|
استخدام سيارات الحكومة خارج الدوام فســـــــــــــــاد
[b]حذرت هيئة مكافحة الفساد المسؤولين والموظفين في القطاعات الحكومية من استخدام المركبات لأغراضهم الشخصية، أثناء وخارج أوقات الدوام، معتبرة ذلك نوعاً من أنواع الفساد الذي تسعى للقضاء عليه.
أن الهيئة طالبت مختلف الوزارات والمؤسسات الحكومية، عبر تعميم رسمي، بوضع شعارات المصالح الحكومية على السيارات التابعة لها، من أجل تسهيل مراقبة مخالفات استخدامها لايوجد مراقبة عليهم تحصلوهم في ( الاسواق - البر- السفريات اليومية ) |
هو فعلاً فساد
شكراً لك |
انا كم مره أشوف سيارات خآصه بعمل ما...
واقفه...عند مشغل أو تموينات...أو سوق... الله كل يعينه على السؤال |
اقتباس:
مكافحة الفساد شي جميل جداً هذا الأسم وليس الفعل |
دايماً اشوف سيارات البلديه واشوف قايدها يستخدمها في اموره الخاصه والدليل ان اغلبهم ياخذ زوجته وعياله بهذه السياره
|
يا كثرهم
كم واد اشوفة كاشت |
والله ياجماعة أن فيه مرة شفت اسعاف تابع احدى المراكز الصحية محمل عليه غنم وجاي ليبيعها ببريدة انظروا قلة الأدب والبجاحة وكثير مانرى سيارات تابعة لأدارات حكومية تستخدم في تحميل الأغراض الخاصة وكذالك تعطاء البناء لتعلم عليها القيادة اذا ماكانت تستعمل للتفحيط والدوران داخل الأحياء كما اهمس في اذن مسؤؤلين هيئة الفساد في متابعة هذا الأمر وخصوصا لدوريات المرور ودوريات الأمنية التي تعمل في الميدان لأن الكثير منهم مع كل اسف لا يؤدي العمل على الوجه الأكمل ويترززون بهذه السيارات الرسمية ويبتعدون عن موقع العمل ويتخفون في اماكن لتلاعب في ساعات العمل وضياع الوقت والا حياء تأن من الفساد والسرقات والدوران المزعج الذي قد يكون وراه خفايا ولكن لا حياة لمن تنادي ونحن كا مواطنين نأول على هيئة البحث عن الفساد كل خير للقضاء على الظواهر السلبية التي ضيعت حقوق الوطن والمواطن ونحن معكم لدرء الفساد |
اقول شكلنا صمنا وصمنا وبنفصر على بصل !!!
مكافحة الفساد بتشغلنا بأخبار سخيفة وتترك مكافحة النهب والسرقات من اصحاب السمو وكبار المسئولين وبتلاحق اللي يتقضون خضرة على سيارات الحكومة اعتقد والله اعلم ان مكافحة الفساد فشخرة على الفاضي لتسكيت المواطنين اللي تسرق ثرواتهم ليل نهار والأعمى يشوف |
اقتباس:
|
اقتباس:
هل الفساد مقتصر على السيارات.؟؟ طيب و ينكم عن اللي يلهف ملايين..؟؟ يا أخي انظر إلى الفساد الذي تضرر منه المجتمع.. انظر إلى المناقصات و إلى أين تصل.. انظر إلى ما في دروج المكاتب.. بعد ذلك تكلم عن المركبات.!! |
:41
اقتباس:
|
جزاك الله خير
|
العفو ليس الفساد هو فساد من يستخدم السيارات المخصصه للدوام خارج الدوام ي أعضااااء أفهمو الفساد زين الفساد هو نهب وسلب وسرقة الأموال المخصصه لمصلحة المنطقه المشاريع يعني معقول أبراج مستشفيات وشوارع يشتغلون فيهن من العصر الحجري ولحد الأن ماخلصوا وإذا سألت أحدهم ليش التأخير قالك ننتظر الميزانية>>أيهم الفساد اللحين
|
اقتباس:
اقتباس:
:41:41:41 هذاا الكلام... |
ماياكل الضعيف الا القوي .. :d اللحين يـ مكافحه الفساد تركتي اللي يسرقون بالوزارت والدوائر الحكوميه , وجيتي للي يخلص مشاويره بسيارت الحكومه , طيب والحكومه اللي عطته سياره بدون علامه شلون يراقب هذا ؟ اكثر المدرا حقين الدوائر الحكوميه معهم سيارات موديلها جديد وسياره كبيره , اللي يجهل هالشي يحسب ان السياره ملكه .. واللي مو مصدقني يـ اهل القصيم يتفضلون بمديريه الصحه ببريده يشوفون بمواقف السيارات ! ,, |
السيارات التي تلاحظ وعليها الاستكرات الرسميه لا يقارن عددها باعداد السيارات التي لا يوضع عليها استكر او تعمد قائدها نزعه ولدى هيئة الرقابه والتحقيق برنامج خاص بالسيارات ومع ذلك نراها تجوب الشوارع خارج اوقات الدوان الرسمي دون حياء من اصحابها
|
انا قسم بالله كذا مره اشوف سيارات التعليم بالقصيم وعليها الشعار الرسمي في الركية وعسيلان والطرفية .
|
الفساد فساد سواءً صغير ولا كبير مشكلتنا مجتمعنا كلن يحقق الفساد على حسب مستواه فالموظف على حسب عمله والمدير على حسب إدارته والمهندس على حسب شغله ولو تسال كل واحد قال هي وقفت علي ! تركتو الفساد الكبير وجايين تحسبوني انا !!! لو كلن اصلح الفساد اللي عنده لقل الفساد كثيراً لكن للاسف ! اذكر واحد من الشباب دايم يتكلم عن الفساد ومن هالامور .. واخرته اخذن لاب توب تبع العمل ويشتغل فيه اموره الخاصة يوم سالته عن اللاب قالي هي وقفة على لاب توب ما ياكل 2000ريال !! قلت له يظل اسمه فساد وتبي تحاسب عليه .. هذي مشكلتنا ومشكلة الشعب ككل .. كلن ياخذ ويقول شف اللي فوقي هي وقفة على سيارة ! الله يصلح الحال بس .. والله يقويهم مكافحة الفساد .. |
اللي باعوا سيارتهم اشتروا سيارة من الحين احسن
|
الصراحه بعض الموظفين باالادارة كأنا لها الادارة تستخدم السياره وتختار اي سيارة وتعطي من تشاء او قريب لها لستخدام
والله اني اعرف ناس باعوا سيارتهم ونزعة الستكر من السيارة واستخدمها ومظللها ويسفروا عليها هم واولدهم ؟ وهذا نهى عنه وزير الدخليه ؟ والله الحساب يوم الحساب عن مالك وعن عملك ؟ التعليم والصحه والمصلحه والبلديه ؟ |
شكرا لك
|
هههههههههههههه
فعلاً شر البلية ما يضحك ... !! الحين تاركين الفساد الكبير وجايين يدققون على السيارات ..؟؟ !!! يغصون بالفولة ويجرعون البعير .. :d |
اقتباس:
ثم من صنف الفساد أنه كبير او صغير إلا المواطن وبمزاجه وعلى الشيء الي يقف قدامه ويحتاجه مثلاً أبو عمر 20 الفساد عنده عدم توفر الوظيفة وأبو عمر 40 الفساد عنده حاجة الترقية وأبو عمر 60 الفساد عنده ظلم مابعد التقاعد ..إلخ . ياعزيزي رضى الناس غاية لاتدرك .. والفساد واحد ثم هل تعلم عن كم حجم الميزانية لمن يستغلون سيارات الدولة وهل تعلم أن مصروفات البترول لهذه السيارات زيت وبنزين واصلاح ايضاً تقوم بها الدولة .. ماذا لو استخدمت لحاجتها فقط !! بالمناسبة أجلس دقائق مع من حولك وأسأله رأيك بماذا تبتدأ مكافحة الفساد دورها ستأتيك الإجابة لما هو ينقصه .. |
حسبنا الله ونعم الوكيل
|
| الساعة الآن +4: 10:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.