الي يعرف يرد
 

انا رفعت طلاق علي زوجي بعدين القاضي حولنا علي اصلاح ذات البين ولمن كلموني انا رفضت الصلح ابغي الطلاق وذحين اعطوني جلسه بعد شهر سؤالي راح يحكم القاضي بالطلاق في هذي الجلسه ولا في جلسه ثانيه

اختي الفاضلة

المفتى العام حفظه الله اعتقد هو المخول بأمور الطلاق
بإمكانك البحث عنه رقم مكتبه بقوقل

أاتوقع راح تندمين ع هالشي
تعوذي من الشيطان
واذا عندك عيال وش مصيرهم اخيه.

جربتي السفر للعمر
مع زوجك لتتمتعا بلذة الإيمان في مكة مع بعضكما البعض افضل لك إفتـحـي صفـحة جديدة كل الناس يصير بينهم مشاكل

أذكر أن أمور الطلاق عند المفتي .


مايدرى وين الخيره , لكن , الله يوفقكم لكل خير .


قساوة : الطلاق ليس بلوى , بل نعمة أحيانا .

الله يسرلك امرك

الله يعينك ....

الله يعينك اختي باقيلك سنتين او ثلاث لمن تخلصين ويحكمون الحكم النهائي

مشكورين ماقصرتو

قساوه انتي فعلا لك من اسمك نصيب

اهات انا ماعندي اطفال ثاني شي في بعض الاحيان الطلاق رحمه زي حالتي

ميمو تتكلم جد هذا ظلم الله يعين

يالغاليه فيه وحده قريبتي مثلك رفعت قضيه طلاق على زوجها بس هو مدمن مخدرات مابه طب لدرجة صار انه اثرت عليه الحبوب الله لايبلانا وبعدها حولوها للاصلاح وتم الصلح عشان تبري ذمتها لان عندها اطفال بس لما ارجعت له كتب الله لها عمر جديد بغى يذبحها وهربت منه ورجعت للمحكمه وكل يوم جلسات ومواعيد وهو يماطل مايجي وهالكلام من العام وهو يماطل تعبت نفسيتها وماتدري وش تسوي حتى مايصرف ريال على اطفالها ولين الحين رايحه جايه للمحكمه وهو يسرح ويمرح على كيفه والضحيه الزوجا والاطفال وش تسوي بهم كيف تصرف عليهم والله حالتها تقطع القلب حسبي الله عليه ياجعل ربي ينتقم منه ظالم فاجر عاق كلها مجتمعه فيه الى متى ليش ماينهون قضيتها ويطلقونها منه حرام والله احيانا اشوف ان الحرمه ضايع حقها وهذا الواقع واتمنى اللي ماعاش المعاناه اللي شافتها مايقعد يتفلسف علينا شافت اللي محد شافه ٧ سنوات معاناه مع مدمن ومريض نفسي كلها مجتمعه فيه يالله يارب افرج همها ياكريم

الله يسخره لك