|
حـــــــــالتــــــــــي غير طبيعيه
السلامـ عليكمـ ورحمة الله وبركاته مسـاااء الخير أنا عندي بروبلم أو نو بروبلم هي مشكله ولامو مشكله سموها اللي تبون عندي ثنتين من قريباتي إذا شفتهن تجين ضيقة صدر غير طبيعيه وربي تجين كـــــــــآبــه أحيانا إذا عرفت إن وحده منهن راح تجي ودي أبكي وأحس شي كاتم صدري ما أدري ليش هالحاله ماتجين إلا إذا شفتهن وربي إني مو أكرهن بالعكس أتمنى لهن الخير لكــــــن ما أدري وش فيني !! اللي مر عليه مثل حالتي يفيدني بشي وربي ماأبي أكون كذا .. |
مو معقول تجيك كتمه وصيحة منهن .. وبنفس الوقت تحبينهن :confused:
وضحي لو سمحتي ؟ |
عرفت وش تقصدين وهذا منتشر باالايام الاخيره وكثير اعرف يعانون مثل حالتك..
واعرف السبب سمعته من احد المشايخ لكن متردده اني اقول.. |
^
وربي هذا اللي صاير ماأعرف وش هالحاله اللي تجين إذا شفتهن أنا ماأحبهن ولا أكرهن عاديات عندي .. |
بإذن الله أبحلّ موضوعك ,..
س / مهم يطولك من ألسنتهن او نظرآتهن شيء يضايقك ؟ |
وعليكم السلام ورحمة الله وبركاته
اختي الفاضلة أظن انها حالة عادية لكن زادت بسببك وصدق عقلك الباطني لو انك تناسيتي او حاولتي تناسين الموقف وانه لا انا احبهم وعادي اقابلهم ماتجيك كتمه وان جاتك فجاهديها وتحملي يومين إلى ان يرتاح قلبك بعدها وفقك ربي واعانك |
اقتباس:
إذا حابه تقوليه بالخاص ممكن.. |
اقتباس:
لا لا .. |
معليش أختي الكريمة ..
س/ تبطين تشوفينهن ؟ س/ كل كم يوم او اسبوع تشوفينهن ؟ س/ هن وش يقربن لبعض ؟ |
اقتباس:
لا عادي مرات أبطي ماأشوفهن ومرات لا أيام وراء بعض يقربن لبعض من بعيد.. |
شوفي ياأختي ..
هذي الحآلات عآدية جداً .. أنآ تصير لي دآئماً اذآ أبطيت عن بعض الاقارب او الاصدقاء,.. أكون عآجز عن الرآحه معهم .. أهج من المكآن اللي هم فيه ,.. أحس بالغربه بوجودهم.. وضيقة صدر,.. ورأسي لا إرآدياً يصد عنهم .. كأن فيه أحد يفرّه ,.. لكن أتحآمل على نفسي .. وبعد ساعه أو ساعتين من الضحك والمسآمرآت ترجع الامور كمآ كآنت وألطف ولآ كأن شي صآآآآر ,.. الله يديم المحبة ولآ يبيّن الغلآ ,.. |
اقتباس:
وأكون طبيعيه لكن يبين علي إني مو مرتاحه آمين وإيـــاك.. |
اقتباس:
أحيانا أتحامل ع نفسي لكن يبين علي إني متضايقه آمين مشكور أخوي الله يوفقك .. |
اعاني مثلك بالضبط لكن مع مين ؟ من شخص قرررريب جداً جداً لو اقوله يمكن ماتتوقعون !!! ( افضل عدم قوله ) لمجرد الجلوس معه او سمعت انه قد يأتي او اي طاري منه ماراتااح ابداً واحس بضيقة صدر ! ولو رأيت انه ذاهب او سمعته خارج ارتاح نفسياً وواجهة مشاكل من هالمشكله ! " شي متعب " متابع ان وجدت حلول ! اقتباس:
اعتقد ان المسأله ليست كما ترى ياخوي ! |
جوانا lonely22 قصية ومن يعانون مثلهم هذه الحالة جدًا طبيعية وتعتبر (ردّة فعل) فـ أولائك الأشخاص الذين نتضايق من وجودهم ونسعد بذهابهم مع حبنا لهم وتمنياتنا لهم بكل خير هم من جعلونا نكره وجودهم وحتى إن كانوا أقارب جدًا ! وذلك بسبب تصرفاتهم ومعاملتهم معنا التي منها ( الإنتقادات الجارحة , اللقافة , النظرات المستمرة بكل حركة! , .... اكملوا فتحت لكم الطريق :) ) |
مشكلتك موب غريبه..
لكن صدق الرسول صلى الله عليه وسلم في الحديث.. روى الإمام البخاري رحمه الله في صحيحه معلقا مجزوما به عَنْ عَائِشَةَ رَضِيَ اللَّهُ عَنْهَا قَالَتْ سَمِعْتُ النَّبِيَّ صَلَّى اللَّهُ عَلَيْهِ وَسَلَّمَ يَقُولُ : " الأَرْوَاحُ جُنُودٌ مُجَنَّدَةٌ فَمَا تَعَارَفَ مِنْهَا ائْتَلَفَ وَمَا تَنَاكَرَ مِنْهَا اخْتَلَفَ . " ارجعي لهذا الرابط http://islamqa.info/ar/ref/3864 |
lonely22 أعاني مثلك تماماً تقريباً مع الشخص الذي أتوقع بل أكاد أجزم أنه هو من تعاني منه... لكن لا أعلم ما السبب:eek5:eek5 و أحياناً هذه الحالة تأتي عندما أرى شخص ولو كان قريباً لي لم أرهـ لفتره:d:d ولكن كذلك لا أعلم ما السبب:eek5 متابعه لعلي أجد الحل(h)(h) عذراً جوانا (1) على التطفل على موضوعك:p:p تفضلي:f: |
اقتباس:
صادق والله شي متعب أسأل الله ان يبعد الضيقه عنا وعن كل مسلم.. |
حبيبتي جوانا (h) أخي lonely22 .. ردد هذا الدعاء دائماً قبل نومك .. بنية صادقة وقلب طاهر .. اللهم اني اشهدك اني عفوت عن كل من اذاني وظلمني وعاداني... اللهم أيما امرىء شتمني أو اذاني أو ظلمني أو نال مني اللهم إنى قد عفوت عنه ابتغاء وجهك الكريم اللهم فاعف عنا أجمعين . اللهم إني عفوت عن عبادك فاجعل لي مخرجا أن يعفو عبادك عني . اللهم أنت السميع العليم تعلم ما بي وما علي اللهم اني أرجو نجاة مما أنا فيه وأنت أرحم الراحمين .. اللهم اجعل لي محبة بين خلقك .. |
اقتباس:
تقريباً كلامك وتحليلك للمشكله قريب المشكله طبيعيه ممتاز ! فيه غيرك يعاني من المشكله هذا بحد ذاته دافع لك ويحسسك بشي من الطمأنينه وانتي قلتي هم السبب ! واللي يصير منا هو ردة فعل ! يمكن هنا تقبلنا للاسباب صعب شوي او هناك خلل لا أعلم بالضبط التكلم بهالمشكله كل شي ببالي يتبعثر الحلول برايك ؟ باعتقادي ان البعد هو افضل شي لانه السبيل الوحيد لقطع الافكار ونسيانه مارايكم ؟ واشكر صاحبة الموضوع على طرح هالمشكله ولك من دلى بدلوه (f) |
اقتباس:
الحمدلله فيه أحد يعاني مثلي أتمنى تكون طبيعيه قد يكون بسبب تصرفاتهم وحده منهن ماتعجبني بعض تصرفاته أحيانا الله يهديه تكذب وتجامل بزياده أنا كل شي عندي إلا إن الأنسان يكذب لكن فيه ناس يكذبون وأعديه لهم إلا هذي ماتحمل منه أي شي .. الإنتقادات الجارحة , اللقافة , النظرات المستمرة بكل حركة! ,المبالغه بمدح أنفسهم عادي هاالأشياء ماتهمن متعوده عليهن وهذا شي طبيعي ردة فعل طبيعيه إنك ماتحبين تجلسين معهم ثانكس قـصــية (h) |
اقتباس:
شكرآ لمرورك (f) .. |
نفس حالتكم ... ومع أقرب الأقارب وأحاول أني أجامل وأسولف وأمزح لكن ...؟؟؟ شئ غصب علي قصية تقريباً مثل ماقُلتي ..!!! |
أتوقع إنهن يحسدنك على شيء معين وأنتي ماتدرين عنهن لذلك تجيك الحالة هذي !!!
|
اقتباس:
|
اقتباس:
كـــــــــــــــــــــــــلام صيحح 100% |
اقتباس:
خوذي راحتك ياعمري لاتطفل ولاشي لعل من يأتي لنا بحل شكرآ لمرورك.. |
اقتباس:
حفظت الدعاء بجوالي .. |
اقتباس:
الذي أراه أن نزيد جرعات من الثقة بالنفس وعدم الإلتفات لهم ولمعاملتهم أو حتى لأقوالهم التي لا تعجبنا وأن نُلهي أنفسنا أثناء وجودهم بأي عمل حتى تقل ساعات الإلتقاء بهم وأن نبتعد عن أي قول أو فعل يجعلهم يركزون علينا أو ينتقدوننا عليه |
يااخت جوانا {1}اذاكانن صحبات ماشكل فهذا من ماشكلهن
{2}وا انهن من الي يصيبن الناس بعين فنتبهي وانصحك اول شي عند شوفتك لهن تخذي من اثرهن من عبس او غسل نعلهن والله يكفيك شر من فيه شر |
. . بديت أوسوس :104: أتوقع الموضوع عادي بس أهم شيء لاتفكرين فيه ولاتعطينه أكبر من حجمه :) |
المشكلة لها جهتين :/ أنا + هي - وأنا لابد من العودة لأرى هل المشكلة لدي ؟ قد يكون من علامات نقص الثقة . تفقد القلب وهل هذا بسبب غيرة أو أي شيء . ... - وإن كان السبب هي ؟ قد تكون قليلة الخلق - مثل ما قالت قصية حتى لو كانت مستقيمة . قد تكون مجاهرة بالمعصية . ... والعلاج على حسب المشكلة وإن كانت مجاهرة بالمعصية فقد ينفع معها الهجر وقد لاينفع وقد يكون الحد من الاحتكاك بها ولا أقصد مقاطعتها . ... وفي الأول والأخير العامل النفسي له دور كبير ولو ترك الانسان نفسه الهوى لهلك واصبح فريسة الامراض النفسية فلا تضخمي الأمور ، وتناسي المشكلة . ولاتنسي الإحسان فهو طريق لصيد القلوب وإزالة كل مابها من عوائق - أحسن إلى الناس تسعبد قلوبهم - وليس من المناسب أختي أم ركوني أخذ الاثر وهذا دعوة للوسوسة وفتح أبواب مغلقة على الناس وطريق لسوء الظن / فانتبهي بارك الله فيك |
اقتباس:
الحمدلله فيه أحد يعاني مثلي ولست وحدي أعاني اقتباس:
كان نزين نبعد عنهم ومانشوفهم لكن أحيانا غصب لازم نشوفهم ونجلس معهم الشكر لك أنت أخوي لتفاعلك معنا .. |
اقتباس:
غيث وعطاء (h) مشكوره فكلامك منطقي فعلا لو ترك الانسان نفسه للهوى والشيطان لوصل إلى أمور لاتحمد عقباه .. |
هذي الحآلات عآدية جداً
تسمى حالات ( معداده ) تغلبي على نفسك وحاولى انك تتوددين لهم وتحبينهم وشربي اي شي من بعدهم / ولا يعرفون انكي انتي نقطه الضعف الوحيده والحل اللاخير / اتصلي على د/ طارق الحبيب |
قصيهـ رائيك وتحليلك هو الصواب (h) |
ـالتُفاحة الورديّة
أسعدني مرورك رهين الذكريات شكرا لمرورك |
هالحالة جتن قبل 3 سنوات تقريبا والحين الحمد الله انتهت بصراحة عجزت اعرف السبب شي غريــــــــــــــــب يمكن الشيطان تمكن من قلوبنا او شفنا انفسنا عليهن او او او حطيت احتمالات كثيرة بس مو عارفة بالضبط ايش انصحك تلومين نفسك كثير مو معقولة نكره احد بدون مانعرف السبب |
رداً على كلامك اكيد فيه سبب انتي ناسيته لانه صار في الماضي.. |
اشوا الحمد لله , الله يبشرتس بالخير هههههه احس بس انا اللي أعاني من هالمشكله وما قدرت اقوله لأحد أخاف يحسبونن اكره واحقد وانا ما يعلم بقلبي غير ربي , أحب الخير للكل ومسامحه كل الناس فيه وحده من قريباتي اذا جت تصك بي الدنيا مدري وش بي :bad كأني على نار ما ارتاح الا إذا راحت تقل شي انششال عن قلبي بس استغربت مابيني وبينه الا الخير صح علاقتي معه رسميه وما اشوفه الا قليل يمكن هذا السبب ! فكرت وقلبته براسي لمين لقيت سبب مقنع لما كنت بزر كانت وحده كبيره تقرب لنا دايم تمدح هذي قدامي مدح مبالغ فيه وتعرفين البزران والنغر ههههههههه كبرنا وعادي نسيت السالفه بس اتوقع علشان كذا ما اتقبّل وجوده ! رواسب طفوله ;) وترى الشخص اللي تبطين عنه غالبا ماتحسين براحه اذا شفتيه من غير شي . كرري الايه ( ربنا لاتجعل في قلوبنا غلا للذين آمنوا )) |
طيب وشو شعورك لاشفتيهن بالضبط ؟
من متى هالحاله بك ؟ كم اعمارهن ؟ |
أشكــركم جميعاً
واشكر تواجدكم الذي انار صفحتي .. |
الله يعــــين
عــــــــاد تصــــــدقين انــــي ااعـــــانــــي من هالمـــــــشكـــــلهـ لكن العــــــكـــــس؟؟؟؟!!! يعـــــني انــــا الي غـــير مرغـــــوب فيــــنـــي !!!!وحــــــدهـ من قريبـــــاتــــي من تشوفــــني تكـــــش و(تنزبـــخ)على قولتــــهـــــمـ ولا تكــــلم يجيـــــهـ صمت رهـــيب مع انـــــهـ والله شـــــاهد على ماكــــد اذيتــــهـ بشـــــي بالعكــــس انا الي تــــــأذيت منــــهـ قــــبل كم ســـــنهـ لكن نســــيت الموضــــوع ..لكن هـــي الله يهــــديـــه مادري ليش كــــذامـــع ان عــــلاقتي بخواتـــهـ ممــــــتازه ونسولـــــف ونضحـــكـ لكن هي لا >>>والله انــــه تجرحن وتكــــسر خاطـــري الله يهديـــــهـ ونصــــــيحــــــهـ لكن يابــــنات تحــــاملن على انفســـــكن شوي لكــــن لاتجرحــــن احد ... |
السلام عليكم
اختي ممكن سؤال ؟ كد صار بينك وبينهم شي او موقف ومن عقبها صار هالشي هذا فيك ؟ او انهم فيهم (( شوفه في انفسهم )) ؟ واذا ماكنتي داخله فيهم او ماتعرفين عنهم اشياء لاتقولين الكلام هذا . لانك ماتدرين وشي هم بالاصل . انا والله يا اختي اني نفسك بالضبط كنت اذا شفت شخص اعوذ بالله بس ودي اهاوشه بس لما مره بالصدفه جلست معهم غصب عني وشفت وجهت نظري خاطئه . |
الأخت الفاضلة جوانا, حب الناس له أسباب وكذلك كرههم له أسباب أيضاً, وقد يكون عدم الراحة النفسية لشخص معين أسبابه وهمية ولاأساس لها, وبعض الناس يحكم على مظهر الشخص الخارجي وعلى هندامه وملابسه ويحكم عليه حكماً سريعاً ولا يعطي نفسه الفرصة للتعامل معه والأخذ والعطاء في الحديث0 موفقة باذن الله |
| الساعة الآن +4: 04:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.