|
أفضل جهاز كمبيوتر وحقيقة الآي باد
السلام عليكم أسعد الله مساؤكم
اريد شراء جهاز كمبيوتر إن شاء الله ومتردد أحد يقولي الآي باد أفضل لا تشتري كمبيوتر وأحد يقول العكس أنا ودي أشتري جهاز لابتوب نوع جيد لكن مالي خلق أشتري ثم أقول ياليتي ماستعجلت الحين قاعد أسألكم وش الأفضل آي باد وانا ماقتنعت فيه أو جهاز لابتوب معين أمس لقيت جهاز سوني مخفض بسعر 3200 ومعه هديه جوال بس خايف يقولون ci5 أفضل من ci3 شرهتكم على اللي يدري وشن ذولي :p لاتبخلون على أخوكم بالنصح والدعوه والأرشاد :) |
نصيحه لوجه الله ابتعد عن الايباد صديقتي اشترته ورمته على جنب ورجعت للاب توب استخدامه صعب عندي جهاز ديل له 3 سنوات ديل معروف انه جهاز عملي يعني يتحمل الشغل الكثير عليه او ايسر بالتوفيق |
اقتباس:
|
انا استخدم جهاز ASUS
المعالج حقه i7 الصراحه رهيب وسريع وسعره رهيب 3800 مع مكافح الفيروسات الاصلي |
الايباد حلو مره واسهل للتنقل
والاب بعد بس اذا كان ماعندك محمول المحمول احسن لك وبالنسبه لاحسن نوع عندك توشيبا وابل وسوني |
اللاب توب ماعنه غناة أما الآي باد فهو للاستخدام السريع والتنقل والآي فون يغني عنه بس حجمه أصغر |
اذا ناوي على اللابتوب خذ سوني رهيب
و الأيباد روووعه و استخدامه سهل جدا .. و شي طبيعي اي شي جديد بالأول يكون صعب !! اذا انت من النوع اللي يحمل افلام و يشتغل على الفوتوشوب خذ لابتوب و اذا كنت تبغاه مجرد تصفح و العاب و غيره خذ ايباد |
انصحك بجهاز جالكسي تاب 2 جهازجميل جدا ومن افضل الأجهزة اللوحية |
يالغاليه .../
أنا انصحك بجهاز لاب توب ديل إستديو ( DELL Studio) ربي يوفقك |
ملاحظه /// اللي ما عنده كمبيوتر لا يشتري ايباد لان الايباد لا يستغني عن الكمبيوتر ..
|
الله يجزاكم خير جميعا حقيقه ماقصرتو
لكن عاد وش اللاب توب الأفضل ومواصفاته وسعره الله يجزاكم كل خير |
ياأعضاء وعضوات وين التفاعل يالربع وأقسم بالله إن شاء الله بشرتي لاب توب ومحتاج مساعدتكم
الأفضل وسعره ونوعيته لاتخلوننا وشكرن |
احس اذا تبي تصفح ومسنجر والعاب خذ ايباد
واشتر الكفر حق الايباد اللي يجي معه كيبورد |
لا يقارن الاب با الايباد
لا من الامكانيات ولا غيره نصيه خذ لاب لانه مافيه غنى عنه |
الايباد روعه
سريع والتعامل معه بسيط وسهل وتشيله معك في كل مكان |
الاب احسن والشركة اسوس رووعه وسعره 2800 وفوق عند الشامل
|
اذا عندك جهاز كمبيوتر اششر اي باد
واللي يقول صصعب صراحه ما اشوف صصعوبه ابدا يمكن عشان انا اعرف لوه وتسسذا نصصيحه لك اذا عندك جهاز كمبيوتر لو مكتبي اشر اي باد احسن لگ وققسم اللي يعرف لوه يقول وشلون انا عايش بدونه برامج فللله عندگ الاتصال عن طريق النت هذاا افل ششي وعندگ برامج القروبات والحركات اما اذا ماعندك ولاجهاز كمبيوتر تراا مهنا غناة عنه اتمنى اني افدتك اي شسموه ذذ ترا الواتس اب متقدر تنزله لامن الاب ستور ولا الجلبريگ يمكن تقدر. من السيديا بس على حسب بعض الاحيان يصير فيه مششكله السيديا واي استفسار انا حاضره |
اقتباس:
ما شاء الله تبارك الله لاقوة الا با الله اللهم صلي على محمد |
شكرا لكم ولتجاوبكم ونصحكم والفائده تعم الجميع الله يجعل ذلك بموازينكم
|
اقتباس:
الصراحه داخل مزاجي هالجهاز هو الأفضل مع السوني لكن وش مواصفاته وهل سريع أو يعلق يعني زي كذا الله يجزاك خير ام حمودي |
أنا نفس الشيء حبيت اشتري لابتوب
لكن نصحوني ناس خبرة وقلوا انتظري لأنه قريبا جميع شركات اللابتوب بتنزل أجهزة لابتوب يمكن تكون لوحية مطورة جدا جدا يعني نقلة وعشان كذا المحلات منزلين عروض على الأجهزة القديمة الموجودة الآن للتصريف وطبعا أفضل شركة سوني |
أم الوليد اجل رايك اصبر لين الحج إن شاء الله لغديهن يطيحن اويجي شي جديد ومميز جزاك الله خير
|
اقتباس:
وياك .. أنا قلت لك اخوي أنا انصحك بجهاز لاب توب دل إستديو ( DELL Studio) ما راح تندم سعره 3000 قسم بتدعي لي |
من ناحية التعليق إنسى .. و سعته كبيره جدا .. و خفيف
أذكرك تراك بتدعي لي |
نسيت أقولك << يا كثرك بعد اخلصي على الرجال ..
لا جد نسيت اقولك إن ديل إستديو نوعين : أنا بعطيك هالربط فيه جميع مواصفات ديل بأنواعه و استخداماته :: بس أبيك تدعي لي :: تفضل .. http://www.moshtry.com/dell-laptops-series/ ربي يوفقك |
الأخت روزيتا الله يجزاك كل خير بالعون إنك ماقصرتي لكن الجهاز مهب في السعر أذكري المعالج
وكارت الشاشه وزي كذا لأنه غير معقول أروح للمحل وأقول عطني جهاز ديل اللي ب 3000 وتراي دعيت لك الله يوفقك |
الاب شي ضروري والاي بآد آحسه شي مو ضروي زي الاب آهم شي يكون عندك لاب خآص فيك وبعدها فكري بالاي بآد |
انا اخذته بالسعر هذا قبل 4 سنوات /// هع اكيد الاسعار تغيرت الان
تيب ../ أنت استخر ربي يوفقك .. |
لا الافضل الاب توب ((asus))
والايباد جهاز اطفال العاب وبرامج مافيها اي فايده واتصال الانترنت فيه جدا سي شريته وبعد شهرين بعته بخساره ماانصحك فيه ابدددا... |
انا شاريه سوني قبل رمضان والمعالج i3ب2900 من جرير
بس على كلام الاعضاء احسن شي شفته حق البدر2 كثير يمدحون هالشركه وسعره معقول والمعالج 7 بالشركات الثانيه فوق 6 الاف .. |
اقتباس:
كلامك عن الأي باد أوافقك كثير لأني مش مقتنع فيه بس نستفيد من المجربين لكن بخصوص الأسوس مادري ماضنيت أفضل من الديل خاصةالأسوس جديد وجزاك ربي كل خير نصيحه مجربه |
اقتباس:
طيب وشلون جهازك عيوبه وحسناته وبعدين وشو البدر2 وجزيت كل خير |
الآي باد لا يغني عن اللاب أبدا
اشتر لاب توب وتوكل على الله |
اقتباس:
شكلي نويت لابتوب بإذن الله بس عاد وش الزين |
من اللي شرا لابتوب هاليومين وش نوعه وسعره والملاحظات لاعدمناكم ياهالربع
|
اللاب توب اهم واحسن شي ((asus))
واذا بتضرب عصفورين بحجر واحد شف اللي عند جرير لاب صغير من((asus)) جديد توه نازل ب2200 ريال اتوقع ذلك مميزاته تقدر تفصل الشاشة عن الكيبورد ويصير مثل الايباد تلقاه باعلانات الشوارع شفته هالايام عند لوحة اعلانات عند اشارة جامع الراجحي وانت متجه من النخيل رايح داجن |
آحسسن جهآز لآبتوبَ توشيبـــــــــــــآآ
آحسن بكثير من آلدل وآلآسوسَ , |
مابطيت انا شاري لابتوب توشيبا بنص رمضان مواصفاته المعالج i5 الهاردسك 500 الرام 4 وسعره ب 2700 من الشامل |
اذا قصدك علشان الشغل فالاب م عنه مثيل لكن للمحادثات والتصفح فأنصحك بالآيباد
اما عن اللاب فاسوس حلوو وسريييع وكذلك ايسر رائع وخفبف .. كلهن مجربتهن .. |
اقتباس:
مش مشكله الأعلان أهم شي التجربه وبودي أشتري سوني بس المعالج حقه i3 |
اقتباس:
بس التوشيبا أنواع وين الأفضل بس مايكون غالي فوق 4000 |
اقتباس:
طيب يبو خالد بذمتك وشلون عاد |
اقتباس:
بما أن الأي باد جديد فقد صر فت النظر عنه و إن شاء الله نويت لاب توب بس وين اللاب الزين كل مارحت عند محل قعد يمدح باللي عنده :oo |
افضل لابتوب اشوفه الان asus
انا معي اسس له سنة وشوي ماشاء الله تمام اسس حاليا شركة قوية وبتنافس الدل والتوشيبا وشركة الايباد احسن حاجه في الاسس انه موصفات روعه مع السعر المناسب وبالتوفيق لك |
| الساعة الآن +4: 06:48 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.