|
((( تحدي ))) لأي مواطن في بريده
السلام عليكم ورحمة الله وبركاته من الغرابة والأستغرب أنه لا يوجد في بريدة أي مشروع ناجح واذا نجح فأنه ينجح في أول ثلاث سنوات والباقي يفشل .... ؟ أتحدى أي واحد يجيب لي مشروع ناجح أو مشروع مكتمل في بريدة ونجح بعد الأكتمال وواصل أكثر من ثلاث سنوات ؟؟؟ لا يجي أحد يقول النخيل أو العثيم تراهم مشاريع خاصة أو أحد يجي ويقول المشاريع الخيرية تراها مشاريع 70% من نفقات المواطنين |
ماتبي مشاريع خاصة ( وقطاع خاص ) ولا خيرية وش بقى الله يرحم والديك !!
طيب مطعم الشام شامك يمشي الحال ولا فيه شي ؟ |
اقتباس:
أنا أقصد مشاريع حكومية مثال أسوق مكة أو أسواق الغد مع أني أشك انها تبع هوامير في بريدة :confused: |
^^^^^^^
ايه تقصد مشاريع حكومية مدي ليش دايم اربط بين المشاريع الحكومية والفساد !! ما ادري ليش ؟ يمكن اني واهم ؛ |
فيه سوق التمور وايضاً سوق الانعام اعتبرها ناجحه وممتازه ومكان مناسب لكل منهما ....:41
|
اخيي ومن قالك أن أسواق مكه والغد حكوميه ؟!!!!
ومن قالك إن أصلا فيه مشاريع حكوميه !!! |
سم لنا مشروع ناجح او لم ينجح |
اذا مشاريع صناعية رح الصناعية بطريق عنيزة كلة مشاريع ناجحة الدوائية وزجاج والابلاستيك والورق وتصدر لخارج المملكة.. اذا قصدك اسواق سوق التمور والخضار والمواشي ومن الشركات اسواق العثيم وهيبر بندة بجميع فروعهم عمائر الراجحي طريق الملك خالد رغبات حتى تحصل على محل اذا تبي تابع البلدية السوق الداخلي اللى امام قبة رشيد رغبات عالية .. صناعية السليم والرواف ناجحة.. اذا مشاريع صحية عندك الحبيب وجميع المستوصفات وعيادات الاسنان والعيون الاهلية اصبحت مواعيد مثل الحكومي مشروع ساهر ناجح وفي تطور مستمر!!! هذي مشاريع حكومية واهلية خذ اللى تبي منها هذا رغم وحسب ما نسمع تعقيدات البلدية بالتراخيص لكثير من المستثمرين يحاول طرح مشروعه ويتعقد من البدية ويكنسل!!! |
مشروع اعادة بناء مستشفي المركزي قريباً إن شاء الله مستشفي الجامعي ببريدة في الجامعة بداء العمل علي طريق مكة القصيم وطريق الجبيل بريدة من جهة الشمال طريق الملك عبدالله أنشاء منتزة الملك عبدالله علي طريق الملك فهد قريباً الافتتاح |
وين الدين وين أهله ؟
|
. خبز السلمان :) |
يا جماعة اقصد مشروع حكومي
ومشروع التمور ما كمل سنتين وأتكلم عن المبنى مو المبسط ومستشفى المركزي الجميع يتكلم عن فشل التقسيم بين اقسام الطواري واتحويلات من المستشفيات الاخرى |
المشروع الوحيد الذي نجح وبكل امتياز نظام ساهر رغم ان صالح كامل له نسبه من الدخل
|
مشاريع حكومية يعني البنية التحتية منها الأمارة صندوق التنمية الزراعي فرع وزارة الخدمة المدنية جامعة القصيم بكلياتها فرع وزارة الشؤون الأسلامية البريد السعودي الشرط الهلال الأحمر الدفاع المدني الجوازات صندوق التنمية العقاري مدينة الملك عبدالله الرياضية وغيرها بس اللي ماني فاهم حكومية وش تقصد فيها هذي البنية التحتية ممكن تنورنا طال عمرك |
والله إنك خلطت في الأمور الله يصلحك
لكن كل المشاريع الحكومية ناجحة 100% لأنها للحكومة إلا على طاري المشاريع ما تلاحظون إن المرور صار مشروع حكومي ناجح بكل المقاييس وفي تطور عجيب للجباية والدخل حتى غطا على الجوازات !!! لكن ما نقول إلا حسبنا الله ونعم الوكيل |
مشرو ع بناء ملعب لـزعيم القصيم رائد التـحدي
والشقيق الاصغر التعاون لم يتم البناء حتى الان |
الحمدالله عندي محطة بنزين في البصر الطريق العام محطة (فهد بن محمد ? ) ولها 8 سنوات والحمدالله ناجحه
|
ooo1 اخ تركي ممكن تكون انت مشروع حكومي ناجح , مجرد بقائك ع الوظيفه حتى التقاعد وتنتج. تعتبر مشروع ناجح حدد المشاريع التي بوجهة نظرك انشأت ولم تستمر . |
يقول كل المشاريع الحكومية ناجه وانا أشوف أغلب الأعضاء ما فهم الموضوع لما أقول
مشروع حكومي مثال (( كلية التقنية ببريدة )) غير ناجح مشروع مشروع كلية البنات في البشر أو الأسكان تحديداً غير ناجح الي يقول مشاريع مثل محطات وأسواق جميعها ترجع لأفراد أو شركات مساهمة حتى الأن لم اشاهد عضو أتا لي بمشروع حكومي ناجح في بريدة واصل لثلاث سنوات نجاحه |
هههههه الله يهديك ياخوي انت متأكد 100% انه لايوجد اي مشروع ناجح لو مشييريع صغنطوط
شوف أخوي انا اتوقع فيه اليهو مشروع أقدم من القديم ولا غنا للأي دوله عنه الي هو {محكة بريده المحكمه } بس اشي السلبي الوحيد هو ان المبنى مستأجر وليس ملك مستأجر من الرواف |
شكلك ماعندك موضوع انت ههههههههههه
لكن ترى الغد واسواق مكه ليست مشاريع حكوميه انما خاصه لكن سبب فشلها ان الارض سمعت انها مسروقه اومغصوبه سمعت لكن ابتأكد لكمواعلمكم حتى الصناعيه لم تنجح |
اقتباس:
|
المدارس والاسواق الداخليه وفيه شركات عطور واكسسوارات مثل زهور الريف ومرايا
|
اسواق الغد مهب حكومية وبعدين مهب فاشله يعني كل هالمحلات الشغاله فيها وفاشله بعد؟؟؟؟؟؟؟
او عشان انواره مهب كثيرة مثل النخيل والعثيم؟؟؟؟ |
| الساعة الآن +4: 11:26 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.