|
زيادة أسعار وجبات مطعم مذاقي بنسبة 15 %
السلام عليكم ,,(h) إبتداء من يوم الأحد القادم سوف يقوم مطعم مذاقي بزيادة اسعاره بنسبة 15 % :i121 http://img14.imageshack.us/img14/2228/66270978.jpg أعذار واهيه ولامنطقيه من صاحب المطعم أصلا هم اسعارهم مرتفعه ويجي يرفعها زوود تكفوون المقاطعه ثم المقااطعه لو يقاطعونه الناس اسبوع بس والله يرجع الاسعار اقل من الان |
من زينه مذاقي طعم شين وغالي لغير سنع
|
وع تكرم النعمه
وش عليه يرفع الاسعار انا مدري وش لاقين فيه الناس |
والله ياهو مطعم ××بدون دعايه×× لكن صدز اسعاره غالية بعدين هو مهب شيء اساسي مرة بالشهر والحمد لله |
يارب اكتب لنا مافيه خيرر
|
يابن الحلال اللي بمقامه هترديز وماك وهالشله أغلى منه
وبعدين لو هو رافع الأسعاار فجأة قلتوا كذا ويوم اعلن قلتوا كذااب يااخي بلا دلاخه واضح كل شي ارتفع سعره الدجاج وغيره |
اعوذ بالله احسن له يسكر المطهم الضباب احسن منه مع ان كل اكل المطاعم مرض الله يجعلة يرفع السعر 100% با 100%
|
والله قهرر مطعم حلوووو لأكن ان شاء الله نبي نقاطع معك |
اولا وين هوبه مكانه الحمد الله اني مادله ولا سد اكلت منه
ثاني وشو يسوي كبسه او برستات الحمد الله اني ماب احب اكل المطاعم لو اكل خبزه فطيرتي ماكلت اكل المطعم وحتي لو رفع سعره قولوووووووو له طز بك وبمطعمك المطاعم ماليه بريده بكل جخر مطعم قاطعووووووووه وشوفووووووو علي طول راح يرجع اسعاره بقل من قبل |
اقتباس:
والله ماخلى التجاريلعبون عليناالامن هالاكلام لكن لونقاطع اي سلعه ارتفع سعره عن المعقول كان مالعبوا علينا لكن مااقول الاحسبي الله ونعم الوكيل |
اكرم الله النعمه .
|
اذكر انا وبعض الاصدقاء طفينا فيه ببداية الأفتتاح لكن فجأه انقطعنا عنه(كذا؟)
من خلال تحليل بسيط عن الزياده أرى ان صاحب المطعم يحاول يستغل الزبائن قبل افتتاح مطاعم البيك.لانه وقته سيخسر اغلبهم ان لم يكن كلهم . من هذا الموضوع اعلن المقاطعه التامه له وسأخبر كل الاصدقاء ومن اعرف للمقاطعه وخل الزياده تنفعك . |
مقاااطعه مقاااطعه
|
وععععععععععععععععععععععععععععععععععععععععععععععععع عععععععععععع وععععععععععععععععععععععععععععععععععععععععععععععععع ععععععععععع مقاطعه |
يععععععععععع
من اول مافتح الى الحين ماذقته ولا عندي طاري اكل منه.... |
حتى مع الزياده يضل افضل وارخص من غيره
بعدين هو وضح سبب الزياده انت قاطع ترى ماوقف عليك المطعم شف الزباين وش كثرهم ماشاء الله |
^
^ ^ ههههههههههههههههههههههههههههههههه |
قريبا مطعم البيك وراح يكون زبينك الذباب والقطط ههههههههههههههههه قال مذاقي من الشين الشعار حبة فلفل شكلة صاحبة من الهند
|
بسم الله الرحمن الرحيم
أشكركم جزيل الشكر أولا على تنبيه الناس عن زيادة اسعار الوجبات لدى مطعمنا وعليه أجيب : ١-زيادة ريالين على جميع الوجبات ماعدا وجبة الطفل السعر نفسه والبروستد ريال واحد . ٢- زيادة ريال واحد على الساندوتش . هذا بالنسبه للأسعار الجديده أما بالنسبه لسبب الزياده فأخبرت الجميع بزيادة أسعار الموردين جميعا وللجميع الحق في التحقق من ذلك بأنفسهم وأنت نزلت الأعلان وماقصرت وفيه الكلام الي يثبت ذلك بأنني اخبرت الزبائن بالتحقق .،،،، كما أن من سياستنا عدم الغموض ورفع الأسعار من دون علم الزبائن بل قمنا بالاعلان قبل رفع السعر بشهر كامل ( إحتراما للزبأئن ) ولكي يستفسرون عن سبب التصرف في زيادة الأسعار وللمعلوميه ستجد غيري سيتجه لزيادة الأسعار في المستقبل القريب هذا اذا ماسبقنا بالتغيير ،،، أخواني الأعزاء لاتضنون بأننا فرحين برفع الأسعار كما يعتقد البعض بل العكس ضلينا أكثر من ستة شهور وحنا نشوف الأسعار تزود وحنا واقفين نترقب ماذا نعمل وأنا محرج جداً بأن أرفع ريال واحد على الزبون لأني مثله ولدي إحساس بذلك . الاعتذار واجب تجاه زبائننا ومراعاة لشعورهم كتبنا لهم الاعلان الأمر المهم جداً لدي وأريد كل شخص يمر على المطعم يلاحظه اننا لانستخدم أصناف رخيصه فمثلا ١- البطاطس المطعم الوحيد الذي ينزل بطاطس لامبويستون نوع ستلث على مستوى المملكه ماعدا فنادق خمس نجوم نظرا لسعره المرتفع جداً ٢- الزيت من أفضل انواع الزيوت كنور والسوق مليان رخيص ٣- الخبز من شركة هرفي وتعتبر أغلى من غيرها بالسوق وقس على بقية الأصناف الأخرى ،،،،، أنا لا أدعي أن مذاقي من أفضل المطاعم بل على العكس دائماً أرى أنه يحتاج الى التطوير والتجديد والدقه في العمل ونحن بتوفيق الله ماضين في ذلك وإنشاء الله سيرى الزبون ذلك بنفسه بإذن الله،،،، أتمنى من أي شخص غير مقتنع أن يمر المطعم ويطالب بفواتير الشركات السابقه والحاليه لكي يخرج بقناعه عن سبب الزياده،، رحم الله عمر بن عبدالعزيز كان يقول لمولاه مزاحم ( إن الأمراء جعلوا أعينهم على العوام وإني جعلتك عيني على نفسي فإن حصل مني ماتكره فشدني إليك وقل يأعمر ماتصنع) وأنا أقول أشكر هالمنتدى الذي جعل أعين الناس علي أعرف عيوبي من خلاله صاحب المطعم عبدالله صالح العضيب |
^^ الله يعطيك العافية .. إدارة تشكر عليها حقيقة كثير من المطاعم رفعوا السعر بيوم وليلة وبدون أي تنبيه برفع السعر كما فعلتم وحتى بعد رفع السعر أعتقد أنه يضل الأرخص مقارنة بالمطاعم نفس المستوى شكراً لكم : ) |
يالعضيب لعبتو علينا برفع الاسعار كل شوي ريالين حتى وصلت الاسعار 50%
|
لاحول ولاقوة الا بالله العظيم الله يعين على الزيادات
|
في البداية أشكر عبدالله العضيب على تجاوبه ورده في هذا المنتدى وفي الحقيقة أني من زبائنهوالمطعم جداً راقي ويستاهل وسبق أني طلبت منه ويوم رحت لقيت اللي أنا طالب ناقص فاتصلت على المطعم ووضحت له النقص وقال متى مافضيت مر ونعوضك أن شاء الله قبل الطبع;) لو خدمة التوصيل تاصل للشرق لكان أقدع مطعم ذذ |
[ يآناس لا بد الكل يرفع لإن الريال قيمته طا حت وأنتضرو بعد ترا الجاي أحسن ] |
اقتباس:
مذاقي المطعم رقم 1 المفضل لدي ، مابقى احد ماأعرفه عرفته بهالمطعم ولا فيه أحد استعاب أكله ، بل بالعكس جت على راسي :i125 كل شوي قايلين لي رح جب لنا من مذاقي أو قوه نبي نروح له :d لذلك حتى لو فتح البيك مذاقي لن يتأثر أبدا :41 وأذكركم بعد .. |
بلعكس وربي رووووعه بس اسعاره غاليه |
بالعكس والله مطعم مميز ورهيب بل انه ينافس المطاعم العالميه الموجوده ببريده ماك وهرديز وكنتاكي انا بكل سراحه افضله على كنتاكي وهرديز وايظا ارخص من هرديز وكنتاكي وماك اقتباس:
والله من الهداره بعد واعتقد اكثر اللي قالوا وع ماعمرهم ذاقوه ولا انهم اخذين وجبه مش جيده |
عاد من زينه الحمدلله على النعمه ما أدري وش علية طارين به الناس ( بس محترم يحط تنبيه إنه بيرفع السعر:d مؤدب :080: |
الخسران المنتدى لأنه عمل له دعاية وهو بيرفع الأسعار .. قاطعوا المطاعم كافة أحبابي والمالك الأصلي الأجانب والأسم منقول من رخصة البلدية للكفيل ؟؟؟ |
اقتباس:
ياخي اذا ماجازلك المطعم لاتزعل نفسك دور غيره وإنسفه ورى ظهرك ويادار مادخلك شر |
مقاااطعه مقاااطعه |
يابو نادر
والله ثم والله ان الأجنبي مايملك مسمار ولاتدخل بذمتك شي |
كرم الله نعمه
|
أسكت يا أخوي لا تسمعك المطاعم الثانية ويرفعون الأسعار
|
وععععععععععععععععععععععع
|
| الساعة الآن +4: 10:07 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.