|
جـــــــســــــر مــــــشـــــاة للبيع !! [ لعدم التفرغ ]
السلام عليكم ورحمة الله وبركاته (f)
أقترح على الأمانه ( أو المؤسسة الراعية للجسر ) أن تضع كم عامل وعليهم بدل رسمية لتوجيه الناس وإخبارهم انه يوجد ( جسر مشاة ) كلف على الدوله ملايين !! الوضع لايطاق أبدا باشارة العثيم ، تفتح الاشارة والعالم ماتحركوا والسبب كم حبة قاطعين الشارع وبالجهه المقابلة تسمع أصوات ( الفرامل ) بكثرة لكثرة المطفوقين والمطفوقات اللي يقطعون الشارع على ( عماهم ) !! المقطع من تصوير الأخ [ سعداف ] شكرا للجميع :f: |
مدري أنا أضحك وإلا أصيح ؟! يعني وش الحل الأن ؟ تقاطع يعتبر من أخطر التقاطعات ببريدة والأمانة ما قصرت ووضعت جسر حل مشكلة كبيرة وما زال البعض من الشعب يعبر الشارع بالطريقة اللي شفتوه .. معرضاً نفسه ولغيره للخطر لا أنكر أن الكثير يستخدمون الجسر .. لكن أجزم أن عددهم مقارب لعدد الذين يعبرون الشارع من بين السيارات !! سؤال أطرحه لمن يعبر من بين السيارات .. ليش ما تستخدم الجسر ؟! أتمنى أجد جواباً لسؤالي .. |
خلهم يقطعون الشارع والي يصصدم ويجية شي بيكون علية الخطا لآنه ماقصرو وضع جسر
|
انا ما شب تسبدي الا قبل كم يوم فوج من هالحريم سكرن الشارع وهن يقطعن
والجسر فوق روسهن وتسنه محطوط زينه :( |
أقول لكم السبب
لان بصراحه الجسر يكون غير امان من حيث المعاكسات لسمح الله او اخطار اخرء لو هو مكشوف ممكن يعبر بس مغطي بلوحات اعلانيه بصراحه يخوف انك تمشي المراء لوحدها |
كل شي في البداية صعب غريب مضحك هي مسألة وقت فقط ويصبح الذ واجود فصبراً
الناس فئات ونفسيات واوضاع لذا تقبل اي تطويرايجابي يحتاج لمزيد من الوقت لا اكثر |
مادري متى يتطوورن أهل بريده
|
اتوقع خاصه الحـــــريم تعيجز تروح مع الجسر لانه تصير معه اغراض واكياس .. والجسر درج تعب اللي معه اغراض.. الحـــــــــــل..لو السيارات ماتوقف للي يمر كان يروحون مع الجسر بس بعضهم يرحمون الحريم ويقوفون لهـــن... ولابعضهم يقهر ماعندهم احترام ولاشي عجــــــــل عساك للي مانب قايله:( |
اقتباس:
فمن تعنين هم اهلكي واهلي (h)العيب في ردكــــــــي وليس فيهم تحياتي |
اقتباس:
عذر غير منطقي نهائياً .. يعني خلصت الأماكن علشان يصير فيه معاكسات بهالجسر !! الجسر مكشوف مع كل مكان .. وفيه كثافة بشرية حول الجسر .. يعني من سابع المستحيلات يفكر الشاب يعاكس بهالمكان وأيضا الجسر مهب طريق 3 كيلو .. كله 30 متر .. يعني بالكثير دقيقتيين وأنت بالجهة الثانية بالأخير الفتاة لو تكون محتشمة وتمشي بطريقها مستحيل أحد يتعرض لها .. |
[
بالأخير الفتاة لو تكون محتشمة وتمشي بطريقها مستحيل أحد يتعرض لها .. [/center][/color][/font][/size][/b][/QUOTE] وبصراحه الحين مافي فتاه محتشمه غير محتشمه يتعرضون لها حسبي الله عليهم ماقول لك هذا الكلام عبث |
اما كلف ملاين والله لوهو جسر Viaduc de Millauتسلم يابن عمي |
اقتباس:
:41 يعجبني الرد عجيب بعض الناس دائم تفكيرهم خاااايس ماعندهم ثقافه او تلقين اهله قراوه وحطته ببريده كله:cool: |
الله يخلف....!!:104::104:
|
أتوقع مافيه إلا حل واحد
اللي هو / يحطون شبك بين السيدين مثل طريق الملك عبد الله بعد دوار النافورة وبكذا راح يضطرون للمشي على جسر المشاة شكرا ليكم |
|
المسألة تعتمد على شي واحد وهو ثقافة الشعب
مشكور خلفهم على هيك موازيع :) أبو ياسر وراك ما عزمتن بالكوفي :( |
اقتباس:
ههههـ زين يابن الحلال أنهم حطو هالجسرة .. .:d:d:d |
صراحة قلق اللي كذا
لكن الحل برائي انهم يحطون حواجز على الشارع نفس اللي بشارع الملك عبدالله اللي قبال النخيل بلازا عشان اللي مثل هالاشكال يحتدون للجسر وشكرا ياصاحب الموضوع تحياتي للجميع |
اقتباس:
نفس كلامي |
مساكين هالحريم الي ماطبقوا النظام هههههه
يارجال خلنا ساكتين لو هي على التطبيق الشعب كله ضايع شوف ساهر طبق لعدم السرعه والناس تسرع وشوف الاشارات الي يتم قطعها يوميا وشوف وشوف وشوف بمعنى ادق نحن شعب متمرد على النظام دمتم بــود |
خلهم يحطون درج متحرك او مصعد كهربائي
بعذرهم ما يستخدمونه مكلف عليهم ملاااايين وعجزين يحطون درج متحرك او مصعد كهربائي الغلط من اللي صمم المشروع الناس بعصر التطور وهذا على النظام القديم |
انا اقترح يحطون شبوك على جانب الشارع من كل الجهات يمكن الناس يستخدمون الجسرر والله مو تخلللف الل يالناسس قل عجزز تلقاه يشوف الجسر ويقول يوووه مشوار ارقاه
|
يابن الحلال انت بلشن بذا
ياخي شف حق طريق الملك عبدالله معقولة جسر حديد يقعد سنتين والله لو هو وش قسم بالله قاهرينن ليش ما احد يتكلم عنه السبب شركة المهوس عطيت وجه اكثر من اللازم قسم بالله يا ذاك انه اخطر شارع شفته من هالعمال اللي يقطعون اما ذا احمد ربك انهم حطوه ولا كان ماعندهم نية لما ماتو الخلق حنا عندنا مشكلة لازم الخلق يموتون ثم يحطون لك جسر ويزبطون امورك حق النافورة لازم يموت كم واحد علشان يخلصونه |
الله يخلف اي والله
|
اقتباس:
|
لو هو سير كهربائي لأن حريمنا زوله
|
الله يعين
|
تبون السراحه الجسر ذاا ماله داعي يعني وش فايدته جسر بجنب اشاره يعني طبيعي اذا الاشاره حمرا اقطع الشارع واصبر شوي لين يفظي الشارع واقطعه مع الجهه الثانيه يعني اشاره رباعيه الاشاره الاولى اللي تحت الجسر هذي اذا صارت حمرا يمشون المشاه ويتنون لين تفتح اشارة العثيم لانه اذا فتحت قليل اللي يبي يلف يمن وبذلك يتم قطع الطريق من المشاه وبسهوله تامه يعني الجسر ذاا ماله داعي صحيح جسر الملك عبد الله ذااك هو الجسر المهم اذا انه يصعب جدا جدا جدا قطع الشارع الا بهذا الجسر لاكن هالجسر الصغير ذاا وشوله اتعب روحي ارقا وانزل ولو قطعت الشارع رجليه اسرع واسهل واشوف بعض الاعضاء يتكلمون عن ثقافة الشعب ومادري ايش هههههههههههـــ ياخي ولا ان هالجسر غبي مادري منهو اللي مفكر يحطه دبشه ولا غبي ولا حرامي اولا خلوا المسوؤلين يتقفون ويعرفون هل الشارع يبي جسر ولا لا بعدين تعال تكلم عن ثقافة الشعب اتوقع وضع الجسر لسرقة بعض الاموال اذا انهم قالو انه يكلف 10 ملايين وزينوه ب700 الف يعني معروف بالعالم وبزحمة العالم ان الاشاره اسهل شي للقطع على المشاه يعني السيارات واقفات للاشارة واقطع من قدام السيارات على خط المشاه ومسويلي جسر ايقالهم احسن احد وهو جسر ماري وش يبي |
ماتدرون عن الحريم
ممكن تكون تعبانه ماتقدر تصعد درج!!!!!!!!!!! (ألآآآآآآآآم ظهر او ركب ) |
اقتباس:
بل بالعكس قطع الشارع هذا من ابسط الشوارع لانه على طول بجنب اشاره فاللي حاط الجسر وش يحس به ما يشوف الاشاره تحته :confused: واين الخطر اذا صارت الاشاره حمراء وقطعت الشارع والسيارات موقفه !!!؟؟ اما عن سؤالك فلك جوابه هههــ ليش استخدم الجسر اصلا :d الجسر به درج ووشله اتعب روحي وارقى وانزل اقطع الشارع مثل العالم اللي تقطع عند الاشاره ياخي انا ودي افهم الهدر اللي حاط الجسر صدز وش يحس به طيب حط الجسر بس لا تحط خط المشاه اللي بالاشاره |
^^ صادز أنت .. تصدق توي أنتبة إن به إشارة !!! بما إنك تقول إن الجسر ما له داعي .. رح جرب تقطع الشارع وشف كم دقيقة تبي تجلس تنتظر أولاً الجسر مهم لأنه يصل بين العثيم بموبايلي وstc وجرير والمحلات اللي ورى جرير ثانيا تقدر تقول إن عبور الشارع سهل لا صارت الإشارة حمراء .. لكن الجزء الثاني من الشارع خطير جداً لأن اللي جاي من مستشفى الولادة يلف يسار على السرعة بعدين يتفأجأ بشخص يقطع الشارع واللي يقطع الشارع ما راح يدري إن فيه أحد جاي وإلا لا .. وبرضه اللي جاي من الشرق على السرعة وضعه خطر أيضا .. واللي جاي من الشمال ويلف يمين على السرعة بإختصار الله لا يهينك .. أنصحك تعزم نفسك بالقهوة العالمية وتشوف الوضع وخطورته .. وأنا ما تكلمت عن خطورة التقاطع من عبث .. لكن يومياً أشوف حالات خطيرة بهالتقاطع ولا تنسى اللي توفي من فترة قريبة في هذا التقاطع : ) |
^ ^ ^ ^ كلامك صحيح مايحتاج . والعالم دببة ، والحاجة الأخرى يمكن أقول يمكن بعض هالبشرية يحسبون قطعت الشارع اسرع يعني ماسكة على كذا ويمكن أقول يمكن فيه ناسن ماتقوى ترقى الدرج ويمكن بعد فيه ناسن ماشافوه ( لا تستغرب )أو يقولون جسم غريب يوجد بالشوراع أو مايعرفون طريقة استخدامه أو يحسبونه زينة ومنظر ، لكن الصح المشي معه حتى إنك تحفظ روحك من هالحوادث الله يكفينا شرهن وجزاكم الله خير وأي خدمة . . . |
هذا مثل المثل اللي يقول [ وين إذنك يآحنش قآل هذي ] >>> ادري الأغلب مب فآهمينه :d
|
المفروض البلدية تحط لوحة كبر الجمل مكتوب عليها هنا جسر مشاة
وإلا الحريم مايتعظن إلا لين تموت وحدهـ بهالطريق |
اقتباس:
|
اقتباس:
سعداف .. معزا مثلاً .. :09: |
طيب وآللي حآول يرقى وخآف..؟!:bad |
^
تراو جسر مشاة مهب غابة .. |
اقسم بالله مالي الا أن أقف إحتراماً للحيوانات
الحين جسر ومكلف 10000000000000000000000000000000 ريال وشارع خطير اغلب اللي يمرون من عنده والاشاره خضراء 80 يمشي اقل شي والا اللي يبي يمتسن الاشاره اذا صارت صفراء 100 120 شي طبيعي وتجيك هالعجوز معه كم بزر ولا وحده خكريه تمشي بدلع المشكله انك تمشي احيانا 20 عشان يقطعون الشارع ولكن للاسف كانك تعامل بهايم الا وان البهايم احسن منهم وحطو لهم جسر يمكن يعقلون لكن مازالو هالبهايم يقطعون الشارع ولا بعد بتدلع ليت الواحد يهرول شوي يركض ويمشي بسرعه يحسبونهم بالصناعه تجيك المره او البنت تمشي وتنام بالشارع والبواري والازعاجات ولا هامهم وقسم تحصل الوحده ام بي ثري وكاظم الساهر وسماعات ولاهي لمك ولا لم الدنيا لكن لو معي موتر خشن لا اقششششهم وامشي لكن الله يخلف بس معي كسره بلاستك لو ادعس قوطي ببس كان يبنشر الكفر هههههههههه :( انا اوقف مستعد وبدون راتب اوقف واعلم العالم ياناس فيه جسر يابهايم فيه جسر وراه ماتمشون مناك |
والله غرررررررررريبة..
يعني جسر كبر قريح ...ويروحون يدورون على انفسهم الخطر؟؟ والله تخـــــلف.. لو صار شي لاقدر الله الخطأ من اللي يقطع الطريق لانة ماقصروا وحطوا جسر!!!!!!!!!! |
اقتباس:
بوهـ أحد مثلي .. (h) رعــب وقسسم نمشي وتحتنا ناس :oo |
مدينة الخبر مسوين رسوم للي يقطع الشارع وفيه جسر مشاة . |
ههههههههههههههههه
المفروض يسوون له دعايه على اللوحه الالكترونيه اللي رازينها جنب الجسر ويعلمون الناس كيف الطريقه الصحيحه لصعود الجسر |
| الساعة الآن +4: 06:42 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.