|
خطة المرور الجديدة في إشارة شارع الثمانين بحي مشعل تسبب زحام هائل
خرجت اليوم العصر من منزلي في حي مشعل ببريدة متجهاً إلى الجنوب عن طريق شارع الثمانين مروراً بإشارة تقاطع طريق الملك فهد بشارع الثمانين لأتفاجأ بعناصر من دوريات المرور قد قلبوا الإشارة بشكل عجيب فوضعوا نظاما جديداً لها لايتناسب مع زحمة المرور لهذه الإشارة، فالإشارة تفتح على دفعتين للمتجه من الشمال إلى الجنوب مرة ولمن يريد الدوران أو الذهاب لليسار جهة الشرق مرة أخرى وكذلك بالمثل للمتجه من الجنوب للشمال مرة ولمن يريد الدوران أو الاتجاه لليسار جهة الغرب مرة أخرى، وقد تواجد رجال المرور ليجبروا الناس على هذا السير بالطرق الجديدة والتي لاتتناسب مع شارع ضخم كهذا الشارع حيث ترى تراكم السيارات بشكل رهيب ولأول مرة أراه خصوصا للقادمين من شارع القناة من الجنوب إلى الشمال وكذلك القادمين من الشمال إلى الجنوب وهذه السياسة الجديدة لاتتناسب مع شارع ضخم كهذا حيث أن الشارع يشهد حركة مرورية كبيرة خصوصا للقادمين من الشمال إلى الجنوب وأنا أعاني بشكل كبير من هذا الزحام حيث قدر لي أن أسكن في حي مشعل آمل من إدارة المرور مناقشة المواطنين بخصوص الحلول وخصوصا من يعاني بشكل يومي من هذه الإشارة من سكان حي مشعل حيث أننا محاصرين من جميع الجهات للعبور مع هذه الإشارة سواء إذا أردنا جهة الشمال أو جهة الجنوب أو جهة الشرق ،، سأطرح في موضوع مستقل حلولاً للمساهمة في تخفيف الزحام المروري http://i40.tinypic.com/2j4t6hy.jpg http://i41.tinypic.com/2j2zvat.jpg |
تو مريت من عندها والله ياهم قروشه بعد
العسكري يسئل بتروح يسار ولا سيدا ههههههههههههههههههه |
اقتباس:
|
اقتباس:
انا بأول حي مشعل من الجنوب حاولت ألف لليسار منعوني العساكر حول ستة .. قلت بيتي بهالحارة قال ماعلي منك رح قدام بسرعة حرك .. وواحد يهدد أخذ رقم اللوحة .. وش دعوى وش أنا مزين ؟؟ والله بالفعل أجبروني أمشي لآخر شارع الثمانين وأرجع مرة ثانية تقريبا حول ٦ كيلو رايح جاي .. مهيب حالة هذي .. اصبر وتشوف اللخبطة أوقات الذروة للمدارس الصباح والظهر .. أرجو من إدارة المرور دراسة هذه الخطة والتراجع عنها .. |
.
. . أخي وجود المرور , والزحام الشديد الحاصل اليوم ، بسبب أن الفكرة جديدة ولم تطبق إلا اليوم , فيجب وجود المرور لتنظيمهم ليتعرفوا على الخطة الجديدة . وسيستمرون أيام قليلة ليعتاد الناس عليها وتخف الزحام . |
كنت متواجد وأول ما شفت الزحام قلت أكيد حادث ومتعرقل السير!!!!
وإذا انا أتفاجا بأن رجال المرور هم السبب بعرقة السير بالامس يزيلون الرصيف الاوسط تحت الكبري واليوم يزاحموننا بدورياتهم وسط الطريق لإجبار الناس على التنظيم وسط الطرق الضيثة والمزدحمة!!!!!! ما تبيله حل 1\أفتحو شارع الاربعين وتنفك نص الزحمة 2\ أزيلوا الارصفه التي على اليمين ووسعو المخارج يمين 3\المديور اللي تحت الكبري للقادم من الغرب وكذا القادم من الشرق ورايح فوق تحت أسحبوها عن الاشارة لكي توسع للاشارة 4\لو تزال الاشارة نهائيا ويوضع دوار بيضاوي الشكل حيث ان فيه متسع حيث أن الكبري يحوي على تسع فتحات أعتقد اعتقاد جازما بأنه يفك الزحمة شيء ما يتصور... والذي يعلمه الجميع بأنه ما فيه تنسيق بي الدوائر الحكومية فالبلدية تفرض الطرق على اللي يناسبها وتنسحب وتبلش المرور بتبعات الزحام وهاكذا |
يقول المثل :
قلبني عساي أنفعك. أغديه تنحل المشكلة |
اقتباس:
|
المشكلة من اللي يجي من المسار الأيمن ويبي يروح يسار هذا هو اللي مسبب القلق والزحمة
|
رقعوها مع جهه ومنشقه مع الجهه الثانيه والوعد بعد صلاة الجمعة وأوقات المدارس ويبين المستور ومادام الفساد يسري في عروق البلدية فلن تفلح بريده بشارع او طريق مميز |
السلام عليكم
أنا من سكان الحي واشوف ان المرور ماقصر بس اللي يخالفون النظام ويحبون انهم يعدون الاشارة على حساب الآخرين هم من يخالف المرور ويريدون للخطة المرورية الجديدة ان تفشل اللي يقول بيتي يسار عندك فرصة تعال للاشارة من بعيد ماسك الخط الايسر مهوب لزوم تروح يمين وتضيق على عباد الله وبالاخير تبلشهم وتبي تروح يسار ياشين بعض التصرفات عندنا لنعمل جميعا على انجاح الخطة الجديدة للاشارة ونقدم المصلحة العامة على المصلحة الخاصة نعم للعمل الجاد ولا للتخريب والفوضى |
المفترض ان يضع المرور خطة ارشادية قبل تطبيقها مدة شهرين توزع الاعلانات والملصقات وفي لوحات طرق وشوارع مدينة بريدة اما المرور سيطبقها في الحال بدري عليكم . لم توقتوا الاشارت داخل وخارج مدينة بريدة شاهد شارع الخبيب يوم الخميس والجمعة انواع الزحام لايوجد تنظيم للسيارات ولاتوحيد للاشارات |
إذا مانجحت الخطه الجديده كما يزعمون قسم السلامه
المشترك بين المرور والبلديه هذا سوء تخطيط ... |
المفروض يفرضون رسوم للي بيدخل بريدة .. وبكذا تخف الزحمة ويبدون كل اربعه يجون بسيارة
|
انتظرو الحوادث اليوم الصباح و الظهر ! ا |
التنظيم مطلووووووووووووووووووووووووب
|
المفروض ان الامانه تصرف بدل تعب لمرور
لانهم هم المتسببين في سوء التصرف في الشوارع |
اقتباس:
تقبل كل الشكر والتقدير ياعزيزي ،، |
اقتباس:
المشكلة كل المشكلة من هذه الفئة التي لاتعرف تقدر أنظمة المرور وتتسبب في الزحام .. وللأسف خلاص الشعب صار كله كذا ،، لذا على المرور أن لايحاول يبتكر لنا طرق الشعب صعب يتأقلم عليها ،، يعني بالله واحد يشوف سيد فيه 15 سيارة والسيد الثاني فاضي أو على الأقل 5 سيارات .. بالله عليكم بيمسك سرا مع ال 15 سيارة ؟؟!! وأكثر مايعطل الإشارة المتجهه للجنوب الفتحة من الخدمة لشارع الثمانين لأنه أول شي تقفل على اللي بيروح يمين أثناء الزحمة وتتراكم السيارات ثاني شي فيه أوادم يصكون الخدمة لا وبيدخل نفسه غصب على الإشارة علشان يبتل أو يديور ؟؟!!! |
اقتباس:
أهلين أخوي وحيد وحياك الله في هذا الموضوع .. ممكن توضح لي كيف المرور ماقصر ؟؟ بعدين أخي العزيز وحيد لو كان الجميع يمشي بالنظام لما احتجنا إلى هذا النظام الجديد والذي يتعرض مع طبيعة القيادة للمجتمع أكثر من السابق !! لا ياعزيزي أنا أريد للخطة المرورية أن تنجح لكن هذه الخطة تزيد في تعقيد الأمور !! بالنسبة لماذكرت أني خالفت النظام وماسكن يمين وأريد أروح يسار فلم يحصل والقصة ومافيها هي كالتالي: كنت قادم من شارع القناة على دوار الغد مروراً بالصبيحية وكان السير متوقف وزحام هائل كما ترى بالصور أعلاه ولافيه أي مجال إن أروح لليسار لأنك إذا جيت من هالطريق يلزمك التوجه على السيد الأمامي إجباري وإذا بغيت تروح على السيد اللي يسار ماتقدر لأنهم موقفين وإشارتهم حمراء فما فيه حل إلا أنك توقف بوسط الخط وتصك على كل اللي وراك علشان لافتحت اللي يسار تروح معهم أو إنك تمشي قدام !!!!!!!!!!! آمل إنه اتضحت لك الصورة ياعزيزي !! لنعمل على إنجاح الحركة المرورية التي تخدم الجميع وتسهل الحركة أفضل من غيرها .. سأطرح قريباً خطة مرورية (بدون إشارات) آمل أن ينظر إليها وأزعم أنها ستحل مشكلة الزحام والمرور في هذا الشارع بإذن الله .. كل الشكر والتقدير لردك وتشريفك ياعزيزي ،، |
من خلال تطبيق هذه الخطة المرورية في ماسبق من الأيام حصل مايلي:
وفيه تأكيد لكلامي على فشل هذه الخطة 1- قبل أمس العصر وقبيل المغرب كنت متجهاً للجنوب والإشارة خضراء فقط للمتجه للأمام والطريق ماشي إلى قبل الإشارة بخمس سيارات فجأة توقفت السيارة التي أمامي وأمسك فرامل بقوة وفكن الله مادخلت بالسيارة اللي قدامي (علماً أن الإشارة خضراء) بس فيه واحد شاف الزحمة اللي يسار للأسياد اللي يسار أو إنه جاي من الخدمة وقف عند الإشارة !!!!!!!!!!! 2- كنت قادم من الشرق إلى الغرب على الخدمة ويميني جامع أبي هريرة - رضي الله عنه - أمس العصر وكان فيه زحمة وصارت الإشارة حمراء وقمت أحسب الوقت اللي صارت فيه حمراء بكل أمانة حسبتها أكثر من 120 ثانية يعني أكثر من دقيقتين ولاتفتح إلا فترة بسيطة ماحسبته بس يالله أمدان أعدي الإشارة يعني اللي وراي ماأمكنه بيصير انتظر 4 دقايق عند الإشارة !!!!!! كانت هذه الملاحظات على عجالة لكم أعطر تحية ،، |
لآ أعلم من المخطط لذلك :i121
|
مازالت الزحمة بازدياد بسبب النظام الفاشل
الان الاشارة اصبحت خماسية انتقلت الزحمة من الشمال والجنوب الى الشرق والغرب فالاشارة للقادم من الشرق تكدست الزحمة الى محلات الصناعية والاشارة للقادم من الغرب تراكمت السيارات الى تحويلة المخرج وين النظام يعدلون من جهة ويضايقون من جهة اخرى الاحل الامثل لهذا التقاطع دوار بيضاوي فالمكان متسع فياليت تعاد هندسة وهيكلة هذا لشارع |
يا رجال هي واضحة بس المشكلة ان الحركة هذي ما تنفع مع الأشارات المزحومة
وفشلت الحركة هذي بأكثر من مدينة المشكلة اللي يومياً لازم يجي من عند إشارة حي مشعل مرتين أو ثلاث وش السوات :( . الحل طال عمرك مكالمة من طويل العمر ويشتغلون بالكبري الجديد حق شارع الأربعين اليوم قبل بكرى وتكون مدة المشروع ما تتعدى 6 شهور لكن متى يصير هالكلام ما ندري ابروح أجمع مرو لين يقررون فتح شارع الأربعين |
يرفع رفع
يرفع يرفع الله قدر كاتبه كلام جميل لكن المرور هو اللي يسبب الزحمات بسبب تطبيق نظام فاشل وغير مدروس بعد برمجة وتغيير نظام الاشارة من العادي الى النظام الدواران والوقوف مع بعض فهذا التعديل سبب اكثر زحام من قبل فهم فكو زحمة الاشارة الشمالية والجنوبة وتسببت الزحمة عند الاشارة الغربية والشرقية حيث وصلت الزحمات عند الاشارة الشرقية الى محلات الصناعية وكذلك الغربية وصلت زحماتها الى نهاية الكوبري فالزحمات ليست بسبب الاشارة وانما بسبب اغلاق شارع الاربعين وفك الاختناق والزحمات ليست بتعديل نظام الاشارة فاقتراح بدل هذا النظام والتعديل الفاشل ازالة الاشارة نهائيا ووضعه دوار بيضاوي حيث انه يوجد مساحات كبيرة وفتحات واسعة تصل الى 9 فتحات فحين تنفيذ اعادة هيكلة وتخطيط هذا التقاطع فلن تجد اي تكدس واي اختناقات حتى ولو لم يفتح طريق الاربعين فياليتنا نجد اذان صاغية وقلوب واعية واعمال جادة |
اقتباس:
صورة من إشارة حي مشعل عصر اليوم الأحد ٤:٥٠ للمتجهين من الغرب إلى الشرق وللعلم وقت الالتقاط لم تفتح ومشيت قبل * يعني الوقت موب وقت ذروة https://p.twimg.com/ApaH_epCEAA462e.jpg |
شكرا على التوثيق
لكن وين الناس اللي تفهم وتفكر وتعرف تخطط |
وسعو الصدر وريحو انفسكم بكرا تتعودون عليها دايم كل شي جديد يبي له وقت وبعدين لو يبي يسمع لكل واحد قسم تنتهي الدنيا وحنا نحط ونشيل
|
| الساعة الآن +4: 10:37 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.