|
موسم عيد = موسم نهب وسلب ( سوق الحريم )
السلام عليكم ورحمة الله وبركاته
يامساء الخيرات عليكم جميعاً .. كل عام وأنتم بخير .. موسم عيد = موسم نهب وسلب ( سوق الحريم ) أولاً تحية للشرفاء أصحاب المحلات في سوق الحريم اللي ماهو أكبر همهم النهب والسلب على الحريم ومضاعفة الأسعار أضعاف مضاعفه .. تحية إجلال لهم واقول لهم بارك الله لكم فيما رزقكم الله وزادكم الله من فضله .. الموضوع يا أخوان كبير وكبير جداً .. غلاء أسعار في مواسم غير طبيعي لدرجة الخيال .. ليست زيادة ( ريال ) او ريالين مثل ماصار مع شركة المراعي والتي ألقمتها المقاطعه درساً لن ينسوه زيادة الأسعار في موسم العيد مثلا الى أضعاف مضاعفه .. أقسم بالله يا أخوان شي فضيع ووقفت عليه بنفسي ما اقول يقال لي .. السعر يتضاعف ضعف وضعفين .. بسبب انه موسم .. أي موسم ياناس يامسلمين اللي تضاعف السعر على أخوانك وتستحل الفلوس تحت سقف انه موسم .. أي موسم يا تجار سوق الحريم يا أهلنا بالأصح وبني جلدتنا ترفعون الأسعار إلى أضعاف مضاعفه بحجة أنه موسم .. وخله يشتريه غيرك .. حرام وقهر وغبينه اللي قاعد يصير أقسم بالله .. يا ناس الموت مع الجماعه رحمه .. وانا مثلكم متوسط الدخل وعندي عيال وبموسم العيد أصرف مثل مايصرفون العالم .. باللتْي واللُتي ..لكن هل أنتم راضين بالأستغلال اللي قاعد يصير بسوق الحريم ؟؟ عشان أقنع نفسي .. مثلي مثل الناس .. من مضاعفة الأسعار إلى أضعاف .. يا أخوان ويا أخوات .. على سبيل المثال الواقعي واللي عشته .. شنطة أشتريتها انا لزوجتي قبل رمضان بيومين .. ماركه من محل من المحلات ..بـ، 150 ريال .. الشنطه هذي شافتها بنت أختها المهم بـ بتاريخ 15 رمضان راحت زوجتي وبنت أختها لنفس المحل .. عشان يشترون نفس الشنطه .. حصلوها نفسهاااا بالضبط .. بكم ..بـ 340 ريال . والسبب قرب الموسم حتى يقولها لك هو .. موسم .. الله لا يوفقكم كان هذا الموسم يبيح لكم النهب والسلب . غير وغير وغير ويمكن عندكم مثل هذي القصص أكثر وخصوصا أخواتنا .. طيب هذي مشكله وقديمه جداً وبعض الناس الله يهديه يستغل الحريم أستغلال فضيع وخصوصا اذا قرب العيد .. لأنه يدري انها ماراح تلقى والوقت ضدها .. وهي لا حيل له ولا قوة .. ماهي مثلنا تركب السيارة وتروح تشري من اي مركز ثاني او ثالث .. مالها الا السوق .. .. تلقاه يضاعف السعر ونفسه براس خشمه .. والشي الجديد .. الحين الهنود الخياطين .. مايستقبلون الا باسعار نار .. لأنه يدري ان اصحاب المحلات رافعه السعر ... ويقدر يصيد بالماء العكر .. حتى ولو كلفه هذا اي شي .. عايشت الواقع كثير وجلست مع ناس يعانون من هذي المشكله .. وبكل صراحه بكل صراحه ولا يزعلون علي أخواتنا .. الحريم ماتفرق معهن .. وبالعكس الشي الغالي تحس انه هو الأجود والماركه .. الغالب بحريمنا الله يحفظهن .. وما تراعي ان هذا السعر مبالغ فيه .. هل فيه حلول يا أخوان .. ممكن بعضكم يقول الناس اذا صار على العيد يومين يروح يشري طيب واللي ماينزل راتبه الا هالوقت يتسلف !!؟؟ بعض الاخوان يقول اني اشتري من السوق الصيني عن طريق الانترنت رخيص برخص التراب واغلى مافيه الشحن لكن اذا كان اللي بيشترون مجموعه يكون الشحن مقسم بينهم وتكون البضاعه رخيصه جداً ونفس البضاعه اللي نازله بالسوق وقبلهم كمان .. .. هذي من ضمن الحلول ..ونسمع وجهة نظركم .. عطونا حلول الله يرضى عليكم .. وهل ارتفاع الاسعار بالموسم طبيعي عندكم او مشكله عجزنا نحلها !! والله يرعاكم ؟ |
والله انك صااادق كل شي غااالي في الموااسم وخاصة موسم العيد انا اشتري عطر ومتعوده اشتريه 150 ريال وفي اخر رمضان اشتريته 210 ريال نهب عيني عينك ولا رقيب عليهم والي يغث حنا نشري وندربي روسنا:081::081:
|
وعليكم السلام والرحمه.. بصراحه انك جبتها على الجرح ! وياما وياما عانينا منهم ,, لكن (اتكلم عن نفسي وعايلتي) لقيناها لك .. بشهر 8 .. نشتري كل شي نبيه .. للعيد سواء لبس او مكياج . شنط .. عطور .. حتى توزيعات العيد ...> بسعرها العادي لان اذا دخل رمضان اندبلت .. ومريحين روسنا من الغلا .. وكذا ناس قامت تسوي مثلنا .. لدرجه صاروا يتنافسون من اللي يخلص اول .. والله ثم والله اعرف ناس بنياتهم كثار (الله يصلحهن) بيدون براتب 7 والباقيات ب 8 ولا كلافه ولا شي ,, واللي بالسوق (بعضهم)لو يحصل له اخذ اللقمه من فمك اعوذبالله .. |
نزل صورة للشنطة حتى الاعضاء يشاهدون اسعارها في المحلات الاخرى
ويقارنونها لفضح المحلات التي ترفع الاسعار |
اقتباس:
اقتباس:
واللي يقول لا نصبر لين نشوف الناس وش تطيح به .. والمحلات اول الموسم يمشون البضاعه القديمه وتصفيات وكذا .. واذا جاء آخر رمضان نزل الجديد ملعوب ملعوب .. اقتباس:
بعدين والله ماوقفت على الشنطه ..اشياء كثيره .. ماتنذكر .. انت اجلس مع اهلك واسالهم وراح تشوف المواجع |
عاااااااااااادي طبيعي تشوف النصب والاحتيال بعيونك لان ما يشوفون من يردعهم
بس مانقوووووووول الله يكثر الفلووووووس الاجانب بس ينهبون من السعوديين واذا قلت غالي قال سعودي فلوس كثيير الشكو لله الى عمتي تقول بحديقة شرييت من مرة شكولاته قيمته بريال تبيعه برياليين يوم قلتله انه بريال قالت كلشن غالي تسمع بكل شي غالي وتغلي يمكن يشرون الشنطه بعشرة ويبعونه 200 او اكثر والله يعيينك |
اقتباس:
اقتباس:
لكن نقول اننا بنعمة وكثير يحسدنا عليها .. رغم اننا نتسلف للعيد ونتسلف لرمضان ونتسلف للسفريات .. لكن بنعمه وربي .. والمشكله موجوده .. وتحتاج الى حل واقعي . ودمتم بخير |
بالنسبه لكلامك موضه ومادري إش بضاعه شهر 7654هي نفس بضاعة 9وإذا صار نص 8 دخلوها مايطلعونها إلا نص 9 ويقولون موضه عشان يشغلون الناس بشهر العباده وخاصه بالعشر أن كوني أنثى لم ألاحظ هذه الموضه بس كلام هنود والناس تصدق والله لقيناها لك على ماقلت أختي"فزة خفوق"من شهر 8 ونجهز كل شيء الخايط فاضي لاتضطر ترجع كل مرة عكس رمضان مرتين أوثلاث وياليته يجي على اللي تبي والأسواق خفيفه تشتري اللي أنت تبي ويهتم فيك عكس رمضان زحمة ولا يناظرك تقل يوزع مجاني وبعد هذا كله رمضان شهر عبادة وصلاة ماودوه الواحد يصير شغله الشاغل السوق |
ماعندك أحد ومن يوم السعودية واقفه عظم وحنا على الحال مع أصحاب المحلات
ولكن الحل مثل ماذكرن الأخوات خلص مقاضيك قبل رمضان بشهر أو شهرين تفتك من النصب ومن الزحمة وتتفرغ للشهر الكريم |
أناعاجبتني قاعدة الي مامعهوش مايلزمهوش
خاصة بالكماليات؟أماالضروريات فلا وبعدين سالفة الموضة والله إن ربعناإنهم أغبيا من رجل يطيع المرأة ومرأة تصدق ابويمن؟ تقولون وش لون اقولكم؟ أغلب حريمناتدخل المحل ماتدري وين الله حاطةولاشافة ابويمن تلفت وتدربي الدميجة؟ومن أسئلتها يدري إنة تبي تشتري بس ماتدري وش تاخذ من بهرةمن كثر المعروض وبنفس الوقت متخوفةوش يبي يعجب الناس والموضة الدارجة؟ نجي لدور المنقذابويمن؟وتأثيرةبانتشارالموضةوتسويقة تبي تشاورةالذهينةوهومحل ثقة طبعالأنة كماتدعي إنة زبونةوضحكت علية بهالكلمةوتعتقدإنة ضحكت عليةوصدقة المغفل؟! وش رايك وين البضاعةالجديدة والماشية وهوبسرعة فرح؟وعطاة السلعةالي ناشبة بحلقةوزودبسعرة ورجع وعطاة فوق اسعرالصحيح؟لأنة زبونة ولازم يكسبة(كلن يضحك على الثاني) وتشتري المطفوقة دون ترددوتعلم خوياتةإنةإكتشفت موظةالسنةحسبماخبرةسراالبائع بأن البنات متوجهات هالسنةلهل البضاعةلأن الفنانةالفلانيةلبست مثلة بفلمةالاخيرأوالكلب الجديدويصدقن؟وراعي المحل فرح لأن البضاعة مشت وهوكان بلش بة؟ ولاتقدرتسذبة لأنةتبي تلاقي خوياتة كلهن مثلة صدقنةوطلعت موظة غصب المصيبة لجتمعن بطقم واحدتقل فرقةلبس واحددون تميزواحدة عن الثانيةإلابالون |
الله المستعان وحسبي الله ونعم الوكيل
بعد ما قدرنا نشتري ملابس العيد للأطفال خاصة وجينا لحلاو العيد انصدمنا بالأسعار نار نار |
قال رسول الله صلى الله عليه وسلم : "فَوَاللهِ مَا الفَقْرَ أَخْشَى عليكُمْ ولكنِّي أَخْشَى أَنْ تُبْسَطَ الدّنْيا عليكُمْ كما بُسِطَتْ على مَنْ كانَ قبلَكُم فَتَنافَسُوها كَما تَنافَسُوها فتُهْلِكَكُمْ كما أهلَكَتْهُم". فل تقرأ خواتي المسلمات هذ الحديث وتتامله جيداً ... فالمشكله الاساسية هي التنافس على الدنيا المرأة تريد ان تكون بالقمة ولا احد احسن منها , وياليت هذا من ناحية دينها واخلاقها , بل المؤسف ان التنافس على الدنيا الدنيئة , واذا كان هذا فكر المرأه فلآ غرابه ان تستغل من اناس لا خلاق لهم ... فياليتنا بدل ان نلوم التجار واصحاب المحلات حبذا ان نهتم بتربية المرأه سواءً كانت زوجةً او ابنه او اخت ... تربى على الفكر السليم المعتدل , وليس ترك الحبل على الغارب وتلبية مطالبها سواء كانت معقوله و مقدور عليها او لا بحجة ان كل الحريم كذا او كل الناس كذا ونذكرها بقول الله تعالى ( وَإِنْ تُطِعْ أَكْثَرَ مَنْ فِي الأرْضِ يُضِلُّوكَ عَنْ سَبِيلِ اللَّهِ ) وبحديث النبي صلى الله عليه وسلم ( لا تزول قدما ابن آدم يوم القيامة من عند ربه حتى يسأل عن خمس عن عمره فيما أفناه وعن شبابه فيما أبلاه وعـن ماله من أين أكتسبه وفيـم أنفقه وما عمـل فيما علم ) وأن هذا المال لله -سبحانه-لاتتصرف به على هواك ومزاجك بل على مايرضي الله , ولنسال انفسنا هل مانفقنا من امول في اشياء ليست ضرورية فقط مجارات الناس هل هذا يرضي الله عنا ؟ اخواتي يامن ينفقن الامول على الملابس ومايتبعها من احذية وشنط إلخ ... تذكري ان هناك من لايجد مايستر عورته ومن لايجد لقمة يسد بها رمقه , فنصف ماتنفقيه قدميه لهؤلاء , واعلمي انك انما تقدمي لنفسك فما عند الله باق وماعندنا يفنى ويبلى , احبتي عذراً على الاطالة فالموضوع مهم وذو شجون . وفقني الله واياكم لما يحبه ويرضاه وجعل همنا رضاه . |
صــراحه شي مو معقوول من 150 الى 340 حررررررررررام والله حررررررررررررام
وفعلا ا ي كلمة تقوله سبقوك وقالو موسم المفروووض يتقضون قبل لايجي الموسم على قولتهم قبل بشهر اولا يفتكون من الزحمه وثانياااا مادبلو الاسعااار .. |
حسسسسبي الله عليهم..
|
اقتباس:
بالنسبه لكلامك .. عشان يشغلون الناس عن شهر العباده . لا عاد بصراحه كبيره .. وما اعتقد انهم صهاينه عشان يكون تفكيرهم بهذا الشكل .. هو تخطيط تجاري .. يزنقون الناس آخر الشهر .. واذا طلعت الرواتب نزلوا البضايع اللي يقولون انه جديده ندري ان موضه مكرره وبعض الاحيان يرجعون لأشياء قديمه وهي المسكه .. لكن عاد وش نسوي باخواتنا وامهاتنا وبناتنا .. صار شغلهم الشاغل الله لا يفتنا الا بطاعته .. تحية لك |
اقتباس:
لكن المشكله عصريه .. وجديده وهذا بسبب ذنوبنا والله لا يسلط علينا والحل يا اخوي ماهو حل والله العظيم .. يعني اللي يدبل السعر اضعاف يسكت عنه .. واللي يزود اللبن اللي مافيه فايده اصلاً لا للمركز ولا للمنتج ريال واحد تقوم الدنيا ولا تقعد !!! |
اقتباس:
لكن ما اشوفه تقليد لفنانه معينه او مغنيه ثانيه .. لأن بعض البيوت اساسا ماعندهم الا المجد او بعض القنوات المحافظه ... ولا يهتمون لهذي السخافات .. اما باقي النقاش فلست المعني به ولا اوافقك فيه . |
اقتباس:
ولكن الله يحب أن يرى النعمه على عباده " المحمود منها " بلآ أسراف ولا تبذير ولا مباهاة .. وخصوصاً إذا كانت المناسبه قائمه .للعيد وغيره .. تحية إجلال ... |
اقتباس:
من 150 الى 340 ريال .. شكرا لك |
اقتباس:
وبالنسبةلقولتك بعض البيوت ماعندة غيرالمجدصحيح كلامك؟بعض؟يعني أقليةوالغالبية عندةوالي ماعندةفية بديل وهوالنت+المدرسة+الإجتماعات العائليةولاتقولي مافيةبنت مامعة بلاك بيري أوآيفون ووووالواهدكثيرة؟ وباخذتفسيرآخرلقولتك قريب منك؟أي قريب من الاهل يعني اروح معهم للسوق وشوف بعض التصرفات المذكورة؟فهذافخرلي إني بساقت أهلي واقضي لزومهم ومهب السواق؟!ولاأدري عنهم ولوكنت قريب من أهلك لعمت مالم تعلم!!!!!!!!!!!!؟ وبالنسبة للسخافات؟هذامانتكلم عنة وننكرة بشدةلاكن وش نقول موضة ؟! |
عادي وطبيعي جداً وين المشكلة هذا موسم تعرف كيف موسم يعني بالعربي المحل جالس سنه ما فيه دخل يسد الأجار أو راتب العمال أو قيمة البضاعة اذا كانت ممتازه وفي رمضان يدبل السعر مرتين على النوعية الفريدة والجيدة من باب تعويض السنه في هذا الشهر الفضيل يا أخي أرتفاع الأسعار مو بالسوق بس بكل مكان ليه حبكت على السوق أنا عندي محل تجميل بالسوق واسعاري دابلهم يعني أبو 20بـ 60 ريال وين المشكلة هذي تسمى تجارة وبعدين الي ما معه لا تشتري فيه ناس قادرة على كذا وفيه مو قادرة وهذا باب رزق لنا ... واتمنى لا أحد يزعل من صراحتي |
اقتباس:
هلا وسهلا فيك أخوي حياك الله .. اسمح لي اقولك ان شغلك هذا هو الطمع بعينه .. وماهو طبيعي ابد لكن الجشع اللي خلاكم تسمونه طبيعي .. والا على مدار السنه الحريم يترددن عليكم وش اللي تقول لي المحل جالس سنه .. وكل السنه هذي وانتم تنصبون عليهن .. ومن الامارات اللي بخمسه تحطونه بـ 40 وهلم جرا ياخي زياده على كذا يجي موسم العيد وتقولون موسم .. ياخي والله ان كل السنه عندكم موسم للحريم .. بعض الناس بايام العيد يرفع شي بسيط .. عشان ضغط العمال بالموسم والكهرباء وغيره لكن السعر يتدبل .. وهو اصل متدبل بمكسب .. هذا اسمه طمع وجشع ... وانت تبيع ابو 20 بـ 60 غيرك يبيعه 170 يعني مافيه اي ضوابط وانت تشرف على المحل بنفسك " ممكن "<< حط تحته خط ؟؟ غيرك وياكثرهم يمسكونه الأجانب ابو يمن والهنود والبنقالية .. ويعطيك آخر الشهر الفايده وماتدري عن ابو المحل .. وهو دابل ام الاسعار ويتصرف على كيفه .. اي موسم ياعم بكرا تطفر وتندبل تسبدك وتخليه مثل اللي قبلك لاعبين على الخلق وراحت قروشه سحت بسحت .. وتذكر كلامي . شكرا لصراحتك .. واتمنى تكون متفهم وتحط نفسك من متوسطي الدخل بحيث تشوف معاناتهم ... وقاعدة اللي مامعوش مايلزموش هذي ادفنها بمحلك وكبرّ عليها .. لأن الرسول صلى الله عليه وسلم يقول : أحب لأخيك ماتحب لنفسك . |
| الساعة الآن +4: 04:59 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.