|
اللي مرززين صورهم عند الاشارات ... (( وجهة نظرك حول هذهـ الظاهرهـ ))
وش سالفة هالي مترززين عند الاشارات ..؟ ادري انه مهيب ظاهرهـ جديدهـ لكنه تكررت علينا .. حتى اصبحت لاتُطاق كل واحد راز صورته .. وحاط عبارات لجذب اكبر شريحه من الناخبين.. اللي كاتب : القادم افضل واللي كاتب : بريدهـ شرف واللي كاتب : بريدهـ همّي وش يحسون به ذولا ..!! يقاله اغرائات هالحين ..؟ مايدرون انه تكليف وليس تشريف ..!! :re يحسبوننا اول مانشوف صورهم وعباراتهم نروح بسرعه طيران نرشحهم ..!! انا ماعندي مشكله ان كل واحد يرشح نفسه .. بس مهب بهالطريقه ..!! اقسم بالله انها طريقه غير حضاريه ..!! وتفشّل ..!! :( والله مانب حاسد احد بس ماودي يكون التنافس بهالشكل الهمجي ..!! من وجهة نظري اشوف انه لايليق بمجتمع مثل مجتمعنا ان يكون طريقة الانتخابات بهذي الطريقه..!! اخواني اخواتي : موضوع دعوهـ للنقاش هل تعتبر التنافس والسباق على المناصب بهذهـ الطريقه امر حضاري والا غير حضاري , وهل تعتقد انّ تنافس كله من اجل خدمة المدينه ام انه لاجل الوصول لاعلى منصب ممكن ..؟ :) وفق الله الجميع لما يحبه ويرضاهـ |
هل تعتبر التنافس والسباق على المناصب بهذهـ الطريقه امر حضاري والا غير حضاري , وهل تعتقد انّ تنافس كله من اجل خدمة المدينه ام انه لاجل الوصول لاعلى منصب ممكن ..؟ أنا والله مالي بالأمور هاذي وأمثاله .. لكن عندي سؤال ..؟؟ ليش بالذات هم ؟ يعني مثل أي واحد يرغب بترشيح نفسه يقدّم ؟ أو فيه أشخاص معينين؟ |
اخي:وناسه الحضارة بريئة من مانرى من سفاهة!! ولست أدري ام ماكان التصوير لحفل زفاف !!!! لأني ارى باقات من الورد بجانب تلك الصور.. والأدهى أن ارى من ضمن تلك الصور ممن استغلوا ما يمتهنونه الأن من وظيفة للترويج لما يحلمون به،، وليس لتلك الوضائف اللتي بينوها صلة بما يريدون ان يصلو إليه!!! ولكن ربما لأغراض أُخرى؟. تحياتي..مع العلم أنهم قد أحسنو إلي عندما أنظر إليهم فأنكب مغشيا من ما أرى. |
إستيراد كامل لثقافة الإنتخابات حتى في العبارات !!
المشكله أن زمان العبارات المفخمه والقويه الجذابه ...ولى ...وانتهى .. حتى الأطفال يعلمون أن عبارت الإنتخابات هي.... تـدليس في معظمـها ... وأصبحت ليست عامل مساعد ,,, بقدر ماهي مضحكه .. ليتهم يبتكرون عنها بديلا ... للدعاية أعجبني بعض المرشحين ....فقط وضع على اللوحه ..( إسمه وأشار إلى برنامجه في موقعه على النت ) بدون كثرة هرج وهرطـقـه تحيتي .. .. |
هي مافيها شي بس كثرتها مالها داعي بكل مكان وبجنب بعض
|
أقول / والمشكلة أن تعاليم الدين انطمست تجرها ذيول المصلحة / حتى سياتي اليوم الذي نرى فيها مظاهر الجاهيلة يرفع لها العلم / وأذكر أن علمائنا افتى / تنصيب الصور من كبائر الذنوب ويختلف عن حكم التصوير الفتوغرافي للذين يرون أنه لاعمل للانسان به / ويرون حله / وأنا على يقين من سيدخل ليقول الشيخ حلل وليس هناك حكم بقي له حل وتحريم ولا أدري مابقي !!! من الدين ضاع الدين وانطمست معالمه |
سخافة نصب الصور تذكرني بإيامي الخوالي في حانات بيروت :confused: حيث نصب صور الفنانات الي سيقمن الحفلات والمشكلة والطامة الكبرى الي يقول رشحوني معكم الشيخ فلان الفلاني وهو كاذب |
×× الحمد لله والشكر على نعمة العقل ××
صار التنافس على المناصب امر يشغل بال الكثيرين.. ,,,.مايدرون انه فتنة هذا الزمااان.,,, |
كل الي حاطين صورهم وكاتبين حنا وحنا وبنسوي ونفعل لكم واي شي تبونه بينفذ
الوعد قدام اذا مسك المنصب شوفو السحب ع المواطنين بس يبي يترزز هذا اكبر همهم .... |
\
\ الطاسة ضايعة أصغر واحد في المجتمع يعرف ان هذه الانتخابات ضحك على النااااااااااس وتسكيت لكن كل اللي تشوفه فرقعات لاشغال الناس بامور تافهه والصور في مقدمة ذلك |
تذكرت كليب حامد الضبعان وعيد سعود
انتخبووني ياجمااعة :d:d:d:d:d:d:d |
صدقتم خل نشوف من افضل صوره هههه
|
أنا ما عندي مشكلة بهالترزز , كلها أسبوع ومصيرها معروف وخلوه يسوي دعاية ويستانس ( لزوم الظاهرة الجديدة , وكل جديد له شمه على ما يقولون ) المشكلة عندي إذا حط برنامج لحملته الانتخابية ما يسويه ولا الوزير بنفسه لكن نتمنى أن يكون لها ثمرة ولو قليلا , ولعل النصف الآخر من الكأس أن يؤتي ثماره ولو بعد حين . شكرا أخي وناسة وتقبل مروري . |
يارجال كل الانتخابات خربطه وماله داعي
|
ههههههه
ماشفتوا اللي راز لكم ساعته البيضاء يعني شوفوا .. كاشخ. كل هاللي يصبر بياخه. والله الرجال مخابر ماهيب مظاهر. اللي يبي ينفع ديرتي يعرف وش يسوي بدون طق أخيام,, |
ايه صدز يفشلون:s الحمد لله والشكر |
شيء طيبعي يعرف بنفسه عبر حملته الانتخابية ولو ما نعرفهم ونتعرف عليهم كيف ننتخبهم حتى بالمنتدى نرى صورهم وأهداف حملاتهم الانتخابية يبدو أنك تجهل طريقة الانتخاب |
_ياليت صاحب الموضوع ما كتب بعض الشعارات لأن أصحابها معروفين""
-غيث و عطاء : كلاااااامك في الصميم و لابد من أخذه بعين الاعتبار ***(أحد المرشحين لم يضع صورة له ، وهذا هو الفعل الصحيح)..*** |
عادي جدا وطرق مشروعة
المرة الي فاتت كانوا مرشحين الرياض يسوون شي اشد وماحد انكر عليهم الي حاط له خيمة وهات ياذبايح والي جايب قبيلته كله تمدحه والي والي هذولا حطوا صورهم مافيها شي ابدا ابدا الي يبي يصوت ماحد راده والي يبي يصك اثمه ماحد فاتحه خلوا عنكم الانتقادات الي ماله طعم انا انتقد اذن انا موجود |
اقتباس:
اي والله انك صادق حتى انا اضحك على اشكالهم وصورهم وعباراتهم :) بارك الله فيك اخوي |
اصلن ا?نتخابات مالــه
داعي.. وانا مادري وش يحسون به صراحه.. هاللي مترززين تقل بيروحون لعرس اللي ?بس مشلح واللي مادري وش مسوي يعني برايهم بننتخبهم علشان اشكالهم.. |
سؤال فيه بعضهم حاطين ارقام جوالاتهم
أبي أعرف ليه؟! |
مادري ليه حاطين ارقام جوالتهم يعني اني وبعدين جمل في اللوحة تخليك ترشح وانت مغمض
وبعدين بلدية كاملة عجزة تصيطر على المشاريع كيف انت تجي وتصيطر اقول شغل العمدة ارحم |
الصراحه فكرت أصِـف سخافتــهم !!!! فـ اكتشفت انه لااااااااا تُوصف !! >>>> أتمنى تغير توقيعك .. الصوره شنيييعه و ما يستحمل شوفته أحد ! عذرا :\ |
انا بصراحه ماادري ليش تنحط الصور ؟؟؟ يكفي الاسم !!!
وإلا عاد هالجمال اللي فيهم ؟؟؟ كل واحد اشين من الثاني كروش + حبوب في الوجه+ لحيه غير مرتبه + شنب مايل + نظرة متعاليه يقاله رزه =رجل سعودي ............ |
ماحولك احد :113: فالحينن بالترزز :d |
اقتباس:
المعرّف لايُعرّف ..!! الناس تعرف من الافضل بدون اي صور وخرابيط ..!! |
اقتباس:
وليش مركزة باشكالهم استحي على نفسك استغفر الله واتوب اليه |
سوو مثل الاسياح اللي كاتب على اللوحه (ارحل) واللي كاتب (مع نفسك)
* طبعا اللي كاتبين هم المواطنين ماهم المرشحين سي يو |
ياعمي نصف هالمرشحين شريطية معارض السيارات وش ترجي منه
|
الدعوى طهبله
|
اقتباس:
لاماابيهم يحطون صورهم الحلوه :S ياابوالركب والكراعين الفحم ...اوووه لا عفوا يامهند :rolleyes: |
اقتباس:
نعم احسنت نحتاج الى بديل قوي .. بارك الله فيك اخوي.. |
هو نوع من التقليد ولازم نماشي العصر هذا
بس ممكن يحطون أسماهم وأرقامهم ومن دون صور |
شي يحوم تسبد الحمار:d |
نشوفوا كروشن ولانرى عملا
الصدز حووموا اتسبدنا ودك بقرب مامعك وتصكه بجبهته :eek: ,
ياخي الناس تطورت وذولا الواحد منهم رازن كشرتة وفارشن براطمه ولابسن البشت يعني شوفوني .:S الله يكرم النعمه ومن الزود الملح ماحشين خشمه بالفوتوشوب ;) ومسمكرين اشضافوه (خشته وماجاورها) وضايعتن ملامحه :d وصايرن تقل نفود هابن عليه عجاج :rolleyes: والناس صاروا يقطعون الاشارة :i121 عجزوا يتحملون المهزلة والتفاهه , ولا وازيدك من الشين بلله :confused: يقولون نبي نسوي ونحط.. تقل يهرجون على بزران:( الحين البلدية والامانة كله نطل بنطل وكلن ماشي على كيفه وهذولا المقلط البلدي واللي قلبهم وش سووا.:42 انتم يالمرشحين والمشرحين تكفون فكونا وكلن يضف وجهه ولاعمرنا نشوفكم بالشوارع :mad: قاعدين بهالقوايل وبتالي الليل عند هالاشارات ooo1 ابا الهول على غفلة :cool: عاد يقولون انه بوه وفد من استراليا: 12 تخصصه اثار حجرية من العصر الخشبي يبي يشوف التحف ذولا :) ويمكن ياخذونهم معهم لدراسة علاقة بعارين استراليا بتلك النوعية خلال حقبة من الزمن الغابر :d وابعلمكم وش يصير عقب العصر:rolleyes: للتواصل عقب الفاصل واخيرا اذا معك بزارينك لاتمر من عند الاشارة لان الصور ماخوذه من فلم مرعب :i125 واذا شافوهم ماهب نايمين ذيك الليلة لاتقولون ماقلت لكم .: 12سلم لي على الوالده وقلها تسلم عليتس ام حمني . |
الموضـــــــــــوع :oo:oo:42
|
اقتباس:
كلام سليم |
أحد المرشحين اختار شعاراً لا يخطرُ على قلب بشر
عنوان الحملة ( الرجل الذي لا يعرف كلمة لا ) مدري من اختار له الشعار ، الله يصبرنا هالاسبوعين على الإخوة المتميلحين سؤال بريء : ماذا استفاد المواطن من المرشحين في الفترة السابقة ؟؟ |
ككثرتها ككثرتهاا كثرتهاا ي عالم غببيهه ,. كل ماوقفت عند اشاره اشوف وجييهههم وبجنب بععض كثثرتها ماله فايده عند كل اشاااره اعع
|
القااااااااااادم يحكي ستعلم غدا إذا انجلى الغبار أفرس رشحت ام.... ستعلم غدا إذا جلس المرشح نفسه على كرسيه ابريده يريد ام.... ستعلم غدا إذا رأيت القادم كالماضي مثل بمثل لا وكس ولا شطط الاعمال البلديه المطلوب تطويرها هي هي ملفات المراجعين والمطالبات في تحسن المدين وتنضيمها والاهتمام بشوارعها واحيائها ومخططاتها في البلديه لا يحملها ثلاث دينات وهي مغبره في الادراج وكأن المدينه تتطور بمسطح أخضر يضعوه على جانب الطريق أو مراجح لا تكفي إلا طفلين والثالث في قائمة الانتظار!!!!! وأحياء بأكملها بلا ماء او بلا أسفلت جيد او بلا تصريف صحي ..... اموال البلديه هي اموالنا جميعا فأين مصيرها ونحن نرى كل شيء على ما هو عليه وحسبك ببريده تطوراً إذا هطلت الأمطار |
العبرة في التنفيذ موبس في الكلام والفلسفة.............عموما اذا عن الترزز اممممممممممم ماله داعي ابد
يعني بأصوت لك من خشتك مثلا؟؟؟ تبغى تصويت سوي شي منه فايدة قبل ماتترشح وقتها بنقول هذا كذا قبل الترشيح اجل كيف بعد الترشيح؟! لكن اللي صاير (رشحوني بالاول)..... يعني قصدهم رشحوني والا والله ماتشوفون شي خخخخخخخ |
هي ليست ضاهرة
فالضاهرة هي التي تعدت المعقول |
اقتباس:
ولو أنه ليس لأعلى منصب ولكن للوصول لمنصبٍ ليس بمنصب . :) |
على هونكم على هونكم لاينط بكم عروق مب عروق وش هالكره وش هالحقد وش هالسب ي الله قسم كتبت ردي قبل م اكمل واقراء وش انتم رادين
سؤال يعني ؟ وش اللي مضيق صدووركم وراهم يحطون صورهم ولا وراهم يدخلون ب الانتخابات ؟؟ وأذ حطو لوحاتهم عند الاشاره ؟ هذا اكثر شي يمكن ينتبه له الواحد ؟ ولا وين تبون يحطونهن فوق نفود يصفونهم لا صراحه ي بكم حقد عجيب خليه يحط صورته وان بغى يرزز عياله والعائله الكريمه سبحان الله حقد بكم مب صاحي هههههههههههههههه اضحك على ايش ولا اصيح صراحه ي انكم حقدين حقد مب صاحي ابد بعدين تعال انت ي حمني نشوف خشك عاد اللي تفتح النفس يوم انك تسب !! مسوي خفيف دم !! بعدين ذولا كلهم منا وفينا واخواننا كلها كم يوم ولا صايرن شي قدامكم ي الحاقدين واذ بتقلون قبل 5 سنين وش سوو لاتعم حقين قبل وحقين الحين والحين تحس صدق فيه طموحات وانا سمعت ان بعضهم يبون بس شهره ل اخراجه ولا ل محامته هذولا نحطهم على جنب اما اللي صدق داخل من قلب ويبي يخدمنا م قلنا شي وعلى عيني وراسي !! بس اذ تبون الصراحه م توقعت كل الكلام هذا منكم ولا مافيه احد يقول او ينضمن من ضمن الانتخابات كلهم هجوم !! |
طلعوا من بشوتهم ولوحاتهم هههههههه
وش محرقن رزك انت الحين ياحليلك فضحت انفيسك
تكفى انت ايهم ابو بشت مكوي نصه:) والا ابوشنب اللي اكل الفوتشوب حوايفه:S والا راعي السبحة اللي تقل قاعدين بمحاورة :cool: والا اللي مسوي كنق وهو كله على بعضه سبرنق :d اقول اشوى ماصوروا من الساس الى الراس كان شفنا اعلوم ooo1 وبطون وشطوب وشهوب ولهوب :rolleyes: اخر الزمن يعطى الأمر لغير أهله وينطق الرويبضة.قاطعوهم قاطعوهم قاطعوهم قاطعوهم يكفي عبث :mad: يكفي سرق :oo يكفي مصالح على حسابنا :i125 والايام ستريكم صدق كلامي وبيان اساطيرهم ... |
أنا أعتبر أي واحد رايح ومتعب نفسه عشان يصوت .. أهبل !
وجهة نظر مالكم دخل بي ! وش زينوا اللي انتخبوهم قبل كم سنة !!؟ أنا لو يحصل لي كان أصوت ضدهم .. بدل ماننتخب مجلس ليش ماننتخب رئيس !!؟ |
اللي رازين صورهم بالشوارع هؤلاء اشخاص متقدمون للانتخاب والتصويت وهذي طريقه اعلاميه بكل اشكالها سواء رضيت ام ابيت
والطريقه الاعلاميه هي للكل ادخل الي اي رابط او موقع وشوف الصور للكل من لاعبين وفنانين ورجال اعمال وحكام ومحكومين ليس في بلدنا بل في بلدان العالم اجمع |
عار والله الصور مو علامة خير لبريده .
|
جزاك الله خير
|
الذباب اذا جاء على وجهك مايشاورك ..شئت ام ابيت
اقتباس:
لكن ليس اي شارع ادخل فيه او اشارة اجد تلك السحن بوجهي غصبن عني:( انا سمعت انه راعي البقالة البنقاليooo1 مرشح نفسه معهم :d ياحليله والله انه ابرك من ربعنا ذولا المشافيح وخاصة اللي رازن نفسه مرشح او مشرح 3 :S الله يحوم اتسبدكم قرفتونا :( ياليت من جدعكم بخو اثل . بالمقلط البلدي |
خخخخخخخخخخخخخ تفرج واضحك ع الوعود الكاذبه
|
اقتباس:
وشلون شفتي الكروش ؟؟؟ |
;كرشتة عاكستن بعيونوه وبكذا شافته
|
اقتباس:
سبحان الله يا أخي من قالك أنهم معروفين ناس عاديين جدا كيف تقول المعروف لا يعرف !!! على كثرتهم ما عرفت إلا عبد الله المهوس له نشاطات ويظهر في الإعلام أحيانا |
اقتباس:
أستغفر الله يا أختي الرد المتزن والعقلاني قد يجد القبول أكثر من المبالغة التي تجانب الحقيقة قال رسول الله صلى الله عليه وسلم{ : إذا قال الرجل هلك الناس فهو أهلكهم } تحياتي |
هههههههههههههههههه
|
اقتباس:
الظاهر إنك من قوم واجدر وش فيك قاعد تعيد حاقدين المسأله مو حقد بس إن كل اللي قاعد يصير خرط فاضي والله ما يسوون شي خاصة بعض اللي مسوي فيها فاهم وهو حده مكتبه وبعدين وش لون تقول حقد وانت الحين قاعد تتهم المحامين وش عرفك سألتهم ولا تبين لك صدق تافه أقول إفهم القصد من كلامنا ثم تعال تكلم وش قال قال إنتخابات . |
اقتباس:
والله إنك شنب عليك فيهم يا حمني |
الحين العتب على المرشحين ...ولا على مساحات القرار الممنوحه لهم ؟
المقاطعه للانتخابات البلدية الان غير مجديه ... المقاطعة المؤثرة حقاً هو عدم ترشح اي شخص حتى يمنح المرشح صلاحيات تمكنه من تنفيذ وعوده... فهل يعقل ان لايكون من بين هؤلاء انسان يستحق الترشيح ولديه افكار لفائدة مدينتنا.؟ |
| الساعة الآن +4: 09:12 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.