مستشفى الولاده ببريدة ......؟
 

سم الله الرحمن الرحيم
السلام عليكم ورحمة الله وبركاته .

في يوم الأربعاء19_08_1432هـ ذهبت إلى مستشفى الولادة في الساعة 12,00 ليلاً للكشف على ابنتي فاستلمت ورقة أنتظار رقم 191 وكان عن الدكتور رقم 169 وكان لا يوجد في المستفى إلى دكتور واحد فقط وكان المرضى أكثر من 40 مريض فجلسة حتى الساعة 3,15ليلاً حتى يتسنى لي الدخول للدكتور للكشف على ابنتي رغم أن ابنتي كانت مصابة نزلة معوية وكانت كل هذه الفترة (تتقيئ وتسهل) وكانت ملابسها كلاها متسخة ولايوجد أحد تتكلم معه وكان المرضى (الأطفال) يبكون ويصرخون والأباء لا حول ولاقوة لهم وعن الساعة الخامسة صباحاً صرخ أباء الأطفال يشتكون الإنتظار الطويل حتى على الصراخ في المشفى
فإلى متى التقصير والإهمال ...؟

والله معندك احد اهمال عينك عينك حسبي الله ونعم الوكيل

الله يجعله يعتلق (آآآمييين)

والله ياخوي الشرهه عليك لو اني منك كان رحت لمستوصف اهلي احسن وانظف وآمن بإذن الله لي احسن من هالقذرين

المشكلة أن هذا المستشفى محسوب على اهالي بريدة

وجود دكتور واحد مناوب مع عدد المرض المتزايد في ظل وقت عرف به إنتشار فايروس التقيء و الإسهال

يعتبر فشل من إدارة المستشفى أولا قبل فشل الدكتور في معالجة الإنتظار المطول أمام العيادة

.... بعد ذهابي يوم الأربعاء وفحص ابنتي وصفت لي الدكتورة العلاج وفوجئت بأن ابنتي تزداد سوء بعد إعطائها العلاج فذهبت فجر يوم الجمعة 21_08_1432هـ إلى المستشفى فقال لي دكتور آخر أن أبنتك لديها جفاف شديد فلا بد من إجراء تحاليل الأملاح و... و..., و.... وغير ذلك ثم بعد ساعتان من الانتظار انتهى دوام الدكتورة وقال لي الدكتور الآخر أن الدكتورة التي قبلي أخطأت في التحاليل لا بد من إجراء تحاليل وأن ابتك ليس لديها جفاف ولكن لديها زيادة في الأملاح وبعد ذلك أمر بتحاليل فأخذت أوراق ابنتي بعدالمراوغة مع الدكتور والممرضة ومنعهم أن أخذ الأوراق وذهبت إلى مدير الطوارئ وشرحت له ماحدث أنني أتيت البارحة حتى هذه الساعة فقال لا تأخذ بكلام الدكتور فقلت له عجباً لا أخذ كلام الدكتور وأنتم وضعتوهم لكي أخذ كلامهم أو ليقتلوا ابنتي فقال ماذا تريد قلت له لماذا أتيت إلى هنا ولماذا أنتم فتحتم هذا المستشفى إلى لتشخصوا حالة ابنتي فأمر أحد الأخصائية بالحضور وكشف على ابنتي وقال إن حالتها خيرة لا بد من تنويمها والقيام بعلجها فوراً لأنها نقص لديها السوائل ولديها جفاف أدى إلى تجمد الدم في عروقها عجباً للمسؤولين ولمن يعالج المرضى كيف يأمر بأمر يجهله حسبي الله ونعم الوكيل .

أحبيتي خذو حذركم ولا تضعوا أبنائكم بين يدي جهال لا يعلمون من الطب شيء .

^^^^

حسبي الله عليهم

مالكم الا المستوصفات الأهلية للي قادر عليهن

مستشفى الولادة خاااايس قريبتي حامل بالشهر التاسع وراحت تأخذ إشاعة تقول يوم اخذت اشاعه
تقول أشهقت الدكتوره وقلت وش فيه ؟؟؟؟

قالت للمرضات الثانيات تعالن شوفن ويشهقن ثاااانيه ؟؟؟؟؟

تقول وقعدت اصيح :eek5 ولا علمنه بشي

قالوا روحي للطوارئ يوم اكشفوا عليه قالوا سليم مافيه شي :confused:

هذا مستشفى اللي يروح لمه يطلع يصيح وحلفت ماتروح له واولدت مستوصف أهلي

حسبي الله ونعم الوكيـل ،، ماهمهم أرواح النآس
.

والله ان اختي الصغيره الله يشفعبه اول ماولدت كانت به مويات بالراس المهم حطوه بالحضانة طبعا الحضانة مايدخله الا والدين المولود المهم وديت امي للمستشفى يوم من الايام يوم رجعت وحلفت علي انهم قاعدين يصبغون بوية بغرف الحضانة وان بنتي كل يوم بغرفة المشكلة وهالبزارين كلهم بوسط الغرفة اللي يصبغبه معقوله..! اهمال اهمال اهمال

اجانب ولقوا شي يتحكمون به قالو وش ذا حسه
لاحسيب ولارقيب
الله المستعان

الله يكون بعونك يارب
ايه هو صدز اللي مطفر يحول وش يسوي =(

الادارة فاشلة جدا والاداريين فاشلين وليسوا كفء لادارة مثل هذا المستشفى ولكنها الواسطة وهذا ولدنا ,,,
مستشفى يخدم منطقة القصيم كاملة وطاقم النظافة وطاقم التمريض وطاقم الاطباء فيه كلهم هنود ومن اردى النوعيات ماذا ننتظر منه .
هذا المستشفى وضع لكي يتعلم فيه الاطباء الهنود والبنقاليه وغيرهم الطب على حساب صحتنا وصحة أبنائنا وحسبنا الله ونعم الوكيل .

ربي يعين بس

جايب حل يعني؟؟؟؟؟؟؟

فيه ناس ما تقدر على الأهلي ،،،

حسبنا الله ونعم الوكيل على من تهاون بأداء الأمانة

والله لا يوفق ولا يربح من يضف لنا من هالدكاترة الخايسين

والله اني وديت بنتي حراره 40وقالولي بعد مانزلت الحراره خالص روحي لبيت ويوم جيت اطلع ارتفعت الحراره وقالو تنويم وبعد معانات اتت الي الممرضه تقول لازم ناخذ تحاليل ونبي ناخذ سائل من النخع فرفضت ان يخذون واصرو علي واصريت علا الرفض وبعدما اتا الاستشاري حاول اقناعي ولماسالته لو كانت ابنتك هذه المريضه تجعلهم يخذون منها السائل فاجاب بقولته لا الا اذا استدعت حالتها فقلت طيب بنتي تستدعي حالته فاجاب انا مادري بس الدكتو يقول لازم ناخذه وتدرون منهو الدكتو طالب تطبيق ويقول عادي اليوم ماخذه لي طفل عمره يوم بعدماقلت هذا عمره يوم مايندر وش عقبته قال لو مايجيك الا الاجر علشان اخوانك الطباء يطبقون فرفضت بشده ولماذهبت لغرفت التنويم سمعت احدى المرفقات مع ابنها تقول ابنت عمي قبل اسبوعين طلبو منها ان يخذو سائل من النخاع وبعد ها نقص الاكسجين واجخلت العنايه المركزه وبعد ثلاثات ايام توفيت /ياالله الي هذا الحد اطفالنا مجسمات يتعلمون عليها ام خرفان او ماذا......‏?‏

الله يخلف ماعندنا ولي مصلح

يمن المرررررض


والله يشفي بنيك

يا عزيزي انا ما فهمتلك الفشل من الاداره ام من الصحه تقول اداره فاشله ولا هم كفو لئن الاطباء هنود وبنقاليه انا اخبر ان الي يطلبو اطباء نفس وزارة الصحه وليس ادارة المستشفى وكما قلت يخدم منطقة القصيم ولا يوجد الا طبيب واحد بالطواريء يعني الي فهمة منه ان الخلل من وزارة الصحه نفسها

ادارة المستشفى هي سبب فشل هذا المستشفى وليس وزارة الصحة ,,, وزارة الصحة وفرة كل الامكانيات ولكن الادارة فاشلة ,,, اغلب الاداريين للاسف بالواسطة وكانوا حراس أمن ,, وليس عيبا في رجال الامن ولكن ليس هذا موقعهم ,, ودليل الفوضى والاهمال تجدها من يوم تدخل مع بوابة المستشفى فلايوجد أمن ولا حراسة والسيارات تقف فوق الارصفة ومنظر يدل على من يدير هذا المستشفى الكسيح .

مستشفى فاشل بكل ماتحمله الكلمة

لاكن الله يبدل الادارة السيئة بادارة صالحة حسنة

شكرآ

ياناس لاتدورون غير المستشفيات الاهليه للقادرين !!

لي قريب كبير في السن .عمره مايقارب ال70 ,,رحنآ زياره لمه ,,لقينآ مافي احد ملقي له بآل ,,,قلنآ للمرضين ليش تحطونه بهذا الحال؟ قالوآ هذا 5 يوم وبعدين موووت !! الله لايوفقهم

حسبي الله ونعم الوكيل ..

لي قريب وبمستشفى الولاده والاطفال وشلون احله وشلون وشلون (لا شكله يتسذب) لالا رجل ذا ما يتسذب وشلون تجي وشلون تجي ايه صح اصلن ولا اقول مادري وشلون