|
مساعده / متزوج ولديـه طفليـن ويبحث عن وظيفــَـه ..!
السلام عليكم ورحمة الله وبركاته اخواني الموضوع بـ اختصار انا متزوج ولدي طفليـن الله يصلحهم وموظف فـ شركه رآتبي 2600 ريال فتـره وحـده 12 ساعه ويعلم الله سبحانه ان ظروفي الماديه صعبه ولا يتعدى خمس ايام من استلام الراتب الى وحسابي اصفار اجار بيتي 14 الف ريال ومصاريف وفواتير واغراض للمنزل والاطفال والوضع صعب جدآ .. الي عنده لي وظيفه محترمه بالقصيم / بريده ماعندي مشكله لو دوامين بشرط يكون فيه راحه بالاسبوع ومرتب كويس اقل شي 4000 ريال مو تشرط لكن ظروف الحياة .. الله يعلم اني ماكتبت الموضوع الى بعد تفكييير طوييل واتمنى من الاداره جزاه الله الف خير عدم حذف موضوعي للاهمييه للتواصل عبر الخاص والسلام عليكم ورحمة الله وبركاته |
قدم على شركه المجآل حقت نقـل آلآموآل اللي بالسآلميه اذكر قبل فتره طآلبين موظفين بس وآلله مآدري وش شروطهم روآتبهم حلوهـ تبدآء من 4 و دوآمهم 8 إلى 9 سآعآت والله يخلي لك عيآلك ويسر آمورك ويرزقك الوظيفه |
اقتباس:
|
اقتباس:
حياك الله يالغالي وراح ازورهم بـ اذن الله تعالى شكرا لـكَ .. |
اقتباس:
لم توضح لي وسيلة التواصل ولك الشكر مقدماًُ |
الله يرزقك
|
الله يوفقك ويرزقك الرزق الحلال
|
سمعت عن وظائف باجة الراتب ٤ بس تاكد او ادخل موقعهم
|
الله يوفقك يارب ويرزقك
|
الله يرزقك والمسلمين
|
أكثر من الدعاء والأستغفار وأبحث حتى يغنيك الله
فالأنسان لاييئس |
فكر بالمشاوير الخاصه ,, مع المحرم ,, مربح جدا + توصيل المعلمات او الطالبات |
الله يرزقك الوظيفه عاجلا غير اجل ، ويخلي لك عيالك ويصلحهم ...
|
اقتباس:
توصيل المعلمااات اللي بالقرى مرررربح مرره أختي تدرس بقريه والنقل ياخذ من كل مدرسه بالشهر 1200 وعدد المدرسات 7 يعني شهريا ياخذ 8400 والله يزيييده ويوفقه وفيه بعضهم ياخذ اكثرر يعني على حسب المسافه ... ومن الظهر بتكوون فاضي ماعندك شغل والله يرزقك الوظيييفه اللي تناسبك ... |
الله يرزقك ووسعهلك من بابه الكريم يارب العالمين
|
جزاكم الله كل خير وبخصوص نقل المعلمات او الطالبات سبق وان نقلت فيها صعوبه شوي ومسؤوليه عشان كذا ابتعدت عنهاا والله يرزقنا وياكم |
أعجبني طرحك حاجتك وهكذا ينبغي أن نكون جسدا واحدا .. والدنيا وظروف الحياة صعبة جدا لابد من دخل جيد ,أسأل الله لك الخير والرزق الحلال عاجلا غير آجل ..آمين يارب.. ولو تفكر في استقدام عاملة وتأجيرها مع عمل مسائي يناسبك ,,الخادمة أستئجرناها من عائلة ببريدة شهر واحد فقط بـ4000 ريال والأسبوع الواحد بـ1200 ريال !! |
اختـي برنسيسة سالفة الخدم مشكلتها مشكله وفيه اصحاب لي راعين تاجير خدامات وعماله اخرى الشغله حلوه ومكاسبها احلى لكن ارى ان فيها ظلم للخادم من جهه ومن جهه اخرى لو قدر الله سرقت وهربت انا الي راح اكون بالوجه وهاذا شي حاصل امامي لذالك اكتفي بـ وظيفة افضل لي من فتح ابواب .. وجزاك الله كل خير |
فييه سوبر ماركت العثيم وظايف
قارية لهم اعلان بمجلتهم حقت العروض |
مستشفي الحبيب عندهم وظائف قدم وإن شاء الله يتم قبولك طريقتهم شوي طويله يقابلك كذا شخص لكن بالاخير تحصل الوظيفه |
|
اللهم ارزقة ويسر امرة وفرج كربة
اللهم افتح له ابواب رحمتك وارزقة من حيث لا يحتسب اكثر من الاستغفار فانها تفتح الاقفال. |
يارب عبدك الفقير انت ارحم منا انك ترزقة رزق حلال
|
آلله يرزقققققققك ويوفقك ,
آلزم الاستغفـــــــــــــــآآر . |
الله يرزقك
|
اللهم ياكريم ارزقه من حيث لايحتــسب 1 / أرامــكو < وطبعا رواتبهم عالية :41 2 / يوجد وظائف حراس امن بالمدارس براتب 4 الاف حسب اعلان وزير التربية والتعليم اليوم http://www.burnews.com/news-action-show-id-37299.htm 3 / العمل كمعقب لأحد الشركات او المؤسسات 4 / بنده , كارفور , العثيم بحاجة الى سعوديين رسالة لكل شخص باحث عن عمل /// لاتحقرن شيئا من الاعمال شيئا سيرزقك الله عاجلا ام اجلاً ... والله الذي جل جلاله انا اعرف شخصيا شخص عمل في العثيم سكيورتي حتى ترقى والان هو مدير لاحد فروعه ماشاء الله :41 أخيراً لابأس في التفكير ببيع الخضار فهو مصدر جيد للرزق حسب مااسمع |
السلام عليكم
أخي اتمنى تقدم اوراقك على دواجن الوطنية و ان شاء بتحصل الي يرضيك . بس معك خبرة ان شاء تنفعك |
مطعم هرفي
وظيفة توصيل طلبات الراتب 3000 من العصر الى 12 |
الله يوفقك وتلقى الوظيفه اللي تغنيك
بس لاتنسى دور لي معك |
الله يوفقك ان شاء الله
عليك بنقل المدرسات داخل بريده او طالبات الجامعه تبي ترتزق وخميس وجمعه نقل مع المحرم داخل بريده |
| الساعة الآن +4: 10:52 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.