|
هل فعلا اهل القصيم بخلاء وليسوا كرماء
[CENTER]
[SIZE="4"]السلام عليكم ورحمه الله وبركاته لي صديقه عرفتها من الرياض وتسكن في بريده تقول في كلامها انه تحب اهل القصيم ويعجبونها كثيرا:41(h) الا ان السمه السيئه التي تتغطى عليهم البخل :(:i121 واتت لي بكثير من الامثله كالدعوات والعزائم التي دعي اليها والدها وتقول باانهم لايعرفون اكرام الضيف وان رجل من اكبر تجار بريده دعى والدها في ضيافته بيته وعندما حان وقت العشاء اصاب والدها الدهشه رجل من اكبر التجار يكرم ضيوفه بفيليه سمك الحمد لله السمك نعمه من الله ومن افضل اللحوم لكن انا كرجل تاجر واستطيع ان اقدم مئه ذبيحه لضيوفي ارى من البخل ان اقدم لحم سمك ماهذا البخل !!!!!!!! لايجي احد ويقول حرام عليك كله نعمه فاانا اكرر لم اعيب رسولنا صلى الله عليه وسلم ماعاب طعاما قط وانا لم اعيب طعام السمك فاالسمك من افضل اللحوم ولكن في نفس الوقت رسولنا صلى الله عليه وسلم تعوذ من البخل كان رسول الله صلى الله عليه وسلم يتعوذ يقول : ( اللهم إني أعوذ بك من الكسل ، وأعوذ بك من الجبن ، وأعوذ بك من الهرم ، وأعوذ بك من البخل ) قد نقول ليس ملزما عليه بكونه تاجرا ان يقدم لضيوفه ذبيحه فقد يكون لايحب التذبير والاسراف ويحب البساطه لكن ردعتني البنت بمثال اخر:bad برجل ايضا يمتلك وظيفه محترمه ويملك سياره جيب لكزس وفله باافخم الاحياء ببريده وقام بتقديم وجبه العشاء لضيوفه بدجاج كنت بالاول ضدها وادافع عن اهل ديرتي وقلت لها ان انتم مستهدفيننا دائما لكن الامثله اللي جابتها اوقفتني واحرجتني فلم املك غير الصمت غير هذا انني بعد هاذي المناقشه لاحظت فعلا اسمع القصص بالاجتماعات عن بخل اهل القصيم بالذات واخرها زوج اختي يقول اننا في استراحتنا مع الشباب يوميا نطبخ العشاء دجاج فقلت ذاك اليوم سوف نشتري لحم من باب التغيير فطلع التقسيم لقيمه اللحمه كل شخص يدفع 25 ريال فقط فهرب اغلب الشباب ذلك اليوم من الاستراحه هربا من الدفع للاسف قد نعذرهم ونقول عاطلين اولايستطيعون لكن للاسف موظفين وحتى لو كانوا منزنقين على قولتهم هذا ليس عذر من انك تهرب وتجعل الناس يااخذون عليك صفه البخل فتأكدت حينها صحه كلام تلك البنت وتذكرت ايضا ايام الدراسه بالكليه عندما يكون الفطور على احد البنات فتبدا تتهرب من يومها كان تغيب عن الكليه اوتذهب الى مجموعه بنات اخرى والايام الثانيه تجلس كل الوقت وتأكل وتشرب بكل بجاحه وبنفسها تلاقيها تشتري اغلى المكياج والشنط والملابس كحال صاحب الفله واللكزس هذا هو المقصد بالموضوع كريمين لاانفسهم فقط ooo1 |
وعليكم السلام ورحمه الله وبركاته
الحين صديقتس قااالت القصيم وهي ماشافت الا بيت بيتين من القصيم اختي ترى كل مجتمع فيهم البخيل والكريم موب القصيم بس |
قولي لخويتس خلي أبوه يتعرف علي عشان أخربه وِأعزمه على أندومي رغم أن الأندومي مرتفع اليومين لكن يالله نآخذ أجره
نجدعلهم حقين الرياض نشوف جلود الأبل والغنم والغزلان عند كل باب |
اقتباس:
|
اقتباس:
اقولك ساكنه بالقصيم وضربت لي كم مثل |
اقتباس:
اما حقين الرياض والله مقدر اقول شي مالي قرايب هناك حتى احكم عليهم بس صديقتي ذي بصراحه كريمين وظليمتهم شينه |
اختي::..
رجاءا (كل له تمثيل نفسه ولا علاقة له بالغير) ... وانا مره بالرياض وعزمن واحد وانا اسولف معه قالي لقيت شقه او ادورلك !!!!!!وش تسمينه ذا؟؟ يعني اهل الرياض بخلا!!! مهب منطق اني احكم على الناس كلهم بفعل القليل منهم.. وترا على فكره بعض الناس مايسوى ثيابه اللي هو لابس !! يعني بيالة شاهي وتخب عليه...لا صار ماعندك احد!!!! تحياتي .... |
اقتباس:
كم مثل يعني يوصل هالامثله لـ 100 مثل ؟؟ طيب سكان القصيم اكثر من مليووون داخله لبيوتهم كلهم صديقتس ؟؟؟ ولا شافت هالكم مثل وخلااااص صاروا القصيم كله بخيلين اجل انا بروح اسكن بالرياض واحكم على كل الرياض من كم مثل اشوفه عندهم ي اختي كل مجتمع به الشين والزييييين |
فعلا كلامك صحيح اختي متيمة
وتوجد عندي امثلك كثيره على ذلك سواء بالمجتمع او بزملائي بالعمل |
وعليكم السلام ورحمة الله وبركاته
بنظري أن البخل يكثر في القصيم وبصراحة يعني أنا أعرف ناس كثير وقريبين لي وفيهم بخل ماشافته عيني ولا قلنا يكثر بالقصيم مو يعني بالمدن الثانية مافيه أبد لا عندهم ناس بخيلين مثل مانقول بس حنا يكثر عندنا بصــرآحة .. (الإعتراف بـ الحق فضيلة ) |
الله يصلح قليبتس بس , أولاً كآن من المفترض أنتس مآتحددين بريدة عنيزة ولــآ شرورة . لكن نبي نآخذ هآلشيء بحسن نية ثانياً هاللي تحتسين عنه تعرف أهل بريدة بيت بيت يوم أنه تقول تسسذآ أعتقد كلنآ نعرف أنه من الظلم والإجحاف أنو نحكم على مجتمع من شخص أو شخصين أو عشرة ثالثاً الكرم والبخل بكل مكآن موجود موب بس ببريدة وبكيفهم كريمين لـأنفسهم لغيرهم أعتقد آحرآر ! وجيد أنتس قلتِ كريمين على أنفسسهم , غيرهم لـآ كريمٍ على غيره ولـآ على نفسه !! وأنآ أنقلتس من آهل الريآض , أنهم يقولون مآشفنآ كرم مثل كرم أهل بريدة * لـآ تنسين تسلمين لي على اللي ردعتس الله يصلحتس وبسس |
وعليكم السسلام ورحمة الله وبركآته
ههي شآفت بيوت بريدة كلهن يوم إنه تقول تسذآ ؟! أكيد مثل مآقآلو كل مجتمع به الشين والزين يعني مثلا أنآ بوه بنآت بمدرسستنآ بخيلآت ويوحششن بس صعبه إني أبقول كل بنآت مدرستنآ بخيلآت عشآن بنت أو بنتيين أو خمسين بنت! ! أدري إننآ نطينآ بتس بس بعذرنآ شي يقهر |
خليه علي الله
|
اتمنى تسمعين كلام الاستاذ/ صالح العريض في برنامج ساعه وساعه في قناة المجد دوريه باليوتيوب
اكتفي بذالك فقط ,, |
كثيييييييييييييير يسبون اهل القصيم المشكله بس يهرجوون وهم ماشفوو هالشيء ..
|
طيب أسمعوني أخوي معه طلاب من بريدة ويقول أنهم يتهربون عشان مايفطرون أحد يعني الشباب عندهم عادة الي يروح يطلب الفطور يدفع الحساب عن الكل
وكمان اذا ضيفوا أحد يحطون له دجاج طبعا خلاص حاجة وتعود عليها الواحد بس المفروض الشخص اذا ضيف أحد يحط ذبيحة واذا مايقدر يشتري نص تيس من المطاعم لنه عيب وضع دجاج لضيوف |
اقتباس:
ههههههههه والله أول مرة أدري انك صريح الى هالدرجه... أحسن رد أعجبني.. وكلامك كبيررر |
إذا كثر السب والشتم فإعلم أنها [ الغيرة من ميزة هذه الديرة ]
|
اقتباس:
وابوها واخوانها وهي كلهم شافوا هالشي والامثال مهب لازم اجيب لك مليون مثل علشان تقتنعين على فكره قبل كم يوم كنت بالصاله الرياضيه نسائيه والحريم يتقول بهذا الشي وهن قصيميات قالن الصراحه راحه القصيم بخلاء وماعندهم كرم يعني مهب على كلام صديقتي وابوه واخوها اقولك شي يشاف بالعين اختي الاعتراف بالحق فضيله ربعك قعيطيه مافيه ليش مانعترف |
اقتباس:
تبخلين علينا.... وعلى فكره بعض الناس مايستاهل انك تضيفه باالعكس تلحقه بعصى مكنسه لانه مايعرف المرجله..ويصير معروف لنا من قبل |
اقتباس:
بدون ذكر مناطق لو سمحتي... |
اقتباس:
بس انا اقول عيب اذا الواحد غني بالمره يعزم رجال على دجاج اوسمك بعد فيليه ليته سمك بعظم :d وهو بازغ بفله وسيارات ويطق حرما الحين بتقولون هو حر بماله !!!! حر اوك بس حنا نتكلم عن صفه الكرم هل هي لاتوجد في القصمان وعلى فكره من ضمن الامثله اللي قالتها قالت اخوي عزمه واحد على فراخه دجاج قلت اللي عازمه وشو يعني رجل شاب صغير مقتدر موظف ولاايش قالت لاصغير قلت له معليش شاب صغير واكيد ماتوظف مو من المنطق كل ماعزم بيحط ذبيحه وين حنا فيه !!! لكن المقصود بموضوعي تجارنا اوبالاحرى المقتدرين واللي يضربون لاانفسهم لكن للاسف تكريم الضيف ولاشي بالنسبه له !!! |
.
رضا الناس غاية لاتدرك أحلى شي التواضع يبدولي ان صديقتك وأهله ناس شرهين ومايسد عينهم شي ! |
معليش ياآهل ديرتي ..
بس النظرية صحيحة أغلب القصمآن بخلآ.. 50% تقريبآ.. وآضيف عليها الحسد الاعترآإف با الحق فضيلة .. وبلاش مكاابر |
اقتباس:
من بريده ويشهد علي ربي اني تهاوشت معه من القهر يم تكلمت عن اهل القصيم لكن بعد السالفه صرت اسمع قصص بالاستراحات وبكل مكان تتدل على صدق كلامه انه اغلب سكان القصيم بخلاء |
اقتباس:
يبي ضيافته باالبيت مهب بالاستراحات لان الاستراحات 24 داخل طالع ولو ضيفنا احد وخلينا احد صارت جريمه بحقنا وتعودنا على الشي ذا لو نبي نضيف كل هاللي يسيرون كان يالله يالله اطلع دتسن اقصاد وبعدين يااختي ترى بعض الرجال مجرب ومعروف من قبل انه مهنى سنع ولا يدري وش المرجله بالحاله هذي لو مايبقى إلى انا وياه بالديره والله مايقلط معي على صحني ،، وبعض الرجال لو اتسلف واذبحله مهب معقوله رخمه واضيفه مضياف الرجال ،،،الرجال مهب واحد... تحياتي..وحاولي تنظرين لاي موضوع يطرح عليك من كذا جانب |
اقتباس:
انت تقول الاستراحات وشرحت لي وضعهم وترك العزايم الرسميه تبع الرجال الكبارين وهذا مااقصدهم بالذات حتى بالاستراحات مهب لازم تضيف لكن مثل سالفه اللي جاب لحمه والقطه صارت من 25ريال فقط ويهربون منه وهم شباب موظفين ياخزياه غير كذا تبي مثال ثاني قريب لي يعمل بمدرسه يقول قسم بالله به مدرس قديم راتبه فوق ال 20 ورافض يدفع معاهم للمواد الغذائيه بالفطور 100ريال فقط يقول لاخلصنا جاء ياكل البقايا ينقنقن اشياء بصراحه تشيب الراس الله يعافيهم ولايبلانا |
اقتباس:
اقولك قبل كم يوم كنت بالنادي والله كانوا الحريم يقولون هالكلام وطبعا قالن مو كلهم لكن الاغلب بخلاء للاسف |
اقتباس:
ياليت تذكر لنا الامثله :eek5 |
اقتباس:
قلت بموضوعي مو بس كلام صديقتي هذا شي حتى انا اكتشفته وبالامثله وانت لاتحكمين على اهل ديرتك بالكرم من بنت اوبنتين انا ذكرته امثله كثيره واذا تبين ازيد ماعندي مانع اي نطه موهقه روحيتس يابعدي نص الاعضاء يأيدون كلامي |
اقتباس:
|
التمسوا له العذر يمكن صدفت ذاك اليوم بطاقة الصراف ضايعة مامعه قروش يجيب لحم وحط من الفيليه والدجاج اللي موجود عنده بالبيت ولا إنه يبي لهم السمك أخف من اللحم وحط له بعد سمك فيليه ماحط سمك بعظم عشان مايبلع عظم ويبلش به مايرده إلا الاسعاف...>>>>بدت تحلل الاخت
|
حياك أختي / لايهمني من قولها شيئا سواء انا من القصيم أو من الرياض أو من اي مكان أختي الفاضلة / اقبلي هذه الهمسة مني / من كفلها بتصيد هذه الصفة هل ربها ! أم نيهها ! وإذا صارت النفوس كبارا ,,, تعبت في مرادها الاجسام وهذه ثقافة اختي وستورث عبر الزمن لماذا ندع للناس هذا الاستهتار أنا وبنفسي لن اقبل كلاما قيل عن منطقة حتى ولو كان صادقا ومن اشتغل بعيوب غيره فاعلم انه قد مكر به أحد السلف أتمنى أن تُفهميها هذه العبارة اختي وايضا لو تاملنا اسلوب النبي-صلى الله عليه وسلم- لكان العكس تماما فهو ينظر للمنطقة وبما تشتهر به من صفة حميدة أو القبيلة ويقولها لأصحابه ولو كانت تحدثني لأسكتها أختي ليس تعصبا لمدينتي فحسب لكن كما قلت لابد أن نعي ان الافكار الني تقولها ستصبح ثقافة يوما ماااا لذا لابد من تصحيحها وأذكر أن واحدة من النساء قالت لأختي (انا شربت كرهة بريدة عيالي في الحليب) هذا يااختي إن دل على شيئ فهو شيئ في القلب وبعد هذا ينشا جيل اطفالنا وقد تربى كل واحد على ثقافة من حوله ومن هنا تنطلق العدوات بل هناك من يسبب الطلاق والفراق والتعصب وغيرهااا اختي متيمة / أقدر لك حرصك لكن لماذا لانكون أصحاب قوة في الرد يعني هنا لن ندافع عن انفسنا لأننا أختي لم نشعر بالضعف فقط وجهي لها سؤال / من كلفك في جمع هذه الصفة ؟ واكتشافها ما شاء الله ولم أرى من المحيط القريب من يمتنع عن الدفع إلا بعد ارهاقه بالمبالغ أو يكون بلاوظيفة او يكون لايؤيد عمل ذلك الشئ الذي سيدفع من أجله |
اقول
قوليلها مابتس نووم:104: فيله سمك نعمه وكلن يتمنى فيليه سمك اذا هو مايتواضع للفليه فالشكوى لله عاد هذي مشكلته والمفطح مأدري وش معجب الناس به الله يكرم هالنعمه :eek: |
حتى لا نكابر ونصر على الخطاء فهي اعترافات بما عندنا من سلبيات من اجل تدارك ما فات
نا اخالف الاخت فـ ليس اهل بريدة خصوصآ بخلاء فقط بل قعطاء ( جلده ) ونسبة الذين ينطبق عليهم حكمي هم الاغلب ومن المواصفات الشفاحه والشرافه ( اي الفضول ) المخمخه الزايدة عن المعقول في التوفير اصحاب مكر ودهاء وحيلة احتقار الاخرين حدود العلاقة بالجيران هي فقط السلام وانت ماشي وقد يكتفى بضربة بوري ( يطنب له ) ( يزمر لهُ بالمنبه ) الحرص الزائد عن المعقول في الامور المالية ( الدراهم ) اصحاب دنيا يجتمع الكثير بالكثير من اجل الدنيا ويفترق الكثير من الكثير من اجل الدنيا اما العيش والملح قد تنخفض نسبتها كثيرآ سلاطة السان وحب اثارة المشاكل بغض بعضهم لبعض واحتقارهم لديرتهم اذا كانوا موجودين فيها واذا خرجوا منها تباكوا عليها تم تسيس الدين من بعضهم لمصالحه الشخصية الدنيوية بغض النظر عن الحل والحرام يوخذ من الدين ما وافق الهواء ويترك ما سواه العنصرية البغيظة المتوارثة والازلية الكيل بمكيالين كثيرآ منهم لا يستطيع ان يجاري المراجل لا بالكلام ولا بالافعال اصحاب اموال طائلة وثرواة كبيرة واذا جائهم ضيف هربوا منه واذا لم يستطيعوا الهرب ولا بد لهم من ضيافته اتوا با اقل القليل ( دجاجه وتخب بعد ) الله يرحمك يــ صالح السلمان - ليت اثرياء ووجهاء بريدة حملوا عنك هذه الصفة ( مت ومات كرم الاثرياء معك - فطالما بيضت وجه اهل بريدة ) ومع كل هذه السلبيات لم نستطع كرهـ بريدة واهلها بل كلامي هذا من باب النصح واحقاق الحق والحيادية ( ولا ابرئ نفسي مما قلت ) وشكرآ |
كلامك صحيح ولا ينكرة عاااااااااااقل .. بخلاء وزيدي مايهمهم الا انفسهم و بجيحين ولا يستحون بشكل ...(الاخلاق اما الدين ماشاء الله الصراحة دينين هذي زينتهم) |
اخوي حربي عابر دربي كفيت ووفيت كل ماقلته صحيح يعطيك العافيه والاخ اللي يقول قولي لها من كلفك بجمع هذه الصفه !!!! من كلفها اولم يكلفها هذا ليس موضوعنا وليست البنت موضوعنا ماقالته البنت ليس وحدها من قال هذا الكلام وانما اناس من نفس المنطقه من اهل القصيم لماذا الانزعاج والتركيز على تلك الفتاه انا اريد التركيز على هذه الصفه البغيضه ولاداعي ان ندافع ونتنصل من الاتهامات الحقيقيه هذا عيب في سكان منطقتنا عمربن الخطاب رضي الله عنه قال رحم الله امرء اهدى الي عيوبي صحابي يتقبل النقد ويترحم على من يهدي له عيوبه وانتم تجزعون من حقيقيه واضحه حتى وان كانت قاسيه لكن لانقدر ان نتجاهلها اونرد على من اتهمنا بهذه الصفه السيئه |
اقتباس:
اضحكتني كثيرا اخوي الله يسعدك لماذا لانكون اصحاب قوه في الرد اي قوه سوف احملها والفتاه تحمل الادله والبراهين الكثيره التي وقفت امامي كالجبال وليس الفتاه وحدها لم تجعلني املك قوتي في الرد بل اجتماعاتي بالقعيطيه للاسف والقصص التي اسمعها من هنا وهناك في البدايه كنت سدا منيعا لتلك الفتاه عندما رمت ذلك الاتهام :i121 لكن في النهايه انتصرت علي وشي طبيعي لانها لم تقول غير الحقيقيه اقتباس:
فلا نتهم غيرنا بتبني ثقافات كاذبه وهي حقيقيه للاسف اقتباس:
ولكن نحن شاهدنا هذه الاشياء وبالادله القاطعه من تجار وموظفين واغنياء |
اقتباس:
أحسنتِ , حفظكِ الله (f) |
اقتباس:
ياحربي أعتقد أنك مو بريداوي أصل فلذلك أطلع منها هالنقاش موجه لأهل المنطقة : 12 |
ومنهو ابوه عشاااااان يذبحون له ذبيحه
صعبه كل من جاء لمه ذبح له ذبيحه لو هو يسبح بملايين تساااااااااان دج |
اجل بخلاء فيهم حسد اسمحو لي الاعضاء اللي قالو هذا الكلام عن اطيب مدينه هم يتكلمون عن مجتمعهم فقط
انا من اهل بريدة واعلم علم اليقين انه من العيب بل ومن العار عند اهل بريدة اذا جاهم ضيف وقدموله دجاج فما بالك بسمك واصلا المعروف عن اهل ديرتي لاخلا ولاعدم انهم مايكثرون من اكل السمك ولا يدخل بيتهم الا نادرا فاذا ضيفوه لضيف فهو مع مجموعة من اطباق فرعيه اما الطبق الاساسي للضيف فهو المفطح والرز ادامها ربي من نعمة اخت يتيمة تأكدي من والد صديقتك قد يكون من الداخلين على اهل بريدة اما رد حربي فاصلا لايرد عليه فهو سرد صفاته وصفات من يخالط فلا لوم عليه يتيمة قولي لصديقتك بريدة بلد الدين والاخلاق والكرم والعلوم الزينة واللي بيأكل من خيره ويعذربه يالييييت يرحل تراه صايره زحمة واااااجد |
إيه بخيلين , فيه إعتراض طال عمرك :113: قولي لصديقتك لاتجي لمنا تقضب أرضه وتأكل لحم لين تشبع هه ماكثر الله إلا القصابين بالرياض , هي جايه تبلع عندنا حصرياً !! موضوعك مهنا بعايد عن موضوع عضو يصف المعلمين بالبخل لأنهم مادفعوا قطيته بالإستراحة هه عيب عليكم تبون الناس يكدون عليكم علشان تقولون عنهم كرماء ومامثلهم !! وين الإشراف عن مواضيع المبزرة !! وينهم !! أربعة غير الإشراف العام !! نايمين لاقدر الله !! ياجماعة أحترموا عقلياتنا وحطوا للنماذج هذي ساحة خاصة بهم والله مانطبه حلف ! أما تخلونهم بيننا يجدعون خرابيطهم كل دقيقة , لااا , جزاكم الله خير ترى حامت كبودنا منهم ! .. |
اقتباس:
|
نعم اهل القصيم فيهم بخل لكن مب كلهم المشكلة كل ما زاد رصيده زاد بخله يعني يحسسك ان منفذ الصرف في الجهه السفلى من الحساب و كل ما زاد ثقل الرصيد كلما ضغط على هذه الفتحه حتى تنغلق اقتباس:
على فكره لا تتهمين الناس على كيفك ترى صاحب الموضوع ما له علاقة بالاستراحات ولا عمره تشارك مع معلمين بشيء |
انا ياناس اهيم احساس آلاجا اسمها مذكور(h)
بروق القلب غمزآتـه وهمس القلب ترعيده(h) اغني باسمها دايم كاني ياعرب مسحور(h) لها حبي وتقديري وانشادي وتغريده(h) ولـ آهلها في حشا قلبي بساتين وشذآ وزهور(h) يمين الله ماانسى حبيبه قلبي بـــريـــده(h) سلميلي عليه وقولي له: انها تغرق لوتجين عزمتس على كريريث وخبيزات السلمان ونعناع يحبه قلبه :d(h) سلملم |
والله مادري عن اهل القصيم الي ساكنين هناك
انا قصيميه لكني لست من سكانها واشوف الي عندي عااااااااااادي فيه منهم كريم وفيه منهم بخيل على الناس كريم لنفسه <<<<هذي الفئه ترفع ضغطي عيب يبلع من الناس ولا جاء عليه هج لكن خويتك شكله بدويه تحسب الكرم بالذبايح لالالا خلاص الناس تتطور يصلحون العشاء اشكال والوان بدون لحم بعدين يحمد ربه انهم عزموه طرار ويتشرط هذا لو يجينا ماعاد اعزمه |
صحيييييييييييييييييييييييييييييييييييييييييييييح كلامك وياكثرهم في بريده وتخيلي انا عزمتني وحده تخيلي العشاء قطيه
وفي بيته هههههههههههههه وواحد من اقربائي هو من الرياض وزميله في بريده جاليسن مع بعض صديقه عنده دجاج , تهاوشو ديك مع ديك ثاني , الي يقربلي قام عشان يفك الهوشه وضرب واحد بالجزمه ,, من بكرا اتصل عليه زميله راعي الدجاج تخيلو الصدمه اش قاااااااااااااااااااااااااااال ,, قال عطني فلوس الديك لانه مات :113: حتى فحص ماراح يفحصه خايف يدفع المشكله اش لون عرف انه مات بسسي ضربه خفييييييييييييييييييييييييييييفه لاكن البخخخخخخخخخخخخخخخخخخخخخخخخخخخخخخخخخخخخخخخخل يسوي اكثر ويكفي الحريم الي بالسوق تلاقينها منشحط حلقه عشا ن ينزلها الكاشير ريال :073::073::073: |
تششششش طيب يمكن هو عنده الفيليه أحسن من اللحم وش دخلكم بالناس ؟ انا لو تقولين تبين أذبح ذبيحه ولا تبين همبرجر كان قلت لك همبرجر هه وبعدين هو حر يذبح ولا مايذبح مو واجب تراه للمعلوميه : انا مااشوف اللي تقولون بخل ومابخل كل اللي عندنا ماشاءالله بس أنتم شفتوا واحد ولا اثنين وكبرتوا السالفه طيب نقول شفتوا عشره ولا عشرين وحكمتوا أن كل القصيم كذا الله يهديكم بس |
اقتباس:
يجيبن اوم العيآل:d(h) |
سألت ابوي يقوووووووووووووووووووووووووووووووول
موب بخلاء عندهم حسن تصرف بالمال واكبر دليل الراجحي ماشاء الله بارك الله يقول ليش يكون عندي طياره خاصه وهو الي يفتح محله ويصكه وهذا هو غني مو المقصد بخل وهذولي الي مهايط وذبايح ما نفعهم كلهم منتفييييين ومفلسييييين |
ياكرههم لامنهم خصوا أهل بريدة بصفة :(
والله كل ديرة به البخيل والكريم :(:(
..........(f) |
اقتباس:
لا غلطانه انا بريداوي الى النخاع ومن مواليد وسكان بريدة ووسط بريدة من قبل ما تنولدين :d لاكن لا يمنع ان الرجل يقول الحق ولو على نفسه :) |
اقتباس:
هل أنتِ وأهلك كذلك !! وإلا كعادة شعبنا الكريم كل أبو الناس بخلاء وشروفين وملاقيف وأمهاتهم شينات مع حريم عيالهم :113: بس أهلهم لااااااااااا , أهلهم غير مثل جدة هه ! ستبقون نكتة ياأفراد شعبنا , ستبقون أعدكم بذلك ! على قولتهم وصلنا عام 2012 ....! وأنتم تسبون غيركم وتمدحون أنفسكم هه ! خفّفوا سماجة بارك الله فيكم ! .. |
متيمه وش دعوه عاد كل القصيم ..
طيب روحي لجميع المطابخ في بريدة إذا حصلتي حجز لطبخ ذبيحه وخصوصاً يوم الخميس هذا الجاي فتراني ما عندي سالفه .. وبعدين القصيم معروفه بالكرم يا متيمه ... ومسألة الحكم بأثنين وطالبة من الجامعة فأعتدق هذا مجحف بالفعل .. أنا معك أنه يوجد ناس بخلااااا مره يعني الحقيقه بخل مقرف .. بس ما أعتقد أنه محصور على القصيم .. حصل لي موقف قبل فتره مع واحد من الجنوب ( صديق لي مقيم في جدة ) وكنا في جده عاد هو يبي يطلب شاهي ( بريق شاهي ) لنا قالي وش تبي قلت لا شكراً يا بعدي .. قال إلا مره لازم تقول وش تبي قلت خلاص ابي قهوة تركية <<< بلع ريقه الرجال :i125.. قال لا أشرب شاهي معنى قلت ما بي شاهي ابي قهوة تركية قال اقول شاهي قلت لا والعامل واقف يناظرنا يناظراً إذا تكلمت ويلتفت يناظر صديقي إذا تكلم :d.. عاد قلت للعامل جب لي قهوة تركية <<< يوم جاب الأغراض أنتها الأمر بأن أدفع كامل المبلغ :d.. طبعن راعي الجنوب مدرس له عشر سنين يعني راتبه 13 ألف أقل شي .. بس عاد تصقون أنه حبيب دايم يتصل علي ويسلم ويسألني مته أجي لجده . وانا حبيتك وخشيت قلبي <<<<<<< بدت الخرابيط والمرش يا عربي أصيل :d تقبلي مروري . |
\ \ \ على طاري البخل بصراحه ماله علاج لان البخيل سيبخل عليك بكل شيء حتى النصيحه اللي مافيها فلوس بيبخل عليك وعلى طاري اهل القصيم من دون تحديد عشان ما احد يزعل ويقول انت تمدح مدينه عن غيرها انا بضرب لك مثال حي اكثر نااااااس تبني مساجد وتهتم بالمساجد اهل القصيم اكثر ناس تتبرع للجمعيات اهل القصيم اكثر نااااس تهتم بحلق تحفيظ القرآن اهل القصيم اهل القصيم لايحبون المظاهر اختي لن اذكر اشخاص باسمائهم ولكن اسئلي التاريخ عنهم والله ان بعضهم زاهد مايحب التكشخ ولايحب الدنيا ولو سئلت دور الايتام والفقراء تجده اول الحظور الجميع يعرفهم تجار ولما ماتوا اتضح انه كافل ايتام ويصرف على الفقراء وربي هذه الغبطبه !!! ومع ذلك اقول معك حق الضيف المفروض يتوجب يعني ايش الفرق لما تحط له لحم او سمك وانت تعرف ان الذبيحه من علامات الكرم وعلى قولت المثل ملي العين ولا ملي البطن وانا بصرااااحه موتي ولا امشي مع بخيل احذركم ترى البخيل اقرب لصفة الحسد لانه نفسه شحيحه ويمكن يطقك عين فيعني ابتعد عنه ابرك لك انا لي صديق جلست معه تقريبا 10 سنوات انتظر يتعدل سااافرنا واسراري معه واسراره معااااااااااااي ومع ذلك قررت تركه فقط لانه بخيل طبعآ بطلت اسااافر او اكشت معه احس عيونه شرار لا اله الا الله نصيحه البخيل ابتعد عنه !!!!!!!! |
لو اهل القصيم بخلاء لما تهافتت الاسواق والمولات والماركات الغاليه وفتحت عندنا
|
اقتباس:
وبانسبة بأن بعض الناس لايستاهل صاحب البيت يستطيع أن يفرق بين من يستحق أن يكون ضيفة وفي صدر مجلسه وبين من لايستحق أنا تكلمت عن من يكون مقتدر ماليا لا شي أفضل من أن تبيض وجهك قدام ضيوفك المسألة ليست مسألة أكل الخير موجود في كل بيت ولله الحمد لكن علينا أن نقدر ضيوفنا أذا دعوناهم لمشاركتنا الطعام |
بخلاء ونص قوليلها عندها شيء فيه احد معترض.. انا حر اكرم ضيفي بلي يعجبني..ان بغا تونه على كيفي,, |
نظرا لخروج الموضوع عن النقاش الجاد والهادف يغلق ،،، |
| الساعة الآن +4: 06:30 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.