|
بعض حركات المُخرج لصلاة التراويح من مكه
السلام عليكم ورحمة الله وبركاته من خلال متابعتي اللغير دائمة لنقل صلاة التراويح للمسجد المكي الاحظ ان المخرج يقوم بفعل اخطأ فادحه ولا اعلم لماذا هذا التصرف و هو يعلم اين يعمل من بين المصلين هناك تختلف الثقافات و الإلمام بأمور الصلاة وهناك كبار بالسن يقومون ببعض التصرفات اثناء الصلاة كثيراً الاحظ ان المخرج يركز على المصلين الذين يقومون بأعمال غير مرغوبة بالصلاة ويركز التصوير عليهم و هذا ماحصل قبل قليلاً حيث ان هناك رجل كبير اتوقع انه مغربي كان يقرأ مع الامام لكنه يفتح فمه بشكل كبير وهو يقرأ وما كان من هذا المخرج الا ان سلط الكاميرا عليه و كأنه هذا هو الامام هل من بينكم من يلاحظ هذه المشكلة حيث ان النقل نقل عالمي و يكون بهذا الشكل ؟ |
صدقت والله
وكثير مايزعجنا لكن... |
نعم لكن متابعتهم العام , السنة ذي ماشاهدتهم وكانوا يلصقون نعم يلصقون الكاميرا بوجه أحد المصلين مثال ( تصير الكاميرا مثلاً بالجبهة وبعدين تطلع العينين وبعدين وبعدين ألين يطلع الرجل بالكامل ) وش الهدف من هذا ؟؟؟؟ يصورون كل المصلين ليش يركزون على مصلي واحد بعض الأحيان أسمع فقط أستماع ولا أناظرهم |
صددقتوا قبل كم يوم كانوا مركزين التصوير على أجنبي الحمد الله والشكر يضغط بآيفونه والإمام يقرأ يوم كبّر الإمام للركوع ويسكره ويدخله بجيبه :confused: ويركع مع العالم .. وقبل كم سنة أذكر اشتكوا المشاهدين ع المصور يرّكز بالتصوير بصلاة الجمعة ع النساء بالمكان المخصص لهن وفي هذا انتهاك للخصوصية :( ... فعلاً موضوع مهم ياليت يجدون له حل .. |
بعض حركات المُصوّر لصلاة التراويح من مكة
اقتباس:
ههههه إستغفر الله العظيم الصراحة أنا دايم أتضايق من كذا :( والمصوّر الحين أخذ إثم كل واحد ضحك على تصرفات مصلي من تصويره |
صدقت..
حتى كثير الاحظ بعضهم تحسبهم ماصفوا مع الامام تجده يناظر يمين وشمال..هداهم الله.. بس اتوقع انه الكاميرات مافيه احد يتحكم فيها .. مثبته وتتحرك تلقائي.. |
صدقت من عرفت النقل التلفزيوني من الحرم وهم ما يهتمون بنوعيه النقل
على فكره نوعيه الكميرات قديمه الحين الكميرات تطورت كثير اما المخرجين الله اعلم انهم متكلين على الكميرات المتحركه وتدار عن طريق الاستديو بشكل عشوائي المقصود ان مافيه اي اهتمام في الاخراج صدقوني لو فيه مخرجين مخلصين كان ظهر نقل الصلوات بشكل ابداعي جميل ما ينمل بس الشكوى على الله جزاك الله خير |
لاتشوفهم اسمعهم سمع
الله يخلي قناة القرآن |
صدقتو انا قبل كم يوم كنت اشوف النقل وقت الفطور وجت لقطه على واحد يفطر مع جماعته عليه شماغ وجنبه جيك ماء المهم مر اجنبي معتمر وطنبس يبي ياخذ الجيك وقام راعي الجيك يتهاوش معه ويضربه طيب هذي شينه وخر الصوره ماله داعي تفرج الناس وخاصه وقت الافطار وهذا مشهد من مليون مشهد ماله داعي
|
يارجل وش يضيق صدرك يبيك تضحك وتوسع صدرك بدل ماتناظر طاش ماطاش هههه
|
وماسئلتوا أنفسكم هالي يصور وراه مايصلي ؟ .. أتوقع برمجة دايركت تتبدل من كمره لكمره لأن البث مباشر وطول اليوم .. ولا! |
اقتباس:
يصلي اذا خلصو...هو الحين يسوي شئ خير..زي الشرطه اللي حول الامام... وبالنسبه للموضوع...موب لازم تشوف...هو حق السمااع بس....:rolleyes: وشكرا.... |
طيب وأن قلنا الكاميرات متحركة ولا فيه مخرج ليش يركزون على الأشياء الغير مرغوبة |
قد تشك أحياناً من هذه التصرفات بأن خلف الكاميرا رافضي أو أخوه .. !!
همسة : من الجماعة أنت دقيق الملاحظة وهذا يعجبني .. :) |
صحيح
بداية رمضان ركز على شايب أجنبي كان يقرا ومتحمس قوووة مع الشريم يهز راسة يمين ويسار الصراحة متنا ضحك هههههههههههه |
اقتباس:
اقتباس:
والمفروض انه مافيه تصوير من قريب لأن الناس تصلي وليس مكان للفرجه اقتباس:
اقتباس:
هو عمله نقل الصلاة من ساحة الحرم وليس مسؤول عن ماتعمل الناس << اتوقع ان هذي حجته لكن اخراج المصلين بهذا الشكل مشكلة كبيرة |
يا اخوه ركزوا مع قراء الامام ودعوا عنكم اخطا المخرج الله يرحم والديكم
|
كلامك صحيح وأعتقد أن مثل هؤلاء المخرجين لا يستحقون العمل بهذا المكان وإلا مالفائدة من تركيز الكاميرا بشكل مقرب على المصلين حركات خاطئه من مخرجي الحرم بحاجة إلى إعادة نظر من قبل المسئولين عنهم شكرا لك يا صاحب الموضوع |
اقتباس:
طيب يمكن يكوون فاتح القرآن مثل ذذذ |
.
|
اقتباس:
والله يانا انقهررررررررررت ودي اشوف وش صاركملوا هوشه ولا لا:d |
صحيح وقبل أيام شاهدت على الإفطار شجار بين إثنان لما ينقل بثه لا أعلم
وهذا من غير بعض مشاهد المضغ أثناء الإفطار وغيره من المشاهد المقززة |
اقتباس:
وآلله لو يشوفه بزر تسآن يمحطه ويهج :(! آجل آيبآد هآه .. بعدين مثل هَ آلآشيآء ما تخليه يركز ويخشع فَ صلآته ! وآتوقع مثل مآقآلوآ .. آلحركه تلقآئيه ! |
انا ابغض تقريب الكاميرا للشخص بحيث يتبين شكله اقرب مثال بالختمه امس الناس خاشعه وتصيح وهم يحطون عليهم طيب راعوهم شوي نعرف ان الواحد اذا ما بكى يتباكى وشفت امس ناس كذا ما اعتقد يحبون احد يشوف اشكالهم وحتى اللي دموعهم تنزل يعني بتفهموننا انهم خاشعين يا اخي انا اذا صار قدامي بزر ملتفت يضيق صدري واحاول انزل طرحتي وشلون وملايين يشوفونن |
| الساعة الآن +4: 02:42 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.