|
معــاناااة طالبات كلية الشريعة ...
لكم ان تتخيلو اكثر من خمسين طالبة تحت لهيب الشمس وبلا ماء لمدة ساعة الا ربع .. هذا اللي صار لطالبات كلية الشريعة أمس .. بعد ما انتهت المحاضرة الاخيرة توجهنا لباب الحافلات منشآن ينقلوننا لساحة الباصات اللي بالاسكان تفاجئنا ان الباصات جاية ومتحركه قبل الساعة وحده ونص ، انتظرنا الباصات الثانيه تجي كان هذا الساعة ثنتين الا ربع لكن ماجت الباصات الا بعد الساعة ثنتين ونص ، وحنّا يابعدي راصين بالشميسه واللي زاد الطين بلّه انهم مسكرين الكفتيريا بدري << الله حسيبهم >> .. اللي ودي اعرفه بنات المحافظات متى وصلن بيوتهن ؟؟؟ اللي انا بوسط الديره وصلت الساعة ثلاث وربع !! وسلامتكم |
الله يكوووووووووون بعونك
انصحك اجري نقل خااااااااااص اريح لك نفسياا الله يوفقك ويكون بعووونك |
الله يعيننا يارب مير بما انك جبتي طاري الباصات ياختي الحين باصات الكليات جميع يعني الحاره الوحده له باص وينقل لكلية الشريعه والكليات الثانيه ... لأني أنا انتساب ودي الترم ارووح مع باص والترم الثاني خاص اذا حولون انتظاام |
الله يعينكم
|
الله يكون في عونكم وان شاء الله مأجورين على الصبر والتحمل
|
اقتباس:
|
الله اللي يفرجه...
ولا ذولا مامن شاف وجيههم رجى خير... وبعدين ليش تاخر عليكم...جاي من المريخ مثلا... |
الله يعييينتس يابعدددي
|
الله يكون بعونكم..
|
ياكثر ماتصير هذي أنا مايضيّق صدري إلا بحوش الباصات بالإسكان تجتمع كل الباصات 1:30 ومانحرّك إلا 2:20 خيييييير إن شاء الله ماأدري ليه يسولفون السواقين ولا شو حررر مايحسوووووون هذا اللي مضيّق صدري صراحة لكن الشكوى لله ,, الشكوى هنا ماراح تفيدنا |
رحت معه ولاعااادته من رووووحه
حررررررررررررررررررر بحوش الباصات يازين الخاااص بس متى مابغيتي تخلينه يجي اخذنا انا وصديقاتي جميع منة الله ولا منة خلقه |
الله يعينكم..
|
ارسلو خطاب الى معالي مدير جامعة القصيم
|
اقتباس:
اجل غنو مطولك ياليل الله من قل الفود والله ان تروحن على رجليكن اسرع من اوامر البية تجيكم (قم بس قم ) |
لا حولا ولا قوة إلا بالله
والله شي يقهر |
كلامك صحيح وشكراًعلى طرح مثل هذا الموضوع وبالمناسبه
أنا أختي في كلية التربية تقول يطلعوننا برا للحوش غصب بالشمس نجلس من الساعه 11 إلى الساعه1 نموت من العطش والحر والعرق وتعامل الأمن معنا زفت وقلت أدب واستهتار بنا كذلك الإداريات وكأننا في سجن أبو غريب تقول أختي أمس رفضت أطلع للحوش لأني مرهقه وأخاف أدوخ جو الأمن ورفضت أطلع توقعوا بماذا تعملوا معي ..... اتت إحدي منسوبات الأمن (مي) بتشغيل ماطور الماء (الدينمو) ورشون بالماء أنا ومن بجانبي من زميلاتي ذهبت إلي الأستاذة (حصه ب) وانا اتصبصب من الماء وشكوت لها حالي وياليتني لم أذهب سمعت منها مالم أسمعه من قبل سب وشتم وقلة أحترام أنا لن أشكوا إلي مدير الجامعه أريد فقط أن أسألة أين ستذهب المليارات التي وقعتها مع وزير التعليم العالي هل ستضعون لنا مكيفات أم ستذهب لما لا يسمن ولا يغني من جوع أخواني آسف علي الإطالة ولكن أشكو بثي وحزني إلي الله |
الله يكتب مافيه خير
|
أرجوا من الإخوة والأخوات التفاعل مع هذا الموضوع
|
اقتباس:
وسبق اني سألت أحد المسؤلين وأفادن بالامر وتأكد بعد من هالكلام العام كان فيه 6 بنات من الكليه العلميه يطلعن من المحاضره الساعه 2 وعشر همن يجيبونهن بعدين يحركن الباصات والله يعينكم والمسلمين |
وش هالكليه كله لعب وبلاوي!! اليوم انلطعت ساعه عند الباب .... احتري خواتي يطلعن... ويوم طلعن وثر وحدة عباته لحد الركبه والثانيه متغطيه بطرحهّّّّّّّّّّّّّّّ!!!!!!!!!!!!!!!! قلت خير وش صاير ؟؟؟ تخيلوا بس معي ... كل العبايات اللي عند باب الشريعه خالطينهن مع بعض؟؟!! خير ان شاء الله ؟؟؟ واغلب البنات ماحصلوا عبياتهم ومن هذا المنطلق كل وحدة اخذت عبات وحدة.... ((اويلاه بس مالقوا من يربيهم)) |
صبرا جميل والله المستعان
|
اقتباس:
ايه يابعدي هن عبيهن كانهم بحراج كابينهن جميع اليوم خالطينهن خلط ياويلي اوجيههن تقل احد ملفعهن من الصدمه مالقن عبيهن حسبي الله عليهم :mad:مدري من هالملقوفه الي خالطتهن :i121 |
اقتباس:
أخوي << متى نلتقي >> من اليوم ورايح لا تلوم خواتك وتوقع أي شي يصير من الكلية .. وع فكرة أنا اختي من ضحايا اليوم ، سألت وحده من الموظفات ليش رامينهن برا قالت هذا كلام الوكيلة ؟؟؟؟!!!!!!!!!!!!!!!!!!!!!!! وماهي اول مرة ، سووها العام الماضي .. ** مـــــلاحـظــــــة ** أشكر كل من تفاعل مع موضوع .. معاناة طالبات كلية الشريعة .. وأتمنى من كل طالبة بكليتنا عندها معاناة أياً كانت تدخل هنا وتطرحها لنتفاعل معها جميعا لعل اصواتنا تصل للمسؤلة الاولى د/حصة الحواس .. (صراحة مشاكلهم صايرة واااااااااااجد ) :confused::confused: |
الله يعين
ع ها الكليه بخيررر قسم جامعه فااااااااشله يستحي الواحد ينتسب له |
اي والله قسسم تعذبت تعذب اليووم بتدوير عباتي عسآآهم لمنب قاايله صقعتن الششمس وانا اعسعس بين هالعبايات:eek5 الله يااخذهم حتى ليتهم حطينهن ع صفطت العبات حايسينهن حووس:( العباه هناك والنقاب بذاك والطرحه محلووته عسساهم لمنب قاايله قسسم بالله تكدر يومي بسبتهم:eek5 |
الله يكون في عونكم
|
اقتباس:
أنا مايقهرن إلا المفروض يحطون وقت واحد يشيلون الطالبات فيه يعني ننحمس بالشمس وغيرنا بالقاعات تحت المكيف لا تقولون بالباص مكيف المكيف مثل قلته المفروض يشوفون متى وقت خروج جميع الطالبات وإنتهاء محاضرات الطالبات من الكليات وبعدين يجمعوننا |
الله يكون بعونكن
|
أما العبايات اليوم :(:i121:i121
حسبي الله ونعم الوكيل |
اجل حنى يابنات كلية التاهيل نموت من الحر تخيلو ياعالم قاعدين يحفن عليهن مكيفات صحراويه والماء حار
مادري متى بتطور ماندخل بالقاعات الا وروسنى مستديره الله لايوفقهم ... |
^^ ههههههههههههه الله يكوون بعونكم مير عندنا وعندكم خير مير اشكالنا تووحفه بالكليه اليوم حنا وهالعبايات الحمدلله انا لقيته مير اختي اخذت عباه تحت الركبه ولبسته طبعن الكليه فضت مابه احد هههههههههههه وشكله نككته تبتلين تضحكين |
^ تخيلي أبلبس عباة غيري :s |
الله يعينكن الباصات بلا و وتعب أنا عجزت أتحمل الباص مرة وحدة بيوصلنا لمدرسة التربية العملي وطلعت روحي من رجته <<<<< حوش الباصات بكلية الإسكان كبير تدرون ليش؟؟ لـ فرشات وقهاوي وسواليف سواقين الباصات <<<< |
الله يعينكم
|
الله يعينكم ........
|
........................
|
ربي يعينكم
|
اقتباس:
وراء ماتلبسينه؟؟!!! والله اذ صار اخذين عباتك وش بتسوين ولاتطلع بدون عباه احسسن:) |
احسن لتس خوذي نقل خاص يالله من فضلك دلع على كيفك
|
اقتباس:
لا ياحبي لك أكيد ماراح أطلع أتصل على أهلي ويجيبون لي عباة مافي أممممل آخذ عباة غيري + غريبه يسوون كذا أنتم مخالفين بشيء اللي أسمع فيه المدارس يعاقبون المخالفات كذا |
الله يكون بعونكم
|
الله يكون بالعون
|
الله يعينكم
|
ااااااه بس مشاكل النقل والباصات تهوووون عند مصيبة التصوير هاللي طايحات به بنات ماتربن :oo شششئ يقهرررر .. |
أنا والله سحبت على الباااااااص الظهر
لاوصلت البيت مابي عرق يسقي عرق خوذي لك نقل خااص |
اتمنى من مدير جامعة القصيم النظر في معاناة الطالبات من حيث ازدحام الطالبات بالقاعات والبعض منهن لاتجد لها طاوله وكذلك معاناة طالبات كلية الاقتصاد حيث انهن بعد المحاضره يتم اخراجهن الى الحوش تحت اشعة الشمس او تحت الشينكو بالحر حتى موعد المحاضره التاليه والبعض منهن لايوجد لديهن محاضرات متتاليه فتجلس تحت الشينكو بالحر وفيهن المريضه وغيرها وكذلك معاناة الطالبات بالانتظار في ساحة الباصات حتى خروج جميع الكليات ، علماً ان موعد بدء الدراسه في كلية الاقتصاد الساعه السابعه والنصف وموعد الدراسه في كلية الشريعه الساعه الثامنه والنصف واتمنى ان يتم توحيد وقت الدراسه لان فيه طالبات من خارج بريده
|
الله يعينكم:eek5
|
الطلاب يريدون إقااااااااااااااااالة المدير .. لانه وبكل صرااااحة وضع الرجل الغير مناسب لهذا المنصب . |
اقتباس:
آشوا اني طالبة مدرسة آششوا لاوصلت 1 ونص ضاق صدري ياحبي لباااصنا اثره حليل فدييييته :d |
| الساعة الآن +4: 04:00 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.