|
نقطة تفتيش مرور وظلم وسوء معاملة مواطن بريدة امس
بسم الله الرحمن الرحيم
الاخوة الكرام .. ومن يهمه الامر السلام عليكم ورحمة الله وبركاته .. صورة جديدة من صور الظلم تسجلها نقطة تفتيش مرور في بريدة مع عدد من المواطنين والمقيمين .. في يوم الاحد الموافق 2 / 1 / 1432 قبل اذان المغرب بقليل الموقع .. بريدة .. شارع الاربعين .. اذا صارت صناعية السليم ومحلات زينة السيارات يسارك يجي اشارة تقاطع الاربعين مع ش الامير فيصل بن بندر ووجهك باتجاه دوار الزراعي .. بعد الاشارة في المنعطف تجي نقطة التفتيش المقصودة ( معروف مكان هالمصيدة .. قصدي النقطه ).. المهم امس الاحد حصل موقف يقهر مرة .. تم توقيف بعض الشباب .. بانتقائية تامة .. يعني يختارون .. ما ادري وش مقياسهم للمخالف المهم بعد تجمعنا على العسكري لاخذ مخالفاتنا .. ( اغلبها تظليل ) لاحظنا عدم ايقاف مخالفين علنيين واسوا منا وفيهم شباب صغار وكبار وسياراتهم مكتومة تظليل اسود بالكامل ... بدأت اصواتنا تطلع .. ليه هذا ماتوقفونه وهذا وهذا المهم مر حوالي عشر سيارات كلها مخالفة .. ويمشيهم العسكري بدون طلب ولا حتى اثباتاتهم .. الامر الذي اغاضنا صراحة .. وارتفعت اصواتنا ورحنا لاحد العسكر وماعطانا وجه .. والثاني يقول هذي التعليمات .. ( اي تعليمات تمشي ناس وتخلي ناس ) .. المهم .. قام احد الشباب ( مشكور ) بتصوير هالوضع لعرضه على المسؤولين علشان لما نقدم الشكوى يكون هذا الاثبات .. والله لا يحطكم مكانه .. تجمعوا عليه وتركو نقطتهم ( اللي في بطنه ريح مايستريح ) وبدو يسحبونه هات الجوال واركب السيارة .. الرجال بدا يدافع عن نفسه ويقولهم طيب معي بزر بالسيارة لايشوفكم تسوون بي كذا وينخرع .. ولاهمهم ركبوه السيارة غصب وبكل عنجهية صراحة واخذو الجوال ومسحو المقطع .. ولما تأكدو انه اتمسح خلوه يروح بعد ما تطمنو مافيه شي راح يكون اثبات ضدهم عند رفع هذا الامر للمسؤولين .. الزبدة يا اخوان .. الامر لن يتوقف عند هذا الحد .. نبي اي واحد كان موجود في هالنقطه .. للدخول ورفع الامر لمدير عام المرور بالقصيم .. وان لم يتم التجاوب والتحقيق معهم .. يتم الرفع لامارة المنطقة .. يمكن احد يجي ويقول انت والثاني والثالث مخالفين ليش تزعلون .. مانقول شي .. لكن لما يوزعون المخالفات بانتقائية هذا يوقفونه وهذا يمشونه .. هذا اللي يقهر والظلم محد يبيه .. ولانستغني عن اراءكم يااخوان وشوركم |
وتسمر المهازل ··
لاحول ولا قوة الا بالله ·· للأسف بعض العسكر لدينا يحتاجون دورات في الاحترام ·· وفن التعامل ·· |
امس مريت ع النقطه واخذت قسيمه لكن المهم في ذلك وهو جالس يكتب لي القسيمه جاء لمه الرقيب وقاله هاه خلص الدفتر ؟ يعني من كلامه خلأص نمشي اخذت القسيمه ومشيت طبعـآ تقريبا باقي بالدفتر 4 او 5 اوراق وينتهي دفتر القسايم اخذت لفـه ماتتجاوز الـ 15 دقيقه رجعت حصلتهم مأشين من النقطه المقصود في ذلك انهم بشكل يومي يحآولون بقدر مايستطيعون انهاء دفاترهم ع حساب جيوب المواطنين المساكين حسبنا الله ونعم الوكيل عليهم |
عطني الذاكرة وازهل الموضوع يالطيب عندي برنامج يطلع اللي محذوف من الذاكرة والا تبي اعطيك رابط البرنامج تحمله وترجع المقطع قل لي وش تبي يالطيب تراني تحت الخدمه اعين واعاون |
الله يعين هذا الي صاير بالمرور اذا معك واسطه تمشي امورك والظلم عيني عينك
والحين نظام الدبل الفاشل والمحرم بعد فيه مشكله انا اخذت مخالفه والعسكري ما سلم الدفتر الا بعد شهر اذا نزل المخالفة بالجهاز على طول تدبل المخالفة لان تاريخ تحرير المخالفة له اكثر من شهر يعني ظلم وبقوة بعد ... المفروض اذا بيكون فيه دبل للمخالفة يكون بعد شهر من تحرير المخالفة بالكمبيوتر ... |
الواضح من الاسبوع الماضي نقاط التفتيش كلها في اماكن مصيده
طبعاً المقصد منها المخالفات تظليل + لوحه هذي اماكن التفاتيش وانت طالع من اشارة العثيم متجه لدوار الدوريات " شرق وانت طالع من اشارة العثيم متجه لاشارة الغذائيه " شمال " نزلة الاستاذ وانت طالع من الافق متجه لدوار الدوريات النهضه قبل دوار شقق الوطن ، امام القيروان و الاخر وانت نازل من اشارة الغازيه متجه لدوار النهضه شارع الاربعين رايح وجاي وكذلك طريق الثمانين وانت باتجاه الكبرى و العسكري حسب مزآجه يوقف ناس وناس لا ! كذا مره العسكري يمشيني و احصل ناس موقفين عشان تظليله ! ومع الواسطه يسلمك اوراقك ويقول تفضل والناس تتفرج =) |
حط معك مجسم (( حرمة )) مغطاء بعبات .... واذا قربت لتفتيش خله يكون واضح وأبصملك بالعشرة راح يمشونك ولا قسيمة ولا يحزنون هذا أحسن حل لمثل هذه الأمور تحايلنا على ساهر مو عجزين نتحايل على كم عسكري (( أمزح لا أحد يسويه يكون تحت طاولة الأرهاب )) |
قسائم ساهره على الطريق الله يعينكم
|
والله لو انا منك يالغالي لاجمع لي كم واحد من الموجودين بالنقطة ولا يردن الا باب الامير فيصل بن بندر حتى مدير المرور اطمره حنى ملينا من لف ودوران العسكر اللي ماتربو وآخذين وظيفتهم استغلال ببعض الامور الشينه المهم ياصاحب الموضوع شد حيلك وخلك قد الموضوع وانت معك حق 100% وجاب الله لك العضو كالفورنيا ولا تنسى تتواصل مع العضو الثاني اللي يقدر يطلع المقطع من صاحب الجوال الي مسحو المقطع منه خلونا نوقف بعض العساكر المستهرين عند حدهم ، ويكون المواطن مهما كان له هيبة. |
إقتباس من رد دربك تدله!/
و العسكري حسب مزآجه يوقف ناس وناس لا ! كذا مره العسكري يمشيني و احصل ناس موقفين عشان تظليله ! [/color]ومع الواسطه يسلمك اوراقك ويقول تفضل والناس تتفرج =)[/quote] وهي على كيف امه يمشي ناس ويخلي ناس قدام الناس << حتى لو محد شاف كان ممكن عادي هزلت والله |
لاحول ولا قوة الا بالله ··
|
لأن موظفي ساهر هربوا من وظائفهم أكيد راح يدجون |
اكيد المرور عندهم اخطاء
لكن امش عدل ولا يهمك الاخطاء في اي دائرة حكومية ,,,,والواسطات في اي دائره حكوميه اخوي انحرم من وضيفة بسبب واسطه عايله معروفه ببريده |
حسبي الله عليهم انا اخذت قسيمه امس اللي بشارع الاربعين
اذا كان اللي ما يعرفه يعطيه واللي يعرفه ما يعطيه يمشيه الله لايوفقه لا دنيا ولا اخره المشكله اكثر اللي يخالفون عساكر من تفحيط ودوران وكل شي وشلون تبي الشباب يعقلون والمشكله بالعساكر |
الله يعينك
أنا أمس لقيت نقطة دوريات أمنية تقاطع الغازية شرق وقالوا ما عندك لوحه قدام وأخذ رخصتي وقال وقف يمين ولا تنزل ترى الجوء بارد خلك بسيارتك وبعد 5 دقائق رجع وقال ركب اللوحة وبعد ماركبتها قال روح وأنتبه ثاني مره و الحمد لله حظي أحسن منك . |
ما أقول لا حول ولا قوة إلا بالله
عطوني قسيمة عشان التظليل مع نفس النقطه بشارع الاربعين والله قهر أقسم بالله والمشكلة راح تتبل المخالفة واللي قهرني على حسب مزاجهم ، ونفس أخوي حصلت معه عند أحد النقاط التفتيش ماعليه أي شي لا تظليل ولا أنتهاء الرخصة والاستماره وبالاخير قال لخوي ليش ماربطت الحزام وعطوه مخالفه ..... بالاخير إذا كان فيه ظلم منهم، الله لا يوفقهم ولا يسامحهم اللي يشوف يقول رواتبنا فوق عشرة آلاف |
انا صارت لي نفس المشكله
وكاان فيه مجموعه من الناس ومثل وضعك وكان فيه عسكري قذر كان يقول لشخص عندي اذا عندك واسطه عطنياهـ ونمشيك والله على ماقول شهيد وكان فيه واحد ثاني كانت معه حرمه ب السياره وراح العسكري لهم عطاهم الاوراق بدون قسيمه وكم وكم واحد مر من عند المصيدهـ القذره بدون قسايم لكن ماقول الا حسبي الله ونعم الوكيل وكنت اقول للعسكري اللي مسكني انا مكفيني قسايم ساهر قال وش دخلني فيك ؟ العساكر الان اقذر خلق الله من تعامل واخلاق وصار مثل حاميها حراميها |
المشكلة هو وده ينهي الدفتر لكي يعطى مكافأة هذا الي سمعنا وهم كفانا الله شرهم يتبلون الشباب لإن يعلمون
أن بعض الشباب لديهم نقص في الأوراق من عدم وجود رخصة أو منتهية الاستمارة وتضليل أو طفاية حريق او عدم ربط حزام الآمان وهم يعلمون أن أغلب الشباب ظروفه المادية سيئة لماذا يعطونهم مخالفة ؟!!!! والتجار وأصحاب الوظائف المتعددة لايعطونهم أي مخالفة لكن الشخص الذي يتبلى الشباب هذا شخص دنيء الشخصية شخص فاشل ... |
اقتباس:
|
مشكورين جميعا على ردودكم ..
والشاهد من الموقف اللي حصل .. هو وجود عدة ملاحظات سلبية على افراد الامن في الموقع سالف الذكر : ١- عدم اللباقة وحسن الخلق ( يحتاجون دورات مكثفة في حسن التعامل مع المواطن ) ومايعفط وجهه ويزمر تقول ( لواء ) مع العلم ان اغلب الغطرسة وقلة الادب من العساكر صغيري السن والرتبة . ٢- الظلم واضح جدا والاستفزاز ايضا وذلك بطريقة توزيع المخالفات والاستهتار حتى بالكلام المستفز ( احد العساكر جا للمواطنين المتجمعين ويقول سنة جديدة عليكم ) يقولها باستهتار وهو يشوف كثرة المخالفات على الفاضي والمليان . ٣- نادرا ما تحصل عند النقاط واحد من العساكر يكون راقي بالتعامل ومتعلم ومتفهم لو حصل اي شداوارتفاع اصوات بين المواطنين الغاضبين والعسكر ( قليلي التعليم والاخلاق ) .. اللي يدورون الزلة والطقاق .. يكون واسطة خير ويهدي الوضع .. مو زي الكمخ اللي تجمعو على الرجال ويدفونه للسيارة غصب بكل قلة ادب وقدام ابنه الصغير .. اللي ارتاع من الموقف وجلس يبكي اخيرا ان كان مااخذوه منا من غير وجه حق وعدل وانتقائية في توزيع المخالفات .. فنسال الله ان لايبارك في رواتبهم .. ويجعل ظلمهم لنا حسرة عليهم في دنياهم قبل اخرتهم واقول للعاقل منهم .. ( الظلم ظلمات يوم القيامة ) .. والاخوة اللي تواعدو معي لتقديم شكوى جماعية .. رحت المرور اليوم ماحصلتهم اللي ناوي يقدم شكوى يرسل رقمه خاص وانا اتدبر الموضوع والله الموفق |
|
حسبي الله ونعم الوكيل
|
والله يالعسكريه بالكامل يبي له ضبط بداية من الكروش اللي ما أدري وش تبي ونهاية بالأخلاق :(
اقتباس:
|
حتى انا الله لا يوفقهم بالنهضه راجع للبيت ويعطين قسيمة عدم اكتمال انوار
النور اللي قدام يمين طافي اللي يمين بس والسكن يشتغل مع المطاب يطفى من متى فيه هالقسيمة وكم قيمته ياجماعه .. الله لا يوفقه ويجعله ما يتهنى بحياته المشكلة اللي قبلي مشاه عطاه رخصته واستمارته واللي يغث اقول له وش اسمك قال عسكري بدون اسم وين النظام اللي لا بد انه يضع اسمه ويلبس البرهية الله لا يوفقه |
الله يوفق رجال الأمن ويقويهم على هالمبزرة والمرجاجيج ,, ونشد على أيديهم وهم على ثغر ... والعسكري له حرية يخالف من يشأ ويترك من يشأء وهو أبخص وأعرف بعمله ... هل تريده ان يغلق الطريق ويخالف كل من يمر .. دائما المخالفات تؤخذ عشوائيا وليس كل المخالفين وانت وحظك والخطأ خطأئك انت ليش تخالف النظام .. ولا تبي تصور بعد !!! عجيب امر بعض الناس
من يريد ان يعيش على مزاجه وعلى كيفه وبدون نظام وبدون رجال أمن وبدون ماأحد يكلمه أو يوقفه فليذهب للصحراء ويطق خيمته وينطق هناك ويستمتع بحريته .. النظام نظام ويجب أن نشجعه ونقف مع رجال الأمن مهما كان هناك من أخطاء فهم من يحمينا بعد الله وهم العيون الساهرة .. اللهم وفق رجال الامن وسدد خطاهم |
كثييير اسمع سوء التعامل والاخلاق من العساكر حتى مع أهل بييته ~ وتلومننا اذا رفضنا الخاطب العسكري ~ |
اقتباس:
ما اظن هذا كلامك لو صاكينك مخالفة .. لاتقعد تطوطي بس !! بعدين ياخي انت بوادي وموضوعنا بوادي .. ياخي كلنا مع رجال الامن ونحبهم ونقدرهم .. لكن مو اللي زي نوعية اللي في التفتيش اللي يدور الموضوع عنه .. وغاديك ترجع تشوف الملاحظات على اللي انت تدافع عنهم و( شكلك منهم ) .. حنا نمشّي موضوع المخالفات ونبلعها .. لكن قلة الادب وسوء الاخلاق ليه ؟؟؟ والا عاجبك هالشي بعد ؟؟؟؟ ليتك قبل ترد مرة ثانية .. تركز شوي الله يصلحك .. عموما .. ابشرك مسحت مخالفتي اليوم من رجال ولد رجال .. مايرضى بالظلم اللي قاعد توصي عليه ياعسكري !!!! |
يا رجل خليك انسان واقعي تبي رجل الامن يبتسم للي رايح واللي جاي !!
لازم هيبه ووقار بكذا يمشي النظام ... الحمد لله موب عسكري بس ماعمري تخيلت عسكري مبتسم لانه مو لايقه ابداَ على كل حال موضوعك صعب واكرر مايقدر العسكري يوقف الشارع ويخالف الكل فيضطر يخالف اللي بأستطاعته ويمشي الحركة المرورية حتى مايصير اختناق .. وعليك بالنظام ولاتترك مجال لاي عسكري يخالفك .. النظام راحه .. بالنسبة للبنت الي تقول مانزوج عسكري اقوله عننننننننننننسي ولاتتتزوجي . العسكري رجل وموناقص شي والبيوت مليانه بنات . ثمن عسكري عن عسكري يختلف ( الامن العام والحرس والجيش ) وحتى الامن العام فيه اقسام كثيره . وايضا افراد وضباط . وبالتوفيق للجميع |
حسبي الله ونعم الوكيل الله راح ياخذ حقكم منهم
|
يعطيك العافيه ياااااااااااااااارب
|
البلا يا حبي انك إذا اخذت قسيمة بالظلم :(
مثلي !! جتني قسيمة (( التباطيء في السير مما يعرقل الحركة )) طبعا وقت القسيمة كان الساعه 1:00 صباحاً عاد ما شاء الله الحركه المزدحمه الساعة 1 !! والأردى من ذا (( التباطيء )) تدري انه بلش ما لقى شيء يكتبه علي فعلاً الدعوى خلص دفترك وامش :] |
السلام عليكم
ياناس الخطا منا لاننا نسكت عن الاخطا اذا شفت اي خطاء سجل كل شي حتي الوقت ورقم السياره اسمه او اي اسم واحد منهم خللك دقيق مرة حتي لايكون مفر لهم منه
اي موضف حكومي اهم شي الشهاد لازم للثبات |
وش ترجي
مع الأسف ان الدورات العسكريه للمبزره الي همه الاخير انه يشري ربع ويلاحق ها المزايين
انا قبل كم يوم طلعت اصلي بمحطه الحمرى الي با الشمال على نفس الشارع في جندي معه ربع ماسك ولد مزيون معه صني عاد الولد واقف وراعي الدوريه جالس ومتكي على جنب داخل السياره ويحاتسيه عاد انا شكيت با الوضع وانا معي فرد بيضا يعني تسني ضابط <<< يمدح روحه عاد رحت صليت تصدقون توهم يحركون والبزر مضلل كاتم الصني قسم با الله انقهرت قلت هذا بعض حقين الامن رحنا وطي |
اقتباس:
|
ولا ترانا سمعناهالمقوله من الضباط (خلص دفتر وخذ لك يوم راحه ) كل دفتر بيوم راحه ههههههه توقعون بيخلي شي الا القطاعه بيكتب عليه مخالفه ويمكن من العجله يكتب على الكبوت ويعطيك اياه بس خلصنا خل نمشي ورانا راحه الله يهدي الجميع لما يحبه ويرضاه
|
شكرا للجميع على التفاعل مع الموضوع .. ولعله يجد اذن صاغيه من مسؤول .. يشوف حل لعساكرهم ..
|
فرق بين هايلكس غمارة مظللة وبين سيارة عائلية كجمس مثلا أن تكون مظللة ,,
فراعي الهلكس دعدعة وهياط ,, أما راعي الجمس فحاجة وضرور لصد سهام عيون المتطفلين على محارمه ,, فالعسكري يتجاوز عن صاحب الحاجة ولايتجاوز عن صاحب الزبرقة والتشميع وغييره طبعا أرجو منك لا تفهم إني أتهمك بانك راعي هايلوكس أو إنك من أصحاب الهياط ,, |
السلام عليكم/
اخوي العزيز العسكري ما له دخل تجيه اوامر من فوق والي فوقه تجيه اوامر من فوق وهكذا الدعوة تسلس وضيفي بعدين هو يوم يعطيك مخالفة يعرفك ولا حاقد عليك لا والله بس مطلوب منه عدد مخالفات والظاهر انهم يطلعون رواتبن من هل المخالفات :mad: |
يارجال خلها على ربك
هي وقفت على هذي فيه امور اكثر من كذا عندك الحين حافز يوم جاء الصز لصرف المكافآت حطو شروط الله لا يوريك شروط تعجيزية ... ليش ... ليش كذا الشعب مسكين وانتم تحاولون تضيقون صدره زووود طمن راسك انت سعودي ... غير يزودي وانت ناقص الله يرحم الحال |
الانتقائية على حد وصفك نوع من انواع الظلم التي لايقرها لانظام ولاعرف وكان الاولى بهم تسجيل المخالفه لجيمع المخالفين وليس لشخص دون اخر ... يبدو ان المرور ترك مهماته الاساسيه وهي حماية اروح المواطنين والمقمين من المتهورين والمفحطين وذهبوا ربما لتصفية الحسابات الشخصية . واستخدام السلطه لتلك الاغراض التي لايمكن ان توصف الا بالمشينه
صوره مع التحية لسمو امير المنطقة صوره مع التحية لمدير مرور المنطقة صوره من دون تحية لافراد تلك النقطة |
للاسف أقوووووووولها بختصاااااااااااار (( الدوريات بحاجة إلى دوريات تتباعها والمرور كذلك ))!!!
|
تكفى تكفى يا صاحب الموضوع عط الذاكره للعضو حمودي اللي رد عليك خلهم يتأدبون
والله لو مكان راعي الجوال لاقلب الوضع هوشه والله |
نقطه تفتيش خذه قاعده عندك خذلك عزم مسرع وشطف ام امه امش 120 او 140 خلاص قضينا والله مايجيبك
واحد زينه الدائري الغربي ونجحات |
هههههههههههههههههههههههههههه
موقفن وبغى يعطين مخالفه والسبب اخوي نغزن ويقول قاعد تحش:S :( :i121 :i121:i121 |
ياكثر مشاكلهم بعض هالعساكر وبالذات الدوريات والمرور .. هم اكثر اللي يدرون .. وهم اكثر اللي يفحطون .. وهم اكثر المخالفين لنظام .. الله يهديهم بس |
هذا أخر الزمان الرويبضات والمبزرة هم من ينتقد رجال الأمن ويقيمهم بسبب أنه أخذ مخالفه ؟؟
اللهم لاتؤخذنا بما فعل السفهاء منا .. يجب حذف مثل هذه المواضيع السخيفه |
اقتباس:
والله وانت الصادق |
ابشركم ساهر بالطريق راح يمشيكم على الصراط المستقيم الشايب والولد والاجنبي والمسؤول والمرور والناس كلهم يعني عسى الله يعجل به والواحد اذا طلع من بيته كانه بساحت حرب يمكن يرجع ويمكن يموت
|
اقتباس:
شف ياوليدي :d أبيك تمر من عند الساحه اللي شرق الغرفه التجاريه وتشوف بعينك وشلون مواتر العساكر هاللي تدافع عنهم نصهن مضللات والنص الثاني مغبرين ومشمعين إلا من رحم ربي وهو يعدون بالأصابع وولد أبوك قل له شي :S لا والبلا إذا جاك وصار راعي xxxxx ترى عادي الواحد يقول الحق ولو على نفسه أنا أبوي وأخوي كلهم ضباط ولا قعدت أطاطي وأدافع عن الباطل :d أتمنى إنك تقبل ردي بصدر رحب(h) |
اقتباس:
احلى ( الرويبضات ) مرة وحدة .. تعرف وش معناه ياجندي ؟ اقول ياحليلك بس .. ترا كررنا ( عشر طعش ) مرة .. قلنا زعلنا مهب كله علشان المخالفة يابني ادم .. راجع الردود وتفهم والظاهر رد الاخ ( روقان ) يكفيك .. وان ما اقتنعت بكلامه .. فانت تطوطي على غير سنع لانك منهم !!!!! |
ان لله وان اليه راجعون
|
لي الشرف ان اكون عسكري ولكن للاسف لست عسكريا ولكن موظف شركة خاصة .. والحق حق ولن نجد مثل رجال الأمن عندنا بالاخلاق واحترام المواطنين ومن سافر وزار دول العالم وخصوصا العربية المجاورة يعرف ما أعني .. ورجل الأمن خارج عملة وفي نهاية دوامه بشر مثلنا له اخطائه وعيوبه .. ولكن نحن نحكم على رجل الأمن وهو على رأس العمل .. والله يحفظهم لنا ويقويهم ويعينهم على هالمشاكل والبزران والمدللين والغير متربين من الجيل الجديد ممن ولدوا وفي فمهم ملاعق من ذهب ولا يعرفون لماذا خلقوا ولا هدف لهم في هذه الحياة سوى الاكل والشرب والمتعه .. بل هم كالانعام .. يعيشون ليأكلون فقط
|
اقتباس:
أنا قايلك الله يصلحك .. انت بوادي وحنا بوادي انتهى النقاش معك .. الظاهر المخ والفهم عندك متعطل |
اول صباح الخير او مساء الخير وجيتكم بعد غيبه طويله وهاللي خلاني اسجل من جديد عشان هالموضوع اللي اثارني وبقوه انا علي مخالفات 14 الف وكلها من هالعساكر اللي توه لابس له هالبدله ومسوي واحد نظامي وهو اول واحد مايمشي ع النظام .. اقتباس:
ثانيا انا ابقول لصاحب الرد اخوي .. اوكي الرجال مخالف والحكومه ماحطته الا عشان المخالفين بس ابسئلك اهو يمشي نظام عليه ؟ انا بس ابيك اذا صارت الساعه 3 العصر روح لمواقف السيارات حقاتهم هالعساكر وشوف سيارتهم كلها اربوع واللي مغبار واللي مظلل وكل النظام اللي يبي يمشونه عليك ماامشاء عليهم ولا راح يمشي لان لو يبي يوقفه واحد ويقول امسح اغبارك او فك تضليلك يبي يعطيه بطاقته ويقول انا عسكري القصد مشني عشان اذا جلست بمكانك وشفت شي عليك امشيك .. (h) .. |
اقتباس:
|
لاحول ولا قوة الا بالله
هاذا ظلم عينك عينك الله لايكثر امثالهم |
حسبي الله ونعم الوكيل على الظلام الذين لايخافون الله |
اقتباس:
ارجو ترسل اسم البرنامج على الخاص ,,وجزاك الله خير |
حسبي الله عليهم وربي فعل يضيق الصدر
|
ايوالله انك صادز انا وقفون نفس التفتيش ما لقو علي شي وقالو عدم حمل رخصه حسبي الله عليهم الله لا يوفقهم وفيه اصغر من وناس كثارين مضللين وناس ما معهم رخصة يمشونهم حسبي الله عليهم |
| الساعة الآن +4: 10:15 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.