|
وين الهيئه عنكم ياشركة الحسون
عندي ملاحظه مهمه جدا على شركة الحسون وخصوصا الفرع القديم الواقع شرق هيئة السوق وهي مايحصل عند الاغلاق لاداء الصلوات او لانتهاء الدوام من اطفاء الانوار وكثير من الحريم مشغوله بتجميع اغراضها وماتسمع التنبيه وماتدري الا المكان مظلم وعماله يمينها ويسارها لاسيما ان فرع الحسون الداخلي كما يقال غار اظلم لو يذبح احد مادري عنه واقترح على ادارة الشركه اولا/ عدم اغلاق الانوار والاكتفاء بتخفيفها ثانيا/ قبل تخفيف الاضاءه الزام جميع العماله مغادرة المركز ومحاسبة من يخالف لاي سبب من الاسباب ثالثا/ فتح الابواب السحاب والواقعه اخر المعرض على الشارع حتى يكون المعرض مكشوف لمن هم خارج المعرض وتقطع الخط على اصحاب النفوس الضعيفه ارجو من ادارة الشركه اخذ هذا المقترح بعين الاعتبار واعلم ان فيهم خير كثير ويفرحون بما يعود بالخير للمجتمع وخاصة اعراض المسلمين
|
إن شاء الله يصل إقتراحكم للمسؤولين
جزاكم الله خير وتُشكرون على غيرتكم |
لا صار وقت صلاه ولا تاخر الوقت لا احد يتدعس تحاسب وتطلع
|
^ هههههههههههههههههه
|
إي والله إنك صادق فجأة ماتدري إلآ الدنيا ظلآآآم خرررمس : d وماحولك إلآ عماال , !! تصرف أعوج من كل محل إذا أراد تسكير المحل قام سكر الأنوار ! بدون تنبيه قبل ! |
قد صار لي هالموقف
وجنبي عامل صررررررررررررررراحة مت من الروووووووعه |
اقتراح أكثر من ممتاز............أرجو تطبيقه
|
والله انك صادق انا ماادخله الفتره الي حول الأذان عشان كذا
وزياده عمالهم وصخين ويخوفون |
والله بعض الحريم ما تدري عن نفسها ما غير مطيره هالعيون بالبضاعة واذا طفاء النور وتعرضت لمشكلة قالت انتم السبب عندك خمس دقائق من أغلاق النور (( يعني ما يمديك تطلعين )) والحسون عمق المحل ما يقارب 50 متر هذي كافية للخروج من المحل خلال ثلاث دقائق والحسون مقدر المدة بــ خمس دقائق - وما يحتاج هيئة وصجت راس وكل ما صار شي قلتو الهيئة |
المفروض مهما كان مايطفون الأنوار وبدال هذا يخلون هالعمال اللي مالهم حاجه يدورون ويطالبون المتسوقات بالخروج مع الترديد بالمكرفون خروج للصلاه |
إي والله إنك صادق
فجأة ماتدري إلآ الدنيا ظلآآآم : d وماحولك إلآ عماال , |
لاحول ولاقوة الابالله
|
والله صحيح أمس حنا بوه طفوالانوار وخفنا خصوصن القسم النسائي
|
المفروض الهيئه جزاهم الله خير على جهودهم المعرفه بعمل الخير للمسليمن التركيز على المحلات الكبيره في داخل السوق لهذا الموضوع والنسوان الله يهديم مايدون تفكر في الملابس والصحون ولو تدخل مخه لقيت بزران يكلون فيشار نسمه ويلعبون بحوش راسه ويكسرون الصحون والشغاله تاكل اندومي كفو ياام 00000 عظيمه ياست:105::105:
|
والله صارلي هالموقف وتكلمت عليهم وحذرتهم وقلت إذ تكرر منكم سوف ابلغ الهيئه فستجابو وقتها وعتذرو بقوه
|
مو الحسون بس حتى الشامل ماتشوف الا الانوار طافيه فجئه بدون انذار
|
انا مره صار لي نفس الموقف مااشوف الاابو هنود يناظر ويضحك وربي فلم رعب
|
اثر الكثير يشتكون من هالمشكله يالله عسى الحسون ينتبه ويعالج المشكله
|
صحيح الكهرب ما يطفي لا وحريم وعند عمالة الله يستر وخرتة معلي مشفتك الي يطفي الكهرب وفية حريم ذا مجرام
الي الا محارم يجب حلة عاجل |
لا تسكروا لا تسكروا:oo:oo:oo
المفروض لا يطفون انوار ولا شي ولا يسكر المحل يكون مفتوح والحريم ما راح يصلن الا ببيوتهن ....... واذا سكروا المحل تجمعن برى عند بابه كأنهن خليت نحل لا تسكروا لا تسكروا:oo:oo:oo |
اقتباس:
الله يحفظ لنا الهيئه ^ لو ماقلنا هيئه من بيحل مشكلة هالأهمال والمسأله فيها عرض مو شي بسسيط!! |
بعض الحريم تصير حاملة أثقال من الاكياس والاقمشة والطاقات واذا أذن وطفي الانوار والمسافة 50 متر ومحملة ستة أكياس يصلون ويفتحون لم تصل الى المحاسب |
وه بس تحطون من الحبه قبه
على طاري القبه بنات من راح للقبه نزل شي جديد |
(وَقَرْنَ فِي بُيُوتِكُنَّ وَلا تَبَرَّجْنَ تَبَرُّجَ الْجَاهِلِيَّةِ الأُولَى)
|
لاحول ولاقوة الابالله
|
صحيح صحيح
تنبيه جميل يدل على فكر راقي ومتيقظ بارك الله فيك وجزاك عني خير الجزاء |
| الساعة الآن +4: 10:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.