|
تجمع لصاحبات تجربة عملية الليزگ ..
السلام عليكم ..
بما اني باذن الله مقبله علئ عملية ليزگ .. حبيت افتح هالتجمع ونستفيد من بعض .. بانتضارگم حبيباتي .. وانتضار تجاربگم باذن الله موعدي يووم الخميس .. |
نصيحه لوجه الله
لو كنتي متحمله النظارات ومتعوده عليها تراها ابرك من الليزك انا سويتها من 3 سنوات في مستشفي الحرس الوطني باالرياض علي حسابي الخاص كلفتني 8000 الاف ريال والحين بدا نظري يرجع زي اول غير العذاب من الألام المصاحبه للعمليه وبعدها وكذلك الجفاف علي طول قطرات الترطيب في مخباتي والله ندمت اشد الندم علي اني سويتها الحين اللبس نظارات وقطرتي معي علي طول يعني ...... ما استفدنا شي .......... وبالأخير الله يدلك علي الخير |
مرحبا اختي
حبيت اشاركك بموضوعك مع اني الحمد لله ماسويت ليزك بس خواتي مسوينه وحده بالمغربي بالرياض وتقريبا قبل ثمان سنوات والثانيه مسويته بمستشفى خالد للعيون والحمد لله ماقالو فيه شي بالعكس شافن الراحه من النظاره والعدسات والله يكتب لك اللي فيه خير |
غريبه كل اللي أعرف مبسووطين ع العمليه ومتحسفين انهم كانوا يمشون بنظارات
يختي شكل النظااره مو حلو بالذات اذا تزوجت الوحده<<تشرح معاناتها :( بالعكس أنا ناويه عليها أن شاء الله...بأسويها بالرياض عند الدكتور المقبل لأن بنت خالي مسويه عنده قبل 7 سنوات ومرتاحه للحين .. وأعتقد حسب مشكلة العيون فيه احد يكون عنده إنحراف أو ضعف وأكيد الأنحراف أصعب.. |
صراحه انصحك اتسوينه
أريح بكثيير من شقى النظارات والعدسااات انا سويتها بالرياض بمستشفى الحبيب عند الدكتور الحواس كلفتن 9500ريال وأثنا العمليه مراح تحسين بالم لانه فيه تخدير لاكن بعد العمليه اذا نمتي فأنك ارتحتي واذا مانمتي بتحسين بالالم لاكن تصبري كله كم ساعه وهو رايح ان شاء الله وبالتوفيق يارب |
. . أنا سويتها قبل اربع سنوات ونص عند د. العمر بالرياض كلفتني 8000 وشوي والحمدالله اموري ماشيه تمام والعمليه سهله مرره وكثير قالو ياحسافة أعمارنا الي راحت بنظارات |
|
موضوع بطلللل انا مررررررررة متحمسة اسوي العمليه وكل مرة الشهر الجاي الى الوقت الحالي قلت ابسويها بعد العيد همن قلت اذا جاء الشتاء > اصبر ياحمار لما يجيك الربيع مرة خالي مسويتها قبل 11 سنه وماشاء الله ما تشكي من شي ناويه اسويها بمستشفى بالرياض عندهم جهاز موب موجود بالشرق الاوسط اسمة : لايف ليزك مادري صدقهم من كذبهم والا ابسويها عند الدكتور عبدالله براون بمستشفى المواساة هذا الدكتور يتنقل من منطقة لمنطقة بمستشفى المواساة وفيه واحد يقربلنا دار على كم مستشفى وكلهم يقولون له ابد تنفعلك العمليه ومير يروح لدكتور شايب بمصر قبل رمضان قاله الدكتور اللي قالك ان العمليه تنفعلك هذا كذاب واذا تبي اسويلك العمليه سويته بس بعد ثلاث سنوات رح يرجع نظرك الاول قاله ايه ميخالف وسواة بــ3 الاف انا متحمسة ومررررررررة خايفة اقول هذي عين موب يلعبه ومافيه ناااس تاثقين بهم اهم شي عندهم ياخذون قروشتس وبس الله ييسر اللي فيه خير وصالح والنقطة الثانيه ابسالكم عن السواد اللي حولين العين موب تحت العين بس حولين العين انا مرررة يحرجن السواد لدرجة مرة وحد سالتن قالت انتي مضروبه بعيونك واستخدمت كذا مرهم ما نفع استخدمت كريم للهالات السوداء من شركة كلنك اخذته من وجوه وللاسف مانفع معي شي فيه وحدة منكم كان عندة السواد وراااح طمنووون الله يعافيكم ومشكورين مقدمآآ.. |
ودي اسويها وخصوصآ اني ماحب البس النظاره والعدسات متعبات
ياالله بانتظار تجارب الكل |
أنا نفس الشي أعاني من النظارة بس
خااااااايفه |
نا بعد ودي اسويها وخاااااايفه
انا ما البس نظاره حاليا بس المفروض البس لان نظري ضعيف خصوصا العين اليسار ولما سويت نظاره تعبتنى انا مستعده ادفع 10000 مو 3000 بس ان تضبط العمليه لان اخاف نظري يضعف زود |
ولكم حبيباتي ..
اشكركم بقووووه لتفاعلكم .. المدلله سويت ليزك وترررريحت من كلللللل شي .. وتغيرت حياتي حسيتي دخلت عالم ثااااني.. بصراحه عالم ممتع ومرييح .. سويته بالرياض مستشفئ عالم العيون عند الدكتور عبدالعزيز السالم .. ب 500 الكشف وخمس الاف العمليه ,, اي استفسار جاهزه انا .. |
مبروووووك عليك ي بعدي والله يتمم لك على خيييير عقبالي أنااا والبناااات ، عطيتين دااافع أسويها ، |
اريح و لا بالفرق
انا سويتها عند النخبة الدكتور الطويرقي كانت ب٨٠٠٠ و الكشف ٥٠٠ لكن اذا تعرفين احد مسوي عندهم تعطينهم الدفتر حقه يعطونك ٥٠٠ يعني يطيح حق الكشف و ابشرك الحمد للع تماام لكن المداومة ع الترطيب |
انا سويتها عند الدكتور يوسف المقبل قبل سنة ,,, بس ما احس ان نظري 6 ع 6
ما اشوف اللي بعيد مرة .. يعني تحسنت بس بشكل متوسط .... و عطان موعد بس ما رحت ,,,, الله يعين ........... |
سويته قبل 3 سنوات .. والحمدالله انجحت.. حسافه على عمري الي فات لاتناظرين لاحد الاصابع مو سوا توكلي على الله .. ولاتنسين تجدعين النظارات عند باب المستشفى |
بالعكس الحمدلله انا سويته هنا ببريده عند الدكتور عرفان بمستشفى الحبيب
مره سهله والحمدلله افتكيت من العدسات والنضارات الحمدلله بس يبي لك حرص على المرطب والقطرات عقبالكم ياللي مخططين عالعمليه |
^^
طيب بكم سويته عند الحبيب كم التكلفه |
سويته حوالي السبعه الاف برمضان كان فيه خصم بس يمدحون مستشفى الحكماء بالرياض مره روعه حتى نضاراته على مستوى |
انا سويتها عند الدكتور عبدالله الطرباق
والحمد لله انتجحت استخيري وان شاء الله خير ربي يوفقـــــــــــك ,, |
انا سويتها بمستشفى النخبه عند الدكتور وليد الطويرقي
بـ 8000 وخمس لي سنه تقريبا والحمدلله تحسن نظري بس كاني احس بصداع بعض الاحيان |
نسبة قليلة جداً اللي ماتنجح معهم الليزك
أنا سويتها قبل خمس سنوات ونص والحمدلله ما اشتكي من شي سويتها بمستشفى الحرس عند الدكتور طارق الدباسي حول الثمانية الاف بس لازم الترطيب الشهور الاولى أنا جلست حول سنة على القطرات . |
سويته و الحمدلله قبل 25 يوم بالدمام الكحال
د: عادل الرشود ومرتاحه الحمدلله |
سوووويه وتجي العافييه
ومالها مضاعفات بس جفاف اول اسبوعييين وعقبه طبيعي وشي غريب تقل فرحه تقريين اللوحات ههههههههههه |
| الساعة الآن +4: 06:20 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.