أعانة العطالة سوف تشمل بدون سوري والعراق
 

الاعانة المالية للعاطلين والعاطلات سوف تصرف لغير السعوديين
من فئة القبائل النازحة وهم من يطلق عليهم فئة البدون وهم
من بدوى سوريا والعراق وللعلم هم يتركزون في حفر الباطن
وعرعر وكذلك هناك لهم حي خاصة في مدينة الرياض وهو
حي النظيم وهم من قبيلة العنزي والشمري

الصراحة شئ مؤسف يحرم منها السعوديين اللى اعمارهم تزيد
عن 35 سنة ويعطونها لغير السعوديين وللعلم الكثير من ابناء
جلدتهم تم منحهم الجنسية السعودية خلال السنوات الاخيرة

ليتك ماحددت احد في موضوعك
لان العنصريه مالنا فيها
حضرنا وبدونا كلنا في الهواء سواء

وحافز اقصد حاااااافر يمكن يطول لبنان قبل السعودي

عسى الله يسخر لكم ابومتعب يشيل المسؤولين الخونه

الظاهر انك فاضي ، وماتدري وش تكتب ، فكتبت هالكلام الفارغ

المهم

اترك عنك الحسد والعنصرية

مابقى الا تدعي انهم مايدخلون الجنة لانهم مو سعوديين في الاصل 

الاخ دفا

اي عنصرية يرحم والدايك وش المشكلة لم اقول بدوى سوريا والعراق
هذا تعريف بمن يطلق عليهم ابناء القبائل النازحة

صمت النار
الله يحرمنا من نار جهنم والله انت ماعندك سالفة
بالله عليك وش تفسر شروط الاعانة مو ان يكون سعودي
من ام سعودية طيب هم طلعوا بقرار وهو ان تمنح الاعانة
لابناء القبائل النازحة وفي المقابل خيبوا امال الكثير من
العاطلات اللى اعمارهن تزيد عن 35 سنة

الشروط واضحة ،، ان يكون سعودي أو ( لاحظ قلت أو ) من ام سعودية
ماشفت في الشروط انه يسمح لغير السعوديين ..

هذا اولا

اما بالنسبة للعمر فأعتقد انه مقبول ،،

صمت النار
اي مقبول العالم كلة رافض لة القرار بالله وش تفسر ناس متخرجة من
15 سنة ومحرومين ن الوظيفة والحين من الاعانة هذا الظلم بعينة طيب
ليش مايعوضنهم بة الاعانة حسبي الله على من سن هالقرار

بدون عنصريه يالغالي

أولا يجب التثبت من النقل

ثانيًا كما قال الإخوة ( أمه سعودية ) يعني لها حق ولهم حقوق كما لك ولوالدتك حفظها الله

الحين خله توصلنا همن عاد يعطون غيرنا مانقول شي
الله المستعان

سمعت انهم الغو شرط تحديدالعمر ليشمل الجميع,..

ماتوقع الخبر صحيح !!!!
يعني المسؤلين حنو لصلهم .

يااخوان الخبر صحيح والخبر منشور رسميا وان ابناء
القبائل النازحة يشملهم وازيدكم من الشعر بيت حتى اللاعبين
شملهم لان البعض سجل في حافز

ملينا من حافز طلع عيوننا

الله يرحم الحال