|
معاناة مع مرض ابوالوجيه
مساكم الله بالخير
بالمختصر عندي مريض يعاني من ابوالوجيه" ميلان الوجه" من فترة طويلة مع العلم انه جرب كل شي كهرب وابر صينيه ووطي الرقبة ولكن لاتزال بعض الاثار باقية ..بما ان المرض معروف ودايم يجي بالبرد ابي تعرضون تجاربكم وهل فيه احد ثقة يعاالج بالقصيم ياطى الرقبة او يفصد مثلا؟؟ الله يحفظكم من كل مكروه |
الله يشفي مرضاكم يارب
انا عندي تجربه مع المرض والحمد لله تشافيت منه بفضل الله ثم فضل حرمه بدويه نصحتني وقالت لي اني اقلل جلوسي بمكان فيه نور والمكان اللي اجلس فيه يكون مضلم شوي وبالنهار البس شال او طرحه بحيث انه ما يتعرض للنور والله يشهد على كلامي ..وتشافيت بفضل ربي وما فيه اي اثر وطبعا مع الاستمرار على العلاج الطبيعي والله يشفي مرضانا ومرضى المسلمين يارب.. |
سمعنا بهذا المرض وافضل شيء من بعد الله الطب الشعبي
انا سمعت فيه رجال في حائل يعرف ومتخصص في وطي الرقبه يعني فصل العرق المتلتوي هذا حد علمي |
.
التدليك .....مهم جداً انا لي تجربه مع احد الأقارب كنا ندهنه بزيت دافئ وينام ع كماده فيها ماء مغلي في غرفه مافيها نور .....كل ليله ...والحمدلله رجع الوجه مثل اول بدون اى أثر \ماشاء الله لاقوة إلا بالله كمان لاتهمل جلسات المستشفى ... وأكل العلكه دائما "" والله الشافي |
الله يشفي مريضكم وامراض المسلمين اجمعين |
الله يشفي مريضك ويعافيه
ويفيدونك الاعضاء ان شاء الله طهور طهور ان شاء الله |
اقتباس:
الرجال معروف بسس ترا بيحط رجله على رقبتك بس للأسف مامعي رقمه ولا ماقصرت معك ولد اخوي تشافا بعد الله وثم هو |
الصمعاني اللي يكوي بالرياض تفطة كويه فوق الاذن وحده بوحده اسبوع او حوله وإن شأ الله طيب ( مجرب
|
الله يجزاكم خير على تفاعلكم
واللي بحايل رحت لمه ولا استفدنا والحمدلله والمرض له الآن ثمان شهور هل فيه احد استفاد وهو متأخر مثل كذا |
للرفع
|
'طيب كيف طريقة علاجة ال بحايل
|
اللي بحايل ياطى على الرقبة بس هم يقولون انه لازم تطق
وحنا ماسمعنا طقه لكن طلع من الاذن هواء حار والآن ودنا نشوف احد يطقه مرة ثانية لعله تنفع واغدي نلقى احد بالقصيم قرررريب |
بسم الله الرحمن الرحيم
أولا/طلب الشفاء من العين،لأن الوجه من أسبابه العين والعين حق؟! ثانيا/لننظر إلى المرض وهو ضعف في عظلات الوجه؟! الحل والعلاج بإذن الله وأرجو الدعاء؟! زيت زيتون ((أصلي))،عصرة أولى ماء مغلي بشدة ملح خشن يحرك الملح حتى يذوب بزيت الزيتون الأصلي ملحوظة/يجب أن يكون الزيت أصليا ثم نقوم بتقوية عظلات الوجه بتدليك المكان بشدة ثم ترجع بإذن الله العظلات باسرع وقت ممكن مع القراءة عن الرقاة أرجو الدعاء والله يشفيك ويشفي مريضك إنه سميع مجيب |
الله يشفيك يفيدونك الاعضاء
|
حتى النصيحة لن تلقى وجه
. . صاحب صاحبي فقط . . |
ياشباب قالوا لي فيه يطق الرقبة بطريق عنيزة" استراحة روابي" من يفزع لي ويجيب رقمه
او يوصف لي مكانه بالظبط |
شوف اذا كان المريض اللي عندك كبيييير فس السن فالشفاء من هذا المرض راح يكون صعب امي تقووول اذا كان كبييررر ماراح يشفى ابدا والله أعلم
أنا صابني هالمرض مرتين لكني كنت صغيرة وراح أنقلك تجربتي معه وللمعلومية لم أكوي ولم أستخدم علاجات شعبية ولا جربت هذا اللي تقول عنه الوطي كل اللي سويته جلسات بالمستشفى وبعض الأشياء اللي راح أنصحك فيها كل ما عليك فعله 1- عدم التعرض للبرودة والهواء على الاطلاق ولف الوجه بلفه صوفيه أينما كنت في البيت أو خارجه 2- تكميد المنطقة بكمادة حاااارة 3-التدليك مهم جداا 4- تمارين الوجه مهمة ابأذكر لك بعض الأمثلة ((النفخ والفم مغلق -العبوس -تقبيط الحاجبين ورفعهما وتنزيلهما بشكل مستمر-الابتسامة -التغميض))وهذا التمارين لازم تسويها بشكل يومي ومستمر يعني باليوم تسويها أكثر من مرة 5- تعريض الوجه للشيء حااار مثل الدفاية هذا اللي قدرت أفيدك فيه |
الله لايريكم مكروه
|
بدون لقب كم استمر معك المرض لين راحت كل الآثار؟
|
طيب هل جربتو الرقيه
انا صارت لولدي وكان عمره تقريبا خمس سنوات بس انا استمريت بالتدليك ادلك رقبته واخليه يعلك علك وينفخ بلونه بشكل مستمر واسوي تمارين لوجه مثلا يحاول يرفع حواجبه وينفخ الخد الايمن ثم الايسروالحمد لله تشافى بس اذا جلس يبكي يبين على وجهه خصوصا العين تختلف عن الثانيه والله يكون بعونكم يارب |
اقتباس:
بالشهور الأولى هذي الاثار بس المرض بدا يروح بعد الست الشهور الأولى أما الاثار طولت بس مي واضحة مرررة |
ضروري يكتوي ويتحجم وماتطول ترها وعلاجها جدا بسيط أستغربت من المدة الي تقولون
الله يشفيكم |
اللهم اشفي جميع مرضى المسلمين
|
قف أرجو أن تأخذ كلامي بكل جدية ومسؤليةوبإذن الله تستفيد اذهب ألى أستشاري مخ وأعصاب وقل له يصرف لك أبر فيتامين b12وابر فلتارين وتأخذ جلسات تدليك وتأخذ مطوية تجدها عند العلاج الطبيعي في التخصصي تشرح لك التمارين الخاصة بمثل هذا المرض وبحول الله وقوته تجد كل الفايدة |
| الساعة الآن +4: 02:00 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.