|
القصيم يطمس هوية بريدة !!!!!!
باختصار فيه ...... إدارة التربية والتعليم بالقصيم مقرها بريدة ادارة التربية والتعليم بعنيزة مقرها عنيزة ادارة التربية والتعليم بالرس مقرها الرس ادارة التربية والتعليم بالبكيرية مقرها البكيرية طيب وين راح اسم بريدة ؟؟؟؟؟؟:confused::oo:confused::oo وإلي ماهو مصدق , يدخل النت أو يروح لإدارة التعليم ويتأكد بنفسه |
موفنيك القصيم . منتزة القصيم الوطني بالطرفية . امانة منطفة القصيم . مدينة التمور . أقوووووول مدينة بريدة مغيبة عن كل مشروع يخدم المدينة لكن رحم الله الرجال الذين يحبون مدينة بريدة نبت عليهم الرمث في مقابر مدينة بريدة اللهم اغفر لهم وارحمهم وعافهم واعف عنهم |
المدينة الوحيدة من بين مدن المملكة التي تختفي في لوحات الطرق السريعة بمجرد تجاوزك الحدود الإدارية للمنطقة .. ويعوض عنها (القصيم ..!
|
جريدة الجزيرة الأربعاء الموافق 16/3/1428 هـــ
كنت عند أحد الأصدقاء في مدينة الرياض حينما دخل ابنه ذو السنوات الخمس، وبعد أن احتضنته مقبلاً إياه، قال لي ببراءة طفولية: (قل لأبوي يودينا القصيم)، قلت له: (هل تحب القصيم؟)، قال ببراءته ذاتها: (كثير)؛ لألتفت إلى والده مبتسماً، وكأنه قرأ رسالتي، لكنه عقب قائلاً: هل تعرف ما هي (القصيم) التي يقصدها..؟ إنه يعني بيت والدي (جده)؛ بمعنى أن الطفل الصغير اختزل القصيم بمدنه وقراه ببيت جده فقط الذي يقع في حي قديم من أحياء مدينة (بريدة). تذكرت هذه الحادثة وأنا أطالع في كثير من المرات إجراءً غير متعمد لمدينة بريدة، حتى بات لفظ القصيم يقترن بداهة بمدينة بريدة؛ حيث تسمى بقية المدن بأسمائها (عنيزة، الرس، البكيرية... إلخ)، لكن حينما يرد لفظ القصيم يتبادر إلى الذهن مدينة بريدة، وهذا الأمر لم يأت من فراغ، بل ثمة أمور ساهمت في هذا الشيء الذي يعني باختصار اختفاء اسم كلمة بريدة في كثير من تعاملات من هم خارجها - على الأقل -، وكمثال على ذلك، فإنه في منطقة القصيم ثلاث إدارات تعليم رئيسة (تعليم القصيم، تعليم عنيزة، تعليم الرس)، وتعليم القصيم مقره في بريدة، كذلك في كل مدينة من مدن المنطقة (بلدية) تنسب إلى المدينة، أما في بريدة فلا وجود لاسم (بلدية بريدة)، بل (أمانة منطقة القصيم)، والأمثلة على ذلك كثيرة في غالب الدوائر الحكومية في المنطقة. وأذكر أن مدينة الحجاج كانت تحمل تسميات كثيرة لجهات حكومية عاملة بخدمة الحجاج؛ (... في عنيزة)، (... في الرس)، بينما لم يكن هناك وجود لمفردة (... في بريدة)، بل (... بالقصيم)، وحتى الفندق التحفة المعمارية الفريدة الذي احتضنته مدينة (بريدة) قبل عامين، ومثل نقلة في الخدمة الفندقية ذات النجوم الخمسة استكثر عليه أن يحمل (... بريدة)، ليحمل اسم (... القصيم)، رغم أنه يقع في حيّ من أحياء بريدة..!! وقدمت في بداية المقال أن هذا (الإخفاء) الذي يطال مدينة بريدة جاء ثمناً دفعته، وتدفعه مدينة بريدة؛ كونها المدينة الأكبر في المنطقة، ويتواجد فيها مقر إمارة منطقة القصم، وتتواجد فيها غالبية الدوائر الحكومية الرئيسية، التي ما أن تفتح لها فرعاً أو إدارة في مدينة أخرى إلا وتحمل اسم تلك المدينة، بينما يبقى الاسم في بريدة حاملاً الاسم الأساس (القصيم)، وهذا ما يحدث في جلّ الدوائر الحكومية من التعليم والبلديات والأمن، بل حتى بعض مؤسسات القطاع الخاص التي كان تواجدها بداية قبل سنوات في بريدة فقط، ولكونها تتوجه لأبناء منطقة القصيم قاطبةً كانت تنهي تسميتها ب(القصيم)، ومع فتح فروع في مدن أخرى بقي فرع (بريدة) يحمل اسم (القصيم)، وسميت الفروع الأخرى بأسماء المدن التي افتتحت فيها. نعم بريدة تدفع ضريبة كونها الأكبر في المنطقة بحسب آخر إحصاء للتعداد السكاني عام 1425هـ، سواء في عدد السكان أو المساكن؛ حيث احتلت مدينة بريدة المركز الأول بين مدن منطقة القصيم في النتائج الأولية لنتائج التعداد العام للسكان والمساكن عام 1425هـ، حيث بلغ عدد سكان مدينة بريدة 505.845 نسمة، منهم 408.890 نسمة سعوديون، و96.955 نسمة غير سعوديين. وجاءت مدينة عنيزة في المركز الثاني بعدد 138.531 نسمة، 103.023 سعوديون و35.328 نسمة غير سعوديين، ثم مدينة الرس بعدد 116.164 نسمة، منهم 94.582 نسمة سعوديون، و21.582 نسمة غير سعوديين، ثم مدينة المذنب بـ37.167 نسمة، منهم 30.214 سعوديون، و6953 نسمة غير سعوديين، كما بلغت أعداد المساكن المشغولة بمنطقة القصيم 176.210 مسكنا، جاءت نسبتها الأكبر في مدينة بريدة بعدد 81.669 مسكناً، ثم مدينة عنيزة 23.605 مسكناً، ثم مدينة الرس بـ 18.456 مسكناً، ثم مدينة البكيرية بـ 8392 مسكناً، ثم مدينة البدائع بـ7681 مسكناً، ثم مدينة المذنب بـ 6972 مسكناً. وهذه الأرقام تكشف، ولا شك، كبر مدينة بريدة عن بقية المدن، والتي تعتبر المدينة الثانية بعد الرياض في المنطقة الوسطى من حيث المساحة والسكان؛ وبالتالي اختيارها مقراً أساسياً لأي إدارة حكومية أو أهلية افتتحت أول مرة في منطقة القصيم، لكن سيكون مقبولاً أن تحمل تلك الإدارات اسم (القصيم) في حال وجودها منفردة بالمنطقة، لكن حينما تستقل المدن الأخرى بإدارات خاصة فيجب أن تغير الإدارة الرئيسية اسمها إلى اسم المدينة التي تحملها (بريدة)؛ أسوة ببقية المدن لانتفاء السبب بتسميتها باسم المنطقة، بل حتى أبناء منطقة القصيم من المدن الأخرى قد يرون في تخصيص مدينة بريدة باسم (القصيم) في كثير من الدوائر والجهات أمراً غير مبرر. وإحقاقا للحق فإني أرى أن تعاد تسمية الأشياء بأسمائها، وإن كانت هناك إدارة كبرى تتبعها إدارات فرعية في المدن الأخرى، فيحب أن يستقل ما يخص بريدة باسم خاص، كما كان (سابقا) مع المديرية العامة للشؤون البلدية والقروية، كان هناك اسم يحمل اسم (بلدية مدينة بريدة) تم استبداله مؤخرا باسم (أمانة منطقة القصيم)، واختفاء اسم بريدة تماماً حتى من صناديق النفايات - أعزكم الله !! - بل حتى بعض المهرجانات التي تنظم في (بريدة) كمهرجان الربيع ومهرجان (صيف بريدة) - مثلاً - فإن الجهة القائمة عليه هي (أمانة منطقة القصيم) رغم أنه مهرجان لمدينة بريدة. وعوداً إلى ذلك الطفل، فبالتأكيد أن ما نطق به لم يكن نتاج مصادفة، بقدر ما أن أهالي بريدة ذاتهم من كثرة ما باتت تحمل إدارات مدينتهم لفظ (القصيم) نسوا أن ينسبوا أنفسهم إلى بريدة..!! وحتى لا تختفي (بريدة) المدينة الحالمة التي وصل ذكرها الآفاق خارج المملكة، وتحتل نخبة كبيرة من أبنائها مواقع قيادية وفكرية وإعلامية، أرى أن تعيد تلك الإدارات والمؤسسات تسميتها وفقاً للموجود، بحيث لا تظلم بريدة بإخفائها، ولا تظلم بقية المدن بإبعادها عن (القصيم). |
بريدة هي عاصمة القصيم اساسا..
وبريدة غنية عن تعريفهم بها.. |
اقتباس:
:41 |
؟ ؟ ؟ ؟ ؟ ؟ ؟ |
مبروك عليكم الشهر بالنسبة للاسم انا اشوف انه القصيم افضل يعني شعور حلو ان بريدة هي من تمثل القصيم بينما عنيزة والرس وغيره فقط يمثلون اسمائهم القصيم هي بريدة وبريدة هي القصيم مصطلح لا احد يجهله وهي الكل في الكل وبعدين يعني نصير واقعيين شوي راح الوقت الي يذكر فيه رجال بريدة بس حنا يا اهل بريدة صعب علينا نتنازل ومصدقين ان بريدة هي نفسه ما تغيرت انا اقول ان لفظ القصيم افضل من بريدة فكر شوي وقارن بينه وبين المحافظات الي حوله مع انه ما تمثل شي قدام بريدة الا انك بتلاقي انه افضل ترتيب واهتمام يعني ممكن اقول خطر تأخذ الامارة من بريدة بالمستقبل من سرعة التطور الي هم فيه هذي المحافظات>>>>>طبعا يبطون عضم بس ما تدري وش ممكن يصير فا عشان كذا اقول خله مستورة انا دايرة على كل محافضات القصيم وكلمة حق تقال ان منتزاهاتهم افضل منا وحنا مغير ها الحضاري وطافين فيه لما ترجع بريدة مثل قبل ونشوف فيها انتعاشا وضمير حي من قبل البلدية واهتمام مثل باقي المحافظات لنا حق نطالب بأسمنا ونبرزه بكل فخر كلامي هذا ليس تقليل من شأن بريدتي اكثر منه رثاء حال ومناشدة |
والله لو تبي تبتلون تلاحقونه رآآح تتعبون ..... خلكم مثلي نسيت الموضوع وارتحت ... ولا اول كنت اتحمس ولكن لا حياة لمن تنادي |
اقتباس:
نعم القصيم أفضل من تسمية بريدة < وجهة نظر |
بببببببببريده مامثله بالقصيم
|
اقتباس:
تفكير عجيب وغريب الادارات الموجودة في عنيزة والبكيرية خاصة بتلك المحافظات اما الادارة الموجودة في بريدة فهي عامة للقصيم كله لا تصيرون حساسين باللحيل الاحساء هي منطقة وليست مدينه ولا توجد مدينه اسمها الاحساء وعاصمة المحافظة هي الهفوف حيث جميع المقرات الحكومية للاحساء كذلك الحال مع الجوف فجميع المقرات توجد في سكاكا الحدود الشمالية ومقرها عرعر لا تبعدون الاسياح يعتقد الكثير منا انها مدينه وانما هي منطقة وعاصمة المحافظة هي عين ابن فهيد ابها نفس الحكاية جيمع الدوائر الحكومية تسمى باسم منطقة عسير لا تبعدون الدمام جميع الدوائر الحكومية باسم المنطقة الشرقية |
اقتباس:
هلا بالذيب .. يا بعد قلبي كل ذولي مرجعهن إلى بريدة .. يعني نقول : إدارة التربية والتعليم بمنطقة القصيم بمعنى في قلب المنطقة وهي بريدة .. ومثل ما قلت هم مرجع لنا .. أوضح أكثر هم ما يخاطبون الوزارة مباشرة يخاطبون التربية والتعليم بالمنطقة حتى التوجيهات تجيهم من عندنا .. وأوضح لك أكثر شفت مدير عام التربية والتعليم بمنطقة القصيم ( الركيان ) هذا مديرهم كلهم .. عاد خلاص عاد إذا ما فهمت تراني ابا أغولك :d .. يا حبيبي أنت كل هذا حب لبريدة والله أنك وفي .. |
اقتباس:
أولاً شهر مبارك عليك وعلينا .. يا بعد قلبي بريدة هي تمثل المنطقة بأكملها .. تقبل تعقيبي يا غالي .. |
(( يا أخوان بريدة تمثل منطقة القصيم كلها )) والي تتكلمون عنه هذا رفعه لها ليس إنتقاصاً لها أبداً . . . |
عربي أصيل والله انك صاااااااااااااااااااااااااااااااااااااادق بريده وبس لبى قلبي
|
إدارة التربية والتعليم بالقصيم
تشمل بريده وقراها ومحافظة الشماسيه وقراها ومحافظه الاسياح وقراها ومحافظه عيون الجواء وقراها ومحافظه القواره وقراها و محافظه الفواره وقراها ومحافظه عقله الصقور وقراها ادارة التربية والتعليم بعنيزة تشمل عنيزه وقراها فقط ادارة التربية والتعليم بالرس تشمل الرس وقراها فقط ادارة التربية والتعليم بالبكيرية تشمل البكيريه وقراها فقط |
مافي فرق
بريدة هي عاصمة القصيم |
اقتباس:
|
يحول الي ماله بريدة
اخي ً/ اخو ادحيم ماهي غريبة ابد لان كل صاحب نعمة محسود تخيل العالم الاربي يعرف هذة المدينة العظيمة برجالها من العقيلات وحتى الآن فاعتقد انها ليست بحاجة الى من يبرزها......
|
اولا : اسمها الاداره العامه للتربية والتعليم بمنطقة القصيم ,, حط خطين تحت " العامه "
يعني تشمل جميع مدن ومحافظات ومراكز القصيم يعني هي المرجع الاساسي ... " " افهموا ياعــآآآلم ,,, |
القصيم هي بريدة |
مشكورين بس ياليت تبقى بريدة بريدة ويبقى القصيم قصيم |
اقتباس:
كلام 100% |
معروف ان القصيم هي بريدة
|
ياحول ياالي ماله بريدة __> (h) |
القصيم عاصمة بريد بلا شك وهذا الاهم ..
شكرا لطرحك يااغالي |
حينما قاموا بوضع احد المستشفيات الكبرى وتم تسميته مستشفى بريدة تكلم بعض الناس في احد محافظات القصيم وطالبوا ان يوضع تحت مسمى القصيم انظروا الى هذا الحد وصل الحقد حتى اسم بريدة يبغون يلغونه من هذا المنطقة التي نفخر فيها ولماذا يلغى اسم بريدة الم يعلموا ان اسم بريدة تم تسميته بأسم صحابي جليل لكن فيه ناس تحب تطمس كل معالم مدينة بريدة .................................................. .................... بريدة وبس
|
مبروك عليكم الشهر
بالنسبة للاسم انا اشوف انه القصيم افضل :41:41 |
تااااااااااااج القصيم بريدة
|
اخي قرأت في هذا اليوم السبت 6-9-1432هـ في موقع جريدة الجزيرة من موقع وزارة الخدمه
المدنية أسماء البنات المتقدمات للوظائف التعليمية ولما رأيت الصورة التي بالأسفل تذكرت موضوعك ورجعت لأضيف التعليق انك صادق فيما تقول !!!!!!!!! http://store3.up-00.com/Jun11/8en44676.png http://www.al-jazirah.com.sa/2011/nan/index.htm |
ياشباب بالنسبه للمسميات من الطبيعي ان تسمى بذلك لأن بريده هي الإداره الاكبر والمرجع للحافظات التابعه لها ك البكيريه والرس وعنيزه وغيرها من المحافظات التابعه لبريده إداريا كونها عاصمة القصيم |
خوذوا كل شيء و انسبوا كل المسميات لبريدة لكن وشلون نتخلص من سالفة تعميم المرجعية يعني اذا صرت برا القصيم وقالي واحد من وين انت قلت من القصيم يحسبن من بريدة همن عاد اقعد ساعتين افهمه ان القصيم شيء و بريدة شيء ثاني القصيم يشمل عدة محافظات و بريدة من ضمنهن لكن تعتبر بمثابة العاصمة للقصيم واذا كنت انا من سكان القصيم فهذا لا يعني انني من بريدة |
الله يهديكم دام هذا اكبر همكم
بدال م نحرر القدس قاعدين نتكلم كيذا |
القصيم هي بريدة
لأن بريدة هي العاصمة يعني غنية عن التعريف |
ههههه اما .. معقولة في ناس تفكر كذا ..! (f) معروفة أن كل عاصمة بمنطقة يكون فيها الادارات العامة لهالمدينة وكل المحافظات ..! :42 يعني برايك تبيهم يحطون [ ادارة التربية والتعليم بالقصيم ] ويحطون مبنى ثاني [ ادارة التربية والتعليم ببريدة ] ههه..! والله أنا توقعت الموضوع فعلاً فيه عنصرية ههه بس اشوف أنكم انتم تجيبون العنصرية لانفسكم بمواضيعكم ..! اجل رح للرياض وقلهم [ ليش تحطون الوزارات عندكم ] وباقي المناطق بس ادارات ..! الحين أيهم أكبر عندك [ ادارة منطقة ولا ادارة مدينة ].. ياخوفي تقول مدينة بس .. ! :S |
انا من حفرالباطن ومااعرف الا بريده
وبريده بالعكس مشهوره حيل ومعروفه يمكن لانكم عايشين ببريده ماتحسون بقيمتها لكن اطلعو عنها وارجعو لها بعد فتره راح تعرفون ان بريده قويه ومهمه ولها سمعتها |
بريده وبس الرائد وبس
|
انا لي خوياء بالرياض اذا رحت عندهم وبغينا نرجع لــــ بريدة يقولون يالله خلونا نمشي للقصيم يحقلكم وانا اتوقع انه
بعدين والله العالم ما ادري متى لاكن الاهم تبي بريدة تضم كل قرى القصيم من عنيزة والرس البكيرية ... الخ يحق لكم يا بريداوين |
انا أشوف انه من انهم غايرين منا ولايقولون كذا |
تظل بريده تاج القصيم
صدقوني وقت قصير بإذن الله وتصير ثاني اكبر المدن بالسعودية بريده جزء من كل اللي هو القصيم بس من اهميتها صار يطلق الكل على الجزء لله درك يا بريده |
يطلق علي منطقة القصيم القصيم كلها وليست بريدة هي القصيم وهي من اكبر مناطق المملكة وبريدة عاصمة القصيم وجميع الادارات الحكومية الكبيره ببريده ولذالك يبجب ان تسمي بلدية بريدة ببريدة الان الامانة للقصيم كلها والادارة العامة للتربية والتعليم بالقصيم لانها عاصمة المنطقة بريدة وتسمي ادارة مستقلة بادارة تعليم بريدة وبريدة يوجد بها بلدية بلدية الصفراء وبلدية الديرة موفنيك القصيم المفروض اسمه موفنبيك بريدة. منتزة القصيم الوطني بالطرفية الانه لاهل القصيم جميعا وموقعه خارج بريدة. امانة منطفة القصيم وهي لجميع اهالي منطقة القصيم وليس لبريدة وحدها. مدينة التمورببريدة والقصيم طول 400 كم في 300 كم |
المرجع بريدة
عاصمة القصيم هي الأم الحانية لقرى ومدن القصيم الأبية محب أهل القصيم أنا |
لا فرق أن تقول سكاكا أو الجوف !!
ولا فرق أن تقول أبها أو عسير !! ولا فرق أن تقول بريدة أو القصيم !! فكلها مناطق إدارية عائدة على تلك المدن ’’ إن ذكر في لوحات الطرق الجوف 600 كيلو فلا نقول دومة الجندل أو طبرجل أو غيرها بل نقول سكاكا !! فهل طمست هويتها ؟؟ كذلك إن قرأتم القصيم 400 كيلو فلن نقول أوثال أو البدائع أو الشماسية !! بل سنقول بكل تأكيد بريدة !! وخلو عنكم الحساسية الزايده !! وبدل هالترهات قوموا وأصلحوا مدينتكم بكل ما أوتيتم كما فعل غيركم ولا تكونوا كالنائحة ليس لها من الأمر إلا النحيب والعويل !! الناس وصلوا القمر وحنا إلى الحين نقول عنيزة !! وقالت عنيزة !! وحطت عنيزة !! |
أهل الشام إذا أرادوا أن يذهبوا إلي دمشق يقولون سنذهب إلي الشام أي دمشق
وأهل مصر إذا أرادوا أن يذهبوا إلي القاهرة يقولون سنذهب إلي مصر أي القاهرة وأهل القصيم إذا أرادوا أن يذهبوا إلي بريدة يقولون سنذهب إلي القصيم أي بريدة |
| الساعة الآن +4: 05:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.