شـوف الـعـلـوك .. وش سوت لمصنع العلوك ..
 

السلام عليكم ..


مسائكم معطر برائحة العلك ..

كلنا يتبضع ..
وكلنا يغدو ويروح الى الأسواق والصيدليات ..

وكلنا يدفع ( الدراهم ) ..

وكلنا يتبقى له بعض ( الهلالات )

وكلنا يعطيه الكاشيرا .. ( علك ) بدااااااااال ( الهلالات ) ..
ويقولوه ( يالله دحدر لأهلك :d ) ..



ونحن نأخذ ( العلك ) مغلوبين على أمرنا ..
والكاشير ينظر الينا بلطف ويقول .. ( الله من قل الدبرة ) ..


قبل لحظات تمسك علبة النيدو وتقول هذي عند المحل اللي جنبك .. بــ36 ريال ..
ليه حاطينه بــ36.5 وش هالفرق بالأسعااااااااااار ..


لاياحبيبي .. هذي علشان هالنص ريال يبي ( يسحبونه ) من بين عيونك ..
ويعطونك العلك توسع صدرك عليه ..


السؤال هنا ..
من الراااااااااااااابح في هذة العملية ..

الجواب : أكيد مافي غير صاحب مصنع ( العلوك ).. ( باطوق ) ..


وللحقيقة والايضاح ..
اترككم مع هذا التصريح .. اللي يبين لنا حقيقة ( العلك ) .,.

يارجال العلك أنفع من الهللات التي تضيع

لو أخذتها وين توديها

ولعل العلك تضمه وزارة المالية إلى عملتنا

فقد أصبح ذا قيمة عند الكثيرين

شكرا. مدحتووووه

موضوع رائع

سامي بريدة ..

هلا بك يابعد حيي ..

بس العلك يلزق بالرجلين والنعال .. والهلالات ماتلزق :d..
<<((== تكفى الزخوه بطراق اولاه .. وقله لاعمرك تفكر أو اتحلل ..



أما عاااااااااااااد يضمونه للعملة .. والله ياهي فله ..
بس يحطون صورة من .. ( سديق مابي مئلوم أربي ) لاتوهقنا فرقعين جدي ..



سامي بريدة ..
تحية لك بحجم خدود ( حمد ولد خالي :d ) ..




سي يو ..

جنوني ..

شكراً الف .. على حضورك الكريم ..

تغريد ..

ماشاءالله اجل اللي يفتح الشنطة ..
يحسبه شنطة وحدة من عهد هارون الرشيد .. كله ( دنانير ودراهم ) ..



وعلى قولة ( امك ) الريال ( له إعراء ) ..
يعني مثل ماقالوا المصرين .. ( أحفظ قرشك الأبيض ليومك الأسود ) ..

بس لاتقولين لأمك هالمثل همن تحسب المثل .. أحفضي ( قشتك ) الأبيض ليومك الأسود..


شكراً لكي على مرورك الكريم ..
وأفطني للدرنانير .. لايصدن ..



سي يو ..

علك ؟
عادي مافيها شي
سيارتي كلها علوك من يوم صار الببسي 1,5

أحد الزملاء قدّم ريالين (أنصاف)لمقهى على احد الشوارع (خدمة السيارات)
فرفض العامل استلام النقود المعدنية|..
اتصل الرجل على الشرطة وبعد أخذ وعطاء (وهوش ومعط شوش)
كاد أن يؤخذ العامل لمركز الشرطة وتم كتابة تعهد على (البنقالي)

وبالنسبة لي فغالباً آخذ (علك) لأنني من محبيه:)
مدحت لك تحية بحجم العلك

المتمرد ..


قل آمين ..

الله يجعلك ( تطقطقه ) بالعافية يالبي ..



مير على فكرة .. ترى العلك له ( مآرب اخرى ) يابعدي انت ..


يعني عااااادي تلزقه بشعر الشغالة .. تخليه تبلش بوه ..

وإلا تمسك أخوك الصغير .. وتدعس العلك بين إصابع رجليه ..


أو إجدعه عند باب الشارع .. علشاااااان إذ دخل أحد لزق بنعاله ..
وحاول ان تتحرى الوقت المناسب مثل الظهر .. علشان يتمطط ..


همن اقعد تفرج عليهم .. أنوااااااااع الونااااااااااسة والفلة ..



<<((== اويليه بس يالنجاااااسة .. الله من الفرااااااااعين ياهالطعمية ..




مشكور يالبي يالمتمرد ..




سي يو ..

لا تعليق بعد هالرد :d

لكن ملحوظة ترى أسعار العلوك إرتفعن لأن العلك بدأ يشعر بالغيرة بسبب رخصه لذلك البنقال و عمال الصيدليات بدأوا يبحثون عن البديل وأظنهم إستقروا على وضع قانون خاص بهم وهو أن أي مبلغ تحت الريال يصبح لهم برضى العميل ولا غصب عنه .. و كلامي من واقع تجربة خاصة في أماكن مثل الشفا و السويدي بالرياض أما بريدة ما بعد لاحظت هالشي عليهم ..

الله يجزاك خير والعلك نآخذه لمن قضآ علك الدوام خبرك حق الشياكة .. :d

- الحين به شئ أسمه تبي النص ولا تبرع به .. وهو خيآر يناهز مرتبة العلك الأولى ويهددها بالزوال

.. مشكور - :)

قلب من ألماااااااااااااااااس ..

أما النقود المعدنية .. <<((== ثكلتك أمك يابن ابي زحلطة ..


عاااااااد الصيدليااااااااات حرج ولا حدث ..
لعبتهم ( جبر ) النص ..
وإن شافوك ( مصمل ) على النص ..
عطوك العلك اللي بدون سكر .. علشان تحرم مرة ثانية تطلب ..


وياحيلة الله ..


وشكراً لكي على تواجدك ..


سي يو ..

العلك أنفع من الهللات التي تضيع

بدون إسم ..


الخواجاااااااااات .. لو مالقى هلل .. كان رجع ( تفاحة ) والا ( موزة ) ..
على قد النص ريال .. أهم شي يصير الحساب مظبوط ..



بعدين أنتي اذا شريتي من الجامعة ورجعوا لك ( علك ) ..
قولي لهم لا ماأبية ( صايمة ) .. <<((== الله من الذهانة بعد ..



بدون إسم ..
شكراً لكي على تشريفك هنا ..
بوركتي ..



سي يو ..

شهر زااااااااد ..

كلاااااااااااااام مفعم بقوة الشخصية والاراااااادة وإثبات الذااااات ..

التناااااازل عن اي شي .. يفقدك كل شي ..


دمتي بعلك .. عفواً دمتي بود ..



سي يو ..

فهد الرسي ..

( وش يقربلك حمود الرسي ) .. خال سليمان الرسي وأخو ياسر الرسي ..
ولد عم بدر العلي الرسي :d..



اجل ربطة العلوك ماتعوق معك .. بساعة وحدة وانت قايلن به كله ..

المفروض باطوق يعطونك هدية .. على هالاستهلااااااااااااك يالبي ..

يعطونك العلك الكبير ( الزهري ) ابو سبعة ريال ..

اللي صاير كأنه لفة ( لزاااااااااااااااق ) ..



موفق يابعدي وتشرفت بحضورك ..
ولاتنسى تسلم لي على حمود .. إذا شفته ..




سي يو ..

مغترب ..


اجل ( النقود المعدنية ) .. <<((== ترى سيبوية قاعدن يطق إصبع من الوناااااااااااااااسة ..



يعني اجمع هالأنصاص اللي عندي بدرج السيارة .. واعبي بهن بنزين ..
لو تفتح درج سيارتي كان تقول هذي سيارة واحد من ( عهد عبدالملك بن مروان ) ..
مجمع بهالدنانير والدراهم ..


سلمت ياحبيب البي ..

وجمع الله لك بين النص والعلك والبفك ..




سي يو ..

أحيانا أخذ العلك
وأحيانا أخذ النص غصب على راعي المحل

آخذ علك مستكة إذا كان ماعندي بسيارتي ..

ولا الهلل جان وقت بمخباتي لإن سيارتي بيوم من الأيام صارت مستودع لباطوق ومناديل الحساسية :d


سي دوام ..

.

يحط العلكـ بدوون مايشاور مع الاغراض
واطلعه ~~> اقوله مافيه ستـــــــيـــــف
ولسان حال المصري يقول ( تشرط !)

وه ماجننا بزود هـ العلوك ، كل الخلق يعلكون وياليتهم كلهم مثل الاوادم
لااا نمنمنمنم > صوت العلك مافيه ولا ذوق بالعَلك اللي هو المضغ ،
يحومون التسبد فـ على راي المثل : قرقعة الهلالات وجغجغة العلك !
حلو لو فطوم بنت باطوق تحط موظفات وموظفين سعوديين
متخصصين في تهذيب السلوك اثناء مضغ العلوك ..

ألا موب اسمه لبان ؟!


-

.