|
حسد حتى الصميم
والله فشلونا أهلنا
عندما أمر بشارع الخبيب وتحديدا موقف التكاسي بجانب إشارة الصافي أرى مايحزن القلب ويدمي العين : الحسد في جميع صوره تجد السعودي ينزل مترجلاً من سيارته يتتبع العمال من أجل ريالين أو ثلاثة يقول؛ مدير فين روح إنته ومن الجهة الأخرى ينزل شخص آخر يقول: صديق فين روح وكأنهم يتنافسون على كنز يقول العامل أنا مافي روح صديق أش هذا قرقر وهو يريد الذهاب مع ابن جنسه يريد له المصلحة ماعلينا لكن ذولي اللي فشلونا السعوديين يطاردوا العمال من أجل ريالين مادرى المسكين أنه لن يأخذ إلا ماكتب له ترجل من سيارته أم بقي فيها لكن نريد الرقي حتى في مشاوير السيارات |
هذي شغلتهم وتعودو عليها من نعومة أظافرهم
|
اقووول توكل جالس بابين انت ولاتعرف معانت الناسع الواحد عنه عايله وش يسوي لازم يلاحقهم
كل شيء مكتوب ليش تنزل الوضوع مكتوب لهم العناء والتعب |
وراااه وين هي بوووه الفشله علشانهم ياكلون من عرق جبينهم؟؟ تقووول فشلوونا أهلناااا عجيب والله العطااااله شبح قاااتل للسعوديين وأنت تقول فشلونا ي ابن الحلال خلهم يعيشون والشغل مو عيب الله يوفقهم ويرزقهم من واسع فضله حافز وبووه منه بعد خلهم يراكضون ورا هالعماله اللي كلوا فلوسنا غدينا نرد لو ربع قروشنااا اللي راااحت لديارهم
|
الله يغنيهم ولا يحيجهم للريال والريالين
احمد ربك على النعمة |
|
الله يرزقهم ويرزقنا...
|
والله اذا فيه حسد فأنت منبعه يااخي استح على وجهك هذا موضوع تكتب عنه اذا انت شايف ان الوضع مايسرك رح اجمعهم ووزع عليهم رواتب شهريه تكفيهم وتكفي مصاريف عوايلهم اما انك قاعد تبربر من ورى الشاشه وماهمك الا الحسد وبس وفشلونا وفشلونا عساك للفشيله اللي موب ذي ناااس همج وربي |
وبعدين تعال كفشك ابو رامي يالنصاب شفت انك منبع الحسد كله صرت منهم وفيهم وتسبهم وتحسدهم من وراهم |
ياحبيبي يالمبتسم ,,, أول شي اقول مهوب مكان للموضوع ثاني شي والله ماراح لاحق الريالين الا هو محتاجهن لو الله معطيه كان ماراح واذا كنت تخشا الفشيلة ابد فسر ذرعانك وتصدق عليهم على ريالين بس لاتزود والله يجزاك خير او انك تجلد بمكانك وتسكت احسن لك وابرك لك تقبل مروري |
انت ماتستحي على وجهگ ..!!!!
اللي يدور رزقه بالحلال هو الللي صار يفشل !!! متخلف للاسف يعطيك العافيه ابو رااامي وضحت لنا السالفه اكثر .. |
للأسف حتى في ردودنا نحتاج إلى دورات تدريبية
كشفك أبو رامي كأني مرتكب جريمة ههههه للتوضيح: ١- لازلت متمسكاً برأيي أن السعودي له الأحقية في ثروات هذا البلد ٢- شوف مثلاً مكة جدة الرياض ومدن كثيرة لاتجد الكداد ينزل من السيارة ويتتبع الزبون في المشاوير الداخلية يجلس يدور بسيارته ويحصل رزقه ٣- لاتجد في مدن المملكة قيمة المشوار أقل من خمسة ريالات مو بريالين ٤- نزول الكداد وتتبعه للعمالة أليس فيها تقليل من كرامة السعودي جميع ماذكر ألا يدل على الحسد وأخيراً هذا المنتدى لي ولغيري نكتب مانراه فإن أعجبك الموضوع فأترك أثراً طيباً يعكس أخلاقك وإن لم يعجبك فالمواضيع كثر تنقل بينها وخلف أثراً يعكس تعليمك |
لا لا تعليق ع الموضوع!!!
|
اقتباس:
|
وانت وش دخلك فيهم خلهم يترزقون الله هذي لقمه عيشهم
|
وزع عليهم قروش وشف هم ينزلون
ولو جاهم الزبون وهم بالسيارة ماراحوا يدورونهم الله ينصر السعوديين على من ظلمهم |
الله يغنيهم |
أخي المبتسم مهما كان هؤلاء أخواننا وأبناء البلد والمفروض نشجعهم وعملهم بعرق جبينهم أفضل من السؤال ومد اليد للحرام وما دام أنه عمل شريف الحمد لله وجميع المدن اللي ذكرته مثل بريدة ماتفرق كلهم يصوتون عند المواقف اللي يتجمعون عنده للمشاوير وهذا مانشاهده بالرياض وجدة والمدينة وغيرها وخصوصاً عند الحرم المكي والنبوي والله يرزق الجميع |
تصدقون ياإخوان أنه من خلال ١٧ رد (عضو) لم أجد في مرور هذا الموضوع إلا عضواً واحداً رده محترماً قرأت رده فحسيت تفكيري تغيّر ١٨٠ درجة
العضو أبو رامي الذي أرفع قبعتي له بالتقدير والإحترام ففعلاً الله يرزقهم الرزق الحلال ومن غلط عليّ من خلال رده لن أجاريه بأسلوبه فالله حكم بيني وبينهم فأقول لجميع الإخوان إذا قرأت موضوعاً كهذا تشعر أن فيه تهجم على الغير فخاطبه وحاوره بالتي هي أحسن كما أمرنا الله في إستخدامها لدعوة (الكفار )حتى تغير الخطأ الذي تسلل لتفكيره ويكون لك الأجر بذلك كما فعل معي( أبو رامي )جزاه الله عني خير الجزاء فهذه فائدة هذه المنتديات تحياتي |
من كان مقتدر يراي الناس مثلة انظر الي الليموزين اجانب وسيارات جديدة وتسلم لة بابسط الاجراءت بخلاف السعودي
|
اقتباس:
فعلا اخوي ابو رامي كلامك صحيح مافي شي اسمه عيب رجال جاي يتشتغل من اجل لقمه العيش |
| الساعة الآن +4: 06:54 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.