|
مدرسه ابتدائيه تمنع حفل التخرج لسادس؟؟؟؟؟؟
فيه مدرسه لقريبتي واعرف اسمه بس ماله داعي التشهير حتى اتاكد منكم
رفضو يحطون للبنات حفل تخرج بالمدرسه لصف سادس بحجة انه واصل تعميم يمنع الحفلات التخرج بالمدرسه ومن غير المعقول واصرار البنات على نهج غيرهن من المدارس هن اللي استاجرن استراحه ويبي يحطن حفل تخرج لهن هل من المعقول انه بجميع مدارس بريده جاء التطبيق على المدرسه هذي او تطبيق هالمديره للتعميم بهذه السرعه والله العظيم لو معطينهن ورقه تكريم ودارن باعباة التخرج وفرحن الزم من اننا ان خليناهن بالاستراحه الحالهن خطر والامهات ماتوقع يجن كلهن ( تخيلو بنات صغار يصلحن حفل باستراحه؟؟؟؟؟؟؟؟؟؟ واذا قلنا للبنات مافيه استراحه صاحن وانهبلن كل وحده تقول وشحيف فلانه وعلانه لهن تخرج وحنا لااااا الحل معهم ومعهن:i121:i121:i121 |
خبر جميل
حفلات التخرج من تعظيم الصغائر وتتفيه النشء |
فعلا التعميم وصل بمنع حفلات التخرج
والله يوفق اللي منعه ماأخذنا الا الخسارة والتعب على الفاضي.. |
وهن من قالهن يحطن حفل بستراحه المديره وش دخله بهن المديره مع النظام الله يجزاه خير صراحه حفلات التخرج باالتالي تظيق الصدر كله تقاليد وعادات غيرمرظيه إسراف ولبس قبعات مادري منين جايه وعبايات تخرج
لكن الله المستعان |
الله يجزاه خير المديره والله يجزي اللي طلع القرار كل خير
|
صحيح ان هناك تعميم يمنع الاحتفال خارج المدرسه ولكن يطبق في السنه القادمه وليس هذه السنه
الخبر اكيد اكيد اكيد ان التعميم للسنة القادمه |
اشكر جميع من رد على الموضوع
لكني انا ضد الحفل لانه خرابيط وعبايات وقبعات لم نلبسها الا في حفل التخرج من الكليه اما الحين البزران (روضه تخرج+سادس تخرج+متوسط تخرج+ثانوي تخرج)كثرت ودبلت واللي قهرن انه لو بعد التعميم اما كل المدارس امنعت او كلهم سوو لهم حفل لانكم ماتنفكون من وش حيث فلانه وعلانه:i121 رفعو ضغطنا بشحيث |
ازين حومو اتسبدنا بالحفلات حتى الروضه يحطون لهم خربو طعمه
هي للجامعات بس الحين بدو كل مرحله حفل تخرج ماله داعي طلع لنا بدعآ مانعرفه |
فعلا التعميم وصل بمنع حفلات التخرج |
طيب وش رايك بمدرسة السابعة والستون الابتدائيه شاوفوا بالبنات انهم بيحطون حفل تخرج ولهن سنه من القهر البنات يدهرن ويشرن ويغلفن ومن محل لمحل واخر شي تلغي المرشدة الحفل بسبب ان بنت معلمة جابت اي باد ؟؟؟ العقوبة اكلنه البنات كلللهن علشان بنت معلمة اخطت لو غيرة كان عاقبوه هي شخصياً ومنعوه من الحضور لكن بنت معلمة لااا ياكلنه بنات الناس لكن حسبي الله ونعم الوكيل على كل من بدد فرحت هالبزران ورجاءً رجاءً من الادارة عدم حذف الرد لان فيه ظلم للطالبات على حساب بنت يعاقبن 20 لو من الاساس ماعشموهن وشفوبهن عادي مافي مشكله لكن قبل الحفل بكم يوم تلغونه ؟!! حسبي الله ونعم الوكيل على من كان السبب |
كله بهرجة وكلام فاضي إذا تخرجت من الجامعة حطي له كيكة وسفن أب .
|
اقتباس:
روووووعه :d(f) |
اقتباس:
|
المفروض زينته المديره هالمره مثل باقي المدارس والسنه اللي تجي انشاء الله يعلمون الطالبات من البدايه انه ممنوع
وجهة نظر:42:rolleyes: |
ليتك تقولين اسم المدرسة علشان تعتبر مديرة المدرسة من المديرات التي يجب ان تكرم على مستوى المنطقة
وش الخرابيط تخرج بكرا تقولون الروضه وبعدين احتفال تخرج من البيت للمدرسة هذي خرابيط حفل التخرج بس بالجامعات فقط فقط نبتل نعلمكم والله مصخره |
حقيقة قرار حكيم
|
احس حفلات التخرج بقدر ماهي ممتعه و جميله بقدر ماهي مكلفه للاهالي
ان كنا حنا مقتدرين فالبعض صعب عليه صعب حيل |
حتى حنى المدبر رفض:eek5
|
المديرة أحسنت بالمنع
و خروج الطالبات لإستراحة هذا امر عائد على التربية وطريقة إقناع الأم للبنت هل يعقل أن تستأجر إستراحة لبنات بعمر 12 سنة .. والله ظلم لهن ومهما كان المفروض تعوض البنات بشيء أخر غير الإستراحة بناتنا بالثانوي ورفضنا إنهن يستأجرن وعوضناهم بحفلة بالبيت |
كل عمركم تنجحون بلى حفلات ترا هالحفلات ماجتنا الا من فتره قصيره يعني الدعوا تقليد في تقليد وحفلة التخرج للي يتخرج من الجامعه موب كل من نجح وراح لمرحله قال يالله ابي حفله اجل الروضه لهم حفل تخرج:eek:
الفرحه لاصرت متعافيه وعايشه بين اهلي وبأمن وامان ولا الحفلات والخرابيط مامنها فايده راس مالكم تبي تنامون على وثيقة التخرج مثل ماناموا غيركم..:d |
الله يديك بس يا ورد
مسويه صجه على فلانه جابت بطاطس وحلى وفطائر خليك بحالك الله يهديك حفل تخرج سويه ببيتكم واعزمي زميلاتك كلهم واحتفلوا واستانسوا انتي زعلانه علشان كذا يا عيوني على العموم ألف مبروووووووووك التخرج يا كبار |
اقتباس:
|
اقتباس:
خير ان شاء الله المدارس يسوون حفل تخرج وحنى لا لو أن المدارس ما يسوون كن ما سون البنات بالأستراحه |
نعم شئ يقهر
|
اقتباس:
|
اقتباس:
لانه اما المدارس كله لاااااااا اذا جاء التعميم او كلهم طبقووووووووه والمنع السنه الجايه وبعدين اللي ماعنده بنات ويبلشنهم لايقول وشوله او هذا شي عادي مهب لازم لانه ماجرب الزنين اللي يقهر تبدا السنه الجايه وهم يبلشوننا ترانا ناجحين عطونا وحطو لنا عاااااااد كله تقييم وواحدات الحمد لله والشكر ياااااااااارب اللهم ارزقنا شكر نعمتك والصبر على ابنائنا وارزقنا صلاح النيه والذريه |
لو الحفله مقتصرا على أناشيد ومسرحيه وترفيه مع تورته وعصاير كان مب مشكله المشكله صارت الدعوى مفاخر وكل مدرسه تقول الزين عندي وخسائر مالها داعي ووالله انه بلغني ان مدرسه عندنا كلفها الحفل خمسة عشر الف
إخوان لنا لا يجدون قوت يومهم ونحن بذخ وتبذير |
يا ليت كذا بس هالمديره ما خلت شي ما منعته
الله لا يوفقه |
المدرسه الواحده والأربعو و المديره هيله الدهيش
لا تحذفون الرد |
حفلة تخرج
شهادة سادس وشهادة متوسط لو بيقدمون بها على وظايف ما تعينوا ولا مستخدم الثانوي ممكن جدا يحطون حفل تخرج بيتفرقون ويبدؤن مرحلة جديدة واسلوب دراسي جديد أما ابتدائي ومتوسط بدعة وسنة سيئة وخساير واللي عندة بنت بسادس وبنت بمتوسط مضطر يأجل سداد فواتيرة عشان يسدد 300 قطة الحفلات !! عشان يقال شوفوا المرشدة وش حطت وشوفوا المدرسة الفلانية حفلهم يا زينة واللي دافع تكاليفة ولي الأمر ورزق للخياطين ووكالات الدعاية والإعلان !! ورد وكاسات عليها طباعة وعبايات وهدايا ودروع وضيافة وفرشات وعرض برجكتور وقصيدة و...و...و... الناس خلوا الزواجات من التكاليف المبالغ فيها وبزر تبي حفلة تخرج اركدوا بس شوفوا حال المسلمين في كل مكان وشلون تشتهي انفسكم الحفلات !! |
مروه
وش اسم المدرسة لا تصير مدرسه أختي بسيون حفل ب استراحه مدري شاليه |
آنآ آشوف ان حففل التخررج مب غلطط , وبالذات للصغارين ., مابه الا اجر ادخال السرؤر عليهمم ,, ودايم الصغارين يرضيهم اي شي , وش هالمديره اللي ذابحه النظاام تطبق وحوله ملايين ماطبقوا ,, بس حرمممت البنات الفرححه , وطبعا التخرج بالمدرسه ومع مشاركة المدرسات وصديقاتهم من الفصول الثاني اطععععم بكثييررر من انه باستراحححهه , |
الشهاده ما عطتنا بس ورقه مكتوب الأرقام
|
ويا شمووخ نجد حنا مب بزران حسني ألفاضكـ
|
احساس يوم انتم صغار تسون حفل يوم عجزتم ماتسون يا عادمن الاحساس |
اللحين بعضكم فرح بالقرار هذا : /
لو ان المديره مسويه حفل احسن من انهم يطلعون ويبذحون واغلب المدارس كذا اي مدرسه تمنع المديره به الحفل يروحون ويسوون اشياء عظيمه يعني اللحين يوم منعوا الحفلات الناس بتهجد : / ؟ يوم منعوا صاروا الناس بزود مير =)) |
اقتباس:
حبيبتي بإمكانك تقولين رأيك بأسلوب ارقى واجمل : ) الحفل مهب عشان انه بيتغر الأسلوب او عشان الشهاده توظف او لا الحفل يوم يحسسهم بشعور فخر واعتزاز انهم اجتازوا مرحله كامله وانتي ما لك اي حق تحكمين عن بنات سادس والمتوسط بزران كلهم كبارين واجتازوا مراحل شلون بزر وهي مخلصه 6 سنوات ولا مخلصه 9 سنوات هذا شي عظيم ويفتخر فيه كلامك ما فيه ولا سبب اقنعن بمنع التخرج الا من ناحية التكاليف لو تكون بزود يعني : ) |
هوصدق أن التكاليف كثيره بس لو قالت قللو كا احسن
|
كل المدرس لا يحطون حفل تخرج لي سادس البتدائي
|
أوكي كل المدارس حطوا ليش حنى لا وش فرقنا عن غيرنا ليش حنى بالذات
|
حفل التخرج له لذة وفرحة ، حتى لو كان بسيط !
واللي ضد هذه الحفلات اما قاسي أو لا قلب له . المصيبة / المديرة التي تعشم طالباتها بحفل تخرج من بداية السنة ، ثم ترفض !! قمة في سوء الأدب . |
| الساعة الآن +4: 06:51 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.