|
بريده انتي : الاجمل . والامثل . والاروع .
السلام عليكم ورحمة الله وبركاته
انا بصراحه كتبت الموضوع هذا لاني شفت كل الاشياء هذي ببريده يالبى قلب قلبها . والصراحه مستغرب من الي ينقد بريده باشياء مالها داعي وليست هادفه واستغرب من الي مؤيدين له . الاجمل : الحمد لله بريده كانت صراحه مافيها شي وانا اعترف بهذا بس الان اكبر المجمعات فيها واكبر حديقه بشرف الاوسط حديقة الملك عبد الله فيها وبدينا نشوف حدائق اكثر احياء بريده وبدينا نشوف تحسين الشوارع من ناحية الزهور والاشجار . الامثل : الحمد لله لك يارب معروفين اهل بريده بطيبه والكرم و(الدين) والحمد لله اكبر العلاماء من القصيم واكبر المسؤلين من بريده والتجار من بريده ولا احد يقدر ينكر هذا . الاروع : اما من ناحية المساعدات سواء الحوادث او مساعدات الي من برى الديره الحمد لله اهل بريده مايبخلون ابد ابد وانا يعني شفت ناس اقارب لي يقولون فيكم طبع ماشاء لله اذا سالنا احد نبي غرض يا اما يقول الحقون او يوصف او يعطينا رقمه يقول اي شي تبونه قولو لي . بطلب طلبين من الاعضاء الي يبي يردون على الموضوع : 1_ انا اتقبل النقد وانا ماكتبت الموضوع الا ابي النقد بس بحترام والنقد هادف اذا ممكن من بعد اذنكم 2_ ارجو من الجميع لا يطلعون من صلب الموضوع ولكم خالص التحيه واتمنى التوفيق للجميع ,,,,,,,, |
حسيت إنك تهرج عن هونغ كونغ ,’
اجل اكبر الحدائق بالشرق الأوسط , ... ياليلادانا يالدانا |
لآ تعليـــــــــــــــــــــق ;)
أجل (( الاجمل..والامثل..والاروع )) |
ايه كثر منه بس
بعيونـك زينه ولا مابه زود > . > |
الحمد الله علي كل حال والشى ما يكمل فيها الشوارع تبي ترميم وتنظيف |
وآآآضح . . والدليل نظآآفتهم الزآآيدهـ و لا حدآآئقهم م فيها نووور حنآ كلنآ نحب بريدتنآآ لكن نريد عنآآآية أكثر بوووركـ ب الجميع |
بريدة جميلة بكل مآفيهآ ..
لكن لآ انكر انه لا بد من عناية اكثر ! بوركت |
انا لن اتكلم عن شكل بريدة الخارجي لكن ابتكلم عن السكان موقف هو الحكم: احد اقربائنا كان جاي من الرياض وعلى الدائري كان فيه شايب واقف يصلح كفر سيارته جاء قريبنا وقف يبي يساعدة وكان معة اهله نزل الرجال يبي يساعد الشايب وصلح السيارة الشايب يسولف يقول انا من حايل ابمشي لحايل وانفقع الكفر المهم سائل قريبنا انت من بريدة قال لا قال اجل من الرياض قال لا قال الشايب والله اني حاس لان اهل بريدة مابههم منفعه... اهل حايل هم اللي قالوا موب انااااا :d:d:d |
الله يعطي العافيه على كل من شارك بنقد هادف
واستغرب من الناس الي ينكتون والمشكله كاتب في اخر شي طلبين بس ماقول شي هذي تربيتهم والي متربين عليه ارفع ايديني |
بارك الله فيكم توجيهي للجميع العين على ماتقع لو اشتغلنا بمعالي الامور لم تهمنا سفاسفها قالوا ماقالوا : والله لاأذكر أن احدا من الصحابة ولامن السلف ولامن اصحاب المبادئ ولا اصحاب العقول اخرج شعر او نثرا أو سطرا مقال يسب ويشتم بشعبه أو بلدته قل خيرا او اصمت تعليقا على صلب الموضوع نعم المدينة عشت فيها والتحدث بنعمة الله واجب فاللم لك الحمد والشكر ولا أنكر أن لكل مدينة ضمت خيرا أو شرا وفقكم الله |
اقتباس:
كلامك صحيح بس ياختي اصابع ايديك وهن في يديك ماهو وحده مثل مافيه الي ماينفع فيه الي ماينفع ويعطيك العافيه على المشاركه |
اقتباس:
|
اقتباس:
اهنيك والله على كلامك . والله يجعل والديك بالجنه الي ربوك على هذي التربيه |
اقتباس:
|
هم رعيين فزعه ونخوه
ولا يحبون الاشاعات ونقل الهرج ويتدخلون بالناس بالصغيره والكبيره هرجتهم اذا اجتمعو هذي تطلقت وهذي رجلها سجن وهذا مديون وهذولا تجار وهذا وهذا مهناااش رقي طبعا اتكلم عن شريحه معينه ببريده وبزياده عندهم عن غيرهم اللهم لك الحمد حتى ترضى |
صحيح ونسيت حاجه
فيهم طبع غريب اذا وصلت تكنلوجيا او شي غير معتاد سواء استخدامه او لبسه او اي شي يستنكرونه ويقلبون الدنيا عليه كلها غشامه وجهل وثم يعتادون عليها وبعد فتره يستخدمونه ويقولون وش نسوي خلينا مع العالم ولابعد فيهم صفه خخخخ يحسون كلن كافر الا هم الي يسمع اغاني يكفرونه والي يلبس تيشيرت يكفرونه والي معه بلاك داشر بس الدين ببريده وفيهم عصبيه تجاه احد يتكلم عن بريده وحاله |
كثير من اللي ردوا ردودهم سخرية بمعنى انهم يستهزئون بأهلم بشكل خااااااااااااااص واهل بريدة بشكل عام طيب خلاص خلونا نستفيد من اخطاء(اهل بريدة)مثل ماتقولون ولا نكرره .. وصاحب الموضوع نظرته ايجابيه وصار يقول التحسينات اللي صارت ..مو معقولة تبون بريدة بليلة وضحاها تنتقل من الصفر للاكمال المطلق
|
| الساعة الآن +4: 11:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.