونيسية من الفجر مولمة القهوة والفطور تنظرهم يقومون يصلون الفجر .. والسواق مشغلن الفان يحتري أم الشباب يوديه للمدرسة .. تقوم ريم وتنغز ماجد قم : صيفت على عملك باقي شوي قم كل لك توست ..لاحظوا ماقالت قم صل الفجر ..!! عاد يقوم ماجد يغسل وكله نووووم ويقول لريم قولي للشغالة تصحي شوق ورهف وياسر للمدرسة بس خليه ترفق عليهم وتسمي .. لاجو الظهر مع السواق تستقبلهم الشغالة وتوكلهم وتنومهم ولا صار قبل المغرب قاموا ,,همن يروح أبوهم ماجد يوديهم للألعاب وبعد العشاء ياخذ ريم معهم لسينيز ومن باكر لهرفي وعلى هالحال !! ولارجعوا بدا ياسر لعب بالاستيشن لادراسة ولا أحد يقوله شيء ..عاد شوق ورهف كل وحده بغرفته مع هالمحمول والله يستر بس. أعود من جديد لألقي نظرة الناقد الموضوعي : بالأمس صرامة وحزم , واليوم ليونة ودلال . بالأمس رجال ونساء , واليوم ( البعض) أشباه رجال ونساء. بالأمس يخدمون الأبوين , واليوم بالعكس . بالأمس هيبة وعز , واليوم ذل وضياع هيبة . بالأمس نفتخر , واليوم الله يرحم الحال . بالأمس وبالأمس واليوم وواليوم !! ياليت ننتبه لحالنا - وأنا أولكم - لكن قلت لعل وعسى أن نحل شيئا يفيد الأحباب والأصحاب والمجتمع بأكمله .( موضوع كتبته على عجل وبدون ترتيب للأفكار لأني مشغول وأنا أكتب , فأرجو الصفح والعفو عن الزلل , وما كتبته بالعامية أمر مقصود ,وحديثي عن البعض دون الكل) . |
آهــ ياليت الزمن مثل اول
ميخالف شقى وتعب بس يكفي شي انه ماحد يشوف نفسه |
زمن ماله مثيل وشكرا لموضوعك القيم يامبدع .
فعلا أسلوب خلفه مواضيع كبيرة . |
طرح رائع وأسلوب أروع
|
مشكووووور
|
شكرا لأسلووووبك الراااااااااااائع
|
ودك تمزج الشدة والمحافظة على الواجبات وتحمل المسؤلية مع هالزمن
يعني حلو إن الله ريح المرأة بها الوقت بالخدم والسواويق بس بشرط نكون محافظين على ديننا وأوامره وعاضين عليه بالنواجذ وفقك الله |
آلله يآزمآن آؤؤل تحؤؤؤلَ
وآلله كلآمكـ صحيح , بسس وين التربيه اللي به ششده مخلين عياله وبناتهم على راحتهم ولايبون يزعلونهم ابد , آلله يصلحهم يارب ويعطيك العافيه , |
لا إفراط ولا تفريط ...........
|
الله يرحم حالنا ويلطف بها ويعيننا ...
أسلوووووووووووب رااائع شكررررررررررررن |
آسلوووبْ رآقـــيْ ..وطرحح مميّز ..
من آككثر الموآضيع التي شّدت إنتباهيْ .. فعلاآ ليت آيام الزززْمآن تعووودْ.. آيام جميله تختلف عن هذا العصصرْ عصر التكنلوجيا والتخلف والضيّآع .. |
أصلن ماحاس هالجيل إلا الشيبان اللي قبل
الواحد يصلي الفجر خوف من ( أبوة ) مهب من ( ربه ) أبوه معودهم على التصييخ والجلد وشي طبيعي إن الولد يبي يكره أبوه ويبي يتمرد عليه إذا اشتد عوده الافراط في الشده هي اللي حاست جيل هالوقت |
هو انت توكـ تدري كل شيء تغييييييييييييييييير ..
|
اييييييه يالحميدي الله يرحم زمان اول
|
شكري واعتزازي بكم جميعا .
|
موضوع جميل لكن اعتقد ان بالغت بعض الشي في تسميت الشخصيات وشي دحيم الصلحي الخ ....
قد نعترف ان هناك فرق لكن ثق ان دوام الحال من المحال ولكل زمن رقت ورجال :41 تحياتي |
طرح رائع وأسلوب أروع |
الله المستعان أول يعدون للصلاة والكل محافظ واليوم الله
يرحم الحال الصلاة تضيع بالكوم .... |
مشكور والله يعطيك العافية
موضوع رائع |
اقتباس:
ليست مبالغة ..لكن مجرد وقوف على أسماء السابقين . |
الحين صار الأبناء أبوة والعكس وعسى الله يرحم الحال .
|
منذ ان خلق الله السموات والارض فالتغيير سمه لابد منها فمن يعتقد ان عجلة الحياة ستتوقف فهذا لايعرف قراءة المستقبل لهذه الدرجة حنيننا للماضي هل انسانا انجازات هذا الجيل هل حصرنا نجاح هذا الجيل باشياء نعتقد انها سلبيه ونسينا الايجابيات انا مع الموضوع شكل ولكن ضده كمضمون لان التغيير مطلب ومن لايقبل التغيير سيصبح فريسة سهله الزبده ان التغيير موجود الاهم بماذا قابلنا هذا التغيير وكلااامك صحيح بعض السلوكيات اصبحت مخجله مثل ضيااع الصلاة وارتكاب المعااااااااصي ليل نهار واهمال الابناء والبنات وعدم الجلوس معهم ومعرفة احتياجهم مشكلتنا اننا نعتقد ان التربية فقط اكل وشرب وننسى الشيء الاهم التربية السلوكية وتوعية الابناء بمخاطر الحياة بشكل عام وضياع الوقت لانه بالاخير احنا خلقنا الله للعبادة (( هل بالفعل اعطينا حق العبادة حقها الحقيقي )) اشكرك على الطرح |
شكرا لمن شارك وقرأ .
|
اليوم جيل آيبود وآيباد وآيفون وجلكسي وبلاك بيري الله المستعان
|
ابدعت الصراحه اشكرك:41:41:41
|
الله يارب ارحمنا والطف بنا اللحين البنت تدق على السواق كنه اخوه وتقوله شغل السيارة وتركب هي واياه من دون محرم وتروح للي تبي من دون رقيب ولا حسيب ولا بعد البرقع اللحين كل واحده تقول من اكبر برقع وتتفاخر قدام خوياته الله يرحم الحال
|
الصراحة قمة الروعه وأهنيك أخوي على الموضوع الرائع :41
أ لا ياليت الزمن يرجع وراوي و الليالي تدور ويرجع وقتنا الأول وننعم في بساطتنا زمان أول احس أنه زمان فيه صدق شعور نحب ونخلص النيه وتجمعنا محبتنا |
جزاك الله خير على الموضوع الجميل
|
الله يرحم الحال والله ياليت يرجعع بنا الززمن
|
| الساعة الآن +4: 01:25 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.