|
يا عمااااااار المساجد هل تؤيدون أم لا تؤيدون
بسم الله الرحمن الرحيم
أعزائي الأعضاء تعلمون ما لمساجد الله من حرمة وتعلمون أن مكانها معظم وهي أفضل البقاع إلى الله ولذلك وبدون مقدمة كان من الأجدر بالجميع احترامها والسعي لتحسينها والوقوف على كل ما تحتاجه لاسيما والله سبحانه وتعالى يقول (( ومن أظلم ممن منع مساجد الله أن يذكر فيها اسمه وسعى في خرابها .. أولئك ما كان لهم أن يدخلوها إلا خائفين لهم في الدنيا خزي ولهم في الأخرة عذاب عظيم ) !! فهل تؤيدون إحضار الأطفال للمسجد وهم دون سن السادسة مثلا أو الخامسة !! خاصة أن بعضهم قد يؤذي وبعضهم أكرمهم الله من إيذائه قد يتبول في المسجد !! وقد يفسد أو يخرب بعض الأشياء في المسجد .. ثم من المسؤول عن هذا !! المسؤولية تقع على الإمام فقط والناس يتكلمون فيه وأنه وأنه لا يهتم بالمسجد وما إلى ذلك !! إضافة إلى أن حضورهم للمسجد يذهب بخشوع المصلين !! الأسطر الأخيرة تمثل رأيي فما رأيكم أنتم !! وهل تؤيدون أن يقوم الإمام مثلا بوضع حارس أمام مصلى النساء للحد من عبث الأطفال في المسجد ؟!!!! لا سيما كما قلنا أن كل خراب في المسجد المسؤول عنه الإمام وهو من يبحث عن إصلاح كل خلل أو عطل يتسبب به الأطفال والتكاليف يتحملها الإمام وحده فقط فقط فقط !! تحياتي لكم |
موضوع شيق وجميل ويستحق العناية والنظر وهذه الحركة سواها مسجد المعيوف في الحي الأخضر أكثر من مرة من ثلاثة أعوام وبصراحة لاقت استحسان أكثر من 99% من جماعة المسجد ياليت كل المساجد تحذو حذوه الأطفال ما منهم فايدة ولا شيء بس إزعاج وتخريب على غير سنع |
كلام سليييييم
والله العظيم هالايام اهوجس في الموضوع هذا,,,,وبصراحةلا اؤيد |
الاطفال يلعبون بالمسجد في وقت رسول الله صلى الله عليه وسلم
والحسن والحسين صعدى على ظهر رسول الله وهو يصلي وأطال السجود بالصحابة أطفالنا شمعة تنير مساجدنا وحضورهم تربية لهم على الصلاة والحل من الازعاج : 1- مراقبة أولياءهم 2- وضع شاب يسجل اللعابين ويتابعون بعد الصلاة 3- وضع حوافز لمن يصلي التراويح كاملة وهكذا |
ترجع الى تربية الاب لابنائه
|
قسم بالله مأؤيد ابدن ابدن انا من النساء اللاتي يذهبن للمسجد قسم اني وانا ساجده ادعي على اللي بجنبي استغفرالله يااما ولده يرقى على رقبتي والا الحفاضه اكرمكم الله تصرع هذا غير اللي تجيب الشعب كله صياح أند ضرب اند عدم خشوع واذا قلت له اركدي ببيتس أأذيتي المسلمين اللي مثلس الأجر بالبيت يااما تسفهك ؟ يااما تقول وين صك ابوس بهالمسجد ؟ يعني كل الحالتين تحسب جيته افضل مع اني اجزم انه لو انثبرت ببيته كان احسن له من دعاوي المسلمين اللي مااقدرو يخشعون من بزارينه ةشكرا
|
ليتهم يفهمون ، نتعب منهم احيانا اقول الله يستر مايفغصون راسي >>> اسمحوالي إذا سجد الامام اخذوا ركض على روسنا ودنا ندعي نحس بخشوع مانصدق يرفع ، والله حاااله منهم ، فكرة الحارس ممتازة . |
الشرهة على الذينيحضرون ألادهم وهم يعلمون أنهم مشاغبون واثم أذيتهم على من أحضرهم وكذلك النساء نفس الشيئ...........
|
فعلاً شي مؤسف والمفروض الأمام او المؤذن ينهى الآباء عن إحضار الاطفال للمساجد مسجدنا يشدد جداً على الاطفال الله يجزاهم خير |
اقتباس:
وقت الرسول عليه السلام ما كان فيه مكيفات وفرشات تغسل وأبو 7 سنين يعتبر رجل صح ؟ الشيء الثاني إذا خرب مكيف أو وسخت فرشة هل أنت مستعد مثلا لإصلاحها ؟ الشيء الثالث قبل العام في مسجدنا أحرقت منارة المسجد !!!!!!!!!!!!!! :eek: الشيء الرابع وضع حوافز لمن يصلي التراويح خطأ تربوي كبير جدا لأن الشيء هذا بيكون منقطع ولأن الشيء هذا يورث تعلق الأطفال كل شيء بمقابل مادي :) |
اقتباس:
الأطفال فيهم المتربي واللي ممكن يصلي بجانب (((( والده )))) فقط بدون أن يؤذي والبقية يمهل أولاده لأنه يريد أن يخشع هو فقط ولا يهم غيره |
اقتباس:
:d تصدقين ما أدري أنتي مؤيدة ولا لا كيف كلام سليم وبعدين تقولين لا أويد ؟!!! وضحي أختي لا هنتي |
مايقهرك الا الي يشوف ولده يلعب ولا يقول له شيء ..! العام بصلاة التراويح .. واحد مصري معه ولده .. وحنا بالصلاة الولد يلعب بين الصفين ويرقى على المصاحف ويقعد عليهن .. وابوه ساكت .. يوم خلصنا الركعتين كرشوه الجماعة .. |
اقتباس:
:confused: أنت مع ولا ضد ياخوووي ؟ |
اقتباس:
أختي أفهم من كلامك إنك مؤيدة لإحضار حارس أمن يمنع دخول الأطفال مصلى النساء ؟ |
انا من رأيي إن الاطفال مايجابون للمساجد
خاصة تحت سبع سنوات :oo ت وامهم تقعد معهم بالبيت آجر له وتصلي بالبيت ( وبيوتهن خير لهن ) وتفك الناس من إزعاجهم |
اقتباس:
البزر ما يدرك قبل سن 7 عاد كيف يفهم والبزر إذا ما ربي على الأخلاق الحميدة والاحترام وإذا ما ربي على تعظيم بيت الله ما راح يعظم بيت الله وبيلعب ويسوي كل شيء (( وينشأ ناشئ الفتيان فينا **** على ما كان عوده أبوه )) |
اقتباس:
أكيد اللي جابوهم عليهم الشرهة أباء وأمهات الأطفال لكن حتى لو كان المقصد من الموضوع كله هل تؤيد إحضار حارس أمن لمنع الأطفال من مصلى النساء مثلا ؟ |
بالنسبة للنســاء..
لا تستطيع أن تحضر للمسجد وتترك أولاده في البيت.! |
في مسجد بحارتنا دايم ازعاج وسويت جوائز قلت
الشروط الصلاة التراويح سويت الجوائز فلوس وصار المسجد مافيه ازعااج وهاذي حكمه انا قلتها لاولياء الامور علموهم من سبع واضربوهم من10 علشان ماينتشر الازعاج بالمساجد الثانيه |
اقتباس:
بعض الأباء يهملون أبنائهم ويخلونهم أمس مسجدنا يتحالتوا بالحجارة بالمسجد ولعب وصاير مسرح مصلى النساء والمشكلة أمهاتهم تشوف وساكته مدري هي فرحانه بإزعاج المصليات وإلا إيش ؟ |
اقتباس:
:d ما يقدر يلعب الحين البزر قدام أبوه بمصلى الرجال لأن أبوه يخاف يدعون عليه المصلين قدامه بعكس لو لعب في مصلى النساء |
اقتباس:
يا سلاااااااااااااااااااام عليك ياخي المسجد له اهتمام خاص المفروض نبديه على بيوتنا والاهتمام في بيوتنا لكن البعض المسجد عنده كأنه روضة :oo |
اقتباس:
يعني تجيبهم معها للمسجد ؟ طيب إذا كانت بتروح للعرس أو السوق وين تودي عيالها ؟ شيء من المنطقية يا رجل :) |
اقتباس:
أنا ضد فكرة إعطاؤهم جوائز وتعويدهم عليها لأنه هذا يقتل فيهم جانب الاحتساب والتقييم الذاتي للنفسي ويعوده أن كل شيء بمقابل حتى لو كان لنفسه |
لو كل واحد شاف له بزر يلعب عطاه كف كان ماشفت احد يلعب بعدهـ
لأنه اللي يجي اليوم بيجي بكرا ... |
المفروض يتم التنبيه من قبل الامام
|
والله انك صادق بزران تقل بمدرسه مو مسجد وصراخ بس الجامع الي انا به يحط البزران فوق والحريم الي مامعهن تحت اكيد لازم حارسه اجل كان تصيرفوضى بس البلا بعد حتى بالعيال الي اعمارهم 10 يبدون يضربون بالباب حق الحريم
|
الصراحه فكره حلوه
صدز ان البزران مثل العصافير مايقضبون بس انا واختي المتزوجه بدينا تروح هي يوم وتحط بزرانه عندي وبكرى انا اروح والمبزره عنده .. والله بصراحه فكره حلوه اصلي يوم مع الامام ويوم انا اتروح لحالي الله يتقبل منا ومن الجميييع برآآيفت لأمهات البزران.. تكفن خلن المسلمين ياخذون راحتهم بالصلاة لاصارت راحة المسلم بصلاته شلووون؟؟! وحنا نشوف ازعاج وتخريب ؟! الله يهدي الجميع .. شكرا لك صاحب الموضوع |
والله يابعض الحريم ماعندها أحساس
مابي أدعي عليهم بس ياليت لو يشوفون لهم صرفة |
معليش اخوي انا معك بس برمضان لاكن بعد رمضان انا موايد لان اذا ما جبنا اطفالنا وعلمناهم على المسجد يكبرون ولا يحرصون على المسجد
|
إذا كان الطفل يجلس بجنب والده وهادي مافيه مانع من إحضاره أما إذا كان مشاغب فالبيت أحسن له وأمثاله
|
ليته على كذا وبس انه طفل صغيير ويصلي عادي بس اللي بالمهد تجيب ولده ويقعد يصايح قسم تروح صلاتك ماتدري وش انت قايل ومره بمسجد رحت له اجانب وعيالهم لججه مااصار مسجد ويوايزون بوجيهنا ويضربون شبت تسبد :( الله يهديهم اهنيك على الموضوع |
اقتباس:
|
| الساعة الآن +4: 02:05 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.