|
ياناس نبغى المدارس مفتوحة برمضان ..~
بسم الله الرحمن الرحيم نبغى على الأقل ثلاث مدارس ببريدة شمال ووسط وجنوب كل سنة برمضان وبعد صلاة التراويح تفتح ملاعبها فقط ، مانبغى مدرسين أو صفوف أو دراسة .. نبغى الملاعب الخارجية فقط ~ كثير من المدارس ملاعبها كبيرة وخارجية ومنعزلة عن المبنى حق الطلاب وفيها اكباس ومخططه وهذا الي ينقصنا برمضان .. نبي نمارس كرة القدم والطائرة وبعض الرياضات عشان نضيع الوقت ولياقة ~ مافيه مكان مخصص للشباب ترفيه ببريدة الا الاستراحات ~ طيب والي ماعنده استراحة ولاصغير وين يروح ؟؟ وهالمدارس فاضيه 24 ساعة نبي نستفيد منها صغار وكبار وتكون تحت رقابة التربية والتعليم ~ ويقام دوريات بين مدرسة ومدرسة .. والله ملينا بهالشوارع دوران ولا النت ولا التلفزيون ومسلسلات ..~ واذا رحنا للسوق طردونا واذا رحنا لحديقة كلها عوائل قالوا انتم ماتستحون ..~حنا شباب عندنا طاقة لابحر ولامراكز ترفيه ولاحياة زي الناس .. وين نروح ؟؟ حتى المرور مستقعد لنا بكل شارع .. ~ واذا كانوا المعلمين يقولون لاتفتحون باب عشان يستانسون بالاجازة حنا نقولهم مانبيكم تجون يكفي لو يكلفون مندوبين يراقب على كل ملعب مدرسة .. ادارة التربية والتعليم تداوم برمضان وماعندها شغل لاوظايف ولاغيره .. خلوهم يكلفون واذا مايبون ترى فيه شباب متطوعين فيهم الخير والبركة ~ (f) نبغى تفتح هالمدارس ونروح نضيع وقت فيها مو يقولون تربية وتعليم ماشفنا منها الا التعليم خلونا نشوف التربية ونمارس التربية الرياضة ..~ |
نحن في شهر رمضان شهر الصيام شهر العبادة والقران الكورة لها وقتها وشكرا لك |
أكيد نعم عشان تضف هالعيال الي بكل شارع
|
رمضان شهر عبادة تنام واذا قمت قراءة قرآن وصلاة تراويح وقيام وجلسة مع الأهل والبنت يزيد شي واحد وهو تجهيز الفطور والسحور تبغون أماكن ترفيه بشهر عبادة وغفران الذنوب طيب فيه كل حي حديقة وفيه ملعب وراه ماتلعبون فيه ؟؟؟ |
اقتباس:
الشبااب وين يروحون .. الصرااحه فكرهـ حلووهـ يكون فيه مبارياات وتكون هنااك لجنه مخصصه .. بوركت على الطرح .. : 12 |
نعم نؤيد وبقوة ومن يقول أن ممارسة الرياضة والترفيه برمضان لايجوز ..! (f) فخلاص .. يقفلون مهرجان العثيم والنخيل بلازا وهالذهب والسيارات والجوائز الي تنقل بالصور .. وبالمرة قسم [ هاني كريم ] الي فيه دوريات كرة قدم وتقام بمساء رمضان ..! وخلاص مانبي لامهرجانات ولارياضة وكل واحد بالمسجد وللبيت وصلو وسمو وعينوا من الله خير .. :S << يحاول يواكب عقول المتحجرين .. والسلام عليكم ورحمة الله وبركاته / محدثكم : برفسور (f) |
والله ياليت يفتحونها عشان العيال يلهون انفسهم عن مشاهدة التلفزيونات والقنوات الهابطه
ع الاقل يستفيدون بشي حلو ويطلعون طاقتهم بهاللعب |
^
:41 |
اشووى حسبتها المدارس يعني الدراسه هم بهالحر والعطش قلت سلامآآآت |
حلووه الفكره .
|
أشكر المؤيدين على المرور ، ومن خالفوني أقول لهم لايوجد مبرر لمخالفتكم وكل الموضوع فقط كم ساعة نستفيد منها وهي رياضة وايضا يتم استغلالها لالقاء المحاضرات وغيرها للجماهير وهي بعد صلاة التراويح ~.. (f) |
اقتباس:
|
فكره حلوه بس وشلون تاصل للمسؤلين على الاقل اخوي يوسع صدره مو مقابل هالمسن اربع عشرين ساعه ...
|
كلام سليم ويحتاج مؤيدين .. :41:41:41:41:41:41:41:41:41:41:41:41 |
محد سامعك ياخييَ ..
إذا أنت عمرك 18 .. نادي وقت اللياقة يقبلون التسجيل من 18 وفوق .. فيه ملعب كورة وطائرة وسلة ومسبح .. وسعر الإشتراك رخيص مقارنة بما فيه من مميزات .. ولو تسجلون مجموعة يكون فيه تخفيض .. بالتوفيق .. |
الا والله ليت يفتحون
اخواني بس باالبيت ومالييييييين ليتهم والله يفتحون |
فكره حلوه |
نعم أنا مؤيده لكلامك؛؛ فعلا فيه وقت طويل بعد صلاة التراويح واللي يقولون شهر عبادة هو ماقال ماراح نصلي ومو قارين قرأن ولا تنسى نصيبك من الدنيا’ ويلهون اللي يفحطون أزعجونا أشكركـ على أقتراحك؛؛’ |
انا عندي اقتراح أزين أنهم يأجلون الدراسة كله ألى عيد الأضحى << طماع
|
اقتباس:
مالك حل الا نادي .. |
فكرة مسبوقة وذكية وهادفة ونعــــــــــــــــــــــــــــــــــــــــــــــم أؤيد
مو بس بالرمضان طول السنة ، والله لشفت العيال بالشارع أرحمهم ، كل ماجت سيارة تناقزوا ، غير الخطر . لكن من المسئول اللي يقدر يعطي الموافقة ، لأنه الفكرة صحيح رائعة لكن غذا نبيه تنفذ لازم متاااااااااااااااااااابعة . |
السلام عليكم
أخي فكرتك ستنفذ ابتداءا من العام الدراسي القادم وهي ( مراكز الأحياء ) وقد تم توزيعها على عدد من الأحياء وسميت المدارس التي ستقام فيها هذه المراكزتحت اشراف وزارة التربية والتعليم وستشمل العديد من البرامج ، ولكن في رمضان لا أعرف إن كانت ستفتح أبوابها أم لا . |
<<<جايه بتهاوش تحسب الدعوه دراسه قلت بصوت ضد ضد ضد هع
بس لاصارت كوره برده الله بالعافيـــه افتحو ان بغيتو 10 مدارس موب 4 ههههههههههه |
بالتآكيد لا شهر عبادة وليس شهر للعب والرياضة
|
تفكير سليم وفكرة رااااااائعة واعية
|
انا ضد هذه الفكره ... >>>>>>
|
نادي ابن خلدون مفتوح من الساعة العاشرة والنصف وحتى الساعة الواحدة وتم الإعلان عنه أول أيام رمضان ... الآن مقام دوري كرة القدم ... وبرنامج الغرف الشبابية ( المقهى الشبابي ، اليوتيوب ، شباب بوك ) حياك الله ...
|
صحيح اخوي
من المفترض على وزارة التربيه والتعليم فتح ملاعب المدارس في الاجازه الصيفيه ليس فقط في رمضان .. << والله ياهي فكره رااقت لي جدا ياليت يطبقونه الوزاره لكن من ساااابع المستحيلات ... شكرا لك |
فكررررره حلووووه بس اللي مع الحلقات ماشاء الله عليهم دايم ياخذونهم |
اقتباس:
|
لو كل حديقه يكون فيها قسم ملعب
والانوار لان الحدايق ضلمه لاكن يمديكم علا اللعب ترا رمضان شهر واحد بس استفيدو |
مشكووووووور ع الفكره نعــــــــــــــــــم وبقووووووه
|
| الساعة الآن +4: 02:05 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.