|
عندي مشكلة ياليت تفيدوني ’’’’’’
قبل يومين كان موعد النظرة الشرعية ورأيت من أريد الزواج منها ولكن يعيبها القصر ............
فهي متدينة وخلوقه ومن عائلة محترمة وتحفظ 20 جزء من القرأن ولكنها قصيرة .... هل القصر سبب كافي لرفضي لها .... أنا في حيرة أخشى أن أرفضها فأندم وأخشى أن أقبل بها فأندم .... بصراحة البنت شكلها مؤدبه وأحس سيكون إنسجام بيني وبينها ولكن هناك حاجة في صدري من قصرها .... صليت أستخارة كثير ومازلت حيران .... ياليت ياأخوان تفيدوني .... لازم خلال أسبوع أخبرهم ماأبي أطول عليهم كثير .... |
لا تطول المدة رد عليهم بعد ثلاثة أيام
الاستخارة صل ثانية وثالثة ورابعة حتى يكتب الله الخيرة في أمرك لكن إذا كان نسبة التردد اكثر من الموافقة أنصحك لا توافق الله يكتب لكم السعادة جميعاً |
بما انك لا حظت فتأكد ان الامر سيكون لديك مشكلة مستمرة لكن هل انت طويل ؟ اذا كان هناك فارق كبير بينك وبينها و لو بالتقدير فأرى ان تتعمق بمدى قبولك لهذه الملاحظة التي لفتت نظرك و اربكتك نسيت ان اقول ان القصر او الطول لا يغير شيء من المرأة الا رغبة الرجل في ذلك |
والله مااقدر افيدك بشي
بس ازين شي الاستخارة استخير وشف والله يقدم يلي فيه الخير |
ماقالو لك قبل النظره انها قصيره ؟؟ |
اقتباس:
|
والله مدري أهم شي تربي أبنأكم بالمستقبل زين هذي البنت الي يدور عليها الحين مو الي أول أهتممتها الطلعات مع صديقتها وتترك عيالها مع الشغاله
ولاتقبل فيها وأنت مومقتنع وبعدين تطلقها أو تحسسها بأنك كاره شي فيها |
اهم شي الراحه ولا توافق الا عن قنـاعه تامه عرس ذا موب لعبه
وخذ راحتك بالرد لا تستعجل الله يوفقك ياخوي . |
ومتى كان القصر في الفتاة عيباً
وكذلك الطول في الفتاة ليس عيباً الدين والخلق أهم شي قال عليه الصلاة والسلام ( إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد عريض ) أو كما قال عليه السلام هذا الحديث النبي صلى الله عليه وسلم يؤكد على الدين والخلق ومبارك لك الزواج مقدماً |
بصراحة البنت شكلها مؤدبه وأحس سيكون إنسجام بيني وبينها ولكن هناك حاجة في صدري من قصرها ....
عن الواقع الاغلب الان قصير ... وبما انة الامم السابقة من نوح علية السلام ...كانو اطووول بكثير منا وورد ان امة محمد اقصر ..وكانو الصحابة اطول منا وجيلا بعد جيل يكون اقصر لاحظ الان طلاب المتوسط وقبل عشر سنوات مثلا .... يعني اقصد ..القصر موجدود بالاغلبية .. صحيح ستجد فتاة طويلة لكن قليل الاغلب من البنات الان قصيرة او متوسطة الطول وربما الطويلة تلبس كعب!!! لكن بما ان الطول ...فرصتة قليلة واذا وجدت طويلة ... من بين القصيرات وهن الاغلب ..هل ستحضى بالاخلاق والادب كما وصفتها ...... بلاخير استخر واستخر واستخر لكن انتبـــــــــــــــــــــــة !!!!! وانتبــــــــــــــــــة !!! وانتبــــــــــــــــــة !!! تاخذة وانت مو مقتنع حرام تعذبة بعدين .......... |
ادآآآمكـ محتار بعد الاستخار !!! وهالامر مشكلة عندكـ
الافضل لكـ وللبنت ...انكـ ماتاخذة والله اعلم |
اقتباس:
وهالبنت شكلها قصيرة مرة :) :) |
يعني البنت قصيره مره
اهم شي صلاة الاستخاره مره وثنتين وثلاث لاتظلم البنت معك اهم شي انك ترتاااااااح |
الأستخاره والله يكتب اللي فيه الخير |
الإستخارة والدعاء ,
واحنا ماراح نفيدك بشئ انت اللي شفته وانت اللي تحكم عليها , والله يوفقك لما فيه الخير لك ولها ... |
هي تقول آخلآق وآدب آهم شي آلآخلآق .. آعرف وآآحد طويل وزوجته طول البنت آللي بسآدس ومآآشآء الله عآآيشين حيآآة سعيده .. بس آنت آستخر لحد مآ تحس آنه قرآرك ثآآبت.. |
اهم شي الستخاره
اذمو مرتح لا تاااااخذه تظلم نفسك وتظلمه الله يكتب الي فيه الخير |
سـ/ قصيرة مررة؟؟
|
شف اول شي لاتقنع نفسك تأخذه اذا مارتحت ريح البنت من اولته يرزقه ربي وانت يرزق ربي اهم شي الرااااحه
ثاااني شي اذا قدر الله واخذته انتبه ,, انتبه ,, انتبه ,, تعاااايره بقصر ترو والله تسبب له عقده نفسيه ... وانا صراحه الي اشوفه عندنا بنات الكليه اغلبهم موب طووول يعني اشكالهم بالمتوسط اغلب الجيل كذا اتمنى لك التوفيق ~~ |
اخوي الغالي:مشعل الليل
الله يوفقك ويدلك على مافيه خير لك في دينك ودنياك... اما عن موضوعك فليس باعتقادي انه مكان مناسب لهذا الطرح ،لان الموضوع راجع لك ولارتياحك تجاه (بنت الاجواد) فلن تجدي معك كثرة الردود او قلتها بل الكثره سوف تزيد بنظري من توترك ... ووجه امرك إلى من يعلم الخيرة لك ولعباده ... اخي :.. استخر مرة واثنتين وعشره وانظر لنسبة ارتياحك قبل وبعد الاستخاره .. فليس الامر لقصر او ماشبه ذلك من حسن وغيره...الامر راجع لك ومدى قبولك بها.. اخي (لن تجد كامل مكمل ) ..(فااضفر بذات الدين تربت يداك)...الله يرزقنا اتباع الهدى وينير قلوبنا قبل ابصارنا تحياتي لك... وانا بخدمتك على الخاص اخي إن اردت اي استفسار |
انا طولي 165 سم واحس اني عملاق عندها ...
طولها تقريباً 140 سم ... |
اقتباس:
مشكور على ردك اخوي الكريم ... وبصراحة لاتلومني على الطرح بصراحة اني ادور احد يرد لي الصوت حتى لو ينتقدني اهم شي يعرف وش جواي ... الله يعلم اني ابي البنت بس فيه شي جواي ودي اقوله ... فيه امور انا مااعرفها بحكم قل خبرتي يعني انا كنت ابي موظفة وبعد استشارات عرفت ان الموظفة فيها عيوب كثيرة .. استفتدت ممن قدم لي المشورة .. والان عندي بس هذا التساؤل هل القصر عيب .... والله ودي اسمع كلام يطمن قلبي اقسم بالله اني خايف اني اتركها لانها ماتتفوت ثم أندم وأخاف أقبل فيها وبعدين أندم ... طرحت الموضوع في منتديات كثير والحمدلله ان هذا المنتدى اكثر ردود جزاكم الله خير يااهل بريدة ... على فكرة انا من الرياض ... بس شف الواحد لما تضيق به نفسه مايدري وش يسوي ... ياليت يااخي الكريم تدعيلي بظهر الغيب ... |
اخوي ارسلتك رساله على الخاص ارجو الاطلاع عليها
|
بارك الله فيكم نصيحة لكل شاب وشابة قد تعيقه الافكار التي رسمها قبل زواجه فترى ويرى ويريد وتريد كما ترى وكما يرى ... وأحيانا يكون التنازل من أحد الطرفين صلحا لحسم الموقف واتخاذ القرار لكن تبقى خيرة الله سبحانه للعبد خيرا من خيرته لنفسه فاستخر وأقدم وإذا ( عزمت فتوكل على الله ) ولاتنظر من باب واحد وانظر من ابواب متفرقة فالدين وارزانة والعقل أبواب والقصر بار واحد وايهما ترجح فاسلكه (نصحية) من الفتيات او الشباب من يرفض البنت لعيب واحد ثم يبحث عن ثانية او تنتظر خاطبا آخر فيحصل وتحصل على أقل من الاول وهكذا والعمر يسير والهموم تتراكم ونخشى أن يبنى البيت بلبنات تعكرها الانات |
القصر رمز للانوثه ..و140 ..جيده مقارنه بطولك..
انا اقول توكل على الله .. الزوجه بمضمونها..لا بشكلها.. |
بصراحة موضوعك محير لكن دائما المتردد في جميع الأمور يكون عكسي ويدخل فيه الوسواس
فأجعل في نفسك في جميع الأمور جواب نهائي وليس تردد لان التردد يجيب القلق والتعب والشقا |
الدين زين .. و وين تحصل وحده حافظه 20 جزء مشاء الله .. والله اني احسدك .. يقولك ( عصفور باليد .. ولا عشره بالشجره ) تراه فرصه .. لا تخسرها .. الله يوفقك .. ويهنيك .. ويخلي بالك مرتاح قل امين .. |
السلام عليكم
اخوي اذا انت الطول عندك مرررره مهم ولا تقدر تتجاوز الموضوع ....فخلاص استخير واصرف نظر على فكره تراه جد الزين مايكمل ..يعني كل بنت بتلقى فيها عيب ماراح تجيك مفصله .. اهم شي انه يوم شفتها ارتحت وما انقبض قلبك او حسيت بضيقه وكتمه يوم شفتها .. على فكره انت مو طويل مررره يعني عادي طولك احسها مناسبه لك ..يعني لو انت من 170 وفوق صدق اقول قصيره بالنسبه لك تقبل مروري |
الله يوفقك
|
القصر موعيب وعلى قولتك اخلاق ليش لا الله يوفقك يارب
|
بكل صراحة كنت ناوي ارد عليك رد قاسيلكن لما عرفت انك من الرياض تراجعت
لكن اتمنى ماتكون البنت من بريدة ، اخاف تكون من الاعضاء او زوار المنتدى وتقرا موضوعك المهم انت داخل على زواج وحياة جديدة فلازم يكون لك الراي وليس لغيرك ، وانتبه من الان وطالع مو كل شيء تستشير فيه الغير ثم ياعريسنا تعيب على البنت قصرها وانت بنفسك قصير ، واذا تسال عن العيب من ناحية نظرة الناس واذا جلست تمشي معها ، فهنا اقول لاتتزوج افضل وبدون زعل لكن اذا تسال عن العيب مستقبلا بمعنى تاثيرة على الابناء فهنا اقولك يعتبر مشكلة ولا نقول عيب وبالاخص اذا كان اخوتها واخوتك جميعهم متقاربين من طولكما فاعتقد ابنائك بيكونوا قصار والله اعلم ، لكن اقول هالكلام من واقع اقارب لي اخيرا ،،، اذا قصرها مسبب لك هم وحيرة من الان فنصيحة لك ولوجه الله اصرف نظر عنها افضل لك ولها ، اما اذا انت واثق من نفسك وان مسالة القصر لن تشغل تفكيرك مستقبلا اذا تم الزواج فتوكل على الله وتزوجها وهناك نقطة مهمة جدا ، احذر احذر من الوسواس ولا تجعل لشيطان طريق بينكما |
اعتقد ان البنت قصيرة >> بالنسبه لي ..
لكن معليش انت بعد تراك قصير .. والفرق بينكم معقول ( مايتعدا شبر).. وانا اقولك بما انه لم يخبرك احد بانها قصيرة .. يعني فيما معناهـ ان قصرها طبيعي بالنسبه للنساء .. ومع ذلك يااخي الكريم لاتطمح بان تلقى فتاة كامله في الجمال .. فالفتيات قليل فيهن الجميل .. فانا انصحك بانه اذا كان رأسها يصل الى كتفك .. فاستعن بالله وتوكل ووافق عليها .. واجعل نيتك خالصةً لوجهه الكريم وستتيسر امورك .. >>>>>>> الف الف مبروك ومنه العيال ومنك المال وحياة سعيدة اتمناهـ لكم <<<<<<<<< |
اممممممم احساسي يقول انك مو صادق .....واذا كنت صادق فغريب رجال يعرض امور خاصة بالنت وانت تدري مين الي خلف الشاشة
مين ؟ عمرة كم؟ اخلاقة ؟ جنسيتة ؟؟ انطباعاتة ( كل مجتمع لة عادات تختلف ) ؟؟؟؟ صحيح بتأخذ راي احد ماتدري مين !! ولا تدري وين !! ماينفع تسذا ابد.....استشر اهل الاختصاص من المقربين لك هم اعرف بشخصيتك يعرفون هل انت متردد او لا ؟ ويقيّسون على حسب طبعك :: واذا ماعندك مقربين ينفعون للاستشارات ...فالمختصين التربويون كثّر ولله الحمد وعندهم مكاتب وارقام ... اشرح شخصيتك وحالتك لهم بالاتصال ويدلّونك على الصائب ..... ...................... وبما ان كل الاعضاء عطوك رايهم فـ (أنا)....... ابقول رأي " " " " " القصيرة املح توحي بالانوثة ولا تبي قدامك لاعب كرة سلة خخخخخخخخ والله قهر بنت اجاويد +اخلاق + ادب + حفظ قرااااااااااااااااان نعممممممممممممممممة احمد ربك وين تلاقي بنت بهالاوصاااااف انتبة تاخذة إذا كنت بتعذبة يبدو انك راعي تردد ...الله يعينكـ،،، ويختار لك مافية خيرة |
أخوي مشعل أتمنى تطلع من الموضوع أو تطلب من الادارة حذفه وقسم كل الاعضاء ردودهم بتزيدك حيرة على حيرتك أصلن كيف أنت تكتب مثل كذا هذي أمور شخصيه خاصة فيك مهما تكلمنا حنا وعطيناك الرأي ماراح نكون مثلك يالي شفته بنفسكـــ أنا مع رد العضوه قماشة والعضو الرجم العالي:41 اقتباس:
|
والله يااخوي هذي حياة ولاتتعب بنت الناس معك
احسم الموضوع بشكل قاطع اسمع اذا الفرق بينكم اكثر من 10 سم فهذا فرق كبير برأيي يمكن تراه بنفسك عيب ويعدي لكن لاتترك المشكلة للمستقبل لاتحتار خذ ورقة معك واكتب النسبة من خلال ماتحس فيه اذا كانت نسبة عدمرغبتك فيها اكثر من 51 % فالبنات ماليات البيوت ولاتظلم نفسك وتظلم بنت الناس معك واسال اهلك عنها اما اذا كنت مرتاح فلاتتردد وانت شف نظرتك لهالعيب هل هو برأيك اساسي او ثانوي؟؟ |
دين وخلق .. !
توكل على الله بس وتزوج ولا تنس تعزمنا .. :) القصر ليس عيباً يكفي أنها ذات دين وخلق .. |
اقتباس:
|
وش دعو تبيها طويله عندكم مزرعه تبونها تخرف النخل
|
اقتباس:
ما عليك كثير مثلك يحتار ويصاب بالتردد في مثل هذه الأمور .. وأمور أخرى أولاً : وقبل كل شي واصل الاستخارة ولا عليك إن شاء الله .. << وحاول تتبع راحة قلبك .. ويا أخوي الزوجة المكتوبة المقدرة لك راح تاخذها غصب عليك وغصب عليها وعلى أهلها وأهلك كمان :) .. وإذا ضليت محتار معليش حاول تأجل الرد عليهم أشوي حتى تثبت نفسك .. أهم شي لا تستعجل يا بعدي . وتراه ما يمنع إنك تطلب منهم شوفتها مره ثانية لعلك بعدها إن شاء الله تتخذ قرار نهائي وأنت مرتاح .. وأرى أن التناسب مطلوب .. الله يوفقك بالخيرة المباركة ويرزقك الزوجة الصالحة الطيبة الحنونة يا رب .. |
الله يكون بعونك استخير واستخير اكثر من مره
واذا قررت الموافقه الله يوفقكم واذا قررت الرفض وضح السبب لولي امرها انهاا مافيهااا عيب ولا شي بس انت تبي طويله ,الصراحه راحه وافضل لكم كلكم الله يكتب لك الخيرة المباركه والجميع |
عادي اخوي بلعكس الحين اشوف كثير يدورون قصيره
ومادام مشألله متدينه وحافظه من القران زين وحس ان الطول لرجال والقصر للنساء الان بزماننا قليل تلقا مثله الله يوفقك |
استخر وبعد كذا
هي جميله اذا انه جميله واخلاقه عاليه يكككفي لاتصير مشكلتك الققصر لاتتأخر ع اهلها ب الرد |
الله يكتب لك الخيره
|
الله يجزاكم خير ماقصرتوا ويارب يكون كل حرف كتبتموه في ميزان حسناتكم
|
الله يكتب لك اللي فيه خير وخيره
|
| الساعة الآن +4: 12:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.